دی انٹرسیپٹ کے ذریعے حاصل کی گئی پاکستانی حکومت کی ایک خفیہ دستاویز کے مطابق ، امریکی محکمہ خارجہ نے 7 مارچ 2022 کو عمران خان خان کو اج کے عہدے سے ہٹانے کے لیے ’پاکستانی حکومت‘ کی حوصلہ افزائی کی، کیونکہ عمران خان یوکرین پر روسی حملے پر غیرجانبدار رہے تھے
امریکہ میں پاکستانی سفیر اور محکمہ خارجہ کے دو اہلکاروں کے درمیان ہونے والی یہ ملاقات گزشتہ ڈیڑھ سال سے پاکستان میں شدید جانچ پڑتال، تنازعات اور قیاس آرائیوں کا موضوع رہی ہے، کیونکہ خان کے حامیوں اور ان کے فوجی اور سویلین مخالفین کے درمیان طاقت کے حصول کے لیے اس پر ایک رسہ کشی چل رہی تھی۔ سیاسی جدوجہد 5 اگست کو اس وقت بڑھی جب خان کو ’بدعنوانی‘ کے الزام میں تین سال قید کی سزا سنائی گئی اور ان کی معزولی کے بعد دوسری بار انہیں حراست میں لے لیا گیا۔ خان کے حامی ان الزامات کو بے بنیاد قرار دیتے ہیں۔ یہ سزا پاکستان کے مقبول ترین سیاست دان خان کو اس سال کے آخر میں پاکستان میں متوقع انتخابات میں حصہ لینے سے بھی روکتی ہے۔
پاکستانی حکومت کی لیک ہونے والی دستاویز میں امریکی حکام کے ساتھ ملاقات کے ایک ماہ بعد پارلیمنٹ میں عدم اعتماد کا ووٹ ہوا، جس کے نتیجے میں خان کو اقتدار سے ہٹا دیا گیا۔ خیال کیا جاتا ہے کہ یہ عدم اعتماد پر پیش رفت پاکستان کی طاقتور فوج کی حمایت سے کی گئی تھی۔ اس وقت سے، خان اور ان کے حامی فوج اور اس کے سویلین اتحادیوں کے ساتھ جدوجہد میں مصروف ہیں، جن کے بارے میں خان نے دعویٰ کیا ہے کہ انہیں امریکہ کی درخواست پر اقتدار سے ہٹایا گیا تھا۔
پاکستانی کیبل کا متن، جو سفیر کی میٹنگ سے تیار کیا گیا تھا اور پاکستان کو منتقل کیا گیا تھا، پہلے شائع نہیں کیا گیا تھا۔ کیبل، جسے اندرونی طور پر ’سائفر‘ کے نام سے جانا جاتا ہے، جو دھمکی اور پیشکش (کیرٹ اینڈ اسٹک) کو ظاہر کرتا ہے، جو محکمہ خارجہ نے خان کے خلاف دباؤ پیدا کرنے کے لیے استعمال کیے تھے، جس میں وعدہ کیا گیا تھا کہ اگر خان کو ہٹا دیا گیا تو امریکہ پاکستان کے ساتھ گرمجوشی سے تعلقات قائم کرے گا، اور اگر ایسا نہ کیا گیا تو انہیں تنہا کر دیا جائے گا
’خفیہ‘ (سیکرٹ) کے لیبل والی اس دستاویز میں محکمہ خارجہ کے عہدیداروں کے درمیان ہونے والی ملاقات کا بیان شامل ہے، بشمول جنوبی اور وسطی ایشیائی امور کے بیورو کے اسسٹنٹ سیکریٹری آف اسٹیٹ ڈونالڈ لو، اور اسد مجید خان، جو اس وقت امریکہ میں پاکستان کے سفیر تھے
یہ دستاویز دی انٹرسیپٹ کو پاکستانی فوج کے ایک گمنام ذریعے نے فراہم کی تھی، جس نے کہا تھا کہ ان کا عمران خان یا خان کی پارٹی سے کوئی تعلق نہیں ہے۔ انٹرسیپٹ نیچے کیبل کی باڈی شائع کر رہا ہے، متن میں ٹائپنگ کی معمولی غلطیوں کو درست کر رہا ہے کیونکہ اس طرح کی تفصیلات کا استعمال دستاویزات کو واٹر مارک کرنے اور ان کے پھیلاؤ کو ٹریک کرنے کے لیے کیا جا سکتا ہے
دی انٹرسیپٹ کے ذریعے حاصل کردہ دستاویز کا مواد پاکستانی اخبار ڈان اور دیگر جگہوں کی رپورٹنگ سے مطابقت رکھتا ہے، جس میں میٹنگ کے حالات اور کیبل میں ہی تفصیلات بیان کی گئی ہیں، بشمول دی انٹرسیپٹ کی پریزنٹیشن سے خارج کیے گئے درجہ بندی کے نشانات۔ کیبل میں بیان کردہ پاکستان اور امریکہ کے درمیان تعلقات کی حرکیات بعد میں واقعات سے ظاہر ہوئیں۔ کیبل میں، امریکہ نے یوکرین جنگ پر خان کی خارجہ پالیسی پر اعتراض کیا۔ ان کی برطرفی کے بعد ان عہدوں کو فوری طور پر تبدیل کر دیا گیا، جس کے بعد، میٹنگ میں کیے گئے وعدے کے مطابق، امریکہ نے پاکستان کے ساتھ تعلقات بحالی میں گرمجوش دکھائی
یہ سفارتی ملاقات یوکرین پر روسی حملے کے دو ہفتے بعد ہوئی، جس کا آغاز اس وقت ہوا جب خان ماسکو جا رہے تھے، اس دورے نے واشنگٹن کو مشتعل کیا
2 مارچ کو، میٹنگ سے چند دن پہلے، ڈونلڈ لو سے یوکرین کے تنازع میں ہندوستان، سری لنکا اور پاکستان کی غیر جانبداری پر سینیٹ کی خارجہ تعلقات کمیٹی کی سماعت میں سوال کیا گیا تھا۔ سینیٹر کرس وان ہولن، D-Md. کے ایک سوال کے جواب میں، پاکستان کی جانب سے تنازع میں روس کے کردار کی مذمت کرنے والی اقوام متحدہ کی قرارداد سے باز رہنے کے فیصلے کے بارے میں، لو نے کہا، ”وزیراعظم خان نے حال ہی میں ماسکو کا دورہ کیا ہے، لہٰذا مجھے لگتا ہے کہ ہم یہ جاننے کی کوشش کر رہے ہیں کہ اس فیصلے کے بعد وزیر اعظم کے ساتھ خاص طور پر کس طرح انگیج ہونا ہے۔“ وان ہولن اس بات پر ناراض نظر آئے کہ محکمہ خارجہ کے اہلکار اس معاملے پر خان سے رابطے میں نہیں تھے۔
اجلاس سے ایک دن پہلے خان نے ایک ریلی سے خطاب کیا اور یوکرین اور روس کے حوالے سے یورپ کے دھمکی آمیز رویے پر براہ راست جواب دیا، ’’کیا ہم تمہارے غلام ہیں؟‘‘ خان ہجوم پر گرج کر بولا، ”آپ کا ہمارے بارے میں کیا خیال ہے؟ کہ ہم آپ کے غلام ہیں اور آپ ہم سے جو کہیں گے ہم کریں گے؟“ اس نے پوچھا۔ "ہم روس کے دوست ہیں، اور ہم امریکہ کے بھی دوست ہیں۔ ہم چین اور یورپ کے دوست ہیں۔ ہم کسی اتحاد کا حصہ نہیں ہیں۔‘‘
دستاویز کے مطابق ملاقات میں ڈونلڈ لو نے واضح الفاظ میں تنازع میں پاکستان کے موقف سے واشنگٹن کی ناراضگی کے بارے میں بات کی۔ دستاویز میں لو کا حوالہ دیتے ہوئے کہا گیا ہے کہ ’’یہاں (امریکہ) اور یورپ میں لوگ اس بات پر کافی فکر مند ہیں کہ اگر ایسا کوئی مؤقف ممکن بھی ہے تو پاکستان (یوکرین پر) اس قدر جارحانہ طور پر غیر جانبدارانہ موقف کیوں اختیار کر رہا ہے۔ یہ ہمارے لیے اتنا غیر جانبدارانہ موقف نہیں لگتا۔“ لو نے مزید کہا کہ انہوں نے امریکی قومی سلامتی کونسل کے ساتھ اندرونی بات چیت کی ہے اور ”یہ بالکل واضح لگتا ہے کہ یہ وزیر اعظم (عمران خان) کی پالیسی ہے۔“
لو پھر دو ٹوک انداز میں عدم اعتماد کے ووٹ کا مسئلہ اٹھاتے ہیں، ”میرے خیال میں اگر وزیر اعظم (عمران خان) کے خلاف عدم اعتماد کا ووٹ کامیاب ہو جاتا ہے، تو واشنگٹن میں سب کو معاف کر دیا جائے گا کیونکہ روس کے دورے کو وزیر اعظم کے فیصلے کے طور پر دیکھا جا رہا ہے“ دستاویز کے مطابق لو نے کہا، ”ورنہ مجھے لگتا ہے کہ آگے جانا مشکل ہوگا!“
لو نے خبردار کیا کہ اگر صورتحال کو حل نہ کیا گیا تو پاکستان کو وہ اپنے مغربی اتحادیوں کے ہاتھوں پسماندہ کر دے گا۔ لو نے کہا، ”میں یہ نہیں بتا سکتا کہ یورپ اسے کیسے دیکھے گا لیکن مجھے شبہ ہے کہ ان کا ردعمل ایک جیسا ہوگا“ لو نے مزید کہا کہ ”اگر خان اپنے عہدے پر رہے تو انہیں یورپ اور امریکہ کی طرف سے ’تنہائی‘ کا سامنا کرنا پڑ سکتا ہے“
دستاویز کے مطابق، بحث کا اختتام پاکستانی سفیر کے ساتھ اس امید کا اظہار کرتے ہوئے ہوا کہ روس یوکرین جنگ کا مسئلہ ’ہمارے دو طرفہ تعلقات کو متاثر نہیں کرے گا۔‘ لو نے اسے بتایا ”نقصان حقیقی تھا لیکن مہلک نہیں، اور خان کے جانے کے بعد، تعلقات معمول پر آسکتے ہیں۔ میں دلیل دوں گا کہ اس نے ہمارے نقطہ نظر سے تعلقات میں پہلے سے ہی خرابی پیدا کر دی ہے“ لو نے پاکستان میں ’سیاسی صورتحال‘ کو دوبارہ اٹھاتے ہوئے کہا، ”آئیے چند دن انتظار کریں کہ آیا سیاسی صورتحال بدلتی ہے، جس کا مطلب یہ ہوگا کہ اس معاملے پر ہمارا کوئی بڑا اختلاف نہیں ہوگا اور یہ تعلقات کا یہ بگاڑ بہت جلد دور ہوجائے گا۔ دوسری صورت میں، ہمیں اس مسئلے کا سامنا کرنا پڑے گا اور فیصلہ کرنا پڑے گا کہ اسے کس طرح منظم کرنا ہے“
اجلاس کے اگلے دن، 8 مارچ کو، پارلیمنٹ میں خان کے مخالفین عدم اعتماد کے ووٹ کی طرف ایک اہم طریقہ کار کے ساتھ آگے بڑھے ۔
مڈل ایسٹ انسٹیٹیوٹ کے ایک نان ریذیڈنٹ اسکالر اور پاکستان کے ماہر عارف رفیق نے کہا، ”اس ملاقات کے وقت خان کی قسمت پر مہر نہیں لگائی گئی تھی، لیکن یہ کمزور تھی۔ بائیڈن انتظامیہ پاکستان کے اصل مقتدر لوگوں کو یہ پیغام بھیج رہی تھی کہ وہ انہیں پاکستان کے حقیقی حکمرانوں کے طور پر دیکھتے ہیں، اور انہیں یہ اشارہ دیتے ہیں کہ اگر اسے (عمران خان کو) اقتدار سے ہٹا دیا جائے تو حالات بہتر ہوں گے۔“
امریکی انکار
امریکی محکمہ خارجہ نے پہلے اور متعدد مواقع پر اس بات کی تردید کی ہے کہ لو نے پاکستانی ’حکومت‘ پر زور دیا کہ وہ وزیر اعظم عمران خان کو معزول کرے۔ 8 اپریل 2022 کو، جب خان نے الزام لگایا کہ ان کے امریکی مداخلت کے دعوے کو ثابت کرنے والی ایک کیبل موجود ہے، محکمہ خارجہ کی ترجمان جلینا پورٹر سے اس کی سچائی کے بارے میں پوچھا گیا۔ پورٹر نے کہا، ”مجھے صرف دو ٹوک الفاظ میں کہنے دیجئے کہ ان الزامات میں قطعی طور پر کوئی صداقت نہیں ہے۔“
جون 2023 کے اوائل میں، خان نے دی انٹرسیپٹ کے ساتھ انٹرویو میں دوبارہ الزام دہرایا۔ اس وقت محکمہ خارجہ نے تبصرہ کی درخواست کے جواب میں سابقہ تردیدوں کا حوالہ دیا۔
خان پیچھے نہیں ہٹے، اور محکمہ خارجہ نے جون اور جولائی کے دوران، کم از کم تین بار پریس کانفرنسوں میں اور ایک بار پھر پاکستان کے ایک ڈپٹی اسسٹنٹ سیکرٹری آف سٹیٹ کی تقریر میں، جس نے ان دعوؤں کو ’پروپیگنڈا، جھوٹی معلومات، اور غلط معلومات۔‘ قرار دیا۔ تازہ ترین موقع پر محکمہ خارجہ کے ترجمان ملر نے اس سوال کا ہنستے ہوئے مذاق اڑایا۔ ملر نے کہا ، ”مجھے لگتا ہے کہ مجھے صرف ایک نشانی لانے کی ضرورت ہے جسے میں اس سوال کے جواب میں روک سکتا ہوں اور کہہ سکتا ہوں کہ یہ الزام درست نہیں ہے۔ میں نہیں جانتا کہ میں اسے کتنی بار دہراؤں… امریکہ پاکستان یا کسی دوسرے ملک میں ایک سیاسی امیدوار یا پارٹی کے مقابلے میں دوسری کی حمایت نہیں کرتا“
جب کہ کیبل/سائفر کے معاملے پر عوام اور پریس میں ایک بحث چل رہی ہے، فوج نے پاکستانی سول سوسائٹی پر ایک بے مثال کریک ڈاؤن شروع کیا ہے تاکہ ملک میں اختلاف رائے اور آزادانہ اظہار کو خاموش کرایا جا سکے
حالیہ مہینوں میں، فوج کی زیرقیادت حکومت نے نہ صرف اختلاف کرنے والوں کے خلاف بلکہ اپنے اداروں کے اندر مشتبہ لیک کرنے والوں کے خلاف بھی کریک ڈاؤن کیا، گزشتہ ہفتے ایک قانون پاس کیا گیا جو بغیر وارنٹ تلاشیوں اور آواز اٹھانے والوں کے لیے طویل جیل کی سزاؤں کی اجازت دیتا ہے۔ خان کی حمایت کے عوامی مظاہرے سے متزلزل، جس کا اظہار اس مئی میں بڑے پیمانے پر مظاہروں اور ہنگاموں کے ایک سلسلے میں کیا گیا تھا، فوج نے اپنے لیے آمرانہ اختیارات بھی متعین کیے ہیں، جو شہری آزادیوں کو بڑی حد تک کم کرتے ہیں، فوج پر تنقید کو جرم بناتے ہیں، ادارے کے پہلے سے ہی وسیع کردار کو مزید وسعت دیتے ہیں۔ ملک کی معیشت، اور فوجی رہنماؤں کو سیاسی اور سول معاملات پر مستقل فیصلہ کن پوزیشن دیتے ہیں
ان واضح اور بڑے جمہوریت مخالف اقدامات کے باوجود امریکی حکام کی طرف سے کوئی مخالفت سامنے نہیں آئی۔ جولائی کے آخر میں، امریکی سینٹرل کمانڈ کے سربراہ، جنرل مائیکل کوریلا نے پاکستان کا دورہ کیا، پھر ایک بیان جاری کیا جس میں کہا گیا تھا کہ ان کا دورہ براہ راست فوجی (ملٹری ٹو ملٹری) تعلقات کو مضبوط بنانے پر مرکوز تھا، جب کہ پاکستان کی سیاسی صورت حال کا کوئی ذکر نہیں کیا۔ اس موسم گرما میں، نمائندہ گریگ کیسر، ڈی-ٹیکساس نے نیشنل ڈیفنس آتھرائزیشن ایکٹ میں ایک اقدام شامل کرنے کی کوشش کی، جس میں محکمہ خارجہ کو پاکستان میں جمہوری پسماندگی کا جائزہ لینے کی ہدایت کی گئی، لیکن ایوان کے فلور پر اسے ووٹ دینے سے انکار کر دیا گیا
پیر کو ایک پریس بریفنگ میں، اس سوال کے جواب میں کہ آیا خان کو منصفانہ ٹرائل ہوا، ملر، محکمہ خارجہ کے ترجمان نے کہا، ”ہم سمجھتے ہیں کہ یہ پاکستان کا اندرونی معاملہ ہے۔“
سیاسی افراتفری
پاکستانی فوج کے ساتھ تعلقات خراب ہونے کے بعد خان کے اقتدار سے ہٹائے جانے کے بعد، اسی ادارے کے بارے خیال کیا جاتا ہے کہ سیاسی عروج کو انجینئر کیا، تیئیس کروڑ عوام کو سیاسی اور اقتصادی بحران میں ڈال دیا ہے۔ خان کی برطرفی اور ان کی پارٹی کو دبانے کے خلاف مظاہروں نے ملک کو اپنی لپیٹ میں لے لیا ہے اور اس کے اداروں کو مفلوج کر دیا ہے، جب کہ پاکستان کے موجودہ رہنما ایک ایسے معاشی بحران کا مقابلہ کرنے کے لیے جدوجہد کر رہے ہیں جو یوکرین پر روسی حملے کے نتیجے میں توانائی کی عالمی قیمتوں پر پڑنے والے اثرات سے پیدا ہوا تھا ۔ موجودہ افراتفری کے نتیجے میں ملک سے مہنگائی اور سرمائے کی اڑان کی شرح حیران کن ہے۔
عام شہریوں کے لیے بگڑتی ہوئی صورت حال کے علاوہ، پاکستانی فوج کی ہدایت پر انتہائی سنسرشپ کا نظام بھی نافذ کیا گیا ہے، جس میں خبر رساں اداروں کو خان کے نام کا ذکر کرنے سے بھی روک دیا گیا ہے، جیسا کہ دی انٹرسیپٹ نے پہلے رپورٹ کیا تھا۔ سول سوسائٹی کے ہزاروں ارکان، جن میں زیادہ تر خان کے حامی ہیں، کو فوج نے حراست میں لے لیا ہے، ایک کریک ڈاؤن جس میں اس سال کے شروع میں خان کی گرفتاری اور چار دن تک حراست میں رکھنے کے بعد شدت اختیار کی گئی، جس سے ملک بھر میں احتجاج شروع ہوا۔ سیکورٹی فورسز کی جانب سے تشدد کی مصدقہ اطلاعات سامنے آئی ہیں، جن میں حراست میں متعدد افراد کی ہلاکت کی اطلاعات ہیں۔
پاکستان کے ایک زمانے میں ہنگامہ خیز پریس کے خلاف کریک ڈاؤن نے خاصا تاریک موڑ لیا ہے۔ ملک سے فرار ہونے والے ممتاز پاکستانی صحافی ارشد شریف کو گزشتہ اکتوبر میں نیروبی میں ایسے حالات میں گولی مار کر ہلاک کر دیا گیا تھا، جو متنازعہ ہیں۔ ایک اور معروف صحافی عمران ریاض خان کو سکیورٹی فورسز نے اس مئی میں ایک ہوائی اڈے سے حراست میں لیا تھا اور اس کے بعد سے وہ نظر نہیں آیا۔ دونوں اس خفیہ کیبل پر رپورٹنگ کر رہے تھے، جس نے پاکستان میں تقریباً فرضی حیثیت اختیار کر لی ہے، اور خان کی برطرفی سے قبل ان مٹھی بھر صحافیوں میں شامل تھے جنہیں اس کے مشمولات سے آگاہ کیا گیا تھا۔ پریس پر ان حملوں نے خوف کا ماحول پیدا کر دیا ہے، جس نے پاکستان کے اندر رپورٹرز اور اداروں کی طرف سے دستاویز پر رپورٹنگ مؤثر طور پر ناممکن بنا دی ہے۔
گزشتہ نومبر میں، خان خود بھی قتل کی کوشش کا نشانہ بنے تھے، جب انہیں ایک سیاسی ریلی میں گولی مار دی گئی تھی، ایک حملے میں وہ زخمی ہو گئے تھے اور ان کا ایک حامی ہلاک ہو گیا تھا۔ ان کی قید کو پاکستان میں بڑے پیمانے پر دیکھا جاتا ہے، جس میں ان کی حکومت کے بہت سے ناقدین بھی شامل ہیں، فوج کی طرف سے ان کی پارٹی کو آئندہ انتخابات میں حصہ لینے سے روکنے کی کوشش کے طور پر۔ پولز سے پتہ چلتا ہے کہ اگر انہیں الیکشن میں حصہ لینے کی اجازت دی گئی تو خان غالباً جیت جائیں گے۔
مڈل ایسٹ انسٹیٹیوٹ کے اسکالر رفیق کا کہنا ہے ”خان کو ایک مقدمے کی سماعت کے بعد چھوٹے اور کمزور الزامات پر سزا سنائی گئی تھی جہاں ان کے دفاع میں گواہ پیش کرنے کی بھی اجازت نہیں تھی۔ اس سے پہلے وہ ایک قاتلانہ حملے میں بچ گیا تھا، اس کے ساتھ منسلک ایک صحافی کو قتل کیا گیا تھا، اور اس نے اپنے ہزاروں حامیوں کو قید ہوتے دیکھا ہے۔ جب کہ بائیڈن انتظامیہ نے کہا ہے کہ انسانی حقوق ان کی خارجہ پالیسی میں سب سے آگے ہوں گے، وہ اب خاموشی سے پاکستان کو مکمل فوجی آمریت بننے کی طرف بڑھتے ہوئے دور سے دیکھ رہے ہیں“
وہ کہتے ہیں ”یہ بالآخر پاکستانی فوج کے بارے میں ہے کہ وہ ملک پر اپنی بالادستی کو برقرار رکھنے کے لیے بیرونی قوتوں کو استعمال کر رہی ہے۔ جب بھی کوئی بڑی جغرافیائی سیاسی دشمنی ہوتی ہے، چاہے وہ سرد جنگ ہو، یا دہشت گردی کے خلاف جنگ، وہ جانتے ہیں کہ امریکہ کو اپنے حق میں کیسے جوڑنا ہے۔“
خان کے بار بار سائفر کے حوالے سے بات کرنے کی وجہ سے ان کی قانونی مشکلات میں اضافہ ہوا ہے، استغاثہ نے اس بات کی علیحدہ تحقیقات شروع کی ہیں کہ آیا اس نے ریاستی راز کے قوانین کی خلاف ورزی کی ہے۔
جمہوریت اور فوج
برسوں سے، امریکی حکومت کے پاکستانی فوج کے ساتھ سرپرستی کے تعلقات، جس نے طویل عرصے سے ملکی سیاست میں حقیقی طاقت کے مرکز کے طور پر کام کیا ہے، یہ تاثر ایک مقبول وزیر اعظم کی برطرفی میں امریکہ کے ملوث ہونے کے الزام کو اور بھی بھڑکاتا ہے
انٹرسیپٹ کے ذریعہ، جس نے فوج کے ایک رکن کے طور پر اس دستاویز تک رسائی حاصل کی تھی، نے ملک کی فوجی قیادت سے ان کے بڑھتے ہوئے مایوسی، خان کے خلاف سیاسی لڑائی میں اس کی شمولیت کے بعد فوج کے مورال پر پڑنے والے اثرات، ان کی یادداشت کے استحصال کے بارے میں بتایا
ذرائع نے مزید کہا کہ
اس جون میں، خان کی سیاسی جماعت پر فوج کے کریک ڈاؤن کے درمیان، خان کے سابق اعلیٰ بیوروکریٹ، پرنسپل سیکرٹری اعظم خان کو گرفتار کر کے ایک ماہ کے لیے حراست میں لے لیا گیا۔ حراست میں رہتے ہوئے، اعظم خان نے مبینہ طور پر عدلیہ کے ایک رکن کے سامنے ریکارڈ کیا گیا ایک بیان جاری کیا جس میں کہا گیا تھا کہ یہ سائفر/کیبل واقعی اصلی تھی، لیکن سابق وزیر اعظم نے سیاسی فائدے کے لیے اس کے مواد کو بڑھا چڑھا کر پیش کیا تھا
کیبل میں بیان کردہ میٹنگ کے ایک ماہ بعد، اور خان کو عہدے سے ہٹائے جانے سے چند دن پہلے، اس وقت کے پاکستانی آرمی چیف قمر باجوہ نے عوامی طور پر خان کی غیرجانبداری کو توڑا اور روسی حملے کو ایک ’بڑا المیہ‘ قرار دیتے ہوئے ایک تقریر کی اور روس پر تنقید کی ۔ ریمارکس نے عوامی تصویر کو کیبل میں درج لو کے نجی مشاہدے کے ساتھ جوڑ دیا، کہ پاکستان کی غیر جانبداری خان کی پالیسی تھی، لیکن فوج کی نہیں
خان کی برطرفی کے بعد سے پاکستان کی خارجہ پالیسی میں نمایاں تبدیلی آئی ہے، پاکستان یوکرین کے تنازع میں امریکہ اور یورپی فریق کی طرف زیادہ واضح طور پر جھک رہا ہے۔ اپنی غیرجانبداری کا موقف ترک کرتے ہوئے، پاکستان اب یوکرائنی فوج کو ہتھیار فراہم کرنے والے کے طور پر ابھرا ہے۔ پاکستان کے تیار کردہ گولوں اور گولہ بارود کی تصاویر میدان جنگ کی فوٹیج پر باقاعدگی سے آتی رہتی ہیں۔ اس سال کے شروع میں ایک انٹرویو میں یورپی یونین کے ایک اہلکار نے یوکرین میں پاکستانی فوج کی پشت پناہی کی تصدیق کی تھی ۔ دریں اثنا، یوکرین کے وزیر خارجہ نے اس جولائی میں پاکستان کا دورہ کیا، جس کے بارے میں وسیع پیمانے پر سمجھا جاتا ہے کہ وہ فوجی تعاون کے بارے میں ہے، لیکن عوامی طور پر اسے تجارت، تعلیم اور ماحولیاتی مسائل پر توجہ مرکوز کرنے کے طور پر بیان کیا گیا
امریکہ کی طرف یہ تبدیلی پاکستانی فوج کو منافع فراہم کرتی دکھائی دیتی ہے۔ 3 اگست کو ایک پاکستانی اخبار نے رپورٹ کیا کہ پارلیمنٹ نے امریکہ کے ساتھ ’مشترکہ مشقوں، آپریشنز، تربیت، بیسنگ اور آلات‘ کے دفاعی معاہدے پر دستخط کی منظوری دے دی ہے۔ اس معاہدے کا مقصد دونوں ممالک کے درمیان گزشتہ 15 سالہ معاہدے کو تبدیل کرنا تھا، جو 2020 میں ختم ہو گیا تھا۔
پاکستانی اسسمنٹ
پاکستان کی داخلی ملکی سیاست پر ڈونلڈ لو کے دو ٹوک تبصروں نے پاکستان کے لیے خطرے کی گھنٹی بجا دی۔ رپورٹ کے نچلے حصے میں ایک مختصر اسسمنٹ سیکشن میں، دستاویز میں کہا گیا ہے: ’ڈان وائٹ ہاؤس کی واضح منظوری کے بغیر اتنی مضبوط ڈیمارش نہیں کر سکتا تھا، جس کا اس نے بار بار حوالہ دیا تھا۔ واضح طور پر، ڈان نے پاکستان کے اندرونی سیاسی عمل پر آؤٹ آف ٹرن بات کی۔ کیبل ایک واضح سفارش ”اس پر سنجیدگی سے غور کیا جائے اور اسلام آباد میں امریکی سی ڈی اے اے آئی کو ایک مناسب ڈیمارش کرنے پر غور کیا جائے“ کے ساتھ اختتام پذیر ہوتی ہے۔
27 مارچ 2022 کو، لو میٹنگ کے اسی مہینے، خان نے عوامی طور پر اس کیبل کے بارے میں بات کی، ایک ریلی میں اس کی تہہ شدہ کاپی ہوا میں لہرائی۔ انہوں نے مبینہ طور پر پاکستان کی مختلف سیکیورٹی ایجنسیوں کے سربراہوں کے ساتھ قومی سلامتی کے اجلاس میں اس کے مندرجات سے بھی آگاہ کیا۔
یہ واضح نہیں ہے کہ کیبل میں اس ملاقات کے بعد آنے والے ہفتوں کے دوران پاکستان امریکہ مواصلات میں کیا ہوا تھا۔ تاہم اگلے مہینے تک سیاسی ہوائیں بدل چکی تھیں۔ 10 اپریل کو، خان کو عدم اعتماد کے ووٹ میں معزول کر دیا گیا۔
نئے وزیر اعظم، شہباز شریف نے بالآخر کیبل کے وجود کی تصدیق کی اور تسلیم کیا کہ لو کی طرف سے دیا گیا کچھ پیغام نامناسب تھا۔ انہوں نے کہا ہے کہ پاکستان نے باضابطہ طور پر شکایت کی تھی لیکن خبردار کیا کہ کیبل خان کے وسیع تر دعووں کی تصدیق نہیں کرتی ہے۔
خان نے عوامی سطح پر بار بار تجویز کیا ہے کہ ٹاپ سیکرٹ کیبل سے ظاہر ہوتا ہے کہ امریکہ نے انہیں اقتدار سے ہٹانے کی ہدایت کی تھی، لیکن بعد میں انہوں نے اپنے جائزے پر نظر ثانی کی کیونکہ اس نے امریکہ پر زور دیا کہ وہ ان کے حامیوں کے خلاف انسانی حقوق کی خلاف ورزیوں کی مذمت کرے۔ اس نے جون کو انٹرویو دیتے ہوئے دی انٹرسیپٹ کو بتایا کہ امریکہ نے ان کی بے دخلی پر زور دیا ہوگا، لیکن ایسا صرف اس لیے کیا کہ اس کے ساتھ فوج نے ہیرا پھیری کی۔
خان کے معزول ہونے اور ان کی گرفتاری کے بعد ایک سال بعد کیبل کی مکمل باڈی کا انکشاف، آخرکار مسابقتی دعووں کا جائزہ لینے کی اجازت دے گا۔ توازن پر، سائفر کا متن سختی سے تجویز کرتا ہے کہ امریکہ نے خان کو ہٹانے کی حوصلہ افزائی کی۔ کیبل کے مطابق، جبکہ لو نے خان کو عہدے سے ہٹانے کا براہ راست حکم نہیں دیا، انہوں نے کہا کہ اگر خان وزیراعظم کے عہدے پر برقرار رہے تو پاکستان کو بین الاقوامی تنہائی سمیت سنگین نتائج کا سامنا کرنا پڑے گا، اور ساتھ ہی ساتھ ان کی برطرفی پر انعامات کا اشارہ بھی دیا۔ ایسا لگتا ہے کہ یہ ریمارکس پاکستانی فوج کو کارروائی کرنے کے اشارے کے طور پر لیے گئے ہیں۔
اپنے دیگر قانونی مسائل کے علاوہ، خان خود بھی نئی حکومت کی جانب سے خفیہ کیبل کو ہینڈل کرنے کے حوالے سے مسلسل نشانہ بنتے رہے ہیں۔ گزشتہ ماہ کے آخر میں وزیر داخلہ رانا ثناء اللہ نے کہا تھا کہ خان کے خلاف کیبل کے سلسلے میں آفیشل سیکرٹ ایکٹ کے تحت کارروائی کی جائے گی۔ ثناء اللہ نے کہا ، "خان نے ریاست کے مفادات کے خلاف سازش کی ہے اور ریاست کی جانب سے ان کے خلاف ایک سفارتی مشن سے خفیہ سائفر مواصلات کو بے نقاب کرکے آفیشل سیکرٹ ایکٹ کی خلاف ورزی پر مقدمہ چلایا جائے گا۔ ”
خان اب پاکستانی سیاست دانوں کی ایک طویل فہرست میں شامل ہو گئے ہیں جو فوج کی مداخلت کے بعد اپنے عہدے کی مدت پوری کرنے میں ناکام رہے۔ جیسا کہ سائفر میں نقل کیا گیا ہے، یوکرین کے تنازعے کے دوران پاکستان کی عدم اتحاد کی پالیسی کے لیے، لو کے مطابق، خان کو امریکہ کی طرف سے ذاتی طور پر مورد الزام ٹھہرایا جا رہا ہے۔ عدم اعتماد کا ووٹ اور امریکہ اور پاکستان کے تعلقات کے مستقبل پر اس کے اثرات پوری گفتگو میں نمایاں رہے۔
لو نے دستاویز میں خان کے عہدے پر رہنے کے امکان کا حوالہ دیتے ہوئے کہا، ”میرے خیال میں سچ تو یہ ہے کہ وزیر اعظم کی تنہائی یورپ اور امریکہ سے بہت سخت ہو جائے گی۔“
رپورٹ ریان گرم، مرتضیٰ حسین۔ ترجمہ: امر گل۔
بشکریہ: دی انٹرسیپٹ۔
