ایک جدید تحقیق سے پتہ چلتا ہے کہ سائنس کو پہلے معلوم نہیں تھا کہ ابتدائی انسانوں کو دو لاکھ سال تک یورپ سے نکلنا پڑا تھا، لیکن انہوں نے خود کو سردی کے مطابق ڈھال لیا اور واپس آ گئے
سائنس دانوں کے مطابق گہرے سمندروں کی سطح سے پتا چلتا ہے کہ گیارہ لاکھ سال پہلے درجہِ حرارت اچانک پانچ ڈگری سینٹی گریڈ سے زیادہ گر گیا ہے
وہ کہتے ہیں کہ ہمارے ابتدائی آباؤ اجداد زندہ نہیں رہ سکتے تھے کیونکہ ان کے پاس گرم رہائش یا گرم کپڑے نہیں تھے
اب تک اس بات پر اتفاق رائے پایا جاتا تھا کہ یورپ میں انسان پندرہ لاکھ سال سے مسلسل موجود تھے
پرتگال کے شہر لزبن کے ساحل کے قریب سمندر کی تہہ میں منجمد ہونے کے واضح شواہد ملے ہیں۔ سمندر میں تہہ در تہہ مخلتف پرتیں ہر سال جمع ہوتی ہیں، جو اس دور کے سمندری حالات کا ریکارڈ ہیں۔ ان میں پولن کے دانے بھی ہوتے ہیں، جو زمین پر پودوں کا ریکارڈ ہیں
جنوبی کوریا کے شہر بوسان میں واقع آئی بی ایس سینٹر فار کلائمیٹ فزکس کے محققین نے مٹی سے حاصل ہونے والے اعداد و شمار کا استعمال کرتے ہوئے کمپیوٹر ماڈل سیمولیشن چلائے۔ انہوں نے دریافت کیا کہ یورپ کے بہت سے علاقوں میں موسم سرما کا اوسط درجہِ حرارت منجمد سے بھی نیچے گر گیا تھا، یہاں تک کہ کم گہرے بحیرہِ روم میں بھی
اس گروپ کے ڈائریکٹر پروفیسر ایکسل ٹمرمین کے مطابق، آج کے معیار کے مطابق اس قدر کمی بہت شدید نہیں لگتی ہے، جہاں زیادہ تر لوگوں کو کچھ حدت، گرم کپڑے اور کھانے تک رسائی حاصل ہے، لیکن اس وقت ایسا نہیں تھا۔ ابتدائی انسان ابھی تک اس طرح کے انتہائی حالات سے نمٹنے کے لیے اچھی طرح سے تیار نہیں تھے
انہوں نے کہا کہ اس بات کا کوئی براہِ راست ثبوت نہیں ہے کہ وہ اس وقت تک آگ پر قابو پا سکتے تھے یا نہیں۔ لہٰذا یورپ میں انتہائی سرد اور خشک حالات اور خوراک کی کمی نے انسانی بقا کو بہت زیادہ مشکل بنا دیا ہوگا
یورپ میں سب سے قدیم انسانی باقیات تقریباً چودہ لاکھ سال پرانی ہیں، جو ہسپانیہ سے برآمد ہوئی ہیں۔ ان کا کہنا ہے کہ ابتدائی انسانوں کی ایک نسل جسے ہومو ایریکٹس کے نام سے جانا جاتا ہے، جو افریقہ میں پیدا ہوئی تھی، اس وقت جنوب مغربی ایشیا کے راستے یورپ پہنچی تھی
تحقیق کی قیادت کرنے والے یونیورسٹی کالج لندن کے پروفیسر کرونس ٹیزڈاکس نے ابتدائی انسانی بستیوں کے ماہرین سے رجوع کیا تاکہ یہ معلوم کیا جا سکے کہ آیا یہ نظریہ کہ منجمد ہونے کی وجہ سے انھیں یورپ سے باہر دھکیل دیا گیا ہے، فوسل اور آثار قدیمہ کے شواہد سے ثابت ہوا ہے
ایک تفصیلی جائزے کے بعد، انھیں معلوم ہوا کہ ہسپانیہ میں گیارہ لاکھ سال پہلے کی انسانی باقیات موجود ہیں، پھر تقریباً نو لاکھ سال پہلے تک کا خلا، جس دور سے پتھر کے اوزار اور قدیم مٹی میں قدموں کے نشانات انگلینڈ کے شہر نارفوک کے ہیپسبرگ میں پائے جاتے ہیں
فوسل کے غائب ہونے کی وجہ سے، یہ واضح نہیں ہے کہ ہیپسبرگ میں انسانوں کی کون سی نسل تھی ، لیکن بعد میں یورپ کے دیگر حصوں میں باقیات سے پتہ چلتا ہے کہ وہ ہومو اینٹیسیسر نامی زیادہ ترقی یافتہ نسل ہو سکتی ہے
ہیپسبرگ میں ابتدائی انسانوں کی چہل قدمی تک یہ بڑا منجمد دور ختم ہو چکا تھا لیکن یہ اب بھی سرد تھا۔ آج کے یورپ کے وہ حصے اس کے مقابلے میں کم ٹھنڈے ہیں۔ برٹش میوزیم کے پروفیسر نک ایشٹن کے مطابق، یہ خیال کیا جاتا ہے کہ ان ابتدائی انسانوں نے سرد حالات کا مقابلہ کرنے کے لئے کافی خود کو ڈھال لیا تھا تاکہ وہ یورپ میں آنے اور رہنے کے قابل ہو سکیں
ان کا کہنا تھا ’اس سے انسانوں میں ارتقائی تبدیلیاں رونما ہو سکتی ہیں، جیسے جسم کی چربی میں اضافہ جیسا کہ انسولیشن، یا بالوں میں اضافہ۔‘
’اس کی وجہ سے تکنیکی ترقی بھی ہوسکتی ہے جیسے شکار یا صفائی کرنے کی مہارت میں بہتری، اور زیادہ مؤثر لباس اور پناہ گاہیں بنانے کی صلاحیت۔‘
نیچرل ہسٹری میوزیم کے پروفیسر کرس سٹرنگر کے مطابق یہ وہ پیش رفت تھی، جس نے انسانوں کو شدید سردی کے بعد کے ادوار کا مقابلہ کرنے اور یورپ کے کچھ حصوں پر مسلسل قبضہ کرنے کے قابل بنایا
انہوں نے کہا، ’یورپ انسانی موافقت کے لیے ایک تجربہ گاہ تھا۔‘
’ایک زیادہ لچکدار نسل یا تو اس وجہ سے یورپ میں واپس آئی کہ انھوں نے بہتر طریقے سے زندہ رہنا سیکھا، یا یہ ایک مختلف نسل تھی جس میں زیادہ نفیس طرز عمل تھا جس نے انھیں خود کو ڈھالنے کے قابل بنایا۔‘
ہو سکتا ہے کہ انسانوں کی ہیپسبرگ نسل نینڈرتھل میں تبدیل ہوئی ہو، جوچار لاکھ سال پہلے مستحکم طریقے سے آباد تھے۔
خیال کیا جاتا ہے کہ ہماری اپنی نسل ہومو سیپیئنز افریقہ میں تقریباً چار لاکھ سال پہلے وجود میں آئی تھی۔ ہم یورپ میں بیالیس سال پہلے آباد ہوئے تھے، تقریباً چالیس ہزار سال پہلے نینڈرتھل کے معدوم ہونے سے پہلے اس کے ساتھ بھی مختصر عرصے کے لیے رہے ہیں۔
