ﮔﺬﺷﺘﮧ ﺭﻭﺯ گیارہ جماعتی حکومت مخالف اتحاد ﭘﺎﮐﺴﺘﺎﻥ ﮈﯾﻤﻮﮐﺮﯾﭩﮏ ﻣﻮﻭﻣﻨﭧ (ﭘﯽ ﮈﯼ ﺍﯾﻢ) ﮐﺎ ﺍﺟﻼﺱ ﮨﻮﺍ ﺟﺲ ﻣﯿﮟ ﺣﮑﻮﻣﺖ ﮐﮯ ﺧﻼﻑ ﺣﮑﻤﺖ ﻋﻤﻠﯽ ﺗﺸﮑﯿﻞ ﺩﯼ ﮔﺌﯽ ﺟﺒﮑﮧ 26 ﻣﺎﺭﭺ ﮐﻮ ﻻﻧﮓ ﻣﺎﺭﭺ ﮐﺮﻧﮯ ﮐﺎ ﺍﻋﻼﻥ ﺑﮭﯽ ﮐﯿﺎ ﮔﯿﺎ
ﺍﺱ ﺣﻮﺍﻟﮯ ﺳﮯ ﻧﺠﯽ ﭨﯽ ﻭﯼ ﭼﯿﻨﻞ ﮐﮯ ﭘﺮﻭﮔﺮﺍﻡ ﻣﯿﮟ ﺑﺎﺕ ﮐﺮﺗﮯ ﮨﻮﺋﮯ حکومت مخالف اور اپوزیشن سے قربت رکھنے والے سینئر ﺻﺤﺎﻓﯽ ﻭ ﺗﺠﺰﯾﮧ ﮐﺎﺭ ﺳﻠﯿﻢ ﺻﺎﻓﯽ ﻧﮯ ﭘﯽ ﮈﯼ ﺍﯾﻢ ﮐﮯ 5 ﮔﮭﻨﭩﮯ ﻃﻮﯾﻞ ﺍﺟﻼﺱ ﮐﯽ ﺍﻧﺪﺭﻭﻧﯽ ﮐﮩﺎﻧﯽ ﺑﺘﺎتے ہوئے ﮐﮩﺎ ﮐﮧ ﺍﻥ ﮐﯽ ﺁﭘﺲ ﻣﯿﮟ ﺍﯾﮏ ﮈﯾﻞ ﮨﻮﺋﯽ ﮨﮯ۔ ﺍﺟﻼﺱ ﻣﯿﮟ ﺩﻟﭽﺴﭗ ﺑﺎﺕ یہ ﮨﻮﺋﯽ ﮐﮧ ﮨﻢ ﺍﯾﺴﮯ ﮨﯽ ﭘﯿﭙﻠﺰ ﭘﺎﺭﭨﯽ ﮐﻮ اسٹیبلشمنٹ کے لیے نرم گوشہ رکھنے کا ﺍﻟﺰﺍﻡ ﺩﮮ ﺭﮨﮯ ﺗﮭﮯ ، ﻟﯿﮑﻦ ﺟﺐ ﺍﺟﻼﺱ ﮐﮯ ﺁﻏﺎﺯ ﭘﺮ ﻧﻮﺍﺯ ﺷﺮﯾﻒ ﻧﮯ ﺗﻘﺮﯾﺮ ﮐﯽ ﺗﻮ ﺍﯾﺴﺎ ﻟﮓ ﺭﮨﺎ ﺗﮭﺎ ﮐﮧ ﺯﺭﺩﺍﺭﯼ ﺻﺎﺣﺐ ﺑﻮﻝ ﺭﮨﮯ ﮨﻮﮞ
انہوں نے کہا کہ ﭘﯿﭙﻠﺰﭘﺎﺭﭨﯽ ﮐﻮ ﮐﮩﺎ ﺟﺎﺗﺎ ﮨﮯ ﮐﮧ ﭘﯿﭙﻠﺰ ﭘﺎﺭﭨﯽ ﮐﯽ ﻗﯿﺎﺩﺕ ﻋﺪﻡ ﺍﻋﺘﻤﺎﺩ ﺍﻭﺭ ﭼﮭﻮﭨﮯ ﺟﻠﺴﮯ ﮐﺮﻧﮯ ﮐﺎ ﺷﻮﺷﮧ ﭼﮭﻮﮌ ﺭﮨﯽ ﮨﮯ ﻟﯿﮑﻦ ﺧﻮﺩ ﻣﯿﺎﮞ ﺻﺎﺣﺐ ﻧﮯ بھی ﺍﯾﮏ ﺍﯾﺴﯽ ہی ﺗﺠﻮﯾﺰ ﺩﯼ ﺍﻭﺭ ﮐﮩﺎ ﮐﮧ ﮨﻤﯿﮟ ﭘﮩﻠﮯ ﻣﺨﺘﻠﻒ ﺷﮩﺮﻭﮞ ﻣﯿﮟ ﻣﮩﻨﮕﺎﺋﯽ ﮐﮯ ﺧﻼﻑ ﻣﻈﺎﮨﺮﮮ ﮐﺮﻧﮯ ﭼﺎﮨﺌﯿﮟ ﺍﻭﺭ ﺍﺱ ﮐﮯ ﺑﻌﺪ ﻣﮩﻨﮕﺎﺋﯽ ﻣﺎﺭﭺ ﺍﻭﺭ ﺷﭩﺮ ﮈﺍﺅﻥ ﮨﮍﺗﺎﻟﻮﮞ ﮐﯽ ﻃﺮﻑ ﺟﺎﻧﺎ ﭼﺎﮨﺌﯿﮯ
ﺳﻠﯿﻢ ﺻﺎﻓﯽ کا کہنا تھا ﮐﮧ ﻣﯿﺎﮞ ﺻﺎﺣﺐ ﻧﮯ ﯾﮧ ﻭﺍﺿﺢ ﮐﺮ ﺩﯾﺎ ﮐﮧ ﺍﮔﺮ ﭘﯿﭙﻠﺰ ﭘﺎﺭﭨﯽ ﺍﺳﺘﻌﻔﮯ ﻧﮩﯿﮟ ﺩﯾﺘﯽ، ﺗﻮ ﮨﻤﺎﺭﮮ ﺍﺳﺘﻌﻔﮯ ﺩﯾﻨﮯ ﮐﺎ ﮐﻮﺋﯽ ﻓﺎﺋﺪﮦ ﻧﮩﯿﮟ ﮨﮯ۔ ﺟﺲ ﭘﺮ ﻣﻮﻻﻧﺎ ﻓﻀﻞ ﺍﻟﺮﺣﻤﺎﻥ ﺍﻭﺭ ﺑﺎﻗﯽ ﭼﮭﻮﭨﯽ ﺟﻤﺎﻋﺘﻮﮞ ﻧﮯ ﺍﻥ ﺩﻭ ﺑﮍﯼ ﺟﻤﺎﻋﺘﻮﮞ ﮐﯽ ﮐﻼﺱ ﻟﯽ ﺍﻭﺭ ﮐﮩﺎ ﮐﮧ ﺍﮔﺮ ﺁﭖ ﯾﮧ ﺳﺐ ﻧﮩﯿﮟ ﮐﺮ ﺳﮑﺘﮯ ﺗﮭﮯ ﺗﻮ ﺁﭖ ﻧﮯ ﭘﮩﻠﮯ ﺍﯾﺴﺎ ﮐﯿﻮﮞ ﮐﮩﺎ
ﺳﻠﯿﻢ ﺻﺎﻓﯽ ﻧﮯ کہا ﮐﮧ ﺍﺟﻼﺱ ﻣﯿﮟ ﺑﻼﻭﻝ ﺍﻭﺭ ﺯﺭﺩﺍﺭﯼ ﮐﻮﺷﺶ ﮐﺮ ﺭﮨﮯ ﺗﮭﮯ ﮐﮧ ﺗﺤﺮﯾﮏ ﻋﺪﻡ ﺍﻋﺘﻤﺎﺩ ﮐﺎ ﺍﯾﮏ ﺟﻮ ﻧﺎﻣﻤﮑﻦ ﺍﻭﺭ ﻭﻗﺖ ﮔﺰﺍﺭﻧﮯ ﻭﺍﻻ ﻣﻌﺎﻣﻠﮧ ﮨﮯ ﺍُﺱ ﭘﺮ ﻣﻮﻻﻧﺎ ﮐﻮ ﻗﺎﺋﻞ ﮐﺮﯾﮟ ﻟﯿﮑﻦ ﻭﮦ ﺍﯾﺴﺎ ﻧﮩﯿﮟ ﮐﺮ ﺳﮑﮯ، ﺍﻭﺭ ﻣﻮﻻﻧﺎ ﺻﺎﺣﺐ ﺍﻭﺭ ﭼﮭﻮﭨﯽ ﺟﻤﺎﻋﺘﯿﮟ ﺍﻥ ﺩﻭ ﺑﮍﯼ ﺟﻤﺎﻋﺘﻮﮞ ﮐﻮ ﺍﺱ ﺍﺳﭩﯿﺞ ﭘﺮ ﺍﺳﺘﻌﻔﻮﮞ ﮐﮯ ﻟﯿﮯ ﯾﺎ ﭘﮭﺮ، ﺳﯿﻨﯿﭧ ﺍﻟﯿﮑﺸﻦ ﺍﻭﺭ ﺑﺎﻗﯽ ﭼﯿﺰﻭﮞ ﺳﮯ ﺩﻭﺭ ﮐﺮﻧﮯ ﮐﮯ ﭘﺮ ﺁﻣﺎﺩﮦ ﻧﮩﯿﮟ ﮐﺮ ﺳﮑﮯ ﺟﺲ ﮐﮯ ﭘﯿﺶ ﻧﻈﺮ ﭘﯽ ﮈﯼ ﺍﯾﻢ ﮐﻮ ﺍﯾﮏ ﺭﮐﮭﻨﮯ کے ﻟﯿﮯ ﺩﺭﻣﯿﺎﻧﯽ ﺭﺍﺳﺘﮧ ﻧﮑﺎﻻ ﮔﯿﺎ ﺍﻭﺭ ﮐﮩﺎ ﮔﯿﺎ ﮐﮧ ﻻﻧﮓ ﻣﺎﺭﭺ ﮐﺎ ﻓﯿﺼﻠﮧ ﮐﺮ ﻟﯿﺘﮯ ﮨﯿﮟ ، ﻟﯿﮑﻦ ﻣﺎﺭﭺ ﮐﯽ ﻧﻮﻋﯿﺖ ﮐﺎ ﻓﯿﺼﻠﮧ ﺑﻌﺪ ﻣﯿﮟ ﮐﯿﺎ ﺟﺎﺋﮯ ﮔﺎ ﺟﺒﮑﮧ ﺍﺳﺘﻌﻔﻮﮞ ﮐﺎ ﻣﻌﺎﻣﻠﮧ ﺑﮭﯽ ﻣﺆﺧﺮ ﮐﺮ ﺩﯾﺎ ﮔﯿﺎ ﮨﮯ
ﺳﻠﯿﻢ ﺻﺎﻓﯽ ﻧﮯ ﮐﮩﺎ ﮐﮧ ﭘﯿﭙﻠﺰ ﭘﺎﺭﭨﯽ ﻧﮯ ﭘﯽ ﮈﯼ ﺍﯾﻢ ﮐﮯ ﺑﺪﻟﮯ ﻣﯿﮟ ﺍﭘﻨﮯ ﻟﯿﮯ ﺭﯾﻠﯿﻒ ﻟﮯ ﻟﯿﺎ ﮨﮯ، ﯾﺎ ﺁﮔﮯ ﻟﯿﺘﯽ ﺭﮨﮯ ﮔﯽ، ﺩﻭ ﻣﺎﮦ ﮐﮯ ﻟﯿﮯ ﭘﯿﭙﻠﺰﭘﺎﺭﭨﯽ ﭨﯿﺴﭧ ﮐﮯ ﻟﯿﮯ ﺭﮐﮭﮯ ﮔﯽ ﺍﻭﺭ ﺍﮔﺮ ﺍﻥ ﮐﻮ ﺭﯾﻠﯿﻒ ﻣﻠﺘﺎ ﺭﮨﺎ ﺍﻭﺭ ﻣﺎﺭﭺ ﮐﺎ ﻭﻗﺖ ﺁ ﮔﯿﺎ ﺗﻮ ﻣﻤﮑﻨﮧ ﻃﻮﺭ ﭘﺮ ﭘﯿﭙﻠﺰ ﭘﺎﺭﭨﯽ ﻣﺎﺭﭺ ﺳﮯ ﺑﮭﯽ ﻧﮑﻞ ﺟﺎﺋﮯ ﮔﯽ ﺍﻭﺭ ﻋﯿﻦ ﻣﻤﮑﻦ ﮨﮯ ﮐﮧ ﭘﯽ ﮈﯼ ﺍﯾﻢ ﺳﮯ ﺑﮭﯽ ﻧﮑﻞ ﺟﺎﺋﮯ۔ ﺍﺳﯽ ﻃﺮﺡ ﻣﺴﻠﻢ ﻟﯿﮓ نوﻥ ﺑﮭﯽ ﺍﺱ ﺩﻭﺭ ﮐﻮ ﺍﭘﻨﮯ ﻣﻌﺎﻣﻼﺕ ﮐﻮ ﺩﺭﺳﺖ ﮐﺮﻧﮯ ﮐﮯ ﻟﯿﮯ ﺍﺳﺘﻌﻤﺎﻝ ﮐﺮﮮ ﮔﯽ ﺍﮔﺮ ﺍﻧﮩﯿﮟ ﺑﮭﯽ ﭘﯿﭙﻠﺰ ﭘﺎﺭﭨﯽ ﮐﯽ ﻃﺮﺡ ﺭﯾﻠﯿﻒ ﻣﻞ ﮔﯿﺎ ﺗﻮ ﻭﮦ ﺑﮭﯽ ﻣﺎﺭﭺ ﺍﻭﺭ ﺍﺳﺘﻌﻔﻮﮞ ﺳﮯ ﭘﯿﭽﮭﮯ ﮨﭧ ﺳﮑﺘﯽ ﮨﮯ ﻟﯿﮑﻦ ﺍﮔﺮ ﺍﻥ ﺩﻭﻧﻮﮞ ﺟﻤﺎﻋﺘﻮﮞ ﺳﮯ ﺳﺨﺘﯽ ﮨﻮﺋﯽ ﺗﻮ ﺍﺱ ﺻﻮﺭﺕ ﻣﯿﮟ ﯾﮧ ﺩﻭﻧﻮﮞ ﺟﻤﺎﻋﺘﯿﮟ ﻣﺎﺭﭺ ﮐﻮ ﻣﺆﺛﺮ ﺑﻨﺎﻧﮯ ﺍﻭﺭ ﺍﺱ ﮐﻮ ﺩﮬﺮﻧﮯ ﻣﯿﮟ ﺗﺒﺪﯾﻞ ﮐﺮﻧﮯ کی بھی ﺣﺎﻣﯽ ﮨﻮ سکتی ﮨﯿﮟ ﺟﺲ ﮐﮯ ﺑﻌﺪ ﻣﻤﮑﻨﮧ ﻃﻮﺭ ﭘﺮ ﻣﺴﻠﻢ ﻟﯿﮓ ﻥ ﺍﻭﺭ ﺑﺎﻗﯽ ﺟﻤﺎﻋﺘﯿﮟ ﺍﺳﺘﻌﻔﻮﮞ ﮐﺎ ﺁﭘﺸﻦ ﺍﺳﺘﻌﻤﺎﻝ ﮐﺮﯾﮟ ﮔﯽ.
