اب واٹس ایپ نے ڈیسک ٹاپ کے لیے بھی آڈیو اور ویڈیو کال کی سہولت پیش کر دی ہے۔ چار ماہ قبل دسمبر میں واٹس ایپ کے بی ٹا ورژن میں اس کی آزمائش کی گئی تھی، اب یہ سہولت بتدریج پوری دنیا کے لیے پیش کردی گئی ہے
اس طرح وعاٹس ایپ نے قدم آگے برھاتے ہوئے لیپ ٹاپ اور ڈیسک ٹاپ سے اپنے دوستوں کو ویڈیو اور آڈیو کال ممکن بنا دی ہے، جس کے لیے فون کی ایپ کو جاری رکھنا ہوگا اور ویب ورژن سے ڈیسک ٹاپ استعمال کیا جاسکے گا۔ یہ سہولت میک اور ونڈوز دونوں کے لیے موجود ہے
واٹس ایپ حکام کا کہنا ہے کہ تین چار ماہ تک اس عمل کو آزمائش سے گزارا گیا ہے۔ اس کے تمام نقائص دور کر کے دیگر آپشن کو بہتر بنایا گیا ہے، اس کے بعد ہی اسے استعمال کے لیے پیش کیا گیا ہے. اس طرح کمپیوٹر پر کام کرتے ہوئے اوپر کی ونڈو میں آڈیو اور ویڈیو کال کی جا سکتی ہے
تاہم ایک وقت میں ایک فرد کو ہی آڈیو یا ویڈیو کال کی جا سکتی ہے۔ واٹس ایپ کے مطابق گروپ ویڈیو یا آڈیو کال کا آپشن فی الحال پیش نہیں کیا گیا ہے لیکن جلد ہی یہ سہولت بھی پیش کردی جائے گی.
