ﺍﭘﻮﺯﯾﺸﻦ ﺍﺗﺤﺎﺩ ﮐﻮ ﺑﺮﻗﺮﺍﺭ ﺭﮐﮭﻨﮯ ﮐﯽ ﮐﻮﺷﺸﻮﮞ ﮐﮯ ﺳﻠﺴﻠﮯ ﻣﯿﮟ ﭘﺎﮐﺴﺘﺎﻥ ﮈﯾﻤﻮﮐﺮﯾﭩﮏ ﻣﻮﻭﻣﻨﭧ (ﭘﯽ ﮈﯼ ﺍﯾﻢ ) ﮐﮯ ﺻﺪﺭ ﻣﻮﻻﻧﺎ ﻓﻀﻞ ﺍﻟﺮﺣﻤٰﻦ ﻧﮯ ﺳﺎﺑﻖ ﺻﺪﺭ ﺁﺻﻒ ﻋﻠﯽ ﺯﺭﺩﺍﺭﯼ ﺍﻭﺭ ﻣﺴﻠﻢ ﻟﯿﮓ (ﻥ) ﮐﮯ ﺗﺎﺣﯿﺎﺕ ﻗﺎﺋﺪ ﻧﻮﺍﺯ ﺷﺮﯾﻒ ﺳﮯ ﭨﯿﻠﯽ ﻓﻮﻧﮏ ﺭﺍﺑﻄﮧ ﮐﯿﺎ ﮨﮯ
یہ ﺭﺍﺑﻄﮧ ﭘﺎﮐﺴﺘﺎﻥ ﭘﯿﭙﻠﺰ ﭘﺎﺭﭨﯽ ﮐﯽ ﺟﺎﻧﺐ ﺳﮯ ﺩﻭ ﺭﻭﺯ ﻗﺒﻞ ﺍﺳﻤﺒﻠﯿﻮﮞ ﺳﮯ ﺍﺳﺘﻌﻔﮯ ﺩﯾﻨﮯ ﮐﯽ ﺗﺠﻮﯾﺰ ﺳﮯ ﺍﻧﮑﺎﺭ ﮐﮯ ﺑﻌﺪ ﺣﮑﻮﻣﺖ ﻣﺨﺎﻟﻒ ﻻﻧﮓ ﻣﺎﺭﭺ ﻣﻠﺘﻮﯼ ﮐﺮﻧﮯ ﮐﮯ ﺍﻋﻼﻥ ﮐﮯ ﺑﻌﺪ کیا گیا ہے
ﺭﭘﻮﺭﭦ ﮐﮯ ﻣﻄﺎﺑﻖ ﺗﯿﻨﻮﮞ ﺑﮍﯼ ﺍﭘﻮﺯﯾﺸﻦ ﺟﻤﺎﻋﺘﻮﮞ ﻣﯿﮟ ﻣﻮﺟﻮﺩ ﺫﺭﺍﺋﻊ ﻧﮯ ﺗﺼﺪﯾﻖ ﮐﯽ ﮐﮧ ﺟﻤﻌﯿﺖ ﻋﻠﻤﺎﺋﮯ ﺍﺳﻼﻡ (ﻑ) ﮐﮯ ﺳﺮﺑﺮﺍﮦ ﻣﻮﻻﻧﺎ ﻓﻀﻞ ﺍﻟﺮﺣﻤٰﻦ ﻧﮯ ﺩﻭﻧﻮﮞ ﺟﻤﺎﻋﺘﻮﮞ ﮐﮯ ﺭﮨﻨﻤﺎﺅﮞ ﺳﮯ ﺍﺳﺘﻌﻔﻮﮞ ﮐﮯ ﻣﻌﺎﻣﻠﮯ ﺍﻭﺭ ﻻﻧﮓ ﻣﺎﺭﭺ ﮐﯽ ﺗﺠﻮﯾﺰ ﭘﺮ ﺗﺒﺎﺩﻟﮧٔ ﺧﯿﺎﻝ ﮐﯿﺎ. ﺫﺭﺍﺋﻊ ﮐﺎ ﮐﮩﻨﺎ ﮨﮯ ﮐﮧ ﺁﺻﻒ ﺯﺭﺩﺍﺭﯼ ﺟﻨﮩﻮﮞ ﻧﮯ ﺍﺳﻼﻡ ﺁﺑﺎﺩ ﻣﯿﮟ ﮨﻮﻧﮯ ﻭﺍﻟﮯ ﭘﯽ ﮈﯼ ﺍﯾﻢ ﺟﻤﺎﻋﺘﻮﮞ ﮐﮯ ﺳﺮﺑﺮﺍﮦ ﺍﺟﻼﺱ ﻣﯿﮟ ﺍﺳﻤﺒﻠﯿﻮﮞ ﺳﮯ ﺍﺳﺘﻌﻔﮯ ﺩﯾﻨﮯ ﮐﮯ ﺧﯿﺎﻝ ﮐﯽ ﺯﺑﺮﺩﺳﺘﯽ ﻣﺨﺎﻟﻔﺖ ﮐﯽ ﺗﮭﯽ ﺍﻭﺭ ﻣﻮﻻﻧﺎ ﻓﻀﻞ ﺍﻟﺮﺣﻤٰﻦ ﮐﻮ ﮐﮩﺎ ﺗﮭﺎ ﮐﮧ ﭘﯽ ﭘﯽ ﭘﯽ ﻧﮯ 4 ﺍﭘﺮﯾﻞ ﮐﻮ ﭘﺎﺭﭨﯽ ﮐﮯ ﺑﺎﻧﯽ ﺫﻭﺍﻟﻔﻘﺎﺭ ﻋﻠﯽ ﺑﮭﭩﻮ ﮐﯽ ﺑﺮﺳﯽ ﮐﮯ ﻣﻮﻗﻊ ﭘﺮ ﺭﺍﻭﻟﭙﻨﮉﯼ ﻣﯿﮟ ﺟﻠﺴﮯ ﮐﮯ ﺑﻌﺪ ﭘﺎﺭﭨﯽ ﮐﯽ ﺳﯽ ﺍﯼ ﺳﯽ ﮐﮯ ﺍﺟﻼﺱ ﺑﻼﻧﮯ ﮐﺎ ﻓﯿﺼﻠﮧ ﮐﯿﺎ ﮨﮯ، ﺟﮩﺎﮞ ﺍﺳﻤﺒﻠﯿﻮﮞ ﺳﮯ ﺍﺳﺘﻌﻔﮯ ﺩﯾﻨﮯ ﮐﯽ ﺗﺠﻮﯾﺰ ﮐﺎ ﺩﻭﺑﺎﺭﮦ ﺟﺎﺋﺰﮦ ﻟﯿﺎ ﺟﺎﺋﮯ ﮔﺎ
ﭘﯿﭙﻠﺰﭘﺎﺭﭨﯽ ﻣﯿﮟ ﻣﻮﺟﻮﺩ ﺫﺭﺍﺋﻊ ﮐﮯ ﻣﻄﺎﺑﻖ ﺁﺻﻒ ﺯﺭﺩﺍﺭﯼ ﺍﻭﺭ ﻣﻮﻻﻧﺎ ﻓﻀﻞ ﺍﻟﺮﺣﻤٰﻦ ﻧﮯ ﺍﯾﮏ ﻣﺮﺗﺒﮧ ﭘﮭﺮ ﺍﯾﮏ ﺩﻭﺳﺮﮮ ﮐﻮ ﺍﮐﭩﮭﮯ ﺍﺳﺘﻌﻔﻮﮞ ﮐﮯ ﻣﻌﺎﻣﻠﮯ ﭘﺮ ﺭﺍﺿﯽ ﮐﺮﻧﮯ ﮐﯽ ﮐﻮﺷﺶ ﮐﯽ، ﺗﺎﮨﻢ ﺁﺻﻒ ﺯﺭﺩﺍﺭﯼ ﻧﮯ ﺍﭘﻨﮯ ﻣﻮﻗﻒ ﭘﺮ ﺯﻭﺭ ﺩﯾﺎ ﮐﮧ ﻭﮦ ﺍﺱ ﻃﺮﺡ ﺍﺳﻤﺒﻠﯿﻮﮞ ﺳﮯ ﻭﺍﭘﺲ ﻧﮩﯿﮟ ﺁﺋﯿﮟ ﮔﮯ ﮐﯿﻮﻧﮑﮧ ﺍﺱ ﻃﺮﺡ ﮐﯽ ﺻﻮﺭﺗﺤﺎﻝ ﺻﺮﻑ ﺍﺳﭩﯿﺒﻠﺸﻤﻨﭧ ﺍﻭﺭ ﻭﺯﯾﺮ ﺍﻋﻈﻢ ﻋﻤﺮﺍﻥ ﺧﺎﻥ ﮐﻮ ﻣﻀﺒﻮﻁ ﮐﺮﮮ ﮔﯽ
ﺁﺻﻒ ﺯﺭﺩﺍﺭﯼ ﻧﮯ ﻻﻧﮓ ﻣﺎﺭﭺ کو ﺍﺳﺘﻌﻔﻮﮞ سے ﻣﻨﺴﻠﮏ ﮐﺮﻧﮯ ﮐﮯ ﺩﯾﮕﺮ ﭘﯽ ﮈﯼ ﺍﯾﻢ ﺟﻤﺎﻋﺘﻮﮞ ﮐﮯ ﻓﯿﺼﻠﮯ ﭘﺮ ﺑﮭﯽ ﺗﺤﻔﻈﺎﺕ ﮐﺎ ﺍﻇﮩﺎﺭ کرتے ہوئے ﺳﺎﺑﻖ ﺻﺪﺭ ﻧﮯ ﻣﻮﻻﻧﺎ ﻓﻀﻞ ﺍﻟﺮﺣﻤٰﻦ ﮐﯽ ﺗﻮﺟﮧ ﮔﺰﺷﺘﮧ ﺑﺮﺱ ﺳﺘﻤﺒﺮ ﻣﯿﮟ ﮐﻞ ﺟﻤﺎﻋﺘﯽ ﮐﺎﻧﻔﺮﻧﺲ ﮐﮯ ﻣﺘﻔﻘﮧ ”ﭘﻼﻥ ﺁﻑ ﺍﯾﮑﺸﻦ“ ﭘﺮ ﻣﺒﺬﻭﻝ ﮐﺮﺍﺋﯽ ﺟﻮ ﻭﺍﺿﺢ ﻃﻮﺭ ﭘﺮ ﮐﮩﺘﺎ ﮨﮯ ﮐﮧ ﺍﺱ ﻣﻘﺼﺪ ﮐﮯ ﻟﯿﮯ ﺍﺳﺘﻌﻔﮯ ﺑﺎﻟﮑﻞ ﺁﺧﺮﯼ ﺁﭘﺸﻦ ﮨﻮﮞ ﮔﮯ ﺍﻭﺭ ﺍﯾﮏ ﮐﻤﯿﭩﯽ ﺗﺸﮑﯿﻞ ﺩﯼ ﺟﺎﺋﮯ ﮔﯽ
ﭘﯿﭙﻠﺰﭘﺎﺭﭨﯽ ﮐﮯ ﺫﺭﺍﺋﻊ ﮐﺎ ﮐﮩﻨﺎ ﮨﮯ ﮐﮧ ﺁﺻﻒ ﺯﺭﺩﺍﺭﯼ ﻧﮯ ﻣﻮﻻﻧﺎ ﻓﻀﻞ ﺍﻟﺮﺣﻤٰﻦ ﮐﻮ ﮐﮩﺎ ﮐﮧ ﻣﺴﻠﻢ ﻟﯿﮓ (ن) ﺍﻭﺭ ﺩﯾﮕﺮ ﺟﻤﺎﻋﺘﻮﮞ ﻧﮯ ﺍﺳﻤﺒﻠﯿﻮﮞ ﺳﮯ ﻣﺴﺘﻌﻔﯽ ﮨﻮﻧﮯ ﮐﯽ ﺗﺠﻮﯾﺰ ﺩﯼ ﺗﮭﯽ ﺍﻭﺭ ﻭﮦ ﺳﻤﺠﮫ ﺭﮨﯽ ﺗﮭﯽ ﮐﮧ ﺍﺱ ﻃﺮﺡ ﮐﺮﻧﮯ ﺳﮯ ﻭﮦ ﺳﯿﻨﯿﭧ ﺍﻧﺘﺨﺎﺑﺎﺕ ﺍﻭﺭ ﭘﺎﺭﻟﯿﻤﺎﻥ ﮐﮯ ﺍﯾﻮﺍﻥ ﺑﺎﻻ ﻣﯿﮟ ﺣﮑﻮﻣﺖ ﮐﻮ ﺍﮐﺜﺮﯾﺖ ﻟﯿﻨﮯ ﺳﮯ ﺭﻭﮎ ﺳﮑﯿﮟ ﺗﺎﮨﻢ ﺍﻧﮩﻮﮞ ﻧﮯ ﮐﮩﺎ ﮐﮧ ﺳﯿﻨﯿﭧ ﺍﻧﺘﺨﺎﺑﺎﺕ ﻟﮍﻧﮯ ﮐﮯ ﺑﻌﺪ ﺍﺳﺘﻌﻔﻮﮞ ﮐﺎ ﻣﻌﺎﻣﻠﮧ ﭘﮩﻠﮯ ﮨﯽ ﺑﮯ ﻣﻄﻠﺐ ﮨﻮﭼﮑﺎ ﮨﮯ
ﻣﻮﻻﻧﺎ ﻧﮯ ﺁﺻﻒ ﺯﺭﺩﺍﺭﯼ ﺳﮯ ﮐﮩﺎ ہے ﮐﮧ ﭘﯽ ﮈﯼ ﺍﯾﻢ ﻣﯿﮟ ﺷﺎﻣﻞ ﺟﻤﺎﻋﺘﯿﮟ ﮐﺴﯽ ﺣﺘﻤﯽ ﻓﯿﺼﻠﮯ ﺳﮯ ﻗﺒﻞ ﭘﯿﭙﻠﺰﭘﺎﺭﭨﯽ ﮐﯽ ﺳﯿﻨﯿﭩﺮﻝ ﺍﯾﮕﺰﯾﮑﭩﻮ ﮐﻤﯿﭩﯽ ﮐﮯ ﺍﺟﻼﺱ ﮐﮯ ﺣﺘﻤﯽ ﺟﻮﺍﺏ ﮐﺎ ﺍﻧﺘﻈﺎﺭ ﮐﺮیں ﮔﯽ
ﺑﻌﺪ ﺍﺯﺍﮞ ﻣﻮﻻﻧﺎ ﻓﻀﻞ ﺍﻟﺮﺣﻤٰﻦ ﻧﮯ ﻧﻮﺍﺯ ﺷﺮﯾﻒ ﺳﮯ ﮔﻔﺘﮕﻮ ﮐﯽ ﺟﻮ ﺍﯾﮏ ﺳﺎﻝ ﺳﮯ ﺯﺍﺋﺪ ﻋﺮﺻﮯ ﺳﮯ ﻟﻨﺪﻥ ﻣﯿﮟ ﺧﻮﺩﺳﺎﺧﺘﮧ ﺟﻼﻭﻃﻨﯽ ﻣﯿﮟ ﺭﮦ ﺭﮨﮯ ﮨﯿﮟ. ﻓﻀﻞ ﺍﻟﺮﺣﻤٰﻦ ﻧﮯ ﺍﻧﮩﯿﮟ ﺁﺻﻒ ﺯﺭﺩﺍﺭﯼ ﮐﮯ ﺳﺎﺗﮫ ﮨﻮﻧﮯ ﻭﺍﻟﯽ ﮔﻔﺘﮕﻮ ﺳﮯ ﺁﮔﺎﮦ ﮐﯿﺎ ﺫﺭﺍﺋﻊ ﮐﺎ ﮐﮩﻨﺎ ﺗﮭﺎ ﮐﮧ ﺩﻭﻧﻮﮞ ﺭﮨﻨﻤﺎؤﮞ ﻧﮯ ﭘﯿﭙﻠﺰﭘﺎﺭﭨﯽ ﮐﯽ ﺟﺎﻧﺐ ﺳﮯ ﺍﺳﻤﺒﻠﯿﻮﮞ ﺳﮯ ﻣﺴﺘﻌﻔﯽ ﻧﮧ ﮨﻮﻧﮯ ﮐﮯ ﺍﭘﻨﮯ ﺳﺎﺑﻘﮧ ﻓﯿﺼﻠﮯ ﭘﺮ ﻗﺎﺋﻢ ﺭﮨﻨﮯ ﮐﯽ ﺻﻮﺭﺕ ﻣﯿﮟ ﺍﻣﮑﺎﻧﺎﺕ ﭘﺮ ﺑﮭﯽ ﺗﺒﺎﺩﻟﮧ ﺧﯿﺎﻝ ﮐﯿﺎ
ﺫﺭﺍﺋﻊ ﻧﮯ ﺑﺘﺎﯾﺎ ﮐﮧ ﺩﻭﻧﻮﮞ ﺭﮨﻨﻤﺎﺅﮞ ﮐﺎ ﺧﯿﺎﻝ ﮨﮯ ﮐﮧ ﭘﯽ ﮈﯼ ﺍﯾﻢ ﮐﻮ ﺣﮑﻮﻣﺖ ﮐﮯ ﺧﻼﻑ ﺍﭘﻨﯽ ﺟﺪﻭﺟﮩﺪ ﺟﺎﺭﯼ ﺭﮐﮭﻨﯽ ﭼﺎﮨﯿﮯ ﺍﻭﺭ ﯾﮩﺎﮞ ﺗﮏ ﮐﮧ ﺍﮔﺮ ﭘﯿﭙﻠﺰ ﭘﺎﺭﭨﯽ ﺍﺗﺤﺎﺩ ﺳﮯ ﺑﺎﺿﺎﺑﻄﮧ ﺭﺍﺳﺘﮯ ﺟﺪﺍ ﮐﺮﻧﮯ ﮐﺎ ﻓﯿﺼﻠﮧ ﮐﺮ ﻟﮯ ﺗﻮ بھی پی ڈی ایم کو ﺍﭘﻨﮯ ﭘﻼﻥ ﮐﮯ ﺳﺎﺗﮫ ﺁﮔﮯ ﺟﺎﻧﺎ ﭼﺎﮨﯿﮯ
ﺩﻭﻧﻮﮞ ﺭﮨﻨﻤﺎﺅﮞ ﻧﮯ ﻣﺴﺘﻘﺒﻞ ﮐﯽ ﺣﮑﻤﺖ ﻋﻤﻠﯽ ﭘﺮ ﺗﺒﺎﺩﻟﮧٔ ﺧﯿﺎﻝ ﮐﮯ ﻟﯿﮯ ﭘﯿﭙﻠﺰﭘﺎﺭﭨﯽ ﮐﮯ ﺳﯽ ﺍﯼ ﺳﯽ ﺍﺟﻼﺱ ﮐﮯ ﺑﻌﺪ ﭘﯽ ﮈﯼ ﺍﯾﻢ ﮐﺎ ﺍﯾﮏ ﺍﻭﺭ ﺳﺮﺑﺮﺍہی ﺍﺟﻼﺱ ﺑﻼﻧﮯ ﭘﺮ ﺍﺗﻔﺎﻕ بھی ﮐﯿﺎ
ﻭﺍﺿﺢ ﺭﮨﮯ ﮐﮧ ﺍﺱ گیارہ جماعتی حکومت مخالف ﺍﺗﺤﺎﺩ ﻣﯿﮟ ﺩﺭﺍﮌﯾﮟ ﻣﻨﮕﻞ ﮐﻮ ﺍﺱ ﻭﻗﺖ ﻭﺍﺿﺢ ﮨﻮﺋﯽ ﺗﮭﯿﮟ، ﺟﺐ ﺍﺱ ﮐﯽ ﻗﯿﺎﺩﺕ ﻧﮯ ﺍﺳﺘﻌﻔﻮﮞ ﮐﮯ ﻣﻌﺎﻣﻠﮯ ﭘﺮ ﺍﺧﺘﻼﻓﺎﺕ ﮐﯽ ﻭﺟﮧ ﺳﮯ 26 ﻓﺮﻭﺭﯼ ﮐﺎ ﺣﮑﻮﻣﺖ ﻣﺨﺎﻟﻒ ﻻﻧﮓ ﻣﺎﺭﭺ ﻣﻠﺘﻮﯼ ﮐﺮﻧﮯ ﮐﺎ ﺍﻋﻼﻥ ﮐﯿﺎ ﺗﮭﺎ
ﭘﺎﮐﺴﺘﺎﻥ ﮐﯽ ﺳﯿﺎﺳﯽ ﺗﺎﺭﯾﺦ ﻣﯿﮟ ﻣﺴﻠﻢ ﻟﯿﮓ (ﻥ) ﺍﻭﺭ ﭘﯿﭙﻠﺰ ﭘﺎﺭﭨﯽ ﻣﯿﮟ ﻗﺮﺑﺘﯿﮟ ﺑﮍﮬﻨﮯ ﺍﻭﺭ ﺩﻭﺭﯾﺎﮞ ﭘﯿﺪﺍ ﮨﻮﻧﮯ ﮐﺎ ﯾﮧ ﺳﻠﺴﻠﮧ ﮐﻮﺋﯽ ﻧﯿﺎ ﻧﮩﯿﮟ، ﻣﺎﺿﯽ ﮐﯽ ﺑﺎﺕ ﮐﯽ ﺟﺎﺋﮯ ﺗﻮ ﻣﻠﮏ ﮐﮯ ﺳﯿﺎﺳﯽ ﺍﻓﻖ ﭘﺮ ﺍﻥ ﺩﻭﻧﻮﮞ ﻧﮯ ﮔﮩﺮﮮ ﺳﯿﺎﺳﯽ ﻧﻘﻮﺵ ﭼﮭﻮﮌﮮ ﮨﯿﮟ. ﭘﯿﭙﻠﺰ ﭘﺎﺭﭨﯽ ﺟﺲ ﮐﯽ ﺑﻨﯿﺎﺩ ﺳﺎﺑﻖ ﻭﺯﯾﺮ ﺍﻋﻈﻢ ﺫﻭﺍﻟﻔﻘﺎﺭ ﻋﻠﯽ ﺑﮭﭩﻮ ﻧﮯ ﺭﮐﮭﯽ، ﺍﯾﮏ ﻋﻮﺍﻣﯽ ﺳﯿﺎﺳﯽ ﺟﻤﺎﻋﺖ ﮐﮯ ﻃﻮﺭ ﭘﺮ ﺍﺑﮭﺮ ﮐﺮ ﺳﺎﻣﻨﮯ ﺁﺋﯽ . 1977ع ﻣﯿﮟ ﺟﻨﺮﻝ ﺿﯿﺎ ﺍﻟﺤﻖ ﮐﮯ ﺍﻗﺘﺪﺍﺭ ﭘﺮ ﻗﺒﻀﮧ ﺍﻭﺭ ﺑﻌﺪ ﺍﺯﺍﮞ ﺫﻭﺍﻟﻔﻘﺎﺭ ﻋﻠﯽ ﺑﮭﭩﻮ ﮐﯽ ﭘﮭﺎﻧﺴﯽ ﮐﮯ ﻋﺪﺍﻟﺘﯽ ﻓﯿﺼﻠﮯ ﮐﮯ ﺑﻌﺪ ﺑﮯ ﻧﻈﯿﺮ ﺑﮭﭩﻮ ﮐﯽ ﺳﯿﺎﺳﯽ ﺟﺪﻭﺟﮩﺪ ﮐﺎ ﺳﻔﺮ ﺷﺎﻣﻞ ﮨﮯ ﺟﺒﮑﮧ ﺩﻭﺳﺮﯼ ﺟﺎﻧﺐ ﻣﺴﻠﻢ ﻟﯿﮓ ﻥ ﮐﮯ ﻗﺎﺋﺪ ﻧﻮﺍﺯ ﺷﺮﯾﻒ ﻧﮯ ﺍﭘﻨﯽ ﺳﯿﺎﺳﺖ ﮐﺎ ﺳﻔﺮ ﻣﻠﮏ ﮐﯽ ﺍﺳﭩﯿﺒﻠﺸﻤﻨﭧ ﮐﯽ ﺳﺮﭘﺮﺳﺘﯽ ﻣﯿﮟ 1980ع ﮐﯽ ﺩﮨﺎﺋﯽ ﮐﮯ ﺍﻭﺍﺋﻞ ﻣﯿﮟ ﺍﺱ ﻭﻗﺖ ﺷﺮﻭﻉ ﮐﯿﺎ ﺟﺐ ﭘﯿﭙﻠﺰﭘﺎﺭﭨﯽ ﺍﺳﯽ ﺳﺎﺑﻖ ﻓﻮﺟﯽ ﺁﻣﺮ ﺿﯿﺎ ﺍﻟﺤﻖ ﮐﯽ ﺣﮑﻮﻣﺖ ﻣﯿﮟ ﻋﺘﺎﺏ ﮐﺎ ﺷﮑﺎﺭ ﺗﮭﯽ. ﺟﺒﮑﮧ ﻧﻮﺍﺯﺷﺮﯾﻒ ﮐﯽ ﺳﯿﺎﺳﯽ ﭘﺮﻭﺭﺵ ﺿﯿﺎﺀﺍﻟﺤﻖ ﮐﯽ ﻓﻮﺟﯽ ﺣﮑﻮﻣﺖ ﮐﮯ ﺯﯾﺮﺳﺎﯾﮧ ﮨﻮﺋﯽ ﺍﻭﺭ ﺍﻥ ﮐﯽ ﻃﯿﺎﺭﮮ ﮐﮯ ﺣﺎﺩﺛﮯ ﻣﯿﮟ ﻣﻮﺕ ﮐﮯ ﺑﻌﺪ ﻧﻮﺍﺯﺷﺮﯾﻒ ﮨﯽ ﺍﻥ ﮐﮯ ﺳﯿﺎﺳﯽ ﺟﺎﻧﺸﯿﻦ ﻗﺮﺍﺭ ﭘﺎﺋﮯ
ﻧﻮﮮ ﮐﯽ ﺩﮨﺎﺋﯽ ﻣﯿﮟ ﺩﻭﻧﻮﮞ ﺣﺮﯾﻒ ﺟﻤﺎﻋﺘﻮﮞ ﮐﺎ ﺍﯾﮏ ﺩﻭﺳﺮﮮ ﮐﯽ ﺣﮑﻮﻣﺖ ﮐﮯ ﺧﻼﻑ ﺳﯿﺎﺳﯽ ﺗﺤﺮﯾﮏ ﭼﻼﻧﮯ ﺍﻭﺭ ﺍﻟﺰﺍﻣﺎﺕ ﻟﮕﺎﻧﺎ ﺁﺝ ﺑﮭﯽ ﺳﺐ ﮐﻮ ﯾﺎﺩ ﮨﮯ، ﻟﯿﮑﻦ ﻧﻮﮮ ﮐﯽ ﺩﮨﺎﺋﯽ ﻣﯿﮟ ﺩﻭ ﻣﺨﺎﻟﻒ ﺍﻧﺘﮩﺎﺅﮞ ﭘﺮ ﮐﮭﮍﮮ ﻣﯿﺎﮞ ﻧﻮﺍﺯ ﺷﺮﯾﻒ ﺍﻭﺭ ﺑﯿﻨﻈﯿﺮ ﺑﮭﭩﻮ ﺍﺳﭩﯿﺒﻠﺸﻤﻨﭧ ﮐﮯ ﻣﻘﺎﺑﻠﮯ ﻣﯿﮟ ﺳﻮﯾﻠﯿﻦ ﺣﮑﻮﻣﺖ ﮐﮯ ﮨﺎﺗﮫ ﻣﻀﺒﻮﻁ ﮐﺮﻧﮯ ﮐﮯ ﻟﯿﮯ ﺍﯾﮏ ﺩﻭﺳﺮﮮ ﮐﮯ ﻗﺮﯾﺐ ﺑﮭﯽ ﺁﺋﮯ
ﻧﻮے ﮐﯽ ﺩﮨﺎﺋﯽ ﮐﮯ ﺩﻭﺭﺍﻥ ﺩﻭﻧﻮﮞ ﺟﻤﺎﻋﺘﯿﮟ ﺍﯾﮏ ﺩﻭﺳﺮﮮ ﮐﯽ ﻣﺨﺎﻟﻔﺖ ﻣﯿﮟ ﺍﯾﮏ ﺩﻭﺳﺮﮮ ﮐﯽ ﺣﮑﻮﻣﺘﯿﮟ ﮔﺮﺍﻧﮯ ﻣﯿﮟ ﮐﺎﻣﯿﺎﺏ ﮨﻮ ﭼﮑﯽ تھیں، ﻟﯿﮑﻦ ﺍﺱ ﺳﮯ ﺟﻤﮩﻮﺭﯼ ﻋﻤﻞ ﺍﻭﺭ ﻧﻈﺎﻡ ﮐﻮ ﻧﮧ ﺻﺮﻑ ﻧﻘﺼﺎﻥ پہنچا، ﺑﻠﮑﮧ ﯾﮧ ﮐﻤﺰﻭﺭ ﺑﮭﯽ ﮨﻮﺍ ﺍﻭﺭ ﺍﺱ ﮐﺎ ﻓﺎﺋﺪﮦ ﺍﺳﭩﯿﺒﻠﺸﻤﻨﭧ ﻧﮯ ﺍﭨﮭﺎﯾﺎ. ﭘﮩﻠﯽ ﻣﺮﺗﺒﮧ ﭼﮫ ﺍﮔﺴﺖ 1990ع ﮐﻮ ﺍﺱ ﻭﻗﺖ ﮐﮯ ﺻﺪﺭ ﻏﻼﻡ ﺍﺳﺤﺎﻕ ﺧﺎﻥ ﻧﮯ ﺁﺋﯿﻦ ﮐﮯ ﺁﺭﭨﯿﮑﻞ 58 (2) ﺑﯽ ﮐﮯ ﺗﺤﺖ ﺑﮯ ﻧﻈﯿﺮ ﺑﮭﭩﻮ ﮐﯽ ﺣﮑﻮﻣﺖ ﺑﺮﻃﺮﻑ ﮐﺮ ﺩﯼ ﺟﺒﮑﮧ 18 ﺍﮔﺴﺖ 1993ع ﮐﻮ ﺍﯾﮏ ﺑﺎﺭ ﭘﮭﺮ ﺻﺪﺭ ﻏﻼﻡ ﺍﺳﺤﺎﻕ ﺧﺎﻥ ﻧﮯ ﺁﺋﯿﻨﯽ ﺍﺧﺘﯿﺎﺭ ﺍﺳﺘﻌﻤﺎﻝ ﮐﺮﺗﮯ ﮨﻮﺋﮯ ﻧﻮﺍﺯ ﺷﺮﯾﻒ ﺣﮑﻮﻣﺖ ﮐﻮ ﺑﺮﻃﺮﻑ ﮐﯿﺎ، ﻟﯿﮑﻦ ﺍﺱ ﺑﺎﺭ ﺳﭙﺮﯾﻢ ﮐﻮﺭﭦ ﻧﮯ ﻧﮧ ﺻﺮﻑ ﻓﯿﺼﻠﮧ ﻏﯿﺮ ﺁﺋﯿﻨﯽ ﻗﺮﺍﺭ ﺩﯾﺎ ﺑﻠﮑﮧ ﺣﮑﻮﻣﺖ ﺑﺤﺎﻝ بھی ﮐﺮ ﺩﯼ
ﭘﺎﻧﭻ ﻧﻮﻣﺒﺮ 1996ع ﮐﻮ ﺍﺱ ﻭﻗﺖ ﮐﮯ ﺻﺪﺭ ﻓﺎﺭﻭﻕ ﻟﻐﺎﺭﯼ ﻧﮯ ﺑﮯ ﻧﻈﯿﺮ ﺑﮭﭩﻮ ﮐﯽ ﺣﮑﻮﻣﺖ ﮐﻮ ﺍﺳﯽ ﺁﺋﯿﻨﯽ ﺷﻖ ﮐﮯ ﺗﺤﺖ ﺑﺮﻃﺮﻑ ﮐﺮ ﺩﯾﺎ ﺟﺲ ﮐﮯ ﺑﻌﺪ ﭘﺎﮐﺴﺘﺎﻥ ﭘﯿﭙﻠﺰ ﭘﺎﺭﭨﯽ ﺍﻭﺭ ﻣﺴﻠﻢ ﻟﯿﮓ ﻥ ﻧﮯ ﺁﺋﯿﻦ ﻣﯿﮟ ﺗﺮﻣﯿﻢ ﮐﮯ ﻟﯿﮯ ﭘﮩﻠﯽ ﻣﺮﺗﺒﮧ ﺳﯿﺎﺳﯽ ﺗﻌﺎﻭﻥ ﮐﯿﺎ ﺍﻭﺭ ﻧﻮﺍﺯ ﺷﺮﯾﻒ ﮐﮯ ﺩﻭﺳﺮﯼ ﻣﺮﺗﺒﮧ ﺍﻗﺘﺪﺍﺭ ﻣﯿﮟ ﺁﻧﮯ ﮐﮯ ﺑﻌﺪ ﺩﻭ ﺗﮩﺎﺋﯽ ﺍﮐﺜﺮﯾﺖ ﺳﮯ ﺍﭘﺮﯾﻞ 1997ع ﻣﯿﮟ 13 ﻭﯾﮟ ﺁﺋﯿﻨﯽ ﺗﺮﻣﯿﻢ ﮐﮯ ﺫﺭﯾﻌﮯ ﺻﺪﺭ ﮐﮯ ﺻﻮﺍﺑﺪﯾﺪﯼ ﺍﺧﺘﯿﺎﺭ 58 (2) ﺑﯽ ﮐﻮ ﺧﺘﻢ ﮐﺮ ﺩﯾﺎ ﺍﺱ ﻭﻗﺖ ﺻﺪﺭ ﻣﻤﻠﮑﺖ ﻓﺎﺭﻭﻕ ﻟﻐﺎﺭﯼ ﺍﻭﺭ ﺁﺭﻣﯽ ﭼﯿﻒ ﺟﻨﺮﻝ ﺟﮩﺎﻧﮕﯿﺮ ﮐﺮﺍﻣﺖ ﺗﮭﮯ ﻣﮕﺮ 2000ع ﮐﯽ ﺩﮨﺎﺋﯽ ﮐﮯ ﺍﻭﺍﺋﻞ ﻣﯿﮟ ﺳﺎﺑﻖ ﻓﻮﺟﯽ ﺁﻣﺮ ﭘﺮﻭﯾﺰ ﻣﺸﺮﻑ ﻧﮯ 58 (2) ﺑﯽ ﮐﺎ ﮔﮍﮬﺎ ﻣﺮﺩﮦ ﻧﮑﺎﻻ ﺍﻭﺭ ﺍﺳﮯ ﺟﮭﺎﮌ ﭘﻮﻧﭽﮫ ﮐﺮ 17ﻭﯾﮟ ﺁﺋﯿﻨﯽ ﺗﺮﻣﯿﻢ ﮐﮯ ﺗﺤﺖ ﺍﺳﻤﺒﻠﯽ ﺍﻭﺭ ﻭﺯﯾﺮِﺍﻋﻈﻢ ﮐﮯ ﺳﺮ ﭘﺮ ﺗﻠﻮﺍﺭ ﮐﯽ ﻃﺮﺡ ﻟﭩﮑﺎ ﺩﯾﺎ
1988ع ﻣﯿﮟ ﭘﯿﭙﻠﺰ ﭘﺎﺭﭨﯽ ﮐﯽ ﺣﮑﻮﻣﺖ ﺁﺋﯽ، 1990ع ﻣﯿﮟ ﻣﺴﻠﻢ ﻟﯿﮓ ﻧﻮﻥ ﺣﮑﻮﻣﺖ ﺑﻨﺎﻧﮯ ﻣﯿﮟ ﮐﺎﻣﯿﺎﺏ ﺭﮨﯽ، ﭘﯿﭙﻠﺰ ﭘﺎﺭﭨﯽ ﻧﮯ 1993ع ﻣﯿﮟ ﻧﻮﺍﺯ ﺣﮑﻮﻣﺖ ﮔﺮﺍ ﮐﺮ ﺍﭘﻨﯽ ﺣﮑﻮﻣﺖ ﺑﻨﺎﺋﯽ ﺍﻭﺭ ﭘﮭﺮ ﺍﯾﮏ ﺑﺎﺭ ﺩﻭﺑﺎﺭﮦ 1997ع ﻣﯿﮟ ﻧﻮﺍﺯ ﺷﺮﯾﻒ ﭘﯿﭙﻠﺰ ﭘﺎﺭﭨﯽ ﮐﯽ ﺣﮑﻮﻣﺖ ﮔﺮﺍ ﮐﺮ ﺍﭘﻨﯽ ﺣﮑﻮﻣﺖ ﺑﻨﺎﻧﮯ ﻣﯿﮟ ﮐﺎﻣﯿﺎﺏ ﺭﮨﮯ ﺟﺲ ﮐﺎ ﺗﺨﺘﮧ ﺳﻨﮧ 1999ع ﻣﯿﮟ ﺳﺎﺑﻖ ﻓﻮﺟﯽ ﺁﻣﺮ ﭘﺮﻭﯾﺰ ﻣﺸﺮﻑ ﻧﮯ ﺍﻟﭩﺎ ﺩﯾﺎ ﺗﮭﺎ. ﺩﻭﻧﻮﮞ ﺳﯿﺎﺳﯽ ﺣﺮﯾﻒ ﺟﻤﺎﻋﺘﻮﮞ ﻣﯿﮟ ﻗﺮﺑﺖ ﮐﺎ ﺁﻏﺎﺯ 1999ع ﻣﯿﮟ ﺳﺎﺑﻖ ﻓﻮﺟﯽ ﺁﻣﺮ ﺟﻨﺮﻝ ﭘﺮﻭﯾﺰ ﻣﺸﺮﻑ ﮐﮯ ﺍﻗﺘﺪﺍﺭ ﺳﻨﺒﮭﺎﻟﻨﮯ ﮐﮯ ﺑﻌﺪ ﮨﻮﺍ
ﭘﺮﻭﯾﺰ ﻣﺸﺮﻑ ﮐﯽ ﺣﮑﻮﻣﺖ ﮐﮯ ﺁﻏﺎﺯ ﻣﯿﮟ ﮨﯽ ﻣﺴﻠﻢ ﻟﯿﮓ (ﻥ) ﺍﻭﺭ ﭘﯿﭙﻠﺰ ﭘﺎﺭﭨﯽ ﻣﯿﮟ ﻗﺮﺑﺖ ﭘﯿﺪﺍ ﮨﻮ ﮔﺌﯽ ﺍﻭﺭ ﺍﻧﮩﻮﮞ ﻧﮯ ﻣﺸﺮﻑ ﺣﮑﻮﻣﺖ ﮐﮯ ﺧﻼﻑ ﺍﻻﺋﻨﺲ ﻓﺎﺭ ﺭﯾﺴﭩﻮﺭﯾﺸﻦ ﺁﻑ ﮈﯾﻤﻮﮐﺮﯾﺴﯽ ﯾﺎ ﺍﺗﺤﺎﺩ ﺑﺮﺍﺋﮯ ﺑﺤﺎﻟﯽٔ ﺟﻤﮩﻮﺭﯾﺖ (ﺍﮮ ﺁﺭ ﮈﯼ) ﮐﺎ ﺳﯿﺎﺳﯽ ﺍﺗﺤﺎﺩ ﻗﺎﺋﻢ ﮐﯿﺎ، ﺗﺎﮨﻢ ﺩﻭﻧﻮﮞ ﺑﮍﯼ ﺟﻤﺎﻋﺘﻮﮞ ﻧﮯ ﭘﺎﮐﺴﺘﺎﻥ ﻣﯿﮟ ﺭﮦ ﮐﺮ ﺟﺪﻭﺟﮩﺪ ﮐﺮﻧﮯ ﺍﻭﺭ ﺑﮯ ﻧﻈﯿﺮﺑﮭﭩﻮ ﺍﻭﺭ ﻧﻮﺍﺯﺷﺮﯾﻒ ﮐﻮ ﺍﯾﮏ ﻣﯿﺰ ﭘﺮ ﺑﭩﮭﺎﻧﮯ ﻭﺍﻟﮯ ﺍﮮ ﺁﺭﮈﯼ ﮐﮯ ﺳﺮﺑﺮﺍﮦ ﻧﻮﺍﺑﺰﺍﺩﮦ ﻧﺼﺮﷲ ﺧﺎﻥ (ﻣﺮﺣﻮﻡ) ﮐﻮ ﺩﮬﻮﮐﺎ ﺩﯾﺎ ﺍﻭﺭ ﭘﻨﺠﺎﺏ ﮐﯽ ﻭﺯﺍﺭﺕ ﺍعلیٰ ﻧﻮﻥ ﻟﯿﮓ ﮐﮯ ﭘﺎﺱ ﺁﺗﮯ ﮨﯽ اس ﺩﻓﺘﺮ کو گرا دیا جس میں ﺑﯿﭩﮫ ﮐﺮ نوابزادہ نصرﷲ خان نے ﺍﮮ ﺁﺭﮈﯼ ﺳﻤﯿﺖ ﮐﺌﯽ ﺳﯿﺎﺳﯽ ﺗﺤﺮﯾﮑﯿﮟ ﭼﻼﺋﯽ ﺗﮭﯿﮟ
ﺳﯿﺎﺳﯽ ﻣﺒﺼﺮﯾﻦ ﮐﺎ ﮐﮩﻨﺎ ﮨﮯ ﮐﮧ ﺁﺻﻒ ﻋﻠﯽ ﺯﺭﺩﺍﺭﯼ ﻧﮯ 2013ع ﻣﯿﮟ ﻗﺎﺋﻢ ﮨﻮﻧﮯ ﻭﺍﻟﯽ ﻧﻮﻥ ﻟﯿﮓ ﮐﯽ ﺣﮑﻮﻣﺖ ﮐﻮ ﺑﮭﺮﭘﻮﺭﺣﻤﺎﯾﺖ ﻓﺮﺍﮨﻢ ﮐﯽ ﺍﻭﺭ ﮨﺮ ﻣﺸﮑﻞ ﻭﻗﺖ ﻣﯿﮟ ﻃﺎﻗﺘﻮﺭ ﺍﭘﻮﺯﯾﺸﻦ ﺟﻤﺎﻋﺖ ﮐﯽ ﺣﯿﺜﯿﺖ ﺳﮯ ﻧﻮﺍﺯﺷﺮﯾﻒ ﺍﻭﺭ ﺍﻥ ﮐﯽ ﺣﮑﻮﻣﺖ ﮐﯽ ﻣﺪﺩ ﮐﯽ ﺗﺎﮨﻢ ﺟﺐ ﻧﻮﺍﺯﺷﺮﯾﻒ ﻧﮯ ﺳﻨﺪﮪ ﻣﯿﮟ ﭘﯿﭙﻠﺰﭘﺎﺭﭨﯽ ﮐﯽ ﻣﺮﮐﺰﯼ ﻗﯿﺎﺩﺕ ﺍﻭﺭ ﺻﻮﺑﺎﺋﯽ ﺣﮑﻮﻣﺖ ﮐﮯ ﺧﻼﻑ ﻧﯿﺐ ﮐﯿﺴﻮﮞ ﮐﺎ ﺳﻠﺴﻠﮧ ﺷﺮﻭﻉ ﮐﺮﻭﺍﯾﺎ ﺗﻮ ﺍﺱ ﭘﺮ ﺁﺻﻒ ﺯﺭﺩﺍﺭﯼ ﻧﮯ ﺳﺨﺖ ﻧﺎﭘﺴﻨﺪﯾﺪﮔﯽ ﮐﺎ ﺍﻇﮩﺎﺭ ﮐﯿﺎ ﺍﻭﺭ ﺩﻭﻧﻮﮞ ﺟﻤﺎﻋﺘﻮﮞ ﮐﮯ ﺗﻌﻠﻘﺎﺕ ﻣﯿﮟ ﺩﺭﺍﮌﯾﮟ ﺁگئیں
قربتوں اور دوریوں، اعتبار اور بے اعتباری کا یہ سلسلہ ہنوز جاری ہے، اب دیکھنا یہ ہے کہ مشترکہ دشمن انہیں آپس میں جوڑے رکھنے پر مجبور رکھ سکتا ہے یا پھر مفادات کا اختلاف دوبارہ ان میں دوریاں بڑھا دے گا.
