اسلام آباد : وفاقی دارالحکومت اسلام آباد کے تمام تدریسی اور غیرتدریسی عملے کی ویکسی نیشن 5 جون تک مکمل کرنے کی ہدایت کردی گئی ہے
اس حوالے سے وفاقی نظامت تعلیمات نے اسلام آباد کے تمام تعلیمی اداروں کو مراسلہ بھی جاری کر دیا ہے
مراسلے میں کہا گیا کہ تمام اساتذہ اور تعلیمی اداروں کا غیر تدریسی عملہ فوری ویکسینیشن کرائے، تدریسی اور غیر تدریسی عملے کی ویکسینیشن سے متعلق رپورٹ بھی طلب کرلی گئی ہے
جب کہ دوسری جانب 19 سال اور زائد عمر کے افراد کی ویکسین کے لئے بھی رجسٹریشن کا آغاز کر دیا گیا ہے
اب انیس سال یا اس سے زائد عمر کے افراد بھی اپنا شناختی کارڈ نمبر ڈیش اور اسپیس کے بغیر 1166 پر ایس ایم ایس کر کے اپنی کورونا ویکسین کی رجسٹریشن کروا سکتے ہیں
انہیں ویکسین کے لئے اندراج کے بعد ویکسین سینٹر اور ویکسینیشن کی تاریخ کے بارے میں آگاہ کر دیا جائے گا
جب کہ چالیس سے زیادہ عمر والے رجسٹرڈ افراد کسی بھی ویکسینیشن سینٹر میں جا کر ویکسین لگوا سکتے ہیں.
