ﻭﻓﺎﻗﯽ ﺣﮑﻮﻣﺖ ﻧﮯ ﻧﻮﻣﺒﺮ 2020ع ﺳﮯ ﺍﮐﺎﺋﻮﻧﭧ ﮐﮯ ﺫﺭﯾﻌﮯ ﭘﻨﺸﻨﺰ ﮐﯽ ﺍﺩﺍﺋﯿﮕﯽ ﮐﺎ ﺣﺘﻤﯽ ﻓﯿﺼﻠﮧ ﮐﺮﻟﯿﺎ۔
تفصیلات کے مطابق 18 ﻻﮐﮫ ﻣﯿﮟ ﺳﮯ 13 ﻻﮐﮫ ﭘﻨﺸﻨﺮﺯ ﮐﻮ ﺍﺩﺍﺋﯿﮕﯽ ﺑﯿﻨﮏ ﺍﮐﺎﺋﻮﻧﭧ ﺳﮯ ﻧﮩﯿﮟ ﮨﻮﺗﯽ، ﺟﺲ ﮐﯽ ﻭﺟﮧ ﺳﮯ ﺍﺭﺑﻮﮞ ﺭﻭﭘﮯ ﮐﯽ ﺑﮯ ﺿﺎﺑﻄﮕﯿﺎﮞ ﮨﻮﺋﯽ ﮨﯿﮟ، ﻟﮩٰﺬﺍ ﻓﯿﺼﻠﮧ ﮐﯿﺎ ﮔﯿﺎ ﮨﮯ ﮐﮧ ﺍﮐﺘﻮﺑﺮ 2020ع ﺳﮯ ﺑﻐﯿﺮ ﺍﮐﺎﺋﻮﻧﭧ ﭘﻨﺸﻦ ﻟﯿﻨﮯ ﮐﺎ ﺳﻠﺴﻠﮧ ﺧﺘﻢ ﮐﺮﺩﯾﺎ ﺟﺎﺋﮯ ﮔﺎ ﺟﺲ ﮐﯿﻠﺌﮯ ﺳﭩﯿﭧ ﺑﻨﮏ ﺁﻑ ﭘﺎﮐﺴﺘﺎﻥ ﮐﻮ ﮨﺪﺍﯾﺎﺕ ﺟﺎﺭﯼ ﮐﺮﺩﯼ ﮔﺌﯽ ﮨﯿﮟ ﮐﮧ ﺍﻥ ﺗﻤﺎﻡ ﺍﻓﺮﺍﺩ ﮐﮯ ﺑﯿﻨﮏ ﺍﮐﺎﺋﻮﻧﭧ ﮐﮭﻮﻟﮯ ﺟﺎﺋﯿﮟ ﺟﺲ ﮐﮯ ﺑﻌﺪ ﻧﻮﻣﺒﺮ 2020 ﺀ ﺳﮯ ﺍﮐﺎﺋﻮﻧﭧ ﮐﮯ ﺫﺭﯾﻌﮯ ﭘﻨﺸﻦ ﮐﯽ ﺍﺩﺍﺋﯿﮕﯿﺎﮞ ﮐﯽ ﺟﺎﺋﯿﮟ ﮔﯽ ﺟﺲ ﺳﮯ ﯾﮧ ﺗﺼﺪﯾﻖ ﮨﻮﺳﮑﮯ ﮔﯽ ﮐﮧ ﭘﻨﺸﻦ ﻣﺘﻌﻠﻘﮧ ﺍﻓﺮﺍﺩ ﮐﻮ ﮨﯽ ﻣﻞ ﺭﮨﯽ ﮨﮯ۔
ذرائع نے بتایا ہے کہ ﻭﻓﺎﻗﯽ ﺍﺩﺍﺭﻭﮞ ﮐﮯ ﭘﻨﺸﻨﺮﺯ ﮐﯽ ﻣﺠﻤﻮﻋﯽ ﺗﻌﺪﺍﺩ 18 ﻻﮐﮫ ﺗﮏ ﭘﮩﻨﭻ ﭼﮑﯽ ﮨﮯ ﺟﻨﮩﯿﮟ ﮐﯽ ﺟﺎﻧﮯ ﻭﺍﻟﯽ ﺍﺩﺍﺋﯿﮕﯿﻮﮞ کا ﺣﺠﻢ گذشتہ 3 ﺳﺎﻟﻮﮞ ﻣﯿﮟ 146 ﺍﺭﺏ ﺭﻭﭘﮯ ﺍﺿﺎﻓﮯ ﮐﮯ ﺳﺎﺗﮫ 448 ﺍﺭﺏ ﺗﮏ ﭘﮩﻨﭻ ﭼﮑﺎ ﮨﮯ.
ﻭﺯﺍﺭﺕ ﺧﺰﺍﻧﮧ ﻧﮯ ﺍﺱ ﺳﻠﺴﻠﮯ ﻣﯿﮟ ﻭﺯﯾﺮﺍﻋﻈﻢ ﻋﻤﺮﺍﻥ ﺧﺎﻥ ﮐﻮ ﺭﭘﻮﺭﭦ ﭘﯿﺶ ﮐﯽ یے، ﺟﺲ ﻣﯿﮟ ﮐﮩﺎ ﮔﯿﺎ ﮨﮯ ﮐﮧ ﭘﻨﺸﻦ ﻟﯿﻨﮯ ﻭﺍﻟﻮﮞ ﮐﯽ ﺗﻌﺪﺍﺩ ﻣﯿﮟ ﺍﺱ ﻗﺪﺭ ﺍﺿﺎﻓﮧ ﮨﻮﺍ ﮐﮧ ﺍﺏ ﮨﻢ ﭘﻨﺸﻦ ﺍﺩﺍ ﮐﺮﻧﮯ ﮐﮯ ﻗﺎﺑﻞ ﻧﮩﯿﮟ ﺭﮨﮯ.
ﻭﺯﯾﺮﺍﻋﻈﻢ ﮐﻮ ﺑﺘﺎ ﮔﯿﺎ ﮐﮧ ﺑﮩﺖ ﺳﯽ ﮐﻤﭙﻨﯿﺎﮞ ﭘﻨﺸﻦ ﮐﯽ ﻣﺪ ﻣﯿﮟ ﺭﮐﮭﯽ ﮔﺌﯽ ﺭﻗﻢ ﮐﻮ ﮐﮩﯿﮟ ﺍﻧﻮﯾﺴﭧ ﮐﺮﺗﯽ ﮨﯿﮟ ﺍﻭﺭ ﺍﺱ ﺳﮯ ﮨﻮﻧﮯ ﻭﺍﻟﯽ ﺁﻣﺪﻧﯽ ﮐﮯ ﻧﺘﯿﺠﮯ ﻣﯿﮟ ﭘﻨﺸﻦ ﺍﺩﺍ ﮐﯽ ﺟﺎﺗﯽ ﮨﮯ جب کہ ﻭﻓﺎﻗﯽ ﺳﻄﺢ ﭘﺮ ﺍﺱ ﻗﺴﻢ ﮐﺎ ﮐﻮﺋﯽ ﻧﻈﺎﻡ ﻣﻮﺟﻮﺩ ﻧﮩﯿﮟ ﮨﮯ، ﺟﺲ ﮐﯽ ﻭﺟﮧ ﺳﮯ ﭘﻨﺸﻦ ﮐﯽ ﻣﺪ ﻣﯿﮟ ﻗﻮﻣﯽ ﺧﺰﺍﻧﮯ ﭘﺮ ﭘﮍﻧﮯ ﻭﺍﻻ ﺑﻮﺟﮫ ﺭﻭﺍﮞ ﻣﺎﻟﯽ ﺳﺎﻝ ﻣﯿﮟ 470 ﺍﺭﺏ ﺭﻭﭘﮯ ﺗﮏ ﭘﮩﻨﭻ ﺟﺎﺋﮯ ﮔﺎ
ذرائع کے مطابق ﻭﺯﯾﺮﺍﻋﻈﻢ ﻧﮯ ﺟﺐ ﺍﺱ ﺑﺎﺭﮮ ﻣﯿﮟ ﭘﻮﭼﮭﺎ ﺗﻮ ﺍﻧﮩﯿﮟ ﺑﺘﺎﯾﺎ ﮔﯿﺎ ﮐﮧ ﺍﻥ ﮐﻤﭙﻨﯿﻮﮞ ﻣﯿﮟ ﺑﯿﭩﮭﮯ ﺍﻓﺴﺮﺍﻥ ﻧﮯ ﺣﮑﻮﻣﺖ ﮐﻮ ﺑﺘﺎﺋﮯ ﺑﻐﯿﺮ ﭘﻨﺸﻦ ﻣﯿﮟ ﺑﮯ ﭘﻨﺎﮦ ﺍﺿﺎﻓﮧ ﮐﯿﺎ، ﺟﺲ ﮐﻮ ﻭﺯﺍﺭﺕ ﺧﺰﺍﻧﮧ ﮐﯽ ﻃﺮﻑ ﺳﮯ ﻏﯿﺮ ﻗﺎﻧﻮﻧﯽ ﻗﺮﺍﺭ ﺩﯾﺎ ﮔﯿﺎ ﮨﮯ.
ﻭﺯﯾﺮﺍﻋﻈﻢ ﮐﯽ ﮨﺪﺍﯾﺖ ﭘﺮ ﺍﻥ ﮐﻤﭙﻨﯿﻮﮞ ﮐﺎ ﻓﺮﺍﻧﺰﮎ ﺁﮈﭦ ﮐﺮﻭﺍﯾﺎ ﺟﺎﺋﮯ ﮔﺎ جب کہ ﻭﺯﯾﺮﺍﻋﻈﻢ ﻋﻤﺮﺍﻥ ﺧﺎﻥ ﻧﮯ اس سلسلے میں ﻣﺸﯿﺮِ ﺧﺰﺍﻧﮧ ﺳﮯ ﺳﻔﺎﺭﺷﺎﺕ ﺑﮭﯽ ﻃﻠﺐ ﮐﺮﻟﯽ ﮨﯿﮟ ﺍﻭﺭ انہیں ﮐﮩﺎ ﮔﯿﺎ ﮨﮯ ﮐﮧ یہ سفارشات ﺁﺋﻨﺪﮦ ﮨﻔﺘﮯ ﻭﻓﺎﻗﯽ ﮐﺎﺑﯿﻨﮧ ﮐﮯ ﺍﺟﻼﺱ ﻣﯿﮟ ﭘﯿﺶ ﮐﯽ ﺟﺎﺋﯿﮟ ﺗﺎﮐﮧ ﺣﮑﻮﻣﺖ ﻗﻮﻣﯽ ﺧﺰﺍنے ﭘﺮ ﭘﮍﻧﮯ ﻭﺍﻟﮯ 470 ﺍﺭﺏ ﺭﻭﭘﮯ ﮐﮯ اس ﺑﻮﺟﮫ ﺳﮯ نمٹنے کے لئے ﮐﻮﺋﯽ ﻭﺍﺿﺢ ﻓﯿﺼﻠﮧ ﮐﺮ ﺳﮑﮯ
واضح رہے کہ ﻭﺯﯾﺮﺍﻋﻈﻢ ﮐﯽ ﮨﺪﺍﯾﺖ پر ﺍﭘﺮﯾﻞ ﻣﯿﮟ ﭘﮯ ﺍﯾﻨﮉ ﮐﻤﯿﺸﻦ ﺑﻨﺎ تھا، ﺟﺲ ﮐﻮ ﺍﺱ ﭼﯿﻠﻨﺞ ﺳﮯ ﻧﻤﭩﻨﮯ ﮐﯿﻠﺌﮯ ﺳﻔﺎﺭﺷﺎﺕ ﭘﯿﺶ ﮐﺮﻧﮯ ﮐﯽ ﮨﺪﺍﯾﺖ ﮐﯽ ﮔﺌﯽ ﺗﮭﯽ لیکن ﺍﺱ ﮐﻤﯿﺸﻦ ﮐﮯ ﭼﯿﺌﺮﻣﯿﻦ کی ﻃﺒﯿﻌﺖ کی ﻧﺎﺳﺎﺯی کی وجہ ﺳﮯ ﺍﺱ ﭘﺮ پیش رفت ﻧﮩﯿﮟ ﮨﻮ سکی.
ﺗﺎﮨﻢ ﺍﺏ ﻣﺎﺿﯽ ﮐﯽ ﺣﮑﻮﻣﺘﻮﮞ ﮐﯽ ﻃﺮﻑ ﺳﮯ ﭘﻨﺸﻦ ﮐﯽ ﻣﺪ ﻣﯿﮟ ﮐﯿﮯ ﮔﺌﮯ ﻓﯿﺼﻠﻮﮞ ﭘﺮ ﻧﻈﺮ ﺛﺎﻧﯽ ﮐﮯ ﺳﻠﺴﻠﮯ ﻣﯿﮟ ﻭﺭﻟﮉ ﺑﯿﻨﮏ ﮐﯽ ﺧﺪﻣﺎﺕ ﺑﮭﯽ ﺣﺎﺻﻞ ﮐﯽ ﮔﺌﯽ ﮨﯿﮟ، ﺟﺲ ﮐﺎ ﭘﯽ ﺳﯽ ﻭﻥ ﺗﯿﺎﺭ ﮐﯿﺎ ﺟﺎﭼﮑﺎ ﮨﮯ. ﺟﺲ ﮐﮯ ﺗﺤﺖ ﻭﺭﻟﮉ ﺑﯿﻨﮏ ﻧﻈﺎﻡ ﮐﯽ ﺑﮩﺘﺮﯼ ﮐﯿﻠﺌﮯ ﻧﺎﺻﺮﻑ ﻓﻨﮉﺯ بلکہ ﺍﭘﻨﯽ ﺧﺪﻣﺎﺕ ﺑﮭﯽ ﻓﺮﺍﮨﻢ ﮐﺮﮮ ﮔﺎ۔
