ﻣﻮﺭﺧﮧ یکم ﻓﺮﻭﺭﯼ 2018ع ﮐﻮ ﻣﯿﮟ ﻧﮯ ﺩﯾﮫ ﺑﻨﺪ ﻣﺮﺍﺩ ﮐﺎ ﻭﺯﭦ ﮐﯿﺎ، ﺍﺱ ﺗﺼﻮﯾﺮ ﮐﮯ ﭘﯿﭽﮭﮯ ﺁﭖ ﮐﻮ ﻭﯾﺮﺍﻧﯽ ﻣﯿﮟ ﺍﯾﮏ بھوت ﺑﻨﮕﻠﮧ ﻧﻈﺮ ﺁ رہا ﮨﮯ، ﯾﮧ ﺿﻠﻊ ﻟﻮﮐﻞ ﺑﻮﺭﮈ ﮐﺮﺍﭼﯽ ﮐﺎ ﺭﯾﺴﭧ ہاؤﺱ ﮨﮯ.
ﯾﮧ ﺭﯾﺴﭧ ہاؤس ﺳﻦ 1930ع میں ﻣﮑﻤﻞ ہوا ﺗﮭﺎ. ﺟﺐ ﺳﺎﺋﯿﮟ ﺟﯽ ﺍﯾﻢ ﺳﯿﺪ ﺿﻠﻊ ﻟﻮﮐﻞ ﺑﻮﺭﮈ کے ﺻﺪﺭ ﻣﻨﺘﺨﺐ ﮨﻮﺋﮯ تھے ، ﺗﻮ ﺍﺱ ﺩﻭﺭ ﻣﯿﮟ ﺟﯽ ﺍﯾﻢ ﺳﯿﺪ ﻧﮯ ﯾﮧ ﺭﯾﺴﭧ ہاﺅﺱ ﺑﻨﻮﺍﯾﺎ ﺗﮭﺎ.
ﯾﺎﺩ ﺭہے ﮐﮧ ﺟﯽ ﺍﯾﻢ ﺳﯿﺪ 1928ع ﺳﮯ 1933ع ﺗﮏ ﺿﻠﻊ ﻟﻮﮐﻞ ﺑﻮﺭﮈ ﮐﺮﺍﭼﯽ کے ﺻﺪﺭ ﺭہ چکے ﮨﯿﮟ، ﮐﯿﻮﻧﮑﮧ ﺍﺱ ﻭﻗﺖ ﻣﺤﺎﻝ ﻣﺎﻧﺠﮭﻨﺪ، ﻣﺤﺎﻝ ﮐﻮﮬﺴﺘﺎﻥ ﺍﻭﺭ ﮐﻮﭨﮍﯼ ﮐﺮﺍﭼﯽ ﻟﻮﮐﻞ ﺑﻮﺭﮈ ﻣﯿﮟ ﺷﺎﻣﻞ ﺗﮭﮯ. ﺳﺎئیں ﺟﯽ ﺍﯾﻢ ﺳﯿﺪ ﮐﺎ ﮔﺎﺅﮞ ﺳﻦ ﮐﺮﺍﭼﯽ ﻣﯿﮟ ﺷﺎﻣﻞ ﺗﮭﺎ۔
ﺟﺐ ﺭﯾﺴﭧ ﺑﻨﺎ ﺗﮭﺎ, ﺗﻮ ﯾﮧ ﭘﻮﺭﺍ ﻋﻼقہ ﺳﺮ ﺳﺒﺰ ﺍﻭﺭ ﺷﺎﺩﺍﺏ ﺗﮭﺎ. ﺣﺐ ﻧﺪﯼ ﺍﺱ ﮐﮯ ﭘﮩﻠﻮ ﺳﮯ گزر ﮐﺮ ﺑﮩﺘﯽ ﺗﮭﯽ. ﺗﺼﻮﺭ ﮐﺮﯾﮟ، تب ﮐﯿﺎ ہی ﻋﺎﺷﻘﺎنہ ﻣﻨﻈﺮ ہوگا ﻣﻮﺟﻮﺩﮦ دور کے ﺍﺱ ﻭﯾﺮﺍﻥ ﻋﻼﻗﮯ ﮐﺎ.. ﻓﻄﺮﺕ سے محبت کرنے والوں ﮐﮯ لیے ﯾﮧ ﺟﻨﺖ ﮐﺎ ٹکڑا ﺗﮭﺎ۔
ﯾﮧ ﺍﺱ ﻭﻗﺖ ﮐﯽ ﺑﺎﺕ ﮬﮯ، ﺟﺐ ﺣﺐ ﮈﯾﻢ ﺍﻭﺭ ﺩﺭﯾﺠﯽ ﻣﯿﮟ ﮈﯾﻢ ﺑﻨﮯ نہیں ﺗﮭﮯ، ﺗﻮ ﺣﺐ ﭘﻮﺭﺍ ﺳﺎﻝ ﺑﮩﺘﺎ ﺗﮭﺎ. ﺟﺲ کی ﻭﺟﮧ ﺳﮯ ﻣﻨﮕﮭﻮ ﭘﯿﺮ ﺳﮯ ﮔﺎﺑﻮ ﭘﭧ ،ﭼﮭﺘﺎﺭﺍ ﺍﻭﺭ ﻣﯿﻨﺪﯾﺎﺭﯼ ﺗﮏ پورا ﻋﻼقہ ﺁﺑﺎﺩ ﺗﮭﺎ. ﺍﺏ ﺳﻤﻨﺪﺭ ﻣﯿﮟ ﻣﯿﭩﮭﺎ ﭘﺎﻧﯽ ﻧﮩﯿﮟ ﮔﺮﺗﺎ ﺗﻮ ﺳﻤﻨﺪﺭ ﮐﺎ ﭘﺎﻧﯽ ﺯﯾﺮ ﺯﻣﯿﻦ ﺑﮍﮬﻨﮯ ﮐﯽ ﻭﺟﮧ ﺳﮯ ﺯﯾﺮ ﺯﻣﯿﻦ ﭘﺎﻧﯽ کھارا ہو چکا ہے، نتیجے میں یہ ﻋﻼقے ﻭﯾﺮﺍﻥ یو ﮔﺌﮯ۔
ﯾﮧ ﻗﺪﺭﺕ ﮐﺎ ﻧﻈﺎﻡ ہے، ﺟﺐ ہم ﻓﻄﺮﺕ ﺳﮯ ﮐﮭﻠﻮﺍﮌ ﮐﺮﺗﮯ ہیں، ﺗﻮ ﻭﯾﺮﺍﻧﯿﺎﮞ ہمارے ﻧﺼﯿﺐ ﻣﯿﮟ لکھ دی ﺟﺎﺗﯽ ہیں.
سن 1979ع ﻣﯿﮟ ﻣﺎﮈﻝ ﮈکٹیٹر ﺿﯿﺎء ﻧﮯ ﭘﺮﺍﻧﺎ ﺑﻠﺪﯾﺎﺗﯽ ﻧﻈﺎﻡ ﺧﺘﻢ ﮐﯿﺎ، ﺿﻠﻊ ﻟﻮﮐﻞ ﺑﻮﺭﮈ ﮐﺮﺍﭼﯽ ﮐﻮ ﻧﯿﺎ ﻧﺎﻡ ﺿﻠﻊ ﮐﻮﻧﺴﻞ ﮐﺮﺍﭼﯽ ﺩﯾﺎ ﮔﯿﺎ، ﺗﻮ ﯾﮧ ﺭﯾﺴﭧ ہاؤس ﺑﮭﯽ ضلع لوکل بورڈ کراچی کے زیرِ انتظام چلا گیا. 1998ع ﺗﮏ ﯾﮧ ﺻﺤﯿﺢ ﺣﺎﻟﺖ ﻣﯿﮟ تھا۔ﭘﮭﺮ ﺳﺐ ﻧﮯ ﺍﺱ ﺧﻮﺑﺼﻮﺭﺕ ﺭﯾﺴﭧ ہاؤس ﺳﮯ منہ ﻣﻮﮌ ﻟﯿﺎ.. ﺣﺐ ﺳﻮﮐﮫ ﮔﯿﺎ ﺗﻮ ﻭﯾﺮﺍﻧﯽ ﻧﮯ ﯾﮩﺎﮞ ﮈیرے ﮈﺍﻟﮯ لیے۔ ﺍﺏ ﺍﺱ ﮐﯽ ﮐﮭﮍﮐﯿﺎﮞ ﺍﻭﺭ ﺩﺭﻭﺍﺯﮮ ﺑﮭﯽ ﻟﻮﮒ ﺍﮐﮭﺎﮌ ﮐﺮ ﻟﮯ ﮔﺌﮯ. ﺿﻠﻊ ﮐﻮﻧﺴﻞ ﮐﺎ ﺣﯿﺪﺭ ﺑﺨﺶ ﻧﺎﻣﯽ چوکیدار ﯾﮩﺎﮞ ﺗﻌﯿﻨﺎﺕ ﺗﮭﺎ، ﺩﻭ ﺳﺎﻝ ﭘﮩﻠﮯ ﺍﺱ ﺍﻧﺘﻘﺎﻝ ہو ﮔﯿﺎ. ﯾﮧ ﺑﮭﻮﺕ ﺑﻨﮕﻠﮧ ﺍﺏ ﺑﻨﺎ ﭼﻮﮐﯿﺪﺍﺭ ﮐﮯ ہے . ﺍﮔﺮ ﺍﺱ ﮐﯽ ﻭﺍﺭﺛﯽ ﻧﮩﯿﮟ ﮐﯽ ﮔﺌﯽ ﺗﻮ ﺭﯾﺘﯽ ﺍﻭﺭ ﻣﭩﯽ ﻧﮑﺎﻟﻨﮯ ﻭﺍﻟﯽ ﻣﺎﻓﯿﺎ ﺍﺱ ﮐﺎ ﮐﺮﯾﺎ ﮐﺮﻡ ﮐﺮ ﺩﮮ ﮔﯽ۔ ﺿﻠﻊ ﮐﻮﻧﺴﻞ کی ﻣﻮﺟﻮﺩﮦ ﻗﯿﺎﺩﺕ ﺍﻭﺭ ﺍﻓﺴﺮﺍﻥ ﮐﻮ ﺷﺎﯾﺪ ﮨﯽ پتہ ﮨﻮ، کہ ﯾﮧ ﺍﻥ کے ادارے ﻣﻠﮑﯿﺖ ﮨﮯ.
ﯾﺎﺩ ﺭہے ﮐﮧ ۲۰۰۱ع ﻣﯿﮟ ﺟﺐ ﻧﯿﺎ ﺑﻠﺪﯾﺎﺗﯽ ﻧﻈﺎﻡ ﻧﺎﻓﺬ ہوا، ﺗﻮ ﯾﮧ ﺳﭩﯽ ﺣﮑﻮﻣﺖ ﮐﮯ ﺍﻧﮉﺭ ﻣﯿﮟ ﺭہا، ﺟﺐ ﺩﻭﺑﺎﺭﮦ ۱۹۷۹ ﮐﻮ ﻧﺎﻓﺬ ﮐﯿﺎ ﮔﯿﺎ، ﺗﻮ ﺿﻠﻊ ﮐﻮﻧﺴﻞ ﮐﮯ ﺣﺴﻦ ﺍﺳﮑﻮﺍﺋﺮ ﻭﺍﻟﮯ ﻣﯿﻦ ﺁﻓﯿﺲ ﮐﮯ ﺳﺎﺗﮫ ﺿﻠﻊ ﮐﻮﻧﺴﻞ کی ﺗﻤﺎﻡ ﭘﺮﺍﭘﺮﭨﯽ ﺑﺸﻤﻮﻝ ﺍﺱ ﺭﯾﺴﭧ ہاؤس ﮐﮯ ﺩﻭﺑﺎﺭﮦ ﺿﻠﻊ ﮐﻮﻧﺴﻞ کی ملکیت میں آ گئے.
ﯾﮧ ﺭﯾﺴﭧ ہاؤس ﺩﯾﮫ ﺑﻨﺪ ﻣﺮﺍﺩ ﺧﺎﻥ، ﺗﭙﻮ ﻣﻨﮕﮭﻮ ﭘﯿﺮ ﮐﺮﺍﭼﯽ ﻭﯾﺴﭧ ﻣﯿﮟ ﻭﺍﻗﻊ ہے۔ سوچتا ہوں کہ ﯾﮧ سطور ﭘﮍﮪ کر شاید ﺿﻠﻊ ﮐﻮﻧﺴﻞ کراچی ﮐﮯ ﻧﻤﺎﺋﻨﺪﻭﮞ ﺍﻭﺭ ﺍﻓﺴﺮﺍﻥ ﮐﻮ ﺍﺱ کا ﺧﯿﺎﻝ ﺁﺟﺎﺋﮯ ﺍﻭﺭ ﻣﺎﺿﯽ ﮐﯽ ﻃﺮح یہ ﭘﮭﺮ سے ﺁﺑﺎﺩ ہو ﺟﺎﺋﮯ.
ﻣﯿﮟ ﻧﮯ سندھ کے ﮐﻠﭽﺮ ﮈﯾﭙﺎﺭﭨﻤﻨﭧ سے اس عمارت کو ہیریٹیج قرار دینے کی بھی سفارش کی ہے ، ﺗﺎﮐﮧ ﺍﺱ ﮐﻮ ﻗﻮﻣﯽ ﻭﺭﺛﮧ ﻗﺮﺍﺭ دے کر ﻣﺤﻔﻮﻅ ﮐﯿﺎ ﺟﺎﺋﮯ.
