فیسبک اکاؤنٹ لاک ہونے کی وجہ کیا ہے؟

کراچی – اگر آپ پریشان ہیں کہ آج فیسبک اکاؤنٹ اوپن کیوں نہیں ہورہا تو درحقیقت یہ آپ کی اپنی غلطی ہوسکتی ہے

دنیا کے سب سے بڑے سوشل میڈیا نیٹ ورک کی جانب سے کچھ صارفین کے اکاؤنٹس لاک کیے گئے ہیں، جن کے لیے ٹو فیکٹر آتھنٹیکشن کے ساتھ 17 مارچ تک فیسبک پروٹیکٹ کو ایکٹیویٹ کرنے کی ہدایت کی گئی تھی

اس حوالے سے فیسبک کی جانب سے جاری نوٹیفکیشن میں بتایا گیا کہ فیسبک پروٹیکٹ کو ٹرن آن کرکے اکاؤنٹ ان لاک کریں

نوٹیفکیشن کے مطابق ان اکاؤنٹس کو ہم نے محفوظ بنانے کے لیے لاک کیا تاکہ آپ اضافی سیکیورٹی اقدامات اپنا سکیں

لیکن ایسے کچھ صارفین کو بھی اس کا سامنا ہوا جن کی جانب سے اضافی سیکیورٹی کو ان ایبل کیا جاچکا تھا

کچھ افراد کو فونز پر کوڈ ملنے کے حوالے سے تیکنیکل مسائل کا سامنا ہوا

خیال رہے کہ میٹا کی جانب سے دسمبر 2021ع میں پروٹیکٹ پروگرام کو اپ ڈیٹ کرنے کا اعلان کیا تھا، جس کا مقصد انسانی حقوق کے لیے سرگرم کارکنوں، سیاستدانوں، صحافیوں اور دیگر خطرے سے دوچار صارفین کے لیے اضافی سیکیورٹی فیچر فراہم کرنا ہے

ایک پریس بریفننگ کے دوران کمپنی نے اعلان کیا ہے کہ اس پروگرام میں شامل صارفین کے لیے ٹو فیکٹر آتھنٹیکشن سوئچ آن کرنا لازمی ہوگا

فیسبک نے وضاحت کی کہ اس کی جانب سے ویب سائٹ پر ٹو فیکٹر آتھنٹیکشن کے استعمال کو بڑھانے کے لیے کام کیا جا رہا ہے

کمپنی نے بتایا کہ ان گروپس کو ٹو ایف اے کا بہتر تجربہ اور سپورٹ فراہم کی جائے گی

فیسبک نے تسلیم کیا کہ تمام صارفین کو نئے قانون پر عمل کرنے کے لیے کچھ وقت لگ سکتا ہے، کیونکہ ہر ایک پلیٹ فارم کو بہت زیادہ متحرک انداز سے استعمال نہیں کرسکتا

فیسبک نے 2018ع میں سب سے پہلے اس پروگرام کی آزمائش شروع کی تھی اور 2020ع میں امریکی انتخابات میں سیاستدانوں کو اس سے تحفظ فراہم کرنے کی پیشکش کی

اس پروگرام کو اکتوبر 2021 میں مزید توسیع دیتے ہوئے مختلف ممالک کے صارفین کے لیے اوپن کیا گیا اور 15 اکتوبر تک پروٹیکشن ان ایبل نہ کرنے والے اکاؤنٹس کو لاک کردیا گیا.