قطر میں ہونے والے فیفا ورلڈ کپ کی بکنگ اور میزبان ویب سائٹ سے اسرائیل کو خارج کر کے فلسطین کو بطور ریاست شامل کرلیا گیا ہے
مڈل ایسٹ مانیٹر کی رپورٹ کے مطابق فیفا ورلڈ کپ 2022ع کی میزبانی کی بکنگ ویب سائٹ کی آفیشل ویب سائٹ میں اسرائیل کے بجائے فلسطین کو شامل کیا گیا ہے
رپورٹ میں بتایا گیا کہ اس سے قبل فہرست میں فلسطین کو مقبوضہ خطے کے طور پر دکھایا گیا تھا تاہم اب تبدیل کرکے فلسطین لکھا گیا ہے
اس پیش رفت پر سوشل میڈیا میں فلسطین کے حامیوں کی جانب سے تعریف کی جارہی ہے جبکہ اسرائیلی اور صیہونی حامی اس کو شرم ناک یا نسل پرستی سے تعبیر کر رہے ہیں
رپورٹ میں بتایا گیا کہ اسرائیل کے میڈیا میں اس حوالے سے دوغلا معیار سامنے آیا ہے، کیونکہ اسرائیلی میڈیا جہاں ایک طرف اس فیصلے پر غصے کا اظہار کر رہا ہے وہیں آذربائیجان، آرمینیا اور جارجیا سمیت دیگر ممالک کی عدم شمولیت کو ایک دلیل کے طور پر تسلیم کیا جا رہا ہے
خیال رہے کہ ہانگ کانگ کی ونٹرہل ہوسپٹلیٹی نامی کمپنی کے پاس ورلڈکپ کے لیے میزبانی کی خدمات کے حقوق حاصل ہیں، جس نے نشان دہی کی ہے کہ وہ میزبانی کے لیے ایک ذیلی کمپنی ہے جو دنیا میں واحد کمپنی ہے جس کو فیفا نے ورلڈ کپ قطر 2022 کے ہر میچ کے ٹکٹ اور میزبانی کے پیکیج کی پیش کرنے کا اختیار دیا ہے
کمپنی نے بتایا کہ فیفا کی جانب سے دیے گئے اختیارات کے مطابق وہ براہ راست یا مقرر کردہ سیلز ایجنٹس کے ذریعے خدمات کی پیشکش کر سکتے ہیں
رپورٹ میں بتایا گیا ہے کہ میچ کی میزبان کے حوالے سے ترجمان کا کہنا تھا کہ ہمارے سیلز ایجنٹ ونٹریل ہوسپٹلیٹی کی جانب سے فلسطین کا نام دیا گیا ہے اور یہ دوسرے بی ایچ ہوسپٹلیٹی ایجنٹ کے ساتھ جڑا ہوا ہے
ترجمان نے بتایا کہ ان سیلزز ایجنٹس نے تمام خطوں میں میچ کی میزبانی کے لیے نمائندے مقرر کر دیے ہیں
انہوں نے کہا کہ اسرائیل میں سیلز ایجنٹ مقرر کرنے کی تلاش کی گئی لیکن ایسا نہیں ہوپایا، یہ اسرائیل کے ساتھ کو منفرد چیز نہیں ہے کیونکہ کئی ممالک میں نمائندے نہیں ہیں اسی لیے ان کے نام ویب سائٹ میں نہیں ہیں
واضح رہے کہ فیفا کی ٹکٹنگ اور براہ راست ونٹر ہل ہوسپٹلیٹی ویب سائٹ میں اسرائیل کا نام موجود ہے
اس سے قبل اسرائیل نے رواں برس جون میں فیفا کے ساتھ معاہدہ کیا تھا کہ ٹورنامنٹ میں اسرائیلیوں کی شرکت اور قطر میں داخلے کی اجازت دی جائے گی اور اس سے یہ امکان پیدا ہوا کہ پہلی مرتبہ اسرائیلیوں کو غیرملکی پاسپورٹ کا استعمال کیے بغیر ملک میں داخلے کی اجازت ہوگی
فیفا کے شرائط کے مطابق قطر پر لازم ہے کہ وہ دنیا کے تمام ممالک کے ساتھ ایک جیسا سلوک کریں اور کسی ملک کا نام یا پرچم نہیں ہٹایا جائے گا
قطر کو 2022 کے عالمی کپ کی میزبانی 2010 میں عطا کی گئی تھی اور اہم تبدیلی اس ٹورنامنٹ کو دسمبر میں منعقد ہونا ہے کیونکہ اس سے قبل کھیلے جانے والے ورلڈکپ عموماً جون اور جولائی کے مہینوں میں کھیلے جاتے رہے ہیں
قطر میں ورلڈکپ کے لیے اس موسم کے انتخاب کامقصد بتایا گیا تھا کہ کھلاڑیوں کو خلیج کے گرم موسم سے محفوظ رکھنا ہے
عالمی کپ رواں سال 21 نومبر سے 18 دسمبر تک قطر میں منعقد ہوگا۔
