اسپین کے حکام نے کھدائی کے دوران مسلمانوں کا ہزاروں سال قدیم قبرستان دریافت کیا ہے.
تفصیلات کے مطابق ایک غیر ملکی خبر رساں ادارے کی رپورٹ میں بتایا گیا ہے کہ مسلمانوں کا قدیمی قبرستان اسپین کے شمال مشرق میں واقع ٹوسٹے نامی قصبے میں زیر زمین سرنگ کی کھدائی کے دوران دریافت ہوا
مذکورہ قبرستان میں آٹھویں صدی عیسوی سے گیارہویں صدی عیسوی تک رہ جانے والے مسلمانوں کی قبریں ہیں جن کی تعداد چار ہزار کے قریب ہے
رپورٹ میں بتایا گیا ہے کہ قبرستان میں بہت سی قبروں میں میتوں کی باقیات اچھی حالت میں پائی گئی ہیں اور ان قبروں کی دریافت سے یہ بات واضح ہوجاتی ہے کہ شمالی اسپین میں مسلمانوں کی تعداد کے حوالے سے مورخین غلط بیانی سے کام لیتے رہے ہیں
رپورٹ کے مطابق دریافت ہونے والے قبرستان سے پتہ چلتا ہے کہ مسلمانوں کی تعداد کافی زیادہ تھی اور مقامی آبادی میں اسلام قبول کرنے کا تناسب بھی زیادہ تھا
اسپین کے اخبار ایل ایسپانول کے مطابق کھدائی کرنے والوں کو ایک قبر میں میت داہنی پہلو کی جانب رکھی ہوئی نظر آئی اور میت کے سر کا رُخ جنوب مشرق یعنی مکہ مکرمہ کی سمت تھا۔
ماہرین آثار قدیمہ کی جانب سے 44 قبروں کو اسلامی دورِ اندلس کا قرار دیا ہے اور توقع کی ہے کہ اس قبرستان میں مجموعی طور پر 4000 سے 5000 افراد مدفون ہیں.
