ﺟﻤﻌﯿﺖ ﻋﻠﻤﺎﺀ ﺍﺳﻼﻡ ﮐﮯ سینئر ﺭﮨﻨﻤﺎ ﺣﺎﻓﻆ ﺣﺴﯿﻦ ﺍﺣﻤﺪ ﮐﺎ ﮐﮩﻨﺎ ﮨﮯ ﮐﮧ ﻣﻮﻻﻧﺎ ﻓﻀﻞ ﺍﻟﺮﺣﻤﺎﻥ ﺟﺲ ﺍﺳﻤﺒﻠﯽ ﮐﻮ ﺟﻌﻠﯽ ﮐﮩﺘﮯ رہے ہیں، انہوں نے ﻭہیں ﺳﮯ ﺻﺪﺍﺭﺗﯽ ﺍﻟﯿﮑﺸﻦ ﻟﮍﺍ، ﺍﻥ ﮐﮯ ﺑﯿﭩﮯ ﺑﮭﯽ ﻭﮨﯿﮟ ﻣﻮﺟﻮﺩ ﮨﯿﮟ، وہ ایک ﻧﺠﯽ ﭨﯽ ﻭﯼ ﭼﯿﻨﻞ کے پروگرام میں گفتگو کر رہے تھے.
جے یو آئی رہنما ﺣﺎﻓﻆ ﺣﺴﯿﻦ ﺍﺣﻤﺪ ﻧﮯ ﮐﮩﺎ ﮐﮧ ﻣﻮﻻﻧﺎ ﻓﻀﻞ ﺍﻟﺮﺣﻤﺎﻥ ﺁﺯﺍﺩﯼ ﻣﺎﺭﭺ ﮐﮯ ﺩﻭﺭﺍﻥ ﭼﻮﮨﺪﺭﯼ ﺷﺠﺎﻋﺖ ﮐﮯ ﺳﺎﺗﮫ ﭼﻨﺪ ﻟﻮﮔﻮﮞ ﺳﮯ ﻣﻠﮯ ﺗﮭﮯ، ﻭﮦ ﺻﺮﻑ ﺍﺗﻨﺎ ﮨﯽ ﺑﺘﺎ ﺩﯾﮟ ﮐﮧ ﻭﮦ ﮐﻮﻥ ﻟﻮﮒ ﺗﮭﮯ، جن ﺳﮯ وہ ﻣﻠﮯ ﺗﮭﮯ ﯾﺎ ﺟﻨﮩﻮﮞ ﻧﮯ ﯾﮧ ﮐﮩﺎ ﺗﮭﺎ ﮐﮧ ﻣﺎﺭﭺ ﺗﮏ ﻋﻤﺮﺍﻥ ﺧﺎﻥ ﮐﻮ ﻧﮑﺎﻝ ﺩﯾﮟ ﮔﮯ
ﺣﺎﻓﻂ ﺣﺴﯿﻦ ﺍﺣﻤﺪ ﮐﺎ ﮐﮩﻨﺎ تھا ﮐﮧ ﻣﻮﻻﻧﺎ ﻓﻀﻞ ﺍﻟﺮﺣﻤﺎﻥ ﺍﺳﻤﺒﻠﯽ ﮐﻮ ﺟﻌﻠﯽ ﮐﮩﺘﮯ ﺗﮭﮯ۔ ﺍﻧﮩﻮﮞ ﻧﮯ ﺍﺳﯽ ﺍﺳﻤﺒﻠﯽ ﺳﮯ ﻧﻮﺍﺯ ﺷﺮﯾﻒ ﮐﮯ ﺍﯾﮏ ﻓﻮﻥ ﭘﺮ ﺻﺪﺍﺭﺗﯽ ﺍﻟﯿﮑﺸﻦ ﮐﯿﻮﮞ ﻟﮍﺍ؟ حالانکہ ﭘﺎﺭﭨﯽ ﮐﺎ ﺍﺟﺘﻤﺎﻋﯽ ﻓﯿﺼﻠﮧ ﮨﻮﺍ تھا ﮐﮧ ﻣﻮﻻﻧﺎ ﺻﺪﺍﺭﺗﯽ ﺍﻟﯿﮑﺸﻦ ﻧﮩﯿﮟ ﻟﮍیں گے، ﻟﯿﮑﻦ ﺍﺟﻼﺱ ﮐﮯ ﺑﻌﺪ ﻣﻮﻻﻧﺎ ﮐﻮ ﻓﻮﻥ ﺁﺗﺎ ﮨﮯ ﺍﻭﺭ ﻭﮦ ﺻﺪﺍﺭﺗﯽ ﺍﻟﯿﺸﮑﻦ ﻟﮍ ﻟﯿﺘﮯ ﮨﯿﮟ، ﺍﺳﻤﺒﻠﯽ ﮐﻮ ﺟﻌﻠﯽ ﮐﮩﺘﮯ ﮨﯿﮟ ﺗﻮ ﺍﻥ ﮐﮯ ﺑﯿﭩﮯ ﻭہاﮞ ﺍﺏ ﺗﮏ ﮐﯿﻮﮞ ﻣﻮﺟﻮﺩ ﮨﯿﮟ؟
حافظ حسين احمد نے کہا کہ ﻣﻮﻻﻧﺎ ﮨﻢ ﭘﺮ ﺍﻟﺰﺍﻡ ﻟﮕﺎﺗﮯ ﮨﯿﮟ ﮐﮧ ﮨﻢ ﺍﺱ ﻟﯿﮯ ﻧﺎﺭﺍﺽ ﮨﻮﺋﮯ ﮐﮧ ﮨﻤﯿﮟ ﺳﯿﻨﯿﭧ کا ﭨﮑﭧ ﻧﮩﯿﮟ ﺩﯾﺎ ﮔﯿﺎ۔ یہ بات دراصل ان کے متضاد موقف کو واضح کرتی ہے کہ ایک طرف اسمبلیوں سے استعفے دینے کی بات کی جا رہی ہے اور دوسری طرف سینیٹ کا الیکشن بھی لڑنے کا ارادہ ہے.
ان کا کہنا تھا کہ مولانا صاحب شفاف الیکشن کی بات کرت ہیں، ﮨﻢ ﺗﻮ ﭼﺎﮨﺘﮯ ﮨﯿﮟ ﺟﮯ ﯾﻮ ﺁﺋﯽ ﻑ ﻣﯿﮟ ﺑﮭﯽ ﺍﻟﯿﮑﺸﻦ ﺷﻔﺎﻑ ﮨﻮﻧﮯ ﭼﺎہییں
الگ پارٹی بنانے کے سوال پر انہوں نے کہا کہ ﭘﺎﻧﯽ ﺳﺮ ﺳﮯ ﺍﻭﻧﭽﺎ ﮨﻮ ﺟﺎﺋﮯ ﺗﻮ یقیناً ﻟﻮﮒ ﺑﻮﻟﯿﮟ ﮔﮯ لیکن ﮨﻢ ﮐﻮﺋﯽ ﺍﻟﮓ ﭘﺎﺭﭨﯽ ﯾﺎ ﮔﺮﻭﭖ ﻧﮩﯿﮟ ﺑﻨﺎﺋﯿﮟ ﮔﮯ، ﮨﻢ ﭘﺎﺭﭨﯽ ﺩﺳﺘﻮﺭ ﮐﮯ ﻣﻄﺎﺑﻖ ﮨﯽ ﭘﺎﺭﭨﯽ ﮐﻮ ﭼﻼﻧﮯ ﮐﯽ ﮐﻮﺷﺶ ﮐﺮﯾﮟ ﮔﮯ
ﻗﺒﻞ ﺍﺯﯾﮟ ﺟﻤﻌﯿﺖ ﻋﻠﻤﺎﺀ ﺍﺳﻼﻡ ﮐﮯ ﺳﯿﻨﺌﺮ ﺭﮨﻨﻤﺎ ﺣﺎﻓﻆ ﺣﺴﯿﻦ ﺍﺣﻤﺪ ﻧﮯ ﻧﺠﯽ ﭨﯽ ﻭﯼ ﮐﮯ ﭘﺮﻭﮔﺮﺍﻡ ﻣﯿﮟ ﮔﻔﺘﮕﻮ ﮐﺮﺗﮯ ﮨﻮﺋﮯ ﮐﮩﺎ ﮐﮧ ﻣﻮﻻﻧﺎ ﻓﻀﻞ ﺍﻟﺮﺣﻤﻦ ﮐﯽ ﺻﺪﺍﺭﺕ ﺩﻭ ﺟﻤﺎﻋﺘﻮﮞ ﮐﯽ ﻧﮩﯿﮟ ﺑﻠﮑﮧ ﺩﻭ ﺑﭽﻮﮞ ﮐﯽ ﻣﺮﮨﻮﻥ ﻣﻨﺖ ﮨﮯ ﺍﻭﺭ ﭘﻮﺭﯼ ﭘﯽ ﮈﯼ ﺍﯾﻢ ﺩﻭ ﺑﭽﻮﮞ ﮐﮯ ﮨﺎﺗﮭﻮﮞ ﻣﯿﮟ ﮐﮭﯿﻞ ﺭﮨﯽ ﮨﮯ۔
