جمعیت علماء اسلام کی پارٹی ڈسپلنری کمیٹی نے بڑا فیصلہ کرتے ہوئے پارٹی پالیسی سے انحراف کرنے والے چار اراکین کی بنیادی رکنیت ختم کر دی اور انہیں پارٹی سے نکال دیا ہے
تفصیلات کے مطابق گزشتہ دنوں مولانا فضل الرحمان کو شدید تنقید کا نشانہ بنانے والے جے یو آئی کے ﺳﻨﯿﺌﺮ ﺭﮨﻨﻤﺎﺅﮞ ﻣﻮﻻﻧﺎ ﻣﺤﻤﺪ ﺧﺎﻥ ﺷﯿﺮﺍﻧﯽ، ﺣﺎﻓﻆ ﺣﺴﯿﻦ ﺍﺣﻤﺪ، ﻣﻮﻻﻧﺎ ﮔﻞ ﻧﺼﯿﺐ ﺍﻭﺭ ﻣﻮﻻﻧﺎ ﺷﺠﺎﻉ ﺍﻟﻤﻠﮏ کو ﺟﻤﻌﯿﺖ ﻋﻠﻤﺎﺋﮯ ﺍﺳﻼﻡ (ﻑ) ﻧﮯ ﭘﺎﻟﯿﺴﯽ ﺳﮯ ﺍﻧﺤﺮﺍﻑ ﮐﺮﻧﮯ ﮐﮯ ﺍﻟﺰﺍﻡ ﻣﯿﮟ ﭘﺎﺭﭨﯽ سے خارج کر دیا ہے اور ان کی ﺑﻨﯿﺎﺩﯼ ﺭﮐﻨﯿﺖ ﺧﺘﻢ کر دی ﮔﺌﯽ ﮨﮯ
ﺫﺭﺍﺋﻊ کا کہنا ہے کہ ﭼﺎﺭﻭﮞ سینئر ﺭﮨﻨﻤﺎﺅﮞ ﭘﺮ ﭘﺎﺭﭨﯽ ﮈﺳﭙﻠﻦ ﮐﯽ ﺧﻼﻑ ﻭﺭﺯﯼ ﮐﺮﻧﮯ ﮐﺎ ﺍﻟﺰﺍﻡ ﻋﺎﺋﺪ ﮐﯿﺎ ﮔﯿﺎ ﮨﮯ، ﺗﺎﮨﻢ یہ بھی اطلاعات ہیں کہ ﺭﮐﻨﯿﺖ ﺧﺘﻢ ﮐﺮﻧﮯ ﺳﮯ ﭘﮩﻠﮯ ﺩﺳﺘﻮﺭ ﮐﮯ ﻣﻄﺎﺑﻖ ﺍﻥ ﺭﮨﻨﻤﺎﺅﮞ ﮐﻮ ﺷﻮﮐﺎﺯ ﻧﻮﭨﺲ بھی ﺟﺎﺭﯼ ﻧﮩﯿﮟ کیے ﮔﺌﮯ
ﺟﮯ ﯾﻮ ﺁﺋﯽ (ف) ﮐﯽ ﺟﺎﻧﺐ ﺳﮯ ﺟﺎﺭﯼ ﺍﻋﻼﻣﯿﮧ ﻣﯿﮟ یہ بھی واضح کر دیا ﮔﯿﺎ ﮨﮯ ﮐﮧ ﻣﻨﺤﺮﻑ ﺍﺭﺍﮐﯿﻦ ﮐﮯ ﺳﺎﺗﮫ ﻣﻼﻗﺎﺕ ﮐﺮﻧﮯ ﻭﺍﻟﻮﮞ ﮐﯽ ﭘﺎﺭﭨﯽ ﺭﮐﻨﯿﺖ ﺑﮭﯽ ﺧﺘﻢ ﮐﺮ ﺩﯼ ﺟﺎﺋﮯ ﮔﯽ
واضح ﺭﮨﮯ کہ ﮔﺰﺷﺘﮧ ﺭﻭﺯ ﺟﻤﻌﯿﺖ ﻋﻠﻤﺎﺋﮯ ﺍﺳﻼﻡ (ﺟﮯ ﯾﻮ ﺁﺋﯽ) ﮐﮯ ﺳﯿﻨﺌﺮ ﺭﮨﻨﻤﺎؤں ﻣﻮﻻﻧﺎ ﻣﺤﻤﺪ ﺧﺎﻥ ﺷﯿﺮﺍﻧﯽ ﻧﮯ، مولانا گل نصیب ، ﺣﺎﻓﻆ ﺣﺴﯿﻦ ﺍﺣﻤﺪ اور دیگر نے مولانا فضل الرحمان کو کڑی تنقيد کا نشانہ بناتے ہوئے کہا تھا کہ وہ جماعت کو اصل مقصد سے ہٹا کر کرپٹ عناصر کے مفاد میں استعمال کر رہے ہیں
عرصۂ دراز سے ﻣﺬﮨﺒﯽ ﺟﻤﺎﻋﺘﻮﮞ کے سیاسی معاملات پر گہری نظر رکھنے والے ﺳﻨﯿﺌﺮ ﺻﺤﺎﻓﯽ ﻣﯿﺎﮞ ﻣﺤﻤﺪ ﻧﺪﯾﻢ کا ﺟﮯ ﯾﻮﺁﺋﯽ (ﻑ) ﮐﮯ ﺫﺭﺍﺋﻊ ﮐﮯ ﺣﻮﺍﻟﮯ ﺳﮯ کہنا ہے ﮐﮧ ﺍﺑﮭﯽ ﺍﺑﺘﺪﺍ ﮨﮯ ﯾﮧ ﺳﻠﺴﻠﮧ ﺭﮐﻨﮯ ﻭﺍﻻ ﻧﮩﯿﮟ، ﮐﯿﻮﻧﮑﮧ ﺍﻗﺮﺑﺎ ﭘﺮﻭﺭﯼ ﮐﯽ ﻭﺟﮧ ﺳﮯ ﭘﺎﺭﭨﯽ ﻗﯿﺎﺩﺕ ﮐﮯ ﺧﻼﻑ ﺟﻤﻌﯿﺖ ﻋﻠﻤﺎئے ﺍﺳﻼﻡ ﮐﮯ ﺍﻧﺪﺭ ﮐﺎﻓﯽ ﻋﺮﺻﮯ ﺳﮯ ﮐﺸﻤﮑﺶ ﭼﻞ ﺭﮨﯽ ﺗﮭﯽ ﺍﻭﺭ ﺣﺎﻓﻆ ﺣﺴﯿﻦ ﺍﺣﻤﺪ ﺟﯿﺴﮯ ﺳﻨﯿﺌﺮ ﻟﯿﮉﺭ ﺳﻤﯿﺖ ﭘﺎﺭﭨﯽ ﮐﮯ ﺍﮨﻢ ﺭﮨﻨﻤﺎ ﮔﻮﺷﮧ ﻧﺸﯿﻨﯽ ﺍﺧﺘﯿﺎﺭ ﮐﺮ ﮐﮯ ﺑﯿﭩﮭﮯ ﺗﮭﮯ اور ﺟﻤﻌﯿﺖ ﻋﻠﻤﺎئے ﺍﺳﻼﻡ ﻭﻥ ﻣﯿﻦ ﺷﻮ ﺑﻦ ﭼﮑﯽ ﺗﮭﯽ
میاں محمد ندیم ﻧﮯ ﮐﮩﺎ ﮐﮧ ﺍﻣﯿﺮ ﺟﻤﺎﻋﺖ ﮐﮯ ﺁﺧﺮﯼ انتخاب ﮐﮯ ﺳﻠﺴﻠﮧ ﻣﯿﮟ ﮨﻮﻧﮯ ﻭﺍﻟﮯ ﺍﺟﻼﺱ ﻣﯿﮟ ﺑﮭﯽ ﭘﺎﺭﭨﯽ ﮐﯽ ﻣﺮﮐﺰﯼ ﻣﺠﻠﺲ شوریٰ ﮐﮯ ﮐﺌﯽ ﺍﺭﺍﮐﯿﻦ ﺷﺮﯾﮏ ﻧﮩﯿﮟ ﮨﻮﺋﮯ ﺗﮭﮯ، ﺟﻮ ﺍﻥ ﺭﮨﻨﻤﺎﺅﮞ ﮐﯽ ﺟﺎﻧﺐ ﺳﮯ ﻧﺎﺭﺍﺿﮕﯽ ﺍﻭﺭ ﻋﺪﻡ ﺍﻋﺘﻤﺎﺩ ﮐﺎ ﺍﻇﮩﺎﺭ ﺗﮭﺎ، لیکن ﭘﺎﺭﭨﯽ ﻗﯿﺎﺩﺕ نے ﺍﺱ ﻣﻌﺎﻣﻠﮯ ﭘﺮ ﻧﺎﺭﺍﺽ ﭘﺎﺭﭨﯽ ﺭﮨﻨﻤﺎﺅﮞ ﮐﻮ ﻣﻨﺎﻧﮯ ﮐﮯ ﻟﯿﮯ ﮐﻮﺋﯽ ﺍﻗﺪﺍﻡ ﻧﮩﯿﮟ ﮐﯿﺎ.
ﺍﻧﮩﻮﮞ ﻧﮯ ﺍﻧﮑﺸﺎﻑ ﮐﯿﺎ ﮐﮧ ﭘﺎﺭﭨﯽ ﮐﮯ ﺑﻠﻮﭼﺴﺘﺎﻥ ﺳﮯ ﺗﻌﻠﻖ ﺭﮐﮭﻨﮯ ﻭﺍﻟﮯ ﻣﺮﮐﺰﯼ ﺭﮨﻨﻤﺎ ، ﺟﻮ ﺭﮐﻦ ﻗﻮﻣﯽ ﺍﺳﻤﺒﻠﯽ ﺍﻭﺭ ﺳﯿﻨﯿﭩﺮ بھی ﺭﮦ ﭼﮑﮯ ہیں، طویل ﻋﺮﺻﮯ ﺗﮏ ﻋﻠﯿﻞ ﺭﮨﮯ، لیکن ﭘﺎﺭﭨﯽ ﻗﯿﺎﺩﺕ ﮐﯽ ﺟﺎﻧﺐ ﺳﮯ ﺍﻥ ﮐﯽ مزاج پرسی ﮐﮯ ﻟﯿﮯ ﮐﻮﺋﯽ ﻧﮩﯿﮟ ﮔﯿﺎ اور ﻧﮧ ہی ﺍﻥ ﺳﮯ ﮐﻮﺋﯽ ﺭﺍبطہ ﮐﯿﺎ ﮔﯿﺎ
ﻣﯿﺎﮞ ﻧﺪﯾﻢ کا کہنا ہے کہ ﺍﺱ ﻭﻗﺖ ناراض رہنماؤں کے سامنے ﺩﻭ ﺁﭘﺸﻦ ﮨﯿﮟ کہ یا تو وہ ﺟﻤﻌﯿﺖ ﻋﻠﻤﺎﺋﮯ ﺍﺳﻼﻡ (ﺳﻤﯿﻊ ﺍﻟﺤﻖ) جوائن کریں، ﺟﻮ ﻣﻮﻻﻧﺎ ﺳﻤﯿﻊ ﺍﻟﺤﻖ ﮐﯽ ﻭﻓﺎﺕ ﮐﮯ ﺑﻌﺪ ﺳﮯ ﻏﯿﺮ ﻓﻌﺎﻝ ﮨﮯ یا پھر ﺩﻭﺳﺮﮮ ﺁﭘﺸﻦ ﮐﮯ ﻃﻮﺭ ﭘﺮ ﻧﺎﺭﺍﺽ ﺭﺍﮨﻨﻤﺎ ﭘﺎﺭﭨﯽ ﺍﻧﺘﺨﺎﺑﺎﺕ ﮐﮯ ﻟﯿﮯ ﺭﯾﮑﻮﺯﯾﺸﻦ ﺟﻤﻊ ﮐﺮﻭﺍ ﮐﺮ ﺍﺟﻼﺱ ﺑﻼﺳﮑﺘﮯ ﮨﯿﮟ، ﮐﯿﻮﻧﮑﮧ ﯾﮧ ﺳﺐ ﻣﺮﮐﺰﯼ ﻣﺠﻠﺲ شوریٰ ﮐﮯ ﺭﮐﻦ ﮨﯿﮟ، ﺗﺎﮨﻢ ﯾﮧ ﺻﻮﺭﺗﺤﺎﻝ ﻣﻮﻻﻧﺎ ﻓﻀﻞ ﺍﻟﺮﺣﻤﺎﻥ ﮐﮯ ﻟﯿﮯ ﻗﺎﺑﻞ ﻗﺒﻮﻝ ﻧﮩﯿﮟ ﮨﻮﮔﯽ
سینئر تجزیہ نگار میاں ندیم کا ماننا ہے ﮐﮧ ﺟﻤﺎﻋﺖ ﮐﮯ ﮐﺎﺭﮐﻨﻮﮞ ﮐﯽ ﺍﯾﮏ ﺑﮍﯼ ﺗﻌﺪﺍﺩ ﺍﻥ ﺭﮨﻨﻤﺎﺅﮞ ﮐﯽ ﺣﺎﻣﯽ ﮨﮯ، ﺍﮔﺮ ﻣﻮﻻﻧﺎ ﺷﯿﺮﺍﻧﯽ، ﺣﺎﻓﻆ ﺣﺴﯿﻦ ﺍﺣﻤﺪ ﺍﻭﺭ ﻣﻮﻻﻧﺎ ﮔﻞ ﻧﺼﯿﺐ ﺟﯿﺴﮯ ﺳﻨﯿﺌﺮ ﺭﮨﻨﻤﺎﺅﮞ ﮐﻮ ﯾﮑﻄﺮﻓﮧ ﮐﺎﺭﻭﺍﺋﯽ ﮐﺮﮐﮯ ﭘﺎﺭﭨﯽ ﺳﮯ ﻧﮑﺎﻻ ﺟﺎﺗﺎ ﮨﮯ ﺗﻮ اس سے ﺁﻧﮯ ﻭﺍﻟﮯ ﺩﻧﻮﮞ ﻣﯿﮟ ﭘﺎﺭﭨﯽ ﮐﮯ ﺍﻧﺪﺭ ﺑﮩﺖ ﺳﺎﺭﯼ ﺗﺒﺪﯾﻠﯿﺎﮞ ﺭﻭﻧﻤﺎ ﮨﻮﻧﮯ ﮐﺎ ﺍﻣﮑﺎﻥ ﮨﮯ ﺍﻭﺭ ﻣﻤﮑﻨﮧ ﻃﻮﺭ ﭘﺮ ﺣﮑﻮﻣﺖ ﺳﮯ استعفیٰ ﻣﺎﻧﮕﻨﮯ ﻭﺍﻟﻮﮞ ﺳﮯ ﭘﺎﺭﭨﯽ ﮐﮯ ﺳﻨﯿﺌﺮ ﺍﺭﺍﮐﯿﻦ استعفیٰ ﻣﺎﻧﮓ ﺳﮑﺘﮯ ﮨﯿﮟ
ﻣﯿﺎﮞ ﻧﺪﯾﻢ ﻧﮯ ﮐﮩﺎ ﮐﮧ ﺍﺏ ﺗﮏ ﺟﮯ ﯾﻮﺁﺋﯽ (ﻑ) ﮐﯽ ﺟﺎﻧﺐ ﺳﮯ ﺟﻮ ﺍﻗﺪﺍﻡ ﺍﭨﮭﺎﯾﺎ ﮔﯿﺎ ﮨﮯ ﺍﺱ ﺳﮯ ﺑﻠﻮﭼﺴﺘﺎﻥ ﻣﯿﮟ ﻣﮑﻤﻞ ﻃﻮﺭ ﭘﺮ ﺍﻭﺭ ﮐﮯ ﭘﯽ ﮐﮯ ﻣﯿﮟ ﺟﺰﻭﯼ ﻃﻮﺭ ﭘﺮ ﺟﮯ ﯾﻮﺁﺋﯽ (ﻑ) ﮐﻮ ﻣﺸﮑﻼﺕ ﮐﺎ ﺳﺎﻣﻨﺎ ﮐﺮﻧﺎ ﭘﮍﮮ ﮔﺎ.
