ﺣﮑﻮﻣﺖ نے ﺍٓﺋﻨﺪﮦ ﺗﯿﻦ ﺳﺎﻟﻮﮞ ﻣﯿﮟ 47 ﻗﻮﻣﯽ ﺍﺩﺍﺭﻭﮞ ﮐﯽ ﻧﺠﮑﺎﺭﯼ کا ارادہ کر لیا ﮨﮯ، جن میں سے 12 ﺍﺩﺍﺭﻭﮞ ﮐﯽ ﻧﺠﮑﺎﺭﯼ ﮐﺎ ﻋﻤﻞ ﺍﯾﮉﻭﺍﻧﺲ ﺳﭩﯿﺞ ﭘﺮ ﭘﮩﻨﭻ ﭼﮑﺎ ﮨﮯ
ذرائع کا کہنا ہے کہ ﻣﻮﺟﻮﺩﮦ ﺣﮑﻮﻣﺖ ﺍﺱ ﺣﻮﺍﻟﮯ ﺳﮯ ﻓﯿﺼﻠﮧ ﺳﺎﺯﯼ ﮐﮯ ﻋﻤﻞ ﻣﯿﮟ ﺳﯿﺎﺳﯽ ﺣﻤﺎﯾﺖ ﮐﻮ ﯾﻘﯿﻨﯽ ﺑﻨﺎ ﺭﮨﯽ ﮨﮯ ﺗﺎﮐﮧ ملک کے ﻣﻌﺎﺷﯽ ﺣﺎﻻﺕ کو ﺑﮩﺘﺮ خطوط پر استوار کیا جا سکے
اس حوالے سے موصول ہونے والی تفصیلات میں بتایا گیا ہے کہ ﻧﺠﮑﺎﺭﯼ ﮐﻤﯿﺸﻦ ﮐﯽ ﺩﺳﺘﺎﻭﯾﺰﺍﺕ ﮐﮯ ﻣﻄﺎﺑﻖ ﻗﻮﻣﯽ ﺍﺩﺍﺭﻭﮞ ﮐﯽ ﻧﺠﮑﺎﺭﯼ ﮐﺎ ﻋﻤﻞ ﺩﻭ ﻣﺮﺣﻠﻮﮞ ﭘﺮ ﻣﺸﺘﻤﻞ ﮨﻮ ﮔﺎ ﺟﺲ کے 47 ﻗﻮﻣﯽ ﺍﺩﺍﺭﻭﮞ ﮐﯽ ﻧﺠﮑﺎﺭﯼ ﮐﯽ ﺗﺠﺎﻭﯾﺰ ﭘﯿﺶ ﮐﯽ ﮔﺌﯽ ﮨﯿﮟ ، 19 ﺍﺩﺍﺭﻭﮞ ﮐﯽ ﻧﺠﮑﺎﺭﯼ ﮐﺎ ﻋﻤﻞ ﺗﯿﺰﯼ ﺳﮯ ﺟﺎﺭﯼ ﮨﮯ ﺟﻦ ﭘﺮ ﻣﺎﻟﯽ ﺳﺎﻝ 20-2019ع ﭘﺮ ﮐﺎﻡ ﺷﺮﻭﻉ ﮐﯿﺎ ﮔﯿﺎ ﺗﮭﺎ ﺍﻭﺭ ﺭﻭﺍﮞ ﻣﺎﻟﯽ ﺳﺎﻝ 21-2020ع ﭘﺮ ﮐﺎﻡ ﺟﺎﺭﯼ ﺭہے گا
ﺩﺳﺘﺎﻭﯾﺰﺍﺕ ﮐﮯ ﻣﻄﺎﺑﻖ ﺍﯾﺲ ﺍﯾﻢ ﺍﯾﺰ ﺑﻨﮏ ﮐﯽ ﻧﺠﮑﺎﺭﯼ ﺍﭘﺮﯾﻞ 2021ع ، ﭘﺎﮐﺴﺘﺎﻥ ﺭﯼ ﺍﻧﺸﻮﺭﻧﺲ ﮐﻤﭙﻨﯽ ﻟﻤﯿﭩﮉ (ﺑﻘﯿﮧ 20 ﻓﯿﺼﺪ ﺷﯿﺌﺮﺯ) ﮐﯽ ﻧﺠﮑﺎﺭﯼ ﺍﭘﺮﯾﻞ 2021ع ، ﻓﺮﺳﭧ ﻭﻭﯾﻤﻦ ﺑﻨﮏ ﻟﻤﯿﭩﮉ ﮐﯽ ﻧﺠﮑﺎﺭﯼ ﺳﺘﻤﺒﺮ ، ﺍﮐﺘﻮﺑﺮ 2021ع، ﮨﺎﺋﻮﺱ ﺑﻠﮉﻧﮓ ﻓﻨﺎﻧﺲ ﮐﺎﺭﭘﻮﺭﯾﺸﻦ ﮐﯽ ﻧﺠﮑﺎﺭﯼ ﺳﺘﻤﺒﺮ ، ﺍﮐﺘﻮﺑﺮ 2021ع، ﺳﺮﻭﺳﺰ ﺍﻧﭩﺮﻧﯿﺸﻨﻞ ﮨﻮﭨﻞ ﻻﮨﻮﺭ ﮐﯽ ﻧﺠﮑﺎﺭﯼ ﻣﺎﺭﭺ 2021ع، ﺟﻨﺎﺡ ﮐﻨﻮﻧﺸﻦ ﺳﻨﭩﺮ ﺍﺳﻼﻡ ﺍٓﺑﺎﺩ ﮐﯽ ﻧﺠﮑﺎﺭﯼ ﺍﮔﺴﺖ 2021ع، ﮨﯿﻮﯼ ﺍﻟﯿﮑﭩﺮﯾﮑﻞ ﮐﻤﭙﻠﮑﺲ ﮐﯽ ﻧﺠﮑﺎﺭﯼ ﺟﻮﻥ 2021ع، ﭘﺎﮐﺴﺘﺎﻥ ﺍﺳﭩﯿﻞ ﻣﻠﺰ ﮐﯽ ﻧﺠﮑﺎﺭﯼ ﺳﺘﻤﺒﺮ 2021ع، ﺑﻠﻮﮐﯽ ﭘﺎﻭﺭ ﭘﻼﻧﭧ 1223 ﻣﯿﮕﺎﻭﺍﭦ ﺍﻭﺭ ﺣﻮﯾﻠﯽ ﺑﮩﺎﺩﺭ ﭘﺎﻭﺭ ﭘﻼﻧﭧ 1230 ﻣﯿﮕﺎﻭﺍﭦ ﮐﯽ ﻧﺠﮑﺎﺭﯼ ﮐﺎ ﻋﻤﻞ ﻓﺮﻭﺭﯼ 2022ع ﺗﮏ ﻣﺘﻮﻗﻊ ﮨﮯ۔ جب کہ یہ امکان بھی ظاہر کیا جا رہا ہے کہ ﻣﺎﺭﭺ 2021ع تک تقریباً 27 ﺟﺎﺋﯿﺪﺍﺩﻭﮞ ﮐﯽ نیلامی بھی کر دی جائے گی
ﺍس ﮐﮯ ﻋﻼﻭﮦ ﺳﻨﺪﮪ ﺍﻧﺠﯿﻨﺌﺮﻧﮓ ﻟﻤﯿﭩﮉ، ﭘﺎﮐﺴﺘﺎﻥ ﺍﻧﺠﯿﻨﺌﺮﻧﮓ ﮐﻤﭙﻨﯽ (ﭘﯿﮑﻮ) ، ﻧﻨﺪﯼ ﭘﺎﻭﺭ ﭘﻼﻧﭧ، ﮔﺪﻭ ﭘﺎﻭﺭ ﭘﻼﻧﭧ، ﻣﺎﮌﯼ ﭘﭩﺮﻭﻟﯿﻢ ﻟﻤﯿﭩﮉ (باقی ﻣﺎﻧﺪﮦ ﺣﺼﺺ) ﭘﺎﮐﺴﺘﺎﻥ ﭘﭩﺮﻭﻟﯿﻢ ﻟﻤﯿﭩﮉ ﺍﻭﺭ ﺍٓﺋﻞ ﺍﯾﻨﮉ ﮔﯿﺲ ﮈﻭﯾﻠﭙﻤﻨﭧ ﮐﻤﭙﻨﯽ (ﺍﻭ ﺟﯽ ﮈﯼ ﺳﯽ) ﮐﯽ ﻧﺠﮑﺎﺭﯼ کے لیے ﺑﮭﯽ ﺗﺠﺎﻭﯾﺰ پر غور کیا جا رہا ہے
ﺩﻭﺳﺮﮮ ﻣﺮﺣﻠﮯ ﻣﯿﮟ ﻧﯿﺸﻨﻞ ﺍﻧﺠﯿﻨﺌﺮﻧﮓ ﺳﺮﻭﺳﺰ ﭘﺎﮐﺴﺘﺎﻥ (ﭘﺮﺍﺋﯿﻮﯾﭧ ) ﻟﻤﯿﭩﮉ (ﻧﯿﺴﭙﺎﮎ) ، ﻧﯿﺸﻨﻞ ﺍﻧﻮﯾﺴﭩﻤﻨﭧ ﭨﺮﺳﭧ ﻟﻤﯿﭩﮉ، ﺍﻭﻭﺭﺳﯿﺰ ﺍﯾﻤﭙﻼﺋﻤﻨﭧ ﮐﺎﺭﭘﻮﺭﯾﺸﻦ (ﭘﺮﺍﺋﯿﻮﯾﭧ) ﻟﻤﯿﭩﮉ، ﭘﺎﮐﺴﺘﺎﻥ ﺍﻧﻮﺍﺋﺮﻣﻨﭧ ﭘﻼﻧﻨﮓ ﺍﯾﻨﮉ ﺍٓﺭﮐﯿﭩﮑﭽﺮﻝ ﮐﻨﺴﻠﭩﻨﭩﺲ (ﭘﺮﺍﺋﯿﻮﯾﭧ) ﻟﻤﯿﭩﮉ، ﭘﺎﮐﺴﺘﺎﻥ ﺍﯾﮑﺴﭙﻮ ﺳﻨﭩﺮ (ﭘﺮﺍﺋﯿﻮﯾﭧ) ﻟﻤﯿﭩﮉ، ﭘﺎﮐﺴﺘﺎﻥ ﭨﻮﺭﺍﺯﻡ ﮈﻭﯾﻠﭙﻤﻨﭧ ﮐﺎﺭﭘﻮﺭﯾﺸﻦ (ﭘﯽ ﭨﯽ ﮈﯼ ﺳﯽ) ، ﺳﻮﺋﯽ ﻧﺎﺭﺩﺭﻥ ﮔﯿﺲ ﭘﺎﺋﭗ ﻻﺋﻦ ﻟﻤﯿﭩﮉ (ﺍﯾﺲ ﺍﯾﻦ ﺟﯽ ﭘﯽ ﺍﯾﻞ) ، ﺳﻮﺋﯽ ﺳﺪﺭﻥ ﮔﯿﺲ ﮐﻤﭙﻨﯽ ﻟﻤﯿﭩﮉ (ﺍﯾﺲ ﺍﯾﺲ ﺟﯽ ﺳﯽ) ، ﺭﻭﺯ ﻭﯾﻠﭧ ﮨﻮﭨﻞ، ﯾﻮﭨﯿﻠﯿﭩﯽ ﺳﭩﻮﺭﺯ ﮐﺎﺭﭘﻮﺭﯾﺸﻦ ﺍﻭﺭ ﺯﺭﻋﯽ ﺗﺮﻗﯿﺎﺗﯽ ﺑﻨﮏ ﻟﻤﯿﭩﮉ ﮐﯽ ﻧﺠﮑﺎﺭﯼ ﮐﯽ ﺟﺎﺋﮯ ﮔﯽ
ﺫﺭﺍﺋﻊ ﮐﮯ ﻣﻄﺎﺑﻖ ﺩﻭﺳﺮﮮ ﻣﺮﺣﻠﮯ ﻣﯿﮟ ﻣﺠﻮﺯﮦ ﻧﺠﮑﺎﺭﯼ ﮐﯽ ﻓﮩﺮﺳﺖ ﺳﮯ ﺳﺮﮐﺎﺭﯼ ﭨﯿﻠﯽ ﻭﯾﮋﻥ ﮐﻮ ﻧﮑﺎﻝ ﺩﯾﺎ ﮔﯿﺎ ﮨﮯ ، ﻣﺨﺘﻠﻒ ﺍﺩﺍﺭﻭﮞ ﺍﻭﺭ ﻣﺤﮑﻤﻮﮞ ﮐﯽ ﻧﺠﮑﺎﺭﯼ ﺳﮯ ﻗﺒﻞ ﻣﺘﻌﻠﻘﮧ ﻭﺯﺍﺭﺗﻮﮞ ﺳﮯ ﻣﺸﺎﻭﺭﺕ ﮐﯽ ﺟﺎئے گی، ﺟﺲ ﮐﮯ ﺑﻌﺪ ﺗﮑﻨﯿﮑﯽ ﻣﻌﺎﻭﻧﺖ ﺍﻭﺭ ﺳﻔﺎﺭﺷﺎﺕ ﺣﮑﻮﻣﺖ ﮐﻮ ﭘﯿﺶ ﮐﯽ ﺟﺎﺋﯿﮟ ﮔﯽ
ﺩﺳﺘﺎﻭﯾﺰﺍﺕ ﮐﮯ ﻣﻄﺎﺑﻖ ﻣﻮﺟﻮﺩﮦ ﺣﮑﻮﻣﺖ ﻓﯿﺼﻠﮧ ﺳﺎﺯﯼ ﮐﮯ ﻋﻤﻞ ﻣﯿﮟ ﺳﯿﺎﺳﯽ ﺣﻤﺎﯾﺖ ﮐﻮ ﯾﻘﯿﻨﯽ ﺑﻨﺎ ﺭﮨﯽ ﮨﮯ ﺗﺎﮐﮧ ﻣﻠﮑﯽ ﻣﻌﺎﺷﯽ ﺣﺎﻻﺕ ﺑﮩﺘﺮ ﺑﻨﺎﺋﮯ ﺟﺎﺳﮑﯿﮟ
ﺍﺱ ﺣﻮﺍﻟﮯ ﺳﮯ ﺭﺍﺑﻄﮧ ﮐﺮﻧﮯ ﭘﺮ ﻭﻓﺎﻗﯽ ﺳﯿﮑﺮﭨﺮﯼ ﻧﺠﮑﺎﺭﯼ ﻧﺎﺻﺮ ﺣﺴﻦ ﺟﺎﻣﯽ ﻧﮯ ﺑﺘﺎﯾﺎ ﮐﮧ ﭘﺎﮐﺴﺘﺎﻥ ﺍﺳﭩﯿﻞ ﻣﻠﺰ، ﺍﯾﺲ ﺍﯾﻢ ﺍﯾﺰ، ﭘﺎﮐﺴﺘﺎﻥ ﺭﯼ ﺍﻧﺸﻮﺭﻧﺲ ﮐﻤﭙﻨﯽ ﻟﻤﯿﭩﮉ، ﮨﯿﻮﯼ ﺍﻟﯿﮑﭩﺮﯾﮑﻞ ﮐﻤﭙﻠﮑﺲ، ﺳﺮﻭﺳﺰ ﺍﻧﭩﺮﻧﯿﺸﻨﻞ ﮨﻮﭨﻞ ﺍﻭﺭ ﺍﯾﻞ ﺍﯾﻦ ﺟﯽ ﭘﻼﻧﭩﺲ ﺳﻤﯿﺖ 12 ﺍﺩﺍﺭﮮ ﻧﺠﮑﺎﺭﯼ ﮐﮯ ﻋﻤﻞ ﻣﯿﮟ ﺍﯾﮉﻭﺍﻧﺲ ﺳﭩﯿﺞ ﭘﺮ ﮨﯿﮟ
انہوں نے کہا کہ ﺑﺎﻗﯽ ﻣﯿﮟ ﺗﺎﺧﯿﺮ ﮨﻮ ﺳﮑﺘﯽ ﮨﮯ ﮐﯿﻮﻧﮑﮧ ﻣﺎﺭﮐﯿﭧ ﻣﯿﮟ ﺍٓﻧﮯ ﺳﮯ ﭘﮩﻠﮯ ﺑﮩﺖ ﺳﮯ ﻣﺮﺍﺣﻞ ﮐﻮ ﻃﮯ ﮐﺮﻧﺎ ﮨﻮﺗﺎ ﮨﮯ، ﭘﮩﻠﮯ ﻣﺘﻌﻠﻘﮧ ﺍﺩﺍﺭﻭﮞ ﮐﮯ ﻣﺴﺎﺋﻞ ﮐﻮ ﺑﮭﯽ ﺳﯿﭩﻞ ﮐﺮﻧﺎ ﮨﻮﺗﺎ ﮨﮯ، ﭘﺎﮐﺴﺘﺎﻥ ﺍﺳﭩﯿﻞ ﻣﻠﺰ ﻣﯿﮟ ﺗﻮ ﮨﻢ ﺟﻮﻥ ﺗﮏ ﺑﻠﮉﻧﮓ ﮐﮯ ﻣﺮﺣﻠﮯ ﻣﯿﮟ ﭼﻠﮯ ﺟﺎﺋﯿﮟ ﺍﻭﺭ ﺗﻮﻗﻊ ﮨﮯ ﮐﮧ ﺍﺱ ﮐﯽ ﻧﺠﮑﺎﺭﯼ ﮐﺎ ﻋﻤﻞ ﺭﻭﺍﮞ ﺳﺎﻝ ﻣﮑﻤﻞ ﮨﻮ ﺟﺎﺋﮯ ﮔﺎ۔
