ہندوستان کے لوگ اصل میں کہاں سے آئے تھے؟ بڑے ڈی این اے مطالعے سے کیا پتہ چلتا ہے۔۔

ہندوستانی کہاں سے آئے؟ اس طویل عرصے سے زیر بحث موضوع میں بہت سے نظریات ہیں — آرکٹک ہوم تھیوری سے لے کر جنوبی ایشیا میں داخل ہونے تک۔ ایک نئی جینیاتی تحقیق میں اب ایک حیران کن دریافت سامنے آئی ہے، جو ہندوستانیوں کی اصل تاریخ کو مزید مستحکم کرتی ہے۔

1.4 بلین ہندوستانیوں میں تنوع اصل کہانی کا اندازہ لگانے میں دشواری کا سب سے بڑا عنصر رہا ہے۔ نئے جینومک مطالعہ نے تین قدیم گروہوں میں ہندوستانی نسب کی جڑیں اور پچاس ہزار سال قبل شروع ہونے والی ایک ہجرت کا پتہ لگایا ہے۔

ان تین آبائی گروہوں میں ایرانی کسان، یوریشین سٹیپے مویشی پالنے والے اور جنوبی ایشیائی شکاری شامل ہیں۔

دنیا کا سب سے زیادہ آبادی والا ملک، ہندوستان، طویل عرصے سے جینیاتی مطالعہ سے باہر رہا ہے، جس سے انسانی ماخذ کے بارے میں ہماری سمجھ اور ہماری انواع کے جینیاتی تنوع کی تعریف میں بہت بڑا فرق پڑا ہے۔

ہزاروں جینوموں کا تجزیہ کرکے پچاس ہزار سال ماضی میں غوطہ لگانے والی ایک نئی تحقیق نے اسے تبدیل کرنے کی کوشش کی ہے، جس سے جدید ہندوستان کے نسب کی بھرپور ٹیپسٹری میں کئی حیران کن کڑیوں کا انکشاف ہوا ہے۔

پری پرنٹ میں شائع ہونے والی اس تحقیق میں آل انڈین انسٹیٹیوٹ آف میڈیکل سائنس (AIIMS)، یونیورسٹی آف مشی گن، پیرل مین اسکول آف میڈیسن، یونیورسٹی آف سدرن کیلیفورنیا، اور یو سی برکلے کے محققین تھے۔

کیلیفورنیا یونیورسٹی برکلے کی آبادی کے ماہر جینیات ایلیس کرڈونکف اور ساتھیوں نے ہندوستان سے 2,762 لوگوں کے ڈی این اے کو ترتیب دیا، ملک کے غیر معمولی تنوع کا احاطہ کرنے کے لیے ملک میں زیادہ تر جغرافیائی علاقوں کے افراد، دیہی اور شہری دونوں علاقوں میں، اور تمام بڑی زبانوں کے بولنے والے، اور قبائلی اور ذات پات کے گروہ شامل تھے۔

محققین اہم سوالات کا جواب دینا چاہتے تھے، جیسے کہ؛ جدید انسان افریقہ سے ہندوستان میں کب پہنچے؟ کیا وہ افریقہ سے باہر ہونے والی اہم سرزمین کی ہجرت کا حصہ تھے یا انہوں نے پہلے، شاید ساحلی راستے سے ہجرت کی تھی؟ اور ہندوستانی آبادیوں میں اب معدوم ہونے والے قدیم انسانوں، نینڈرتھلز اور ڈینیسووان کے کیا آثار باقی ہیں؟

کرڈونکف اور ساتھی اپنے پری پرنٹ میں لکھتے ہیں ”یہ تجزیے ہندوستان کی آبادی کی تاریخ کا ایک تفصیلی نظریہ پیش کرتے ہیں اور یورپ سے باہر متنوع گروپوں میں جینومک سروے کو پھیلانے کی اہمیت کو اجاگر کرتے ہیں“

پچھلی تحقیق نے دکھایا ہے کہ زیادہ تر ہندوستانی تین آبائی گروہوں سے نسب اخذ کرتے ہیں: قدیم ایرانی کسانوں کی اولاد، جو 4700 اور 3000 قبل مسیح کے درمیان کسی وقت برصغیر پاک و ہند میں آئے تھے۔ یوریشیائی میدانی علاقے کے چرواہے، جو 3000 قبل مسیح کے بعد ہندوستان منتقل ہوئے تھے۔ اور مقامی جنوبی ایشیائی شکاری جمع کرنے والے، جو وہاں کافی عرصے سے موجود تھے۔

کرڈونکف اور ساتھیوں نے پایا کہ ان تینوں گروہوں کا نسب جدید ہندوستانی افراد میں وسیع پیمانے پر مختلف تھا، پھر بھی واضح نمونے سامنے آئے۔

مثال کے طور پر، انڈمانی شکاریوں سے وابستہ لوگوں کے نسب کا تناسب جنوب میں سب سے زیادہ تھا اور ہندوستان کے شمال میں سب سے کم، اور بعض زبانوں اور ذات پات کے گروہوں میں زیادہ تھا۔

کرڈونکف اور ساتھی لکھتے ہیں، ”یہ اس بات پر روشنی ڈالتا ہے کہ قدیم مرکب واقعات کا تعلق زبانوں کے پھیلاؤ اور ہندوستان میں روایتی ذات پات کے نظام کی تاریخ سے ہے“

ماڈلنگ کرتے ہوئے کہ کس طرح قدیم ڈی این اے پہلے ایرانی سے متعلقہ گروپوں سے نکالا گیا تھا، اس سے موجودہ دور کے ہندوستانیوں کے جینومک سلسلے کو جنم دے سکتا تھا، جس کا مطالعہ میں نمونہ لیا گیا تھا۔ محققین نے یہ بھی پایا کہ سب سے زیادہ امکانی منظر نامہ ایک قدیم زرعی مرکز سارزم سے کسانوں کی آمد تھا، آج جو تاجکستان ہے۔

مطالعہ سے پتہ چلتا ہے کہ ہندوستانیوں نے اینڈوگیمی کی طرف ایک بڑی آبادیاتی تبدیلی کی، جہاں لوگوں نے اپنی برادریوں میں شادی کرنا شروع کی، جس کا مطلب ہے کہ انہوں نے ایک ہی پس منظر یا گروہ کے لوگوں سے شادی کی۔ اس کی وجہ سے ان کے جینز میں بہت سی مماثلتیں پیدا ہوئیں، جس سے وہ جینیاتی طور پر زیادہ مماثلت رکھتے تھے۔

سائنسدانوں نے قدیم ڈی این اے کو ایرانی جڑوں والی آبادیوں سے جانچا جو ہندوستان میں جینیاتی اثر سے پہلے موجود تھے۔ انہوں نے یہ شناخت کرنے کے لیے نقالی کی کہ کس کے جینز جدید دور کے ہندوستانیوں میں مشاہدہ کیے گئے نمونوں سے زیادہ مشابہت رکھتے ہیں۔

موجودہ تاجکستان کے شمال مغربی علاقے میں واقع ایک قدیم زرعی مرکز، سارزم سے نکلنے والے کسانوں کے ڈی این اے میں سب سے موزوں میچ پایا گیا۔

آثارِ قدیمہ کے مطالعے نے پہلے سارزم اور جنوبی ایشیا کے درمیان تجارتی رابطوں کی طرف اشارہ کیا ہے، لیکن یہ ایک طرفہ ربط نہیں تھا: کرڈونکف اور ساتھیوں نے قدیم ایرانی آباؤ اجداد میں سے ایک فرد پایا، جس کے پاس ہندوستانی جینیات کے آثار بھی تھے۔

مائیکل فریچیٹی، سینٹ لوئس میں واشنگٹن یونیورسٹی کے ماہر آثار قدیمہ، جو اس تحقیق میں شامل نہیں تھے، کا کہنا ہے ”معاشرے ’ڈیپ ٹائم‘ (قدیم دور) میں اس سے کہیں زیادہ جڑے ہوئے تھے، جتنا کہ زیادہ تر لوگوں نے انہیں کریڈٹ دیا ہے“

جینومک تجزیہ نے محققین کو حیران کر دیا کیونکہ انہوں نے جینز میں نینڈرتھلز اور ان کے قریبی ارتقائی کزنز، ڈینیسووان کے جینوں میں تنوع پایا۔ جو چیز اس دریافت کو اور بھی حیرت انگیز بناتی ہے، وہ یہ ہے کہ اب تک ہندوستان میں ڈینیسووان کے کسی فوسل کی دریافت نہیں ہوئی ہے۔

محققین کے مطابق ”اگر ہم ایک طویل عرصے تک پیچھے مڑ کر دیکھیں تو ہندوستانیوں کے نسب کا تقریباً 1-2 فی صد قدیم انسانی گروہوں جیسے نینڈرتھلز اور ڈینیسووان کے ساتھ اختلاط سے آتا ہے“

یوں کیرڈونکف اور ساتھیوں نے پایا کہ جدید ہندوستانی اپنے آباؤ اجداد کا 1-2 فیصد قدیم hominins، نینڈرتھلز Neanderthals اور ڈینیسووان Denisovans سے حاصل کرتے ہیں، جو کہ یورپیوں اور امریکیوں سے ملتا جلتا ہے

لیکن ایک حیران کن دریافت میں، محققین نے پایا کہ تجزیہ شدہ جینوم میں دیگر نمونے کی گئی آبادیوں کے مقابلے میں نینڈرتھل Neanderthal اور ڈینیسووان Denisovan جینز کا بہت زیادہ تنوع پایا جاتا ہے۔

کرڈونکف اور ساتھی لکھتے ہیں، ”حیرت انگیز طور پر، [تقریباً] 90.7 فیصد دنیا بھر میں نینڈرتھل کے سلسلے ہندوستان میں دیکھے جاتے ہیں اور ڈینیسووان کے تقریباً 51 فیصد سلسلے ہندوستان کے لیے منفرد ہیں“

یوں انسانی آبادیوں میں پائے جانے والے تقریباً 90 فی صد نینڈرتھل جینز ہندوستانی نسل کے 2,700 افراد کے جینوم میں موجود تھے، جن کا مطالعہ کیا گیا تھا۔

آخر میں، ان کے مرکزی سوال کے بارے میں کہ ہندوستانیوں کی ابتدا کہاں سے ہوئی، محققین نے پایا کہ ہندوستانیوں میں زیادہ تر جینیاتی تغیرات افریقہ سے باہر ایک ہی بڑی ہجرت سے پیدا ہوتے ہیں، جو تقریباً پچاس ہزار سال پہلے واقع ہوئی تھی، اس سے پہلے کی ہجرت کی لہروں نے جدید ہندوستانی آبادی میں بہت کم جینیاتی مواد کا حصہ ڈالا تھا۔

یوں مطالعہ نے تصدیق کی کہ ہندوستانیوں میں زیادہ تر جینیاتی تغیرات افریقہ سے باہر ایک ہی بڑی ہجرت سے پیدا ہوتے ہیں، جو تقریباً پچاس ہزار سال پہلے ہوئی تھی۔

یہ مطالعہ بائیو آرکسیو bioRxiv پر پوسٹ کیا گیا، جس کا ابھی تک ہم مرتبہ جائزہ نہیں لیا گیا ہے۔