تل ابیب : اسرائیل کی محفوظ ترین گلیوا جیل میں قید فلسطین کی اقصیٰ بریگیڈ کے رہنما اپنے پانچ ساتھیوں کے ساتھ واش روم سے سرنگ بناکر جیل کی دوسری طرف نکلنے میں کامیاب ہوگئے
عالمی خبر رساں ادارے کے مطابق اسرائیل کی جیل میں عمر قید کی سزا کاٹنے والے آزادی فلسطین اور یہودی ریاست کے خلاف برسر پیکار تنظیم اقصیٰ بریگیڈ کے رہنما کمانڈر زکریا زبیدی اپنے پانچ ساتھیوں کے ہمراہ خفیہ طور پر جیل سے باہر نکلنے میں کامیاب ہو گئے
جیل سے نکلنے کے لیے ان مزاحمت کاروں نے واش روم کے کموڈ کو نکال کر زنگ آلود چمچوں کے ذریعے کھدائی کی اور طویل سرنگ بنانے میں کامیاب ہوگئے۔ سرنگ کا اگلا سرا جیل کے باہر نکالا اور ایک چھوٹے سے سوراخ سے حیران کن طور پر چھ افراد نکلنے میں کامیاب ہوگئے
جیل کے باہر کھیتوں میں کام کرنے والے کسانوں نے بتایا کہ انھوں نے چھ مشکوک افراد کو بھاگتے ہوئے دیکھا ہے۔ سوشل میڈیا پر وائرل ہونے والی تصاویر میں دیکھا جا سکتا ہے کہ اسرائیلی پولیس سرنگ کے اس چھوٹے دھانے کو حیرانی سے دیکھ رہے ہیں.
