سوشل نیٹ ورکنگ کے دور میں جہاں رابطے کی متعدد ایپلیکیشنز موجود ہیں، وہیں صارفین کو غیرضروری اور ناپسندیدہ تبصروں کا بھی سامنا کرنا پڑتا ہے
غیرضروری کمنٹس کو بلاک کرنے کے لیے بھی سوشل میڈیا کی ایپلیکیشنز میں خصوصی آپشن فراہم کیا جاتا ہے، جسے استعمال کرتے ہوئے صارفین نامناسب کمنٹس کو اپنی ایپلیکیشن پر بلاک کر سکتے ہیں
سوشل میڈیا کی رابطہ ایپلیکیشنز سے تقریباً ہر شخص ہی جڑا ہوا ہے۔ اس حوالے سے بیش تر لوگوں کی کوشش ہوتی ہے کہ نامناسب کمنٹس کو بلاک کیا جا سکے، خاص طور پر انسٹاگرام کے صارفین چاہتے ہیں کہ ایسے افراد کے کمنٹس کو اپنے پیچ پر بلاک کیا جا سکے، جو ان کے لیے غیرمناسب ہوں
انہیں بلاک بھی اس طرح کیا جائے کہ وہ پیج پر تو رہیں مگر کمنٹس نہ کر سکیں
گیجٹس ناؤ ویب سائٹ کے مطابق انسٹاگرام اپنے صارفین کو یہ سہولت فراہم کرتا ہے کہ وہ اپنے پیج پر غیرمناسب کمنٹس کو بلاک کر سکیں، جس کے لیے چند آسان اقدامات ہیں، جو ذیل میں بیان کیے جا رہے ہیں:
– انسٹاگرام اپیلی کیشن میں لاگ ان کریں بعدازاں پروفائل پکچر کی علامت یا نشان پر کلک کریں
– پرسنل پروفائل میں موجود دائیں جانب اوپر کی سمت تین لائنوں کو کلک کریں اور اس کے ’سیٹنگز اینڈ پرائیویسی‘ کو کلک کیا جائے
– ’سیٹنگز اینڈ پرائیوسی‘ میں نیچے کی جانب آپشن ’دوسرے آپ سے کیسے انٹریکٹ کریں‘ میں جائیں اور وہاں ’کمنٹس‘ کو اختیار کریں
– کمنٹس کے آپشن میں ’بلاک کمنٹس‘ کے سامنے، جس کا کمنٹ بلاک کرنا ہے، اس کا نام جو آپ کی کنٹیکٹ لسٹ میں ہے وہ درج کر دیں
اس کے علاوہ آپ صرف مخصوص افراد کو کمنٹس کی اجازت دینا چاہتے ہیں تو یہ بھی ممکن ہے
اس کے لیے جو طریقہ کار کمنٹس کو بلاک کرنے کا تھا، انہی نکات کو فالو کریں اور جہاں ’کمنٹس‘ کا آپشن آئے اسے کلک کرنے کے بعد ’کمنٹس کی اجازت‘ کو کلک کریں اور پروفائل میں جسے کمنٹ کرنے کی اجازت دینا چاہتے ہیں، اس کا نام درج کر دیں
جس شخص کے کمنٹس کو بلاک کیا گیا ہو اسے یہ معلوم نہیں ہوگا، کیونکہ کیے گئے ناپسندیدہ کمنٹس صرف کمنٹ کرنے والا ہی دیکھ سکے گا۔ اس کے علاوہ کسی اور کو دکھائی نہیں دیں گے
سماجی رابطوں کی ایپلی کیشنز میں موجود انسٹاگرام ایپلیکیشن ’میٹا کمپنی‘ کی ملکیت ہے، جس پر وڈیوز اور فوٹوز شیئر کی جا سکتی ہیں۔ انسٹاگرام ایپلیکیشن پر اپ لوڈ کی گئی وڈیوز اور فوٹوز شیئر کرنے کے مختلف قواعد و ضوابط ہوتے ہیں، جن پر عمل کرنا ضروری ہوتا ہے
پوسٹ کی گئی فوٹوز اور وڈیوز خاص یا عام استعمال کے لیے اجازت دینا ہوتی ہے۔ دیگر ایپلی کیشنز کی طرح انسٹاگرام پر کی گئی پوسٹوں کو لائیک اور شیئر کیا جا سکتا ہے
حال ہی میں انسٹاگرام نے چیٹ سروس اور ایک پوسٹ میں مختلف تصاویر یا وڈیوز کو ایڈ کرنے کی سہولت کا اضافہ کیا ہے
علاوہ ازیں اپنی حریف کمپنی ’سنیپ چیٹ‘ کی طرح اب انسٹاگرام میں بھی اسٹوریز اور وڈیوز پوسٹ کرنے کی سہولت موجود ہے۔
