سلیکون ویلی – واٹس ایپ دنیا کی مقبول ترین میسجنگ ایپ ہے، لیکن اسے استعمال کرتے ہوئے صارفین کو جو سب سے بڑا مسئلہ پیش آتا ہے، وہ یہ ہے کہ موصول ہونے والی تصاویر اور وڈیوز کی وجہ سے فون کی اسٹوریج بہت تیزی سے بھر جاتی ہے
لیکن اب کمپنی نے اس کا ایک منفرد حل نکال لیا ہے، تاکہ فون کی اسٹوریج کو بھر جانے سے بچایا جا سکے
اس مقصد کے لیے کمپنی نے اپنے ایک فیچر ڈس اپیئرنگ میسجز کو اپ ڈیٹ کردیا ہے
واضح رہے کہ واٹس ایپ نے گزشتہ سال نومبر میں ڈس اپیئرنگ میسجز کا فیچر متعارف کرایا تھا جو مخصوص چیٹس میں ان ایبل کرکے پیغامات کو سات دن میں غائب کرنے میں مدد فراہم کرتا ہے
اب تک اس فیچر کے تحت میسجز سات دن بعد ”چیٹ ونڈو“ سے خود غائب ہوتے ہیں، لیکن اب کمپنی نے اسے مزید بہتر بنایا ہے
اس حوالے سے کمپنی نے ایک بیان میں بتایا کہ سات دن کے ساتھ اب صارفین کی سہولت کے لیے چوبیس گھنٹے اور نوے دن کے دو نئے آپشنز کا اضافہ کیا جارہا ہے
اس فیچر کے تحت بھیجی جانے والی چیٹ کے اسکرین شاٹ کو لینا ممکن ہے یعنی پرائیویسی کو تحفظ تو نہیں ملے گا مگر کمپنی کی جانب سے یہ فیچر ”اسٹوریج سیور“ کے طور پر استعمال کیا جائے گا
اس کا مطلب یہ ہے کہ جب میسجز طے کردہ وقت پر خودکار طور پر ڈیلیٹ ہوجائیں گے، تو اسٹوریج اسپیس بھی کلیئر ہوگا اور صارف کو خود یہ مینوئل طریقے سے نہیں کرنا پڑے گا
اگر اس فیچر کو بائی ڈیفالٹ ان ایبل کیا جائے، تو تمام نئی ون آن ون چیٹس منتخب کردہ دورانیے میں چیٹ ونڈوز سے غائب ہوجائیں گی اور کمپنی نے یہ سہولت بھی اس فیچر میں شامل کردی ہے، تاہم تمام صارفین تک اس کے پہنچنے میں کچھ وقت لگ سکتا ہے
کمپنی نے بتایا کہ کسی پیغام کو کب تک برقرار رکھنا ہے، یہ فیصلہ آپ کے ہاتھوں میں ہونا چاہیے
واٹس ایپ کے مطابق لوگ بلاسوچے سمجھے اپنی ہر چیز کی ڈجیٹل کاپی کو چھوڑ دیتے ہیں، جو ہمارے ہر بات کا مستقل رکارڈ بن جاتا ہے، یہی وجہ ہے کہ ہم نے گزشتہ سال ڈس اپیئرنگ میسجز کا فیچر متعارف کرایا تھا
کمپنی نے مزید بتایا کہ حال ہی میں اس مقصد کے لیے تصاویر اور ویڈیوز کی فوری ڈیلیٹ کا فیچر ویو ونس بھی متعارف کرایا گیا تھا
انفرادی چیٹس میں یہ فیچر کیسے استعمال کریں؟
اس مقصد کے لیے واٹس ایپ کو اوپن کریں اور مطلوبہ فرد کی چیٹ ونڈو کو کھولیں
وہاں کانٹیکٹ کے نام پر کلک کریں اور نیچے جاکر ڈس اپیئرنگ میسجز پر کلک کریں اور پروموٹ میسج پر Continue کے آپشن پر کریں
وہاں آپ چوبیس گھنٹے، سات دن یا نوے دن کے آپشنز کا انتخاب کر سکتے ہیں
اسی طریقہ کار سے ڈیس اپیئرنگ میسج کو ڈس ایبل بھی کیا جاسکتا ہے
کمپنی کے مطابق گروپس چیٹ کے لیے بھی ایک نئے آپشن کا اضافہ کیا گیا ہے اور یہ نیا فیچر آپشنل ہوگا، جس سے موجودہ یا سابقہ چیٹس میں کوئی تبدیلی نہیں ہوگی.
