کراچی – وفاقی تحقیقاتی ادارے (ایف آئی اے) نے دو مبینہ ملزمان کو گرفتار کرنے کا دعویٰ کیا ہے، جو کراچی یونیورسٹی کی متعدد طالبات کو ہراساں کرنے میں ملوث ہیں
ادارے کے سائبر کرائم ونگ کے ایڈیشنل ڈائریکٹر عمران ریاض کا کہنا ہے کہ ملزمان کی شناخت فضل داد اور عدنان علی کے نام سے کی گئی ہے، جو کراچی یونیوسٹی کے اسٹاف ٹاؤن میں رہتے ہیں
گرفتار ملزمان میں سے ایک رکشہ ڈرائیور ہے، جبکہ دوسرا یونیورسٹی کے ایک استاد کا ڈرائیور ہے
انہوں نے کہا کہ ملزمان گاڑی یا یونیورسٹی میں ”کسی ویران مقام پر بیٹھے لڑکوں اور لڑکیوں“ کی وڈیوز بناتے تھے
ایڈیشنل ڈائریکٹر نے شکایت کنندہ کو ”بہادر لڑکی“ قرار دیتے ہوئے کہا کہ لڑکی نے ملزمان کے خلاف شکایت درج کروائی کہ ملزمان اسے کہہ رہے ہیں کہ وہ اکیلے میں ملے اور رقم دے یا نتائج بھگتنے کو تیار ہوجائے
عہدیدار نے بتایا کہ ملزمان سے برآمد ہونے والے ڈجیٹل آلات قبضے میں لے کر انہیں فرانزک اینالائسز کے لیے بھیج دیا گیا تھا
فرانزک کے بعد موصول ہونے والی رپورٹ سے معلوم ہوا ہے کہ ملزمان کراچی یونیورسٹی کی چودہ طالبات کو بلیک میل اور ہراساں کر رہے تھے
تاہم انہوں نے مزید بتایا کہ ان کے علاوہ ایک اور طالبہ نے رازداری خدشات کے باعث رپورٹ درج کروانے سے انکار کر دیا
ایف آئی اے کے جاری کردہ بیان میں کہا گیا کہ دیگر ملزمان کے ملوث ہونے کے شعبے میں مزید تحقیقات جاری ہیں.
