کینیڈا کے مغربی صوبے برٹش کولمبیا کی حکومت نے ہیروئن، میتھ، ایکسٹیسی اور کریک کوکین کی تھوڑی مقدار پاس رکھنے اور لے جانے کی اجازت دے دی ہے
برطانوی خبر رساں ادارے روئٹرز کی رپورٹ میں حکام کا حوالہ دیتے ہوئے بتایا گیا ہے کہ تین سالہ پائلٹ پراجیکٹ کے مطابق مذکورہ منشیات لے جانے والے افراد کے خلاف قانونی کارروائی نہیں ہوگی
حکام کا کہنا ہے کہ یہ قدم منشیات کی زیادہ مقدار لینے سے پیدا ہونے والے مسائل کی راہ روکنے کے لیے اٹھایا گیا ہے
سرکاری اعداد و شمار کے مطابق برٹش کولمبیا میں 2016ع سے اب تک ہونے والی بتیس ہزار اموات میں سے ایک تہائی منشیات کی زیادہ مقدار کے استعمال سے واقع ہوئیں اور اس سال انتظامیہ نے منشیات کی زیادہ مقدار کے استعمال کے تدارک کے لیے ہنگامی اقدامات شروع کیے
کورونا کی وبا کی وجہ سے کولمبیا میں منشیات کے زیادہ استعمال سے پیدا ہونے والے مسائل تشویشناک حد تک اضافہ دیکھا گیا، کیونکہ اس سے منشیات کا غیرقانونی کام اور سپلائی چین بھی متاثر ہوئی، جس کے بعد منشیات کے عادی افراد نے دوسری زہریلی منشیات اکیلے میں استعمال کرنا شروع کیں
منگل کو انتظامیہ کی جانب سے جاری کیے جانے والے ابتدائی اعداد و شمار سے معلوم ہوتا ہے کہ 2022ع میں زہریلی منشیات سے دو ہزار دو سو ستائیس مشتبہ اموات ہوئیں، جو کہ 2021 سے زیادہ تھیں اور اس سال چونتیس اضافی اموات ہوئیں
کینیڈین وزیراعظم جسٹن ٹروڈو کی حکومت نے پچھلے سال مئی میں کہا تھا کہ برٹش کولمبیا میں منشیات استعمال کرنے والوں کو استثنیٰ دیا جائے گا، جو کینیڈا میں پہلی بار ہوگا
انتظامیہ کا کہنا تھا کہ منشیات کی معمولی مقدار لے جانے کو جرم تصور نہیں کیا جائے گا اور امید ظاہر کی کہ فوجداری مقدمات کے بجائے صحت عامہ کے اس معاملے کو اس اقدام سے کنٹرول کر لیا جائے گا
صوبے کی انتظامیہ کا کہنا ہے کہ اقدام کا مقصد مواد کے استعمال پر بدنامی کے تاثر کو کم کرنے کے ساتھ ساتھ عوام کو یہ سہولت بھی دینا ہے کہ وہ آسانی سے رہنمائی کے لیے حکام سے رابطہ کر سکیں
یونیورسٹی آف ٹورانٹو سے منسلک پروفیسر روبرٹ شوارٹز کا کہنا ہے کہ ابتدائی طور پر یہ اقدام قابل تعریف ہے تاہم یہ بھی بہت ضروری ہے کہ اس کی مدد سے مسئلے پر قابو پایا جائے
انہوں نے کہا ’مسئلہ یہ ہے کہ ہمیں زیادہ اور غیرقانونی مواد کا سامنا ہے جو نقصان کا باعث بنتا ہے۔ اس صورت حال سے نمٹنے کے لیے صحت عامہ سے متعلق اقدامات کرنا ہوں گے اور منشیات کی اجازت ان میں سے پہلا قدم ہے۔‘
استثنٰی کی فہرست میں شامل منشیات صرف ذاتی استعمال کے لیے دو اعشاریہ پانچ گرام تک پاس رکھی جا سکیں گی
ماہرین صحت نے کا کہنا ہے کہ حکومت کے اقدام سے منشیات استعمال کرنے والے ایک ایسے محفوظ ماحول میں ان کا استعمال کر سکیں گے جہاں انہیں طبی امداد کے حصول میں آسانی ہوگی۔
