پنجاب کے سابق وزیر اعلیٰ میاں شہباز شریف کے فرزند سلمان شہباز کے ملازمین کے بینک اکاؤنٹ میں بھی 9.5 ارب روپے کا انکشاف ہوا ہے
تفصیلات کے مطابق یہ ملازمین رمضان شوگر مل اور العریبیہ شوگر مل میں کام کرتے ہیں۔ ایف آئی اے نے ان اکاؤنٹس کی تفصیلات مشترکہ تحقیقاتی ٹیم کو فراہم کر دی ہیں۔
ایف آئی اے ذرائع کا کہنا ہے کہ سلمان شہباز کے چپڑاسی مقصود کے بینک اکاؤنٹ میں 2.3 ارب روپے کا انکشاف ہوا ہے۔ مقصود چپڑاسی نے اس رقم سے ڈیڑھ کروڑ روپے مالیت کی ایک مرسڈیذ کار بھی خریدی
ایف آئی اے کے مطابق خضر حیات اکاؤنٹ کلرک کے اکاؤنٹ میں 1.2 ارب روپے، شبیر قریشی کلرک کے اکاؤنٹ میں ایک ارب، ، اقرار کے اکاؤنٹ میں 64 کروڑ، تنویر الحق کلرک کے اکاؤنٹ میں 52 کروڑ، توقیر الدین کے اکاؤنٹ میں 45 کروڑ اور رانا وسیم کے اکاؤنٹ میں 24 کروڑ روپے جمع کروائے گئے اور کچھ رقم نکلوائی بھی گئی
میڈیا رپورٹس کے مطابق ان خفیہ بینک اکاؤنٹس کا سراغ ایف آئی اے بینکنگ کرائم سرکل لاہور نے لگایا. بینکنگ کرائم سرکل نے معلومات مشترکہ تحقیقاتی ٹیم کو فراہم کر دی ہیں
ذرائع کا کہنا ہے کہ بینکنگ کرائم سرکل نے تحقیقات کا دائرہ مزید وسیع کر دیا ہے اور تمام بینکوں سے ان ملازمین کے نام پر خفیہ اکاونٹ کی تفصیلات طلب کر لی گئی ہیں، جب کہ اسی کیس میں سکیورٹی ایکسچینج کمیشن آف پاکستان (ایس ای سی پی) سے ملازمین کے نام پر کمپنیوں کی تفصیلات بھی طلب کرلی گئی ہیں۔
ذرائع کے مطابق یہ تفصیلات ملنے کے بعد رپورٹ مرتب کر کے مشترکہ تحقیقاتی ٹیم کو فراہم کر دی جائے گی۔
ایف آئی اے کمبائن انوسٹی گیشن ٹیم نے آج شریف فیملی کے ملازمین کو تحقیقات کے لئے طلب کر رکھا تھا۔ تحقیقاتی ٹیم کے سامنے العربیہ شوگر ملز کے ملازمین رانا وسیم. اقرار، تنویر الحق و دیگر ایف آئی اے میں پیش ہوئے۔ انہوں نے اپنے بنک اکاؤنٹ میں موجود اربوں روپے کی رقم کے بارے میں تحقیقاتی ٹیم کو اپنے بیانات ریکارڈ کروا دیے ہیں۔
