کوئٹہ بلوچستا کے وزیر اعلیٰ جام کمال کی وزارت اعلیٰ کی کرسی پارٹی اختلافات کے بھنور سے نہ نکل سکی
وزیراعلیٰ بلوچستان کی اپنی جماعت بلوچستان عوامی پارٹی (بی اے پی) ارکان کو منانے کی کوششیں تاحال کامیاب نہیں ہو سکی ہیں
دوسری طرف جام کمال پر تحریک عدم اعتماد کے لیے اپوزیشن کا دباؤ بھی برقرار ہے. بلوچستان اسمبلی میں اپوزیشن اراکین کی جانب سے جمع کروائی گئی تحریک عدم اعتماد پر کارروائی کے لیے اجلاس نہیں بلایا جا سکا۔
وزیراعلیٰ بلوچستان جام کمال نے بلوچستان عوامی پارٹی کے ناراض ارکان و صوبائی وزیر سردار عبدالرحمن کھیتران اور پارلیمانی سیکرٹری بشریٰ رند کی رہائش گاہ گئے اور انہیں منانے کی کوشش کی، جام کمال نے انہیں تحفظات دور کرنے کی یقین دہانی کرائی
ذرائع نے دعویٰ کیا ہے کہ ناراض ارکان اسمبلی نے ملاقاتوں میں وزیراعلیٰ بلوچستان پر واضح کیا ہے کہ وہ اپنے ساتھیوں کے ساتھ ہیں اور ان کا جو بھی فیصلہ ہوگا اس میں ان کا ساتھ دیں گے۔ وزیراعلیٰ بلوچستان نے سردار عبدالرحمان کھیتران اور بشری رند کے علاوہ دیگر سے بھی رابطے کی کوشش کی ہے تاہم انہیں اس سلسلے میں کوئی کامیابی نہیں مل سکی
بلوچستان میں سیاسی بحران سنگین ہونے کے بعد بی اے پی سے ہی تعلق رکھنے والے چیئرمین سینیٹ صادق سنجرانی ایک مرتبہ پھر پارٹی میں اختلافات دور کرانے کے لیے فعال ہوگئے ہیں اور بی اے پی میں چل رہے تنازع کے پیش نظر ریسکیو مشن پر ہیں
بلوچستان میں سیاسی بحران کے معاملے کو حل کرنے کے لیے چیئرمین سینیٹ صادق سنجرانی کی کوئٹہ میں اسپیکر بلوچستان اسمبلی عبدالقدوس بزنجو کے گھر آمد ہوئی ہے
ذرائع کا کہنا ہے کہ چیئرمین سینیٹ کے ہمراہ نصیب اللّٰہ بازئی، عبدالقادر، منظور کاکڑ سمیت دیگر سینیٹرز بھی ہمراہ ہیں
ذرائع کا کہنا ہے کہ چیئرمین سینیٹ نے بلوچستان کی سیاسی صورتحال پر تبادلہ خیال کیا
صادق سنجرانی نے ناراض اراکین کے تحفظات دور کرنے کی کوشش بھی کی.
