ﺳﭙﺮﻡ ﮐﻮﺭﭦ ﻧﮯ اپنے تفصیلی فیصلے میں ﻗﺮﺍﺭ ﺩﯾﺎ ﮨﮯ ﮐﮧ ﺍٓﺋﯿﻦ ﮐﮯ ﺍٓﺭﭨﯿﮑﻞ 209 (5 ) ﮐﮯ ﺗﺤﺖ ﺻﺪﺭ ﻣﻤﻠﮑﺖ ﻋﺎﺭﻑ ﻋﻠﻮﯼ ﻏﻮﺭ ﺷﺪﮦ ﺭﺍﺋﮯ ﻧﮩﯿﮟ ﺑﻨﺎ ﭘﺎﺋﮯ، ﻟﮩٰﺬﺍ ﺟﺴﭩﺲ ﻗﺎﺿﯽ ﻓﺎﺋﺰ ﻋﯿﺴﯽٰ ﮐﮯ ﺧﻼﻑ ﺻﺪﺍﺭﺗﯽ ﺭﯾﻔﺮﻧﺲ ﻣﯿﮟ ’ﻣﺨﺘﻠﻒ ﻧﻘﺎﺋﺺ‘ ﻣﻮﺟﻮﺩ ﺗﮭﮯ
تفصیلات ﮐﮯ ﻣﻄﺎﺑﻖ ﺳﭙﺮﯾﻢ ﮐﻮﺭﭦ ﮐﮯ ﺟﺴﭩﺲ ﻋﻤﺮ ﻋﻄﺎ ﺑﻨﺪﯾﺎﻝ ﻧﮯ ﺧﻮﺩ ﺗﺤﺮﯾﺮ ﮐﺮﺩﮦ 174 ﺻﻔﺤﺎﺕ ﭘﺮ ﻣﺸﺘﻤﻞ ﺍﮐﺜﺮﯾﺘﯽ ﻓﯿﺼﻠﮯ ﻣﯿﮟ ﮐﮩﺎ ہے ﮐﮧ ﭼﻮﻧﮑﮧ ﺗﺤﻘﯿﻘﺎﺕ ﮐﮯ ﻟﯿﮯ ﺩﺭﺳﺖ ﺍﺟﺎﺯﺕ ﻧﮩﯿﮟ ﻟﯽ ﮔﺌﯽ ﺗﮭﯽ ﻟﮩٰﺬﺍ ﺟﻮﺍﺏ ﺩﮨﻨﺪﮔﺎﻥ (ﻓﺮﯾﻘﯿﻦ ) ﻧﮯ ﺟﺴﭩﺲ ﻋﯿﺴﯽٰ ﮐﮯ ﭨﯿﮑﺲ ﺭﯾﮑﺎﺭﮈﺯ ﺗﮏ ﻏﯿﺮﻗﺎﻧﻮﻧﯽ ﺭﺳﺎﺋﯽ ﺣﺎﺻﻞ ﮐﯽ
ﺟﺴﭩﺲ ﻗﺎﺿﯽ ﻓﺎﺋﺰ ﻋﯿﺴﯽٰ ﮐﮯ ﺧﻼﻑ ﺻﺪﺍﺭﺗﯽ ﺭﯾﻔﺮﻧﺲ ﮐﻮ ﭼﯿﻠﻨﺞ ﮐﺮﻧﮯ ﻭﺍﻟﯽ ﻣﺘﻌﺪﺩ ﺩﺭﺧﻮﺍﺳﺘﻮﮞ ﮐﯽ ﺳﻤﺎﻋﺖ ﮐﺮﻧﮯ ﻭﺍﻟﮯ دس ﺭﮐﻨﯽ ﻓﻞ ﮐﻮﺭﭦ ﮐﮯ ﺳﺮﺑﺮﺍﮦ ﺟﺴﭩﺲ ﻋﻤﺮ ﻋﻄﺎ ﺑﻨﺪﯾﺎﻝ ﻧﮯ ﯾﮧ ﺑﮭﯽ مشاہدہ ﮐﯿﺎ ﮐﮧ ﺻﺪﺭ ﺍﻭﺭ ﻭﺯﯾﺮﺍﻋﻈﻢ ﻋﻤﺮﺍﻥ ﺧﺎﻥ ﮐﮯ ﺫﺭﯾﻌﮯ ﺟﺴﭩﺲ ﻋﯿﺴﯽٰ ﮐﮯ ﺍﻣﻮﺭ ﮐﯽ ﭼﮭﺎﻥ ﺑﯿﻦ ﮐﺎ ﮐﻮﺋﯽ ﺍﺧﺘﯿﺎﺭ ﻧﮩﯿﮟ ﺗﮭﺎ، ﺍﺱ ﮐﮯ ﺑﺠﺎﺋﮯ ﻭﺯﯾﺮ ﻗﺎﻧﻮﻥ ﻓﺮﻭﻍ ﻧﺴﯿﻢ ﻧﮯ ﺍﺟﺎﺯﺕ ﺣﺎﺻﻞ ﮐﯽ
ﺧﯿﺎﻝ ﺭﮨﮯ ﮐﮧ 19 ﺟﻮﻥ ﮐﻮ ﺍﭘﻨﮯ ﻣﺨﺘﺼﺮ ﺣﮑﻢ ﻣﯿﮟ ﺳﭙﺮﯾﻢ ﮐﻮﺭﭦ ﻧﮯ ﺟﺴﭩﺲ ﻗﺎﺿﯽ ﻓﺎﺋﺰ ﻋﯿﺴﯽٰ ﮐﮯ ﺧﻼﻑ ﺻﺪﺍﺭﺗﯽ ﺭﯾﻔﺮﻧﺲ ﮐﻮ ﮐﺎﻟﻌﺪﻡ ﻗﺮﺍﺭ ﺩﯾﺎ ﺗﮭﺎ ﺍﻭﺭ ﺍﻥ ﮐﮯ ﺍﻭﭘﺮ ﺍﭘﻨﯽ ﺍﮨﻠﯿﮧ ﺍﻭﺭ ﺑﭽﻮﮞ ﮐﮯ ﻧﺎﻡ ﭘﺮ تین ﺍٓﻑ ﺷﻮﺭ ﺟﺎﺋﯿﺪﺍﺩﻭﮞ ﮐﻮ ﻇﺎﮨﺮ ﻧﮧ ﮐﺮﻧﮯ ﭘﺮ ﻟﮕﺎﺋﮯ ﮔﺌﮯ ﻣﺲ ﮐﻨﮉﮐﭧ ﮐﮯ ﺩﺍﻍ ﮐﻮ ﺻﺎﻑ ﮐﺮﺩﯾﺎ ﺗﮭﺎ۔
ﺍﺏ ﻋﺪﺍﻟﺖ ﻧﮯ ﺍﭘﻨﮯ ﺗﻔﺼﯿﻠﯽ ﻓﯿﺼﻠﮯ ﻣﯿﮟ ﮐﮩﺎ ﮨﮯ ﮐﮧ ﺳﺮﯾﻨﺎ ﻋﯿﺴﯽٰ (اہلیہ فائز عیسٰی) ﮐﯽ ﻣﻠﮑﯿﺖ ﻣﯿﮟ ﻏﯿﺮﻇﺎﮨﺮ ﺷﺪﮦ ﻟﻨﺪﻥ ﭘﺮﺍﭘﺮﭨﯿﺰ ﮐﯽ ﻣﻌﻠﻮﻣﺎﺕ ﻃﻠﺐ ﮐﺮﻧﮯ ﮐﮯ ﻋﻼﻭﮦ ﺟﺴﭩﺲ ﻗﺎﺿﯽ ﻓﺎﺋﺰ ﻋﯿﺴﯽٰ ﮐﻮ ﺟﺎﺭﯼ ﺷﻮﮐﺎﺯ ﻧﻮﭨﺲ ﺍﻭﺭ ﺭﯾﻔﺮﻧﺲ ﮐﺎ ﺩﯾﮕﺮ ﻣﻮﺍﺩ ﺑﻐﯿﺮ ﮐﺴﯽ ﺑﻨﯿﺎﺩ ﮐﮯ ﺗﮭﺎ
ﺟﺴﭩﺲ ﻋﻤﺮ ﻋﻄﺎ ﺑﻨﺪﯾﺎﻝ ﻧﮯ ﮐﮩﺎ ﮐﮧ ﺍﺱ ﮐﮯ ﻣﻄﺎﺑﻖ ﻧﻮﭨﺲ ﻣﯿﮟ ﺟﺞ ﮐﯽ ﺟﺎﻧﺐ ﺳﮯ ﻣﺒﯿﻨﮧ ﺑﺪﺍﻧﺘﻈﺎﻣﯽ ﺍﻭﺭ ﺟﻮﺍﺏ ﺩﺍﺧﻞ ﮐﺮﺍﻧﮯ ﮐﮯ ﻟﯿﮯ ﺍﻥ ﮐﮯ ﻟﯿﮯ ﮨﺪﺍﯾﺖ ﺍﭘﻨﯽ ﻃﺎﻗﺖ ﮐﮭﻮ ﭼﮑﯽ ﺍﻭﺭ ﺍﺳﮯ ﺑﺮﻗﺮﺍﺭ ﻧﮩﯿﮟ ﺭﮐﮭﺎ ﺟﺎﺳﮑﺘﺎ ﺍﻭﺭ ﺍﺱ ﮐﺎ ﺧﺘﻢ ﮨﻮﻧﺎ ﺿﺮﻭﺭﯼ ﮨﮯ
ﻋﺪﺍﻟﺘﯽ ﻓﯿﺼﻠﮯ ﻣﯿﮟ ﺳﭙﺮﯾﻢ ﺟﻮﮈﯾﺸﻞ ﮐﻮﻧﺴﻞ ﮐﮯ ﺳﺎﻣﻨﮯ ﺟﺞ ﮐﮯ ﺍﺑﺘﺪﺍﺋﯽ ﺟﻮﺍﺏ ﭘﺮ ﺳﺎﺑﻖ ﺍﭨﺎﺭﻧﯽ ﺟﻨﺮﻝ ﺑﺮﺍﺋﮯ ﭘﺎﮐﺴﺘﺎﻥ ﺍﻧﻮﺭ ﻣﻨﺼﻮﺭ ﮐﯽ ﺟﺎﻧﺐ ﺳﮯ ﺟﻤﻊ ﮐﺮﺍﺋﮯ ﮔﺌﮯ ﺗﺤﺮﯾﺮﯼ ﺟﻮﺍﺏ ﺍﻟﺠﻮﺍﺏ ﻣﯿﮟ ﺳﺨﺖ ﺯﺑﺎﻥ ﺳﮯ ﻣﺘﻌﻠﻖ ﺑﮭﯽ ﺧﺎﻣﯿﺎﮞ ﺑﯿﺎﻥ ﮐﯽ ﮔﺌﯿﮟ
ﺟﺴﭩﺲ ﻋﻤﺮ ﻋﻄﺎ ﺑﻨﺪﯾﺎﻝ ﻧﮯ ﮐﮩﺎ ﮐﮧ ﮨﻢ ﺳﭙﺮﯾﻢ ﮐﻮﺭﭦ ﮐﮯ ﺟﺞ ﮐﮯ ﻟﯿﮯ ﺍﭨﺎﺭﻧﯽ ﺟﻨﺮﻝ ﮐﯽ ﺟﺎﻧﺐ ﺳﮯ ﺍﺳﺘﻌﻤﺎﻝ ﮐﯽ ﮔﺌﯽ ﺯﺑﺎﻥ ﭘﺮ ﭘﺴﻨﺪﯾﺪﮔﯽ ﮐﺎ ﺍﻇﮩﺎﺭ ﮐﺮﻧﺎ ﭼﺎﮨﯿﮟ ﮔﮯ
ﺍﻧﮩﻮﮞ ﻧﮯ ﻭﺍﺿﺢ ﮐﯿﺎ ﮐﮧ ﭼﻮﻧﮑﮧ ﺳﺨﺖ ﺯﺑﺎﻥ ﮐﺎ ﺍﺳﺘﻌﻤﺎﻝ ﺭﯾﻔﺮﻧﺲ ﻣﯿﮟ ﻧﮩﯿﮟ ﺑﻠﮑﮧ ﺟﻮﺍﺏ ﺍﻟﺠﻮﺍﺏ ﻣﯿﮟ ﺍﺳﺘﻌﻤﺎﻝ ﮐﯿﺎ ﮔﯿﺎ، ﯾﮧ ﺻﺪﺭ ﮐﮯ ﺭﯾﮑﺎﺭﮈ ﮐﮯ ﺣﺼﮯ ﮐﮯ ﻃﻮﺭ ﭘﺮ ﻧﮩﯿﮟ ﺗﮭﺎ، ﺟﺲ ﮐﮯ ﺑﺎﻋﺚ ﯾﮧ ﺍﻧﮑﻮﺍﺋﺮﯼ ﮐﮯ ﻟﯿﮯ ﺭﯾﻔﺮﻧﺲ ﮐﻮ ﺳﭙﺮﯾﻢ ﺟﻮﮈﯾﺸﻞ ﮐﻮﻧﺴﻞ ﺑﮭﯿﺠﻨﮯ ﮐﮯ ﺻﺪﺭ ﻣﻤﻠﮑﺖ ﮐﮯ ﻓﯿﺼﻠﮯ ﭘﺮ ﺍﺛﺮﺍﻧﺪﺍﺯ ﻧﮩﯿﮟ ﮨﻮﺍ، ﻟﮩٰﺬﺍ ﺭﯾﻔﺮﻧﺲ ﺍﻭﺭ ﺍﺱ ﮐﮯ ﺧﻼﺻﮯ ﮐﯽ ﺗﯿﺎﺭﯼ ﮐﮯ ﺑﻌﺪ ﺭﯾﻔﺮﻧﺲ ﺩﺍﺋﺮ ﮐﺮﻧﮯ ﻣﯿﮟ ﺍﭨﺎﺭﻧﯽ ﺟﻨﺮﻝ ﮐﮯ ﺭﯾﻤﺎﺭﮐﺲ ﮐﻮ ﺑﺪﻧﯿﺘﯽ ﭘﺮ ﻣﺒﻨﯽ ﻧﮩﯿﮟ ﮐﮩﺎ ﺟﺎﺳﮑﺘﺎ
ﺍﻧﮩﻮﮞ ﻧﮯ ﺍﺱ ﭘﺮ ﺑﮭﯽ ﺍﻓﺴﻮﺱ ﮐﺎ ﺍﻇﮩﺎﺭ ﮐﮩﺎ ﮐﮧ ﺳﺎﺑﻖ ﻭﺯﯾﺮﺍﻃﻼﻋﺎﺕ ﮈﺍﮐﭩﺮ ﻓﺮﺩﻭﺱ ﻋﺎﺷﻖ ﺍﻋﻮﺍﻥ ﻧﮯ ﺑﺬﺭﯾﻌﮧ ﭘﺮﯾﺲ ﮐﺎﻧﻔﺮﻧﺲ ﻋﻮﺍﻡ ﻣﯿﮟ ﺟﺴﭩﺲ ﻋﯿﺴﯽٰ ﺳﮯ ﻣﺘﻌﻠﻖ ﺗﻮﮨﯿﻦ ﺍٓﻣﯿﺰ ﺭﯾﻤﺎﺭﮐﺲ ﺩﯾﮯ، ﺳﺎﺗﮫ ﮨﯽ ﮐﮩﺎ ﮐﮧ ﺍﻥ ﮐﮯ ﺧﻼﻑ ﻋﻠﯿﺤﺪﮦ ﺍﯾﮏ ﺍٓﺯﺍﺩ ﺗﻮﮨﯿﻦ ﻋﺪﺍﻟﺖ ﮐﯽ ﮐﺎﺭﺭﻭﺍﺋﯽ ﺷﺮﻭﻉ ﮐﯽ ﺟﺎﺋﮯ ﮔﯽ
ﺍﺛﺎﺛﮧ ﺟﺎﺕ ﺭﯾﮑﻮﺭﯼ ﯾﻮﻧﭧ (ﺍﮮ ﺍٓﺭ ﯾﻮ ) ﮐﯽ ﺗﺸﮑﯿﻞ ﺳﮯ ﻣﺘﻌﻠﻖ ﺍﮐﺜﺮﯾﺘﯽ ﻓﯿﺼﻠﮯ ﻣﯿﮟ ﻗﺮﺍﺭ ﺩﯾﺎ ﮔﯿﺎ ﮐﮧ ﺍﮮ ﺍٓﺭ ﯾﻮ ﮐﮯ ﻗﯿﺎﻡ ﻣﯿﮟ ﻧﮧ ﮨﯽ ﮐﻮﺋﯽ ﻋﯿﺐ ﺗﮭﺎ ﺍﻭﺭ ﻧﮧ ﮨﯽ ﻣﺮﺯﺍ ﺷﮩﺰﺍﺩ ﺍﮐﺒﺮ ﮐﮯ ﺑﻄﻮﺭ ﻭﺯﯾﺮﺍﻋﻈﻢ ﮐﮯ ﻣﻌﺎﻭﻥ ﺧﺼﻮﺻﯽ ﺑﺮﺍﺋﮯ ﺍﺣﺘﺴﺎﺏ ﺗﻘﺮﺭ ﻣﯿﮟ ﮐﻮﺋﯽ ﺣﺮﺝ ﺗﮭﺎ
ﺟﺠﺰ ﮐﯽ ﻧﮕﺮﺍﻧﯽ ﺳﮯ ﻣﺘﻌﻠﻖ ﺍﮐﺜﺮﯾﺘﯽ ﻓﯿﺼﻠﮯ ﻣﯿﮟ ﮐﮩﺎ ﮔﯿﺎ ﮐﮧ ﺟﺴﭩﺲ ﻋﯿﺴﯽٰ ﮐﮯ ﻭﮐﯿﻞ ﯾﮧ ﺛﺎﺑﺖ ﮐﺮﻧﮯ ﮐﮯ ﻟﯿﮯ ﮐﻮﺋﯽ ﺛﺒﻮﺕ ﭘﯿﺶ ﮐﺮﻧﮯ ﻣﯿﮟ ﻧﺎﮐﺎﻡ ﺭﮨﮯ ﮐﮧ ﺍٓﯾﺎ ﺍﻥ ﮐﮯ ﻣﻮﮐﻞ ﯾﺎ ﺍﮨﻞ ﺧﺎﻧﮧ (ﮐﯽ ﺳﺮﮔﺮﻣﯿﻮﮞ ) ﮐﯽ ﻧﮕﺮﺍﻧﯽ ﮐﯽ ﮔﺌﯽ ﯾﺎ ﺍﻥ ﮐﮯ ﺭﻭﺍﺑﻂ ﻣﯿﮟ ﺧﻠﻞ ﮈﺍﻻ ﮔﯿﺎ
ﺗﺎﮨﻢ ﻋﺪﺍﻟﺘﯽ ﻓﯿﺼﻠﮯ ﻣﯿﮟ ﻭﺍﺿﺢ ﮐﯿﺎ ﮔﯿﺎ ﮐﮧ ﺍﮔﺮﭼﮧ ﯾﮧ ﮐﮩﻨﺎ ﺩﺭﺳﺖ ﮨﮯ ﮐﮧ ﺑﯿﻨﻈﯿﺮ ﺑﮭﭩﻮ ﮐﯿﺲ ﻣﯿﮟ ﻏﯿﺮﻗﺎﻧﻮﻧﯽ ﻧﮕﺮﺍﻧﯽ ﺍﻭﺭ ﺍٓﺋﯿﻦ ﮐﮯ ﺍٓﺭﭨﯿﮑﻞ 14 (ایک) ﮐﯽ ﺧﻼﻑ ﻭﺭﺯﯼ ﮐﯽ ﮔﺌﯽ، ﺗﺎﮨﻢ ﻣﻮﺟﻮﺩﮦ ﮐﯿﺲ ﻣﯿﮟ ﺣﻘﺎﺋﻖ ﭘﺮ ﺍﺳﯽ ﻃﺮﺡ ﮐﺎ ﻓﯿﺼﻠﮧ ﺩﯾﻨﺎ ﺍﭘﻨﮯ ﺩﺍﺋﺮﮦ ﮐﺎﺭ ﺳﮯ ﺍٓﮔﮯ ﺑﮍﮬﻨﮯ ﮐﮯ ﺑﺮﺍﺑﺮ ﮨﻮﮔﺎ
ﺭﯾﻔﺮﻧﺲ ﻣﯿﮟ ﺧﺎﻣﯿﻮﮞ ﮐﯽ ﻧﺸﺎﻧﺪﮨﯽ ﮐﺮﺗﮯ ﮨﻮﺋﮯ ﺟﺴﭩﺲ ﻋﻤﺮ ﻋﻄﺎ ﺑﻨﺪﯾﺎﻝ ﻧﮯ ﻟﮑﮭﺎ ﮐﮧ ﺟﺴﭩﺲ ﻋﯿﺴﯽٰ ﮐﯽ ﺍﮨﻠﯿﮧ ﮐﻮ ﮐﻮﺋﯽ ﻧﻮﭨﺲ ﺟﺎﺭﯼ ﻧﮩﯿﮟ ﮐﯿﺎ ﮔﯿﺎ ﺟﻮ ﺭﯾﻔﺮﺱ ﺩﺍﺋﺮ ﮐﺮﻧﮯ ﺳﮯ ﻗﺒﻞ ﺍﻧﮑﻢ ﭨﯿﮑﺲ ﺍٓﺭﮈﯾﻨﻨﺲ (ﺍٓﺋﯽ ﭨﯽ ﺍﻭ) ﮐﯽ ﺩﻓﻌﮧ 116 (ایک) ﮐﮯ ﺗﺤﺖ ﺿﺮﻭﺭﯼ ﮨﮯ ﺍﻭﺭ ﯾﮧ ﺧﯿﺎﻝ ﮐﯿﺎ ﮔﯿﺎ ﺗﮭﺎ ﮐﮧ ﺍٓﺋﯽ ﭨﯽ ﺍﻭ ﮐﮯ ﺩﻓﻌﮧ 116 ( ایک) (ب ) ﮐﮯ ﻏﯿﺮﻣﺘﻌﯿﻦ ﺍﻭﺭ ﻣﺘﻨﺎﺯﻉ ﺗﺸﺮﯾﺢ ﮐﯽ ﺑﻨﯿﺎﺩ ﭘﺮ ﺟﺴﭩﺲ ﻋﯿﺴﯽٰ ﮐﯽ ﺫﻣﮧ ﺩﺍﺭﯼ ﮨﮯ ﮐﮧ ﻭﮦ ﺍﮨﻠﯿﮧ ﺍﻭﺭ ﺑﺎﻟﻎ ﺑﭽﻮﮞ ﮐﮯ ﺍﺛﺎﺛﮯ ﻇﺎﮨﺮ ﮐﺮﯾﮟ
ﻋﺪﺍﻟﺘﯽ ﻓﯿﺼﻠﮯ ﻣﯿﮟ ﺟﺴﭩﺲ ﻋﻤﺮ ﻋﻄﺎ ﺑﻨﺪﯾﺎﻝ ﻧﮯ ﺍٓﺑﺰﺭﻭ ﮐﯿﺎ ﮐﮧ ﺟﺞ ﮐﮯ ﺧﻼﻑ ﻣﻨﯽ ﻻﻧﮉﺭﻧﮓ ﮐﮯ ﺍﻟﺰﺍﻡ ﮐﯽ ﺣﻤﺎﯾﺖ ﻣﯿﮟ ﺭﯾﻔﺮﻧﺲ ﻣﯿﮟ ﻧﮧ ﺗﻮ ﮐﻮﺋﯽ ﺛﺒﻮﺕ ﮨﮯ ﺍﻭﺭ ﻧﮧ ﮨﯽ ﮐﻮﺋﯽ ﭘﺮﯾﮉﯾﮑﯿﭧ ﺟﺮﻡ ﮐﯽ ﻧﺎﻣﺰﺩﮔﯽ ﮐﯽ ﮔﺌﯽ، ﻣﺰﯾﺪ ﯾﮧ ﮐﮧ ﺍﺱ ﺑﺎﺕ ﮐﺎ ﺑﮭﯽ ﮐﻮﺋﯽ ﺛﺒﻮﺕ ﻧﮩﯿﮟ ﮐﮧ ﺩﺭﺧﻮﺍﺳﺖ ﮔﺰﺍﺭ ﻧﮯ ﻓﺎﺭﻥ ﺍﯾﮑﺴﭽﯿﻨﺞ ﺭﯾﮕﻮﻟﯿﺸﻦ ﺍﯾﮑﭧ ﮐﮯ ﺗﺤﺖ ﺭﺟﯿﻢ ﮐﯽ ﺧﻼﻑ ﻭﺭﺯﯼ ﮐﯽ
ﺟﺴﭩﺲ ﻋﻤﺮ ﻋﻄﺎ ﺑﻨﺪﯾﺎﻝ ﻧﮯ ﻟﮑﮭﺎ ﮐﮧ ﺻﺪﺭ ﻣﻤﻠﮑﺖ ﻧﮯ ﺭﯾﻔﺮﻧﺲ ﮐﮯ ﭼﯿﻒ ﺍٓﺭﮐﯿﭩﯿﮑﺲ ﺍﺱ ﻭﻗﺖ ﮐﮯ ﺍﭨﺎﺭﻧﯽ ﺟﻨﺮﻝ ﺍﻭﺭ ﻭﺯﯾﺮ ﻗﺎﻧﻮﻥ ﮐﯽ ﺟﺎﻧﺐ ﺳﮯ ﺭﯾﻔﺮﻧﺲ ﮐﯽ ﻃﺎﻗﺖ ﺍﻭﺭ ﮐﻤﺰﻭﺭﯾﻮﮞ ﭘﺮ ﻧﺎﻗﺎﺑﻞ ﻗﺒﻮﻝ ﻣﺸﻮﺭﮦ ﻟﯿﺎ
ﻓﯿﺼﻠﮯ ﻣﯿﮟ ﮐﮩﺎ ﮔﯿﺎ ﮐﮧ ﺻﺪﺭ ﻣﻤﻠﮑﺖ ﺭﯾﻔﺮﻧﺲ ﻣﯿﮟ ﻗﺎﻧﻮﻥ ﮐﮯ ﺳﻮﺍﻻﺕ ﭘﺮ ﮐﺴﯽ ﺗﯿﺴﺮﮮ ﻓﺮﯾﻖ ﮐﮯ ﻣﻨﺎﺳﺐ، ﻣﻨﺼﻔﺎﻧﮧ ﺍﻭﺭ ﻣﻌﻘﻮﻝ ﻣﺸﻮﺭﮮ ﭘﺮ ﻏﻮﺭ ﻧﮩﯿﮟ ﮐﯿﺎ ﺍﻭﺭ ﺭﯾﻔﺮﻧﺲ ﻣﯿﮟ ﮐﺌﯽ ﻗﺎﻧﻮﻧﯽ ﺍﻭﺭ ﻃﺮﯾﻘﮧ ﮐﺎﺭ ﮐﮯ ﻧﻘﺎﺋﺺ ﮐﻮ ﺑﮭﯽ ﺩﯾﮑﮭﻨﮯ ﻣﯿﮟ ﺑﮭﯽ ﻧﺎﮐﺎﻡ ﺭﮨﮯ
ﺑﯿﻨﭻ ﮐﮯ ﺳﺮﺑﺮﺍﮦ ﺟﺴﭩﺲ ﻋﻤﺮ ﻧﮯ ﻟﮑﮭﺎ ﮐﮩﺎ ﮐﮧ ﻓﺮﯾﻘﯿﻦ ( ﺣﮑﻮﻣﺖ ) ﮐﮯ ﺍﻥ ﻏﯿﺮﻗﺎﻧﻮﻧﯽ ﺍﻗﺪﺍﻣﺎﺕ ﻧﮯ ﻗﺎﻧﻮﻥ ﮐﻮ ﻧﻈﺮﺍﻧﺪﺍﺯ ﮐﺮﻧﮯ ﮐﻮ ﻇﺎﮨﺮ ﮐﯿﺎ ﮐﯿﻮﻧﮑﮧ ﺍٓﺋﯿﻦ ﮐﮯ ﺍٓﺭﭨﯿﮑﻞ 209 ﮐﮯ ﺗﺤﺖ ﺩﺍﺋﺮ ﮨﻮﻧﮯ ﻭﺍﻟﮯ ﺭﯾﻔﺮﻧﺲ ﺟﺲ ﻣﯿﮟ ﺻﺪﺭ ﻣﻤﻠﮑﺖ ﮐﮯ ﺩﺳﺘﺨﻂ ﮨﻮﮞ ﺍﻭﺭ ﺟﻮ ﺟﺞ ﮐﮯ ﺧﻼﻑ ﭼﺎﺭﺝ ﺷﯿﺦ ﮐﮯ ﻃﻮﺭ ﭘﺮ ﭘﯿﺶ ﮐﯿﺎ ﮔﯿﺎ ﮨﻮ ﺍﺱ ﻣﯿﮟ ﺍﺱ ﮐﮯ ﺗﺸﮑﯿﻞ ﮐﺮﻧﮯ ﻭﺍﻟﻮﮞ ﮐﯽ ﻃﺮﻑ ﺳﮯ ﺍﻧﺘﮩﺎﺋﯽ ﮨﻮﺷﯿﺎﺭﯼ ﺍﻭﺭ ﺍﺣﺘﯿﺎﻁ ﮐﯽ ﺿﺮﻭﺭﺕ ﺗﮭﯽ
ﺗﻔﺼﯿﻠﯽ ﻓﯿﺼﻠﮯ ﻣﯿﮟ ﮐﮩﺎ ﮔﯿﺎ ﮐﮧ ﻣﻮﺟﻮﺩﮦ ﮐﯿﺲ ﻣﯿﮟ ﻓﺮﯾﻘﯿﻦ ﮐﮯ ﺍﻗﺪﺍﻣﺎﺕ ﻧﮯ ﻧﮧ ﺻﺮﻑ ﺍٓﺋﯿﻦ ﮐﯽ ﻭﺍﺿﺢ ﺩﻓﻌﺎﺕ، ﺭﻭﻟﺰ ﺍٓﻑ ﺑﺰﻧﺲ 1973 ، ﺍٓﺋﯽ ﭨﯽ ﺍﻭ ﺍﻭﺭ ﺍﻧﺴﺪﺍﺩ ﻣﻨﯽ ﻻﻧﮉﺭﻧﮓ ﺍﯾﮑﭧ ﮐﯽ ﺧﻼﻑ ﻭﺭﺯﯼ ﮐﯽ ﺗﮭﯽ ﺑﻠﮑﮧ ﺍﺱ ﻣﯿﮟ 2010 ﻣﯿﮟ ﺍﺱ ﻭﻗﺖ ﮐﮯ ﭼﯿﻒ ﺟﺴﭩﺲ ﺍﻓﺘﺨﺎﺭ ﭼﻮﮨﺪﺭﯼ ﮐﯿﺲ ﻣﯿﮟ ﻭﺿﻊ ﮐﺮﺩﮦ ﻗﺎﻧﻮﻥ ﮐﻮ ﺑﮭﯽ ﻧﻈﺮ ﺍﻧﺪﺍﺯ ﮐﯿﺎ ﮔﯿﺎ، ﺟﺲ ﻣﯿﮟ ﺧﺎﺹ ﻃﻮﺭ ﭘﺮ ﺍﻋﻠﯽٰ ﻋﺪﻟﯿﮧ ﮐﮯ ﺟﺠﺰ ﮐﮯ ﻟﯿﮯ ﺍﯾﮕﺰﯾﮑﭩﻮ ﮐﮯ ﻣﻦ ﻣﺎﻧﯽ ﺍﻗﺪﺍﻣﺎﺕ ﺳﮯ ﺗﺤﻔﻆ ﮐﺎ ﺗﻌﯿﻦ ﮐﯿﺎ ﮔﯿﺎ ﺗﮭﺎ
ﺟﺴﭩﺲ ﻋﻤﺮ ﻋﻄﺎ ﺑﻨﺪﯾﺎﻝ ﻧﮯ ﮐﮩﺎ ﮐﮧ ﻟﮩٰﺬﺍ ﻓﺮﯾﻘﯿﻦ ﻧﮯ ﺻﺪﺍﺭﺗﯽ ﺭﯾﻔﺮﻧﺲ ﺩﺍﺋﺮ ﮐﺮﻧﮯ ﮐﮯ ﻣﺘﻌﻠﻘﮧ ﮔﻮﺭﻧﻨﮓ ﻗﻮﺍﻧﯿﻦ ﮐﮯ ﻣﯿﻨﮉﯾﭧ ﭘﺮ ﺑﮩﺖ ﮐﻢ ﺗﻮﺟﮧ ﺩﯼ ﺗﮭﯽ، ﺍﺱ ﺻﻮﺭﺗﺤﺎﻝ ﻣﯿﮟ ﺭﯾﻔﺮﻧﺲ ﮐﯽ ﺗﯿﺎﺭﯼ ﺍﻭﺭ ﻓﺮﯾﻤﻨﮓ ﻣﯿﮟ ﺍﻥ ﮐﯽ ﺟﺎﻧﺐ ﺳﮯ ﮐﯽ ﮔﺌﯽ ﻏﻠﻄﯿﻮﮞ ﮐﻮ ﻣﺤﺾ ﻏﯿﺮﻗﺎﻧﻮﻧﯽ ﻗﺮﺍﺭ ﻧﮩﯿﮟ ﺩﯾﺎ ﺟﺎﺋﮯ، ﺍﺱ ﮐﮯ ﺑﺮﻋﮑﺲ ﺍٓﺋﯿﻦ ﮐﮯ ﺍٓﺭﭨﯿﮑﻞ 209 ﮐﮯ ﺗﻨﺎﻇﺮ ﻣﯿﮟ ﺍﻥ ﮐﯽ ﻏﻠﻄﯿﺎﮞ ’ﻗﺎﻧﻮﻥ ﮐﻮ ﻧﻈﺮﺍﻧﺪﺍﺯ ﮐﺮﻧﮯ ﮐﮯ ﻣﺘﺮﺍﺩﻑ‘ ﮨﯿﮟ۔
