دوحہ: فیفا کے اعلامیے میں کہا گیا ہے کہ قطر میں سات ماہ سے بھی کم عرصے بعد شروع ہونے والے ٹورنامنٹ کے لیے فروخت کے تازہ ترین دور میں 23.5 ملین ورلڈ کپ ٹکٹس کی درخواستیں دی گئی ہیں
فیفا نے ٹکٹوں کی "بہت زیادہ مانگ” کو اجاگر کرتے ہوئے بتایا ہے کہ ارجنٹائن، برازیل، انگلینڈ، فرانس، میکسیکو، قطر، سعودی عرب اور امریکہ سے درخواستوں کا غلبہ دیکھا گیا ہے
فیفا نے ایک بیان میں کہا کہ ٹورنامنٹ کا سب سے مقبول مقابلہ 18 دسمبر کو ہونے والا فائنل ہے، جبکہ گروپ گیمز میں ارجنٹینا بمقابلہ میکسیکو۔ ارجنٹینا بمقابلہ سعودی عربیہ ، ارجنٹینا بمقابلہ پولینڈ اور امریکہ اور انگلنڈ کے درمیان کھیلے جانے والے مئچوں کی ٹکٹوں کی مانگ سب سے زیادہ ہے
ان میچوں کے لیے ٹکٹوں کی طلب دستیاب ٹکٹوں کی تعداد سے کہیں زیادہ ہے، اس لیے درخواست دہندگان کو قرعہ اندازی کے ذریعے ٹکٹ دیے جائیں گے۔ تمام کامیاب درخواست دہندگان کو 31 مئی سے آگاہ کیا جائے گا، جبکہ کوئی بھی باقی ٹکٹ پہلے آئیے پہلے پائیے کی بنیاد پر عام فروخت پر جائیں گے
ٹکٹوں کی قیمتیں 2018 کے روس ورلڈ کپ کے مقابلے اوسطاً 30 فیصد زیادہ ہیں۔ سب سے سستے ٹکٹ قطریوں اور ریاست میں تارکین وطن کارکنوں کی فوج کے لیے ہیں جو پہلے راؤنڈ کا گروپ میچ دیکھنے کے لیے دس ڈالر سے کم ادا کریں گے
لیکن فائنل کے لیے، سب سے مہنگے ٹکٹوں کی قیمت 1,600 ڈالر سے زیادہ ہے، جو 2018 کے مقابلے میں 45 فیصد مہنگے ہیں
جنوری-فروری میں فروخت کے پہلے مرحلے میں تقریباً 804,186 ٹکٹیں خریدی گئیں
درخواستوں کے لیے اس 23 دن کی ونڈو کی مانگ زیادہ تھی، کیونکہ یکم اپریل کو ورلڈ کپ ڈرا کے بعد بتایا گیا کہ ہر ٹیم کب اور کہاں کھیلے گی
تقریباً بیس لاکھ ٹکٹ عام لوگوں کے لیے دستیاب ہیں، جن میں سے بارہ لاکھ دیگر اسپانسرز اور دیگر حمایتیوں کے پاس جا رہے ہیں
پہلا میچ 21 نومبر کو سینیگال اور نیدرلینڈز کے درمیان جبکہ فائنل 18 دسمبر کو 80 ہزار گنجائش والے لوسیل اسٹیڈیم میں کھیلا جائے گا
قطر نے پیش گوئی کی ہے کہ کسی عرب ملک میں ہونے والے پہلے ورلڈ کپ کے لیے 14 ملین افراد امیر خلیجی ریاست کا دورہ کریں گے
قطر نے ٹورنامنٹ کے لیے سات نئے اسٹیڈیم بنانے اور آٹھویں اسٹیڈیم کی تزئین و آرائش پر اربوں ڈالر خرچ کیے ہیں
فیفا کے صدر کا دعویٰ ہے کہ یہ "اب تک کا بہترین” ورلڈ کپ ہوگا اور عالمی ادارہ اپنے کیس کی حمایت کے لیے ٹکٹوں کی صحت مند فروخت کی طرف دیکھ رہا ہے
یورپ میں فٹبال کے شائقین ٹکٹوں کی قیمت، رہائش، الکوحل مشروبات کی دستیابی کے حوالے سے خدشات کا اظہار کر رہے ہیں، ان کے ذہنوں میں یہ سوال بھی ہے کہ کیا قطر جانا محفوظ ہے
اس حوالے سے منتظمین نے کہا ہے کہ فین زونز اور دیگر مخصوص علاقوں میں پینے کے لیے خصوصی اقدامات کا اہتمام کیا جائے گا اور سماجی قوانین میں نرمی کی جائے گی۔ ان کا اصرار ہے کہ ورلڈ کپ میں تمام شائقین کا "استقبال” کیا جائے گا.
