آپ نے بندر کے ہاتھ اُسترا، ادرک یا ناریل کے محاورے تو سنے ہونگے، دور حاضر میں فون استعمال کرنے کی اخلاقیات سے بے بہرہ پن بھی اسی محاورے کی زد میں آتا ہے
اکثر صارفین کی اجازت کے بغیر ہی انہیں کسی گروپ میں ایڈ کر لیا جاتا ہے، جس کی وجہ سے انہیں کافی بیزاری، کوفت اور پریشانی کا سامنا کرنا پڑتا ہے
بہت سے صارفین صرف اس وجہ سے کوئی ناپسندیدہ واٹس ایپ گروپ نہیں چھوڑ پاتے کہ دیگر ممبران کو بھی اس کی اطلاع ہوجاتی ہے، لیکن اب یہ مسئلہ حل ہونے جارہا ہے
لیکن اب واٹس ایپ مبینہ طور پر ایک نئے فیچر پر کام کر رہا ہے، جو صارفین کو ناپسندیدہ گروپس سے خفیہ طور پر باہر نکلنے کی اجازت دے گا
واٹس ایپ (اور دیگر کئی فوری پیغام رسانی کے پلیٹ فارمز) میں ایک سب سے مایوس کن پہلو گروپ میں موجود ایسے صارفین کو درپیش ہوتا ہے، جو کسی گروپ کا حصہ نہیں بننا چاہتے اور وہ اس طرح سے گروپ چھوڑ بھی نہیں سکتے کہ کسی کو پتہ نہ چلے، کیونکہ جب کوئی رکن گروپ چھوڑتا ہے تو باقی سارے اراکین کو یہ پیغام چلا جاتا ہے کہ فلاں نے یہ واٹس گروپ چھوڑ دیا ہے
تاہم یہ مسئلہ اب جلد ہی حل ہوسکتا ہے، کیونکہ واٹس ایپ ایک نئے فیچر پر کام کر رہا ہے جو صارفین کو احتیاط کے ساتھ ناپسندیدہ گروپس سے باہر نکلنے میں مدد دے گا
واٹس ایپ کی اپ ڈیٹس کے حوالے سے معلومات فراہم کرنے والی ویب سائٹ وٹس ایپ بیٹا انفو(WABetaInfo) کے مطابق یہ فیچر فی الحال تیار ہو رہا ہے اور مستقبل میں اپ ڈیٹ کے لیے آئے گا
اس نئے فیچر کے ساتھ جب بھی کوئی صارف گروپ چھوڑے گا تو صرف گروپ ایڈمنز کو اس کی اطلاع دی جائے گی اور دوسرے صارفین کو اس کے بارے میں معلوم نہیں ہوگا
اس فیچر کو فی الحال واٹس ایپ ڈیسک ٹاپ بیٹا میں دیکھا گیا ہے، لیکن بہت زیادہ امکان ہے کہ بعد میں اینڈرائڈ اور آئی او ایس کے لیے بھی یہ فیچر پیش کیا جائے گا.
