انتہائی مؤقر ذرائع سے موصول ہونے والی اطلاعات کے مطابق ٹک ٹاک انتظامیہ ویڈیو کا دورانیہ تین گنا بڑھا کر اسے تین منٹ تک کرنے پر غور کر رہے ہیں
اس فیصلے کے متعلق تجزیہ کاروں نے خیال ظاہر کیا ہے کہ یہ ویڈیو سے رقم کمانے یعنی مونیٹائزیشن کی جانب ایک قدم بھی ہوسکتا ہے کیونکہ اس سے قبل فیس بک بھی ویڈیو کا دورانیہ بڑھا کر اسے مونیٹائزیشن کا اہل بنا چکا ہے
واضح رہے کہ اس وقت ٹک ٹک انتظامیہ کی پالیسی کے مطابق ٹک ٹاک پر 60 سیکنڈ سے زائد کی ویڈیو اپ لوڈ نہیں کی جاسکتی. ابتدائی طور پر ٹک ٹاک ویڈیو کی حد 15 سیکنڈ ہے جسے بعد میں بڑھایا گیا اور 15 سیکنڈ کے مزید تین حصے ایک ساتھ ہی جوڑنے کی سہولت دی گئی تھی
سوشل میڈیا کے ایک مشہور ماہر میٹ نویرا نے بھی یہی خبر دی ہے اور بتایا کہ ٹِک ٹاک کے بعض یوزر کو پہلے ہی اس آپشن کی رسائی دی جا چکی ہے. اس تبدیلی سے بالخصوص کاروباری برانڈز کو بھی فائدہ ہوسکتا ہے جو اپنی مصنوعات کی تشہیر چاہتے ہیں
جب کہ اس طرح ویڈیو کے پرومو، ٹیوٹوریل اور رہنما ویڈیو یا مختصر معلومات کی ٹِک ٹاک ویڈیو کی راہ بھی کھلے گی
دوسری جانب تجزیہ نگاروں نے یہ بھی کہا ہے کہ دراصل مختصر ہونا ہی ٹِک ٹاک ویڈیوز کی کامیابی کی ایک بڑی وجہ ہے۔ ٹِک ٹاک ویڈیو میں وقت کی قلت سے لوگ اپنی تخلیقی کاوش استعمال کرکے اسے بہتر اور مؤثر بناتے ہیں اور دورانیہ بڑھانے سے اس کا یہ پہلو کمزور ہوجائے گا
جب کہ سوشل میڈیا کے کچھ دیگر ماہرین کا کہنا ہے کہ 2017ع میں ٹویٹر کے بارے میں بھی یہی کہا گیا تھا، جب اس نے 140 الفاظ کی حد مقرر کی تھی۔ اس وقت بھی کچھ لوگوں کا خیال تھا کہ اس طرح ٹویٹر اپنی افادیت کھودے گا لیکن ایسا نہیں ہوا. شاید یہی وجہ ہے کہ ماہرین یہ امید کر رہے ہیں کہ ٹِک ٹاک ویڈیو کی طوالت سے اس کی مقبولیت بھی متاثر نہیں ہوگی.
