میکسیکو کے حکام ایک وائرل ٹک ٹاک چیلنج کے حوالے سے خبردار کر رہے ہیں، جس میں اسکول کے طلبہ نے نیند آور دوا لے کر اپنی جان خطرے میں ڈال دی
فرانسیسی خبر رساں ایجنسی اے ایف پی کے مطابق اس ٹک ٹاک چیلنج کا سلوگن ہے کہ ’آخر میں سونے والا جیتے گا‘ جس میں دوروں، گھبراہٹ اور بےچینی کے علاج کے لیے استعمال کی جانے والی دوا کلونازپم لینے کے بعد جاگنے کی کوشش کی جاتی ہے، غنودگی اس دوا کا سائیڈ افیکٹ ہے
دارالحکومت کے پبلک سیکیورٹی ڈیپارٹمنٹ نے جمعرات کو بتایا۔
دارالحکومت کے پبلک سیکیورٹی ڈپارٹمنٹ نے بتایا کہ پیرامیڈیکس نے میکسیکو سٹی کے ایک اسکول میں نشہ آور ادویات لینے والے پانچ نابالغوں کا علاج کیا
شمالی ریاست نیو لیون میں حکام نے ایسے تین کیسز کی اطلاع دی، تاہم طالب علموں میں سے کوئی بھی شدید بیمار نہیں ہوا
نیوو لیون کی ہیلتھ سیکرٹری الما روزا نے کہا ’بدقسمتی سے سوشل میڈیا نیٹ ورکس کے ذریعے پھیلنے والے چیلنجز اکثر لوگوں کی صحت کو خطرے میں ڈال دیتے ہیں۔‘
ٹِک ٹاک پر لوگوں کی کئی وڈیوز پوسٹ کی گئی ہیں، جو دواکے اثرات کا مشاہدہ کرنے کے لیے یہ گولیاں لے رہے ہیں
دوسری جانب دیگر صارفین نے چیلنج کے خطرے کے بارے میں خبردار کرنے والی وڈیوز پوسٹ کی ہیں، جو اس سے قبل چلی میں بھی دیکھی جا چکی ہیں
یاد رہے کہ 2022 میں متعدد اموات ہوئیں، جو ایک دم گھٹنے والے چیلنج سے منسلک تھیں، اور ایپ پر مقبول ہوئیں، جس کی وجہ سے TikTok نے چیلنج کی تلاش کو محدود کر دیا اور صارفین کو خطرناک رجحانات میں حصہ نہ لینے کی تاکید کی تھی۔
