بی بی سی کی ایک دستاویزی فلم ’انڈیا: دی مودی کوئسچن‘ کی حالیہ اسکریننگ کے بعد پینلسٹس نے امریکی میڈیا پر زور دیا ہے کہ وہ گجرات میں 2002ع کے قتل عام کے لیے بھارتی وزیر اعظم نریندر مودی کو جوابدہ ٹھہرائیں
دستاویزی فلم رواں ہفتے نیشنل پریس کلب (این پی سی) واشنگٹن میں دکھائی گئی، سامعین میں مختلف امریکی میڈیا کے نمائندے شامل تھے
نیشنل پریس کلب کی جانب سے بیان میں بتایا گیا کہ دستاویزی فلم بھارتی ریاست گجرات میں 2002ع کے فسادات اور مسلمانوں کے قتل عام اور بعد کے واقعات کا احاطہ کرتی ہے
پینل میں ایسے لوگ شامل تھے، جن کا واقعات کے حوالے سے پہلا تعلق تھا اور انہوں نے امریکا میں نیوز میڈیا سے مطالبہ کیا کہ وہ اُس وقت گجرات کی حکومت کے سربراہ نریندر مودی کے کلیدی کردار کو بے نقاب کریں
پینل میں قتلِ عام کے ایک عینی شاہد اور خاندانی رکن کے ساتھ ایک پولیس اہلکار کی بیٹی بھی شامل تھی، اور اسے این پی سی کی پریس فریڈم ٹیم کی چیئرپرسن ریچل اوسوالڈ نے ماڈریٹ کیا تھا
این پی سی کے مطابق فلم میں بی بی سی کی رپورٹس اور اُس وقت کے برطانوی سیکرٹری خارجہ جیک اسٹرا کے انٹرویوز دکھائے گئے ہیں، جس میں دفتر خارجہ کی ایک اندرونی رپورٹ کو بیان کیا گیا ہے، جس میں کم از کم دو ہزار مسلمانوں کے قتل کے بارے میں بتایا گیا ہے
گجرات پولیس کے ایک سینئر اہلکار سنجیو بھٹ نے فسادات کے بعد اجلاسوں میں شرکت کی تھی، 2011ع میں بھارتی سپریم کورٹ کی تحقیقات کی گواہی میں انٹرویو لینے والوں کو وہ بتاتے ہیں کہ نریندر مودی نے پولیس کو فسادات کے کم ہونے تک تین دن تک کچھ نہ کرنے کا حکم دیا تھا
این پی سی کی رپورٹ میں بتایا گیا ہے کہ سنجیو بھٹ پر بعد میں 2018ع میں ایک پرانے الزام کے تحت مقدمہ چلایا گیا تھا اور وہ عمر قید کی سزا کاٹ رہے تھے
سنجیو بھٹ کی صاحبزادی آکاشی بھٹ نے شرکا کو بتایا کہ میڈیا اور عدلیہ سمیت بھارت کے بہت سے ادارے حکومت کی طرف سے اپنے گھناؤنے کاموں کے لیے استعمال کیے جاتے ہیں
جب ان سے پوچھا گیا کہ امریکی نیوز میڈیا کو کیا اقدامات اٹھانے چاہئیں، تو آکاشی بھٹ نے کہا ”آپ کے پاس اس حکومت کو جوابدہ ٹھہرانے کی طاقت ہے، اور خاموشی نریندر مودی کے کیے پر پردہ ڈالنے کی ایک شکل ہے۔“
فسادات کے چشم دید گواہ عمران داؤد دستاویزی فلم پر بحث کرنے والے پینل کے ارکان میں سے ایک تھے، انہوں نے بتایا کہ فسادیوں نے مسلمانوں پر ٹارگٹڈ حملے کیے، انہوں وہی ہتھکنڈے استعمال کیے جو نازی نے جرمنی میں کیے تھے
