ﯾﮧ 26 ﻓﺮﻭﺭﯼ 2016ع ﮐﺎ ﺩﻥ ﺗﮭﺎ، ﺟﺐ ﺩﻧﯿﺎ ﺑﮭﺮ ﻣﯿﮟ ﻣﺤﻤﺪ ﻋﻠﯽ سدپارہ ﮐﺎ ﻧﺎﻡ ﮔﻮﻧﺠﺎ ﺍﻭﺭ ﺍﯾﮏ ﻋﺎﻟﻤﯽ ﺭکاﺭﮈ ﺍﻥ ﮐﮯ ﻧﺎﻡ ﺳﮯ ﻣﻨﺴﻮﺏ ﮨﻮﺍ۔ ﺍﺱ ﺭﻭﺯ ﻧﺎﻧﮕﺎ ﭘﺮﺑﺖ ﭘﺮ ﺩﺭﺟﮧٔ ﺣﺮﺍﺭﺕ ﻣﻨﻔﯽ 52 ﺗﮭﺎ ﺍﻭﺭ ﺗﯿﺰ ﺑﺮﻓﯿﻠﯽ ﺍٓﻧﺪﮬﯽ ﺑﮭﯽ چل رہی ﺗﮭﯽ
قاتل پہاڑ کے نام سے جانا جانے والا ﻧﺎﻧﮕﺎ ﭘﺮﺑﺖ… ﺩﻧﯿﺎ ﺑﮭﺮ کے ﮐﻮﮦ ﭘﯿﻤﺎﻭٔﮞ ﮐﯽ ﺳﺐ ﺳﮯ ﺯﯾﺎﺩﮦ ﺑﺮﻑ ﮐﯽ ﻗﺒﺮﯾﮟ ﺍسی ﺳﺮﺩ ﻗﺒﺮﺳﺘﺎﻥ ﻣﯿﮟ ﻣﻮﺟﻮﺩ ﮨﯿﮟ، محمد علی سدپارہ نے بھی اس کی چوٹی سر کر کے اس ﭘﺮ ﭘﺎﮐﺴﺘﺎﻧﯽ ﭘﺮﭼﻢ ﻟﮩﺮﺍﯾﺎ ﺗﮭﺎ
ﺳﺮﺩﯼ ﮐﮯ ﻣﻮﺳﻢ ﻣﯿﮟ ﺑﻐﯿﺮ ﺍٓﮐﺴﯿﺠﻦ ﻧﺎﻧﮕﺎ ﭘﺮﺑﺖ ﮐﻮ ﺳﺮ ﮐﺮﻧﺎ ﺍﯾﮏ ﺍﻧﻮﮐﮭﺎ ﺭکاﺭﮈ ﺗﮭﺎ، خاص طور پر تب، جب ﺭکاﺭﮈ ﺑﻨﺎﻧﮯ ﻭﺍﻟﮯ محمد ﻋﻠﯽ ﮐﻮ ﮐﻮﺋﯽ ﺳﺮﭘﺮﺳﺘﯽ بھی ﺣﺎﺻﻞ ﻧﮧ ﺗﮭﯽ
جی ہاں، لاکھوں ﺭﻭﭘﮯ ﻣﺎﻟﯿﺖ ﮐﺎ ﻟﺒﺎﺱ، ﺑﺮﻗﯽ ﺣﺮﺍﺭﺕ ﻭﺍﻟﮯ ﺟﻮﺗﮯ ﺍﻭﺭ ﺧﯿﻤﮧ ﺧﺮﯾﺪﻧﺎ ﺍﺱ ﮐﮯ ﺑﺲ ﻣﯿﮟ ﻧﮧ ﺗﮭﺎ.. ﮐﯿﻮﻧﮑﮧ ﻭﮦ بنیادی طور پر ﺻﺮﻑ ﺍﯾﮏ ﭘﻮﺭﭨﺮ ﺗﮭﺎ، ﺟﻮ ﻋﺎﻟﻤﯽ ﮐﻮﮦ ﭘﯿﻤﺎﻭٔﮞ ﮐﺎ ﺳﺎﻣﺎﻥ ﺍﭨﮭﺎ ﮐﺮ ﺳﺎﺗﮫ ﭼﮍﮬﺘﺎ ﺗﮭﺎ ﯾﺎ ﭘﮭﺮ ﺍﻥ ﮐﺎ ﮔﺎﺋﯿﮉ ﺗﮭﺎ۔ﭼﻮﭨﯿﻮﮞ ﮐﻮ ﺳﺮ ﮐﺮﻧﮯ ﻭﺍﻟﮯ ﺍﭘﻨﺎ ﺳﺎﻣﺎﻥ ﺑﯿﺲ ﮐﯿﻤﭗ ﭘﺮ ﺍﺱ ﮐﮯ ﺣﻮﺍﻟﮯ ﮐﺮ ﺟﺎﺗﮯ ﺗﮭﮯ ﺍﻭﺭ ﻭﮦ ﻣﺘﺮﻭﮎ ﺷﺪﮦ ﻟﺒﺎﺱ ﭘﮩﻦ ﮐﺮ ﺍﭘﻨﺎ ﺷﻮﻕ ﭘﻮﺭﺍ ﮐﺮﺗﺎ ﺗﮭﺎ، شوق کیا تھا، جنون تھا شاید!
ﻧﺎﻧﮕﺎ ﭘﺮﺑﺖ ﻓﺘﺢ ﮨﻮﭼﮑﯽ ﺗﮭﯽ ﺍﻭﺭ اس کے بعد محمد ﻋﻠﯽ ﺳﺪﭘﺎﺭﮦ ﮐﻮ ﺍﺳﻼﻡ ﺍٓﺑﺎﺩ ﺑﻼ ﮐﺮ ﮐﭽﮫ ﺷﯿﺸﮯ ﮐﮯ ﺑﻨﮯ ﺍﻋﺰﺍﺯﺍﺕ ﺑﮭﯽ ﺑﺨﺸﮯ ﮔﺌﮯ ﺗﮭﮯ، ﻣﮕﺮ ﻣﺠﮭﮯ ﻋﻠﯽ ﺑﮭﺎﺋﯽ ﻧﮯ ﺑﺘﺎﯾﺎ ﺗﮭﺎ ﮐﮧ ﺍﻧﮩﯿﮟ ﺍﺱ ﻭﻗﺖ ﮐﮯ ﻭﺯﯾﺮ ﺍﻋﻈﻢ نواز شريف ﺳﮯ ﻣﻼﻗﺎﺕ کے لیے ﺍﺳﻼﻡ ﺍٓﺑﺎﺩ ﺑﻼﯾﺎ ﮔﯿﺎ ﺗﮭﺎ… ﻣﮕﺮ ﻭﺯﯾﺮ ﺍﻋﻈﻢ ﮐﮯ ﭘﺎﺱ ﻭﻗﺖ ﻧﮧ ﺗﮭﺎ، ﮐﮧ ﻭﮦ ﺍﯾﮏ ﭘﺴﻤﺎﻧﺪﮦ ﮔﺎﻭٔﮞ سے آئے ہوئے ﮐﻮﮦ ﭘﯿﻤﺎ سے ملنے کے لیے وقت نکالتے، ﺳﻮ ﭼﻨﺪ ﺍﻓﺴﺮﺍﻥ ﻧﮯ ﮐﺎﺭﺭﻭﺍﺋﯽ ﮈﺍﻝ ﮐﺮ ﻭﺍﭘﺲ ﺑﮭﯿﺞ ﺩﯾﺎ
دوسری جانب ﻋﺎﻟﻤﯽ ﺩﻧﯿﺎ ﺳﮯ ﮐﻮﮦ ﻧﻮﺭﺩ ﺍﺳﮑﺮﺩﻭ ﭘﮩﻨﭻ ﺭﮨﮯ ﺗﮭﮯ ﺍﻭﺭ ﻣﺒﺎﺭﮐﺒﺎﺩﻭﮞ ﮐﺎ ﺳﻠﺴﻠﮧ ﺟﺎﺭﯼ ﺗﮭﺎ، ﺟﺐ کہ ﺍﻟﭙﺎﺋﻦ ﮐﻠﺐ ﺍٓﻑ ﭘﺎﮐﺴﺘﺎﻥ ﮐﮯ ﻋﮩﺪﯾﺪﺍﺭﺍﻥ ﻧﮯ ﺍﻥ ﮐﮯ ﺍﯾﮏ ﻏﯿﺮﻣﻠﮑﯽ ﺍﻧﭩﺮﻭﯾﻮ ﮐﮯ ﻟﺌﮯ، ﺍﻥ ﺳﮯ ﭘﯿﺸﮕﯽ ﺩﺭﺧﻮﺍﺳﺖ ﮐﯽ ﮐﮧ ﺟﺐ ﺍﻥ ﺳﮯ ﻣﺎﻟﯽ ﻣﻌﺎﻭﻧﺖ ﺍﻭﺭ ﭘﯿﺸﮧ ﻭﺍﺭﺍﻧﮧ ﺗﺮﺑﯿﺖ ﮐﺎ ﺳﻮﺍﻝ ﭘﻮﭼﮭﺎ ﺟﺎﺋﮯ، ﺗﻮ ﺟﻮﺍﺏ ﻣﯿﮟ ﺍﻟﭙﺎﺋﻦ ﮐﻠﺐ ﺍٓﻑ ﭘﺎﮐﺴﺘﺎﻥ ﮐﺎ ﻧﺎﻡ ﻟﯿﺎ ﺟﺎﺋﮯ!
اس پر محمد ﻋﻠﯽ ﺳﺪﭘﺎﺭﮦ ﻧﮯ ﺍﻧﮑﺎﺭ ﮐﺮﺩﯾﺎ ﺍﻭﺭ ﮐﮩﺎ ﮐﮧ ﺍﯾﮏ ﺭﺳﯽ ﺗﮏ ﺑﮭﯽ ﺗﻮ ﺗﻢ ﻟﻮﮒ ﻓﺮﺍﮨﻢ ﻧﮩﯿﮟ ﮐﺮﺗﮯ، ﭘﮭﺮ ﻣﯿﮟ ﺟﮭﻮﭦ ﮐﯿﻮﮞ ﺑﻮﻟﻮﮞ؟
ﭼﻮﭨﯿﻮﮞ ﮐﻮ ﺳﺮ ﮐﺮﻧﮯ ﮐﯽ ﮔﺮﻭﭖ ﻓﯿﺲ ﺑﮭﯽ ﺍﻥ ﮐﮯ ﻏﯿﺮ ﻣﻠﮑﯽ ﺳﺎﺗﮭﯽ ﺍﺩﺍ ﮐﺮﺗﮯ ﺗﮭﮯ، ﮐﯿﻮﻧﮑﮧ ﺍﺱ ﮐﮯ ﭘﺎﺱ 8 ﮨﺰﺍﺭ ﮈﺍﻟﺮ ﮐﮩﺎﮞ ﺳﮯ ﺍٓﺗﮯ….
یہ تب کی بات ہے، جب ﮨﻢ ﺍﭘﻨﮯ ﺑﭽﻮﮞ ﺳﻤﯿﺖ 29 ﺟﻮﻻﺋﯽ 2016 ﮐﯽ ﺳﮧ ﭘﮩﺮ ﺳﺪ ﭘﺎﺭﮦ ﺟﮭﯿﻞ ﮐﮯ ﭘﮩﻠﻮ ﻣﯿﮟ ﺍٓﺑﺎﺩ ﺍﻥ ﮐﮯ ﮔﺎﻭٔﮞ، ﺍﻥ ﮐﮯ ﮔﮭﺮ ﭘﮩﻨﭽﮯ ﺗﮭﮯ
ﻓﻮﺯﯾﮧ ﺍﻭﺭ ﺣﺠﺎﺏ ﺍﻥ ﮐﯽ ﺍﮨﻠﯿﮧ ﺍﻭﺭ ﺑﮩﻮ ﮐﮯ ﭘﺎﺱ ﭼﻠﯽ ﮔﺌﯿﮟ، ﺟﮩﺎﮞ ﺍﺭﺩﻭ ﮐﻮ ﺳﻤﺠﮭﻨﮯ ﺍﻭﺭ ﺳﻤﺠﮭﺎﻧﮯ ﮐﮯ ﻟﺌﮯ ﺍﯾﮏ ﺗﺮﺟﻤﺎﻥ ﻟﮍﮐﯽ ﺳﺎﺗﮫ ﻭﺍﻟﮯ ﮔﮭﺮ ﺳﮯ ﺑﻠﻮﺍﺋﯽ ﮔﺌﯽ، ﮐﯿﻮﻧﮑﮧ ﻋﻠﯽ ﺑﮭﺎﺋﯽ ﮐﮯ ﮔﮭﺮ ﺻﺮﻑ ﮔﻠﮕﺘﯽ ﺍﻭﺭ ﺑﻠﺘﯽ ﺯﺑﺎﻥ ﺑﻮﻟﯽ ﺟﺎﺗﯽ ﺗﮭﯽ
ان کے بیٹے ﺳﺎﺟﺪ ﮐﯽ ﻧﺌﯽ ﻧﺌﯽ ﺷﺎﺩﯼ ﮨﻮﺋﯽ ﺗﮭﯽ ﺍﻭﺭ ﻭﮦ ﭼﻮﭨﯿﻮﮞ ﺳﮯ ﺧﻮﻑ ﺯﺩﮦ ﺗﮭﺎ، ﺷﺎﯾﺪ ﻭﮦ ﻧﮩﯿﮟ ﺟﺎﻧﺘﺎ ﺗﮭﺎ ﮐﮧ ﺍﻥ ﮐﮯ والد ﮐﺎ ﻧﺎﻡ ﭘﻮﺭﯼ ﺩﻧﯿﺎ ﻣﯿﮟ ﺍﻧﮩﯽ ﺑﻠﻨﺪﯾﻮﮞ ﮐﮯ ﺳﺒﺐ ﭘﮩﻨﭽﺎ ﺗﮭﺎ۔ ﺗﯿﻦ ﮔﮭﻨﭩﮯ ﺍﻥ ﮐﮯ ﮔﮭﺮ ﭘﺮ ﯾﻮﮞ ﮔﺰﺭﮮ ﮐﮧ ﺍﺟﻨﺒﯿﺖ ﮐﺎ ﺍﺣﺴﺎﺱ ﺗﮏ ﻧﮧ ﮨﻮﺍ۔ ﻣﺲ ﺳﭩﯿﻼ ﮐﯽ ﺑﺮﻑ ﻣﯿﮟ ﻣﻮﺕ ﺯﯾﺮ ﮔﻔﺘﮕﻮ ﺭﮨﯽ، ﺳﭩﯿﻼ ﮐﯽ ﺗﺼﻮﯾﺮ ﮐﻮ ﺩﯾﮑﮭﺘﮯ ﮨﻮﺋﮯ ﻋﻠﯽ ﺳﺪ ﭘﺎﺭﮦ ﺑﮭﯽ ﺍٓﺑﺪﯾﺪﮦ ﮨﻮﮔﺌﮯ
ﻋﻠﯽ ﺑﮭﺎﺋﯽ ﮐﻮ ﮔﻠﮧ ﺗﮭﺎ ﮐﮧ ﮐﻮﮦ ﭘﯿﻤﺎﺋﯽ ﺳﮯ ﻣﺘﻌﻠﻖ ﺳﺮﮐﺎﺭﯼ ﺍﺩﺍﺭﮮ ﺍﺳﻼﻡ ﺍٓﺑﺎﺩ ﻣﯿﮟ ﺑﯿﭩﮫ ﮐﺮ ﺳﺎﺭﮮ ﻣﻌﺎﻣﻼﺕ ﻧﻤﭩﺎﺗﮯ ﮨﯿﮟ ﺍﻭﺭ ﺑﯿﺸﺘﺮ ﺗﻮ ﭘﮩﺎﮌﻭﮞ ﮐﯽ ﺍﺑﺠﺪ ﺑﮭﯽ ﻧﮩﯿﮟ ﺟﺎﻧﺘﮯ۔ ﻣﻠﭩﯽ ﻧﯿﺸﻨﻞ ﮐﻤﭙﻨﯿﺎﮞ ﺑﮭﯽ ﻭﮨﺎﮞ ﺧﺮﭺ ﮐﺮﺗﯽ ﮨﯿﮟ ﺟﮩﺎﮞ ﺍﻥ ﮐﻮ ﻓﻮﺭﯼ ﻓﺎﺋﺪﮦ ﻣﻠﮯ۔ ﺍﯾﺴﺎ ﺑﮭﯽ ﻧﮩﯿﮟ ﺗﮭﺎ ﮐﮧ ﻭﮦ ﮨﻤﯿﮟ ﺑﮭﻮﻝ ﮔﺌﮯ ﺗﮭﮯ۔ ﻣﯿﺮﯼ ﺳﻮﺷﻞ ﻣﯿﮉﯾﺎ ﭘﻮﺳﭩﺲ ﭘﺮ ﺍﻥ ﮐﺎ ﮐﻤﻨﭧ ﻻﺯﻣﯽ ﺍٓﺗﺎ۔ ﺟﺐ ﻭﮦ ﻓﺮﺍﻧﺲ ﺟﺎﺭﮨﮯ ﺗﮭﮯ ﺗﻮ ﻣﺠﮭﮯ ﺍﻥ ﮐﺎ ﻓﻮﻥ ﺍٓﯾﺎ ﮐﮧ ﺍﮔﺮ ﺍٓﭖ ﺍﺳﻼﻡ ﺍٓﺑﺎﺩ ﺍٓ ﺳﮑﯿﮟ ﺗﻮ ﻣﻼﻗﺎﺕ ﮨﻮ ﺟﺎﺋﮯ ﮔﯽ
ﻧﯿﭙﺎﻝ ﺍﻭﺭ ﮐﯿﻨﯿﮉﺍ ﮐﮯ ﺳﻔﺎﺭﺕ ﺧﺎﻧﻮﮞ ﻣﯿﮟ ﺍﻥ ﮐﮯ ﺍﻋﺰﺍﺯ ﻣﯿﮟ ﺗﻘﺎﺭﯾﺐ ﻣﻨﻌﻘﺪ ﮨﻮﺋﯿﮟ۔ ﻭﮦ ﺍﭘﻨﺎ ﮐﺎﻡ ﺗﺸﮩﯿﺮ ﮐﮯ ﻟﺌﮯ ﻧﮩﯿﮟ، ﺑﻠﮑﮧ ﺍﭘﻨﯽ ﺗﺴﮑﯿﻦ ﮐﮯ ﻟﺌﮯ ﮐﺮﺗﮯ ﺭﮨﮯ۔ ﻭﮦ ﭘﻮﺭﭨﺮ ﺳﮯ ﮐﻮﮦ ﻧﻮﺭﺩ ﮨﻮﺋﮯ ﺍﻭﺭ ﭘﮭﺮ ﺩﻧﯿﺎ ﮐﯽ ﺑﮍﯼ ﭼﻮﭨﯿﻮﮞ ﭘﺮ ﺟﮭﻨﮉﺍ ﻟﮩﺮﺍ ﺩﯾﺎ۔ ﻭﺳﺎﺋﻞ ﮐﯽ ﻋﺪﻡ ﺩﺳﺘﯿﺎﺑﯽ ﮐﮯ ﺑﺎﻭﺟﻮﺩ ﺍﻥ ﮐﺎ ﺳﻔﺮ ﺟﺎﺭﯼ ﺭﮨﺎ
ﻧﺎﻧﮕﺎ ﭘﺮﺑﺖ ﮐﻮ ﺳﺮ ﮐﺮﻧﮯ ﺍٓﻧﮯ ﻭﺍﻻ ﺑﺮﻃﺎﻧﻮﯼ ﮐﻮﮦ ﭘﯿﻤﺎ ﺍﮮ ﺍﯾﻒ ﻣﻤﺮﯼ 1895ع ﻣﯿﮟ ﻓﺎﺗﺢ ﮨﻮﻧﮯ ﮐﮯ ﺑﻌﺪ ﮐﮩﯿﮟ ﺑﺮﻑ ﻣﯿﮟ ﺩﻓﻦ ﮨﻮﺍ ﺍﻭﺭ ﺍٓﺝ ﺗﮏ ﻧﮧ ﻣﻞ ﺳﮑﺎ.. 1934ع ﻣﯿﮟ ﮐﻮﮦ ﭘﯿﻤﺎ ﻭﻟﯽ ﻣﺮﮐﻞ ﺍﻭﺭ ﺍﺱ ﮐﮯ 8 ﺳﺎﺗﮭﯿﻮﮞ ﮐﻮ ﺑﺮﻑ ﮐﯽ ﻗﺒﺮﯾﮟ ﻧﺼﯿﺐ ﮨﻮﺋﯿﮟ.. 1937ع ﻣﯿﮟ ﮈﺍﮐﭩﺮ ﮐﺎﺭﻟﻮ ﻭﺍﺋﻦ ﺍﻭﺭ ﺍﺱ ﮐﮯ ﺳﺎﺗﮭﯽ ﺍﭘﻨﮯ ﺧﯿﻤﮯ ﻣﯿﮟ ﺳﻮﺭﮨﮯ ﺗﮭﮯ، ﮐﮧ ﺑﺮﻑ ﮐﺎ ﺗﻮﺩﺍ ﮔﺮﺍ ﺍﻭﺭ ﺳﺐ ﻻﭘﺘﺎ ﮨﻮﮔﺌﮯ.. 1938ع ﻣﯿﮟ ﭘﺎﻝ ﺑﺎﺋﺮ ﺍﭘﻨﯽ ﭨﯿﻢ ﮐﮯ ﺳﺎﺗﮫ ﻧﺎﻧﮕﺎ ﭘﺮﺑﺖ ﭘﮩﻨﭽﺎ ﺍﻭﺭ ﭼﻮﭨﯽ ﺳﺮ ﮐﺮﻧﮯ ﻟﮕﺎ ﮐﮧ ﺍﯾﮏ ﺩﻡ ﭼﺎﺭ ﺳﺎﻝ ﭘﮩﻠﮯ ﺑﺮﻑ ﻣﯿﮟ ﺩﻓﻦ ﮨﻮﻧﮯ ﻭﺍﻟﮯ ﻣﺮﮐﻞ ﺍﻭﺭ ﺍﻥ ﮐﮯ ﭘﻮﺭﭨﺮ ﮐﯽ ﻻﺷﯿﮟ ﺑﺮﺍٓﻣﺪ ﮨﻮﮔﺌﯿﮟ، ﺟﻮ ﺑﺎﻟﮑﻞ ﺻﺤﯿﺢ ﺳﻼﻣﺖ ﺗﮭﯿﮟ۔ ﻻﺷﻮﮞ ﮐﻮ ﺩﯾﮑﮫ ﮐﺮ ﭘﺎﻝ ﺑﺎﺋﺮ ﺧﻮﻑ ﺯﺩﮦ ﮨﻮﮔﯿﺎ ﺍﻭﺭ ﻣﮩﻢ ﭼﮭﻮﮌ ﮐﺮ ﺑﮭﺎﮒ ﮔﯿﺎ۔ﻋﺎﻟﻤﯽ ﺷﮩﺮﺕ ﯾﺎﻓﺘﮧ ﮐﻮﮦ ﭘﯿﻤﺎ ﻣﯿﺴﺰ ﮐﺎ ﺑﮭﺎﺋﯽ ﮔﯿﻨﺘﮭﺮ ﺑﮭﯽ ﺍﺳﯽ ﺑﺮﻑ ﻣﯿﮟ ﺩﻓﻦ ﮨﻮﺍ..
محمد ﻋﻠﯽ ﺳﺪﭘﺎﺭﮦ ﭘﮩﻼ ﭘﺎﮐﺴﺘﺎﻧﯽ ﮐﻮﮦ ﭘﯿﻤﺎ ﺗﮭﺎ،ﺟﺲ ﻧﮯ 8000 ﻣﯿﭩﺮ ﺑﻠﻨﺪ ﺩﻧﯿﺎ ﮐﯽ ﺳﺎﺕ ﭼﻮﭨﯿﻮﮞ ﮐﻮ ﺳﺮ ﮐﺮﻧﮯ ﮐﺎ ﺍﻋﺰﺍﺯ ﺣﺎﺻﻞ ﮐﯿﺎ۔ ﻭﮦ ﭘﺎﮐﺴﺘﺎﻥ ﮐﯽ پانچ ﺑﻠﻨﺪ ﺗﺮﯾﻦ ﭼﻮﭨﯿﻮﮞ ﮐﻮ ﺑﮭﯽ ﺳﺮ ﮐﺮ ﭼﮑﺎ ﺗﮭﺎ ﺟﺲ ﻣﯿﮟ 8611 ﻣﯿﭩﺮﺯ ﺑﻠﻨﺪ K2 ﺑﮭﯽ ﺷﺎﻣﻞ ﮨﮯ، ﻟﯿﮑﻦ ﺍﺏ ﮐﯽ ﺑﺎﺭ ﻣﻮﺳﻢ ﻋﻠﯽ ﺳﺪ ﭘﺎﺭﮦ ﮐﮯ ﺣﻖ ﻣﯿﮟ ﻧﮧ ﺗﮭﺎ ﻭﺭﻧﮧ ﻗﺎﺗﻞ ﭘﮩﺎﮌ ﻧﺎﻧﮕﺎ ﭘﺮﺑﺖ ﮐﻮ ﺳﺮ ﮐﺮﻧﮯ ﮐﮯ ﺑﻌﺪ ﭘﮩﻠﮯ ﺳﮯ ﻣﻔﺘﻮﺡ ﮨﻮ ﭼﮑﯽ ﮐﮯ ﭨﻮ ﭼﻮﭨﯽ ﮐﯽ ﮐﯿﺎ ﺣﯿﺜﯿﺖ ﺗﮭﯽ..
ﻋﻠﯽ ﺑﮭﺎﺋﯽ ﮨﻤﺎﺭﯼ ﺑﮭﺎﺑﮭﯽ ﺍﻭﺭ ﺍٓﭖ ﮐﮯ ﺑﭽﮯ ﺳﺪ ﭘﺎﺭﮦ ﺟﮭﯿﻞ ﮐﮯ ﭘﮩﻠﻮ ﻣﯿﮟ ﺍٓﺑﺎﺩ ﺍٓﭖ ﮐﮯ ﮔﺎﻭٔﮞ ﮐﮯ ﺍﺳﯽ ﮈﺭﺍﺋﻨﮓ ﺭﻭﻡ ﮐﯽ ﮐﮭﮍﮐﯽ ﺳﮯ ﺟﮭﺎﻧﮑﺘﮯ ﮨﯿﮟ، ﺟﺲ ﮐﯽ ﺩﯾﻮﺍﺭﻭﮞ ﭘﺮ ﺟﮍﮮ ﻓﺮﯾﻢ ﺍٓﭖ ﮐﯽ ﺗﺼﻮﯾﺮﯼ ﮐﮩﺎﻧﯿﺎﮞ ﺑﯿﺎﻥ ﮐﺮﺗﮯ ﮨﯿﮟ
ﮨﺮ ﺷﺎﻡ ﮨﯿﻠﯽ ﮐﺎﭘﭩﺮﺯ ﮐﯽ ﺍٓﻭﺍﺯﻭﮞ ﻣﯿﮟ ﺍٓﭖ ﮐﯽ ﺍﮨﻠﯿﮧ ﮐﯽ ﺳﺴﮑﯿﺎﮞ ﺩﺏ ﺟﺎتیں۔ ﺍٓﭖ ﮐﺎ ﺑﯿﭩﺎ ﺭﺍﺕ ﮈﮬﻠﮯ ﺍﭘﻨﯽ ﻣﺎﮞ ﺳﮯ ﺍٓﻧﮑﮭﯿﮟ ﻧﮩﯿﮟ ﻣﻼ ﭘﺎﺗﺎ ﺍﻭﺭ ﺍﮔﻠﯽ ﺻﺒﺢ ﭘﮭﺮ ﻧﺌﯽ ﺍﻣﯿﺪ ﮐﮯ ﺳﺎﺗﮫ ﻧﮑﻞ ﭘﮍﺗﺎ، لیکن اب ساری امیدیں دم توڑ چکی ہیں، اب تم کبھی واپس نہیں لوٹو گے…
تمہارے اﻧﺘﻈﺎﺭ ﻣﯿﮟ ﻣﺎﯾﻮﺳﯽ ﮐﮯ ﺳﺎﺋﮯ ﺍﻣﯿﺪ ﮐﮯ ﺳﺎﺋﺒﺎﻥ ﭘﺮ ﮔﮩﺮﮮ ﮨﻮ گئے۔ﻧﯿﭙﺎﻝ، ﻓﺮﺍﻧﺲ، ﮐﯿﻨﯿﮉﺍ ﮐﮯ ﺑﺮﻑ ﺯﺍﺭﻭﮞ ﮐﻮ ﻓﺘﺢ ﮐﺮﻧﮯ ﮐﮯ ﺑﻌﺪ ﺍٓﭖ ﮐﮯ ﺷﮩﺮ ﮐﺎ ﺑﺮﻓﯿﻼ ﻭﺟﻮﺩ ﮐﯿﺴﮯ ﺍٓﭖ ﮐﺎ ﻗﺎﺗﻞ ﮨﻮﺳﮑﺘﺎ ﮨﮯ؟ ﮨﻤﯿﮟ ﯾﻘﯿﻦ ﻧﮩﯿﮟ ﺍٓﺭﮨﺎ..
بشکریہ جیو نیوز
