ﻭﺍﺋﺲ ﭼﺎﻧﺴﻠﺮﺯ ﮐﮯ ﺗﻘﺮﺭ ﮐﮯ ﻟﺌﮯ ﻗﺎﺋﻢ ﺗﻼﺵ ﮐﻤﯿﭩﯽ ﻧﮯ ﺳﻨﺪﮪ یونیورسٹی ﮐﮯ ﻭﺍﺋﺲ ﭼﺎﻧﺴﻠﺮ ﮐﮯ ﻋﮩﺪے کے لیے ﺗﯿﻦ ﻧﺎﻣﻮﮞ ﮐﺎ ﺍﻧﺘﺨﺎﺏ ﮐﺮﻟﯿﺎ ﮨﮯ، ﺟﺐ ﮐﮧ ﻣﻮﺟﻮﺩﮦ ﻭﺍﺋﺲ ﭼﺎﻧﺴﻠﺮ ﮈﺍﮐﭩﺮ ﻓﺘﺢ محمد ﺑﺮﻓﺖ ﻭﯼ ﺳﯽ ﮐﯽ ﺩﻭﮌ ﺳﮯ ﺑﺎﮨﺮ ﮨﻮ ﮔﺌﮯ ﮨﯿﮟ
تفصیلات کے مطابق ﺗﻼﺵ ﮐﻤﯿﭩﯽ ﮐﮯ ﺳﺮﺑﺮﺍﮦ ﮈﺍﮐﭩﺮ ﻋﺒﺪﺍﻟﻘﺪﯾﺮ ﺭﺍﺟﭙﻮﺕ ﮐﯽ ﺳﺮﺑﺮﺍﮨﯽ ﻣﯿﮟ ﮨﻮﻧﮯ ﻭﺍﻟﮯ ﺍﺟﻼﺱ ﻣﯿﮟ ﺗﻌﻠﯿﻤﯽ ﺍﻣﻮﺭ ﮐﺎ ﺗﺠﺮﺑﮧ ﺭﮐﮭﻨﮯ ﻭﺍﻟﮯ ﺳﯿﻨﺌﺮ ﺑﯿﻮﺭﻭﮐﺮﯾﭧ ﺍﻭﺭ ﺍﯾﮉﯾﺸﻨﻞ ﭼﯿﻒ ﺳﯿﮑﺮﭨﺮﯼ ﺑﻮﺭﮈﺯ ﻭ ﺟﺎﻣﻌﺎﺕ ﻋﻠﻢ ﺍﻟﺪﯾﻦ ﺑﻠﻮ ﻧﮯ ﺑﮭﯽ ﺷﺮﮐﺖ ﮐﯽ
ﺍﺟﻼﺱ ﻣﯿﮟ 16 ﺍﻣﯿﺪﻭﺍﺭﻭﮞ کو ﺍﻧﭩﺮﻭﯾﻮ کے ﻟﯿﮯ ﺑﻼﯾﺎ ﮔﯿﺎ ﺗﮭﺎ، ﺟﻦ ﻣﯿﮟ ﺳﮯ ﮐﭽﮫ ﺍﻣﯿﺪﻭﺍﺭﻭﮞ ﮐﮯ ﺍﻧﭩﺮﻭﯾﻮﺯ ﺍﺳﮑﺎﺋﭗ ﭘﺮ ﺑﮭﯽ ﻟﯿﮯ ﮔﺌﮯ، 16 میں سے تین امیدواروں کے نام شارٹ لسٹ کیے گئے
ﺟﻦ ﺗﯿﻦ ﺍﻣﯿﺪﻭﺍﺭﻭﮞ ﮐﺎﺍﻧﺘﺨﺎﺏ ﮐﯿﺎ ﮔﯿﺎ ﺍﻥ ﻣﯿﮟ ﮈﺍﮐﭩﺮ ﺻﺪﯾﻖ ﮐﻠﮩﻮﮌﻭ، ﮈﺍﮐﭩﺮ ﭘﺮﻭﯾﻦ ﻣﻨﺸﯽ ﺍﻭﺭ ﮈﺍﮐﭩﺮ ﻧﺒﯽ ﺑﺨﺶ ﺟﻤﺎﻧﯽ ﺷﺎﻣﻞ ہیں
ﺍﺏ ﯾﮧ ﺗﯿﻦ ﻧﺎﻡ ﻣﻨﻈﻮﺭﯼ ﮐﮯ ﻟﯿﮯ ﻭﺯﯾﺮ اعلیٰ ﺳﻨﺪﮪ ﮐﻮ ﺑﮭﯿﺠﮯ ﺟﺎﺋﯿﮟ ﮔﮯ، جس کے بعد ﻭﺯﯾﺮ اعلیٰ ﺍﻥ ﺍﻣﯿﺪﻭﺍﺭﻭﮞ ﮐﮯ ﺍﻧﭩﺮﻭﯾﻮ ﮐﺮ ﮐﮯ ان میں سے کسی ﺍﯾﮏ کو بطور وائس چانسلر سندھ یونیورسٹی منتخب ﮐﺮﯾﮟ ﮔﮯ
ﯾﺎﺩ ﺭﮨﮯ ﮐﮧ ﺳﺎﮌﮬﮯ ﭼﺎﺭ ﺳﺎﻝ ﻗﺒﻞ ﺗﻼﺵ ﮐﻤﯿﭩﯽ ﻧﮯ ﺳﻨﺪﮪ ﯾﻮﻧﯿﻮﺭﺳﭩﯽ ﮐﮯ ﻟﯿﮯ ﮈﺍﮐﭩﺮ ﺻﺪﯾﻖ ﮐﻠﮩﻮﮌﻭ ﮐﻮ ﺍﻭﻝ ﺍﻭﺭ ﮈﺍﮐﭩﺮ ﻓﺘﺢ محمد ﺑﺮﻓﺖ ﮐﻮ ﺩﻭﺳﺮﮮ ﻧﻤﺒﺮ ﭘﺮ ﺭﮐﮭﺎ ﺗﮭﺎ، ﺗﺎﮨﻢ ﺍﺱ ﻭﻗﺖ ﮈﺍﮐﭩﺮ ﻓﺘﺢ محمد ﺑﺮﻓﺖ ﮐﻮ ﻭﺍﺋﺲ ﭼﺎﻧﺴﻠﺮ ﻣﻘﺮﺭ ﮐﯿﺎ ﮔﯿﺎ ﺗﮭﺎ، لیکن ڈاکٹر ﻓﺘﺢ محمد ﺑﺮﻓﺖ ﺍﻭﺭ ﻭﺯﯾﺮ اعليٰ ﮐﮯ ﻣﺎﺑﯿﻦ ﺗﻌﻠﻘﺎﺕ ﺍﭼﮭﮯ ﻧﮧ ﺭﮨﻨﮯ ﮐﮯ ﺑﺎﻋﺚ ﮈﺍﮐﭩﺮ ﻓﺘﺢ ﺑﺮﻓﺖ ﮐﻮ ﻋﮩﺪﮮ ﺳﮯ ﮨﭩﺎﯾﺎ ﮔﯿﺎ لیکن بعد ازاں ﻋﺪﺍﻟﺖ نے انہیں ﺑﺤﺎﻝ ﺭﮐﮭﺎ
اِس مرتبہ ﺳﻨﺪﮪ ﯾﻮﻧﯿﻮﺭﺳﭩﯽ کے وائس چانسلر کے عہدے ﮐﮯ لیے 29 ﺍﻣﯿﺪﻭﺍﺭﻭﮞ ﻧﮯ ﺩﺭﺧﻮﺍﺳﺖ ﺩﯼ ﺗﮭﯽ ﺍﻭﺭ ﺟﺎﻧﭻ ﮐﮯ ﺑﻌﺪ 16 ﺍﻣﯿﺪﻭﺍﺭﻭﮞ ﮐﻮ ﺍﻧﭩﺮﻭﯾﻮﺯ ﮐﮯ ﻟﯿﮯ ﺑﻼﯾﺎ ﮔﯿﺎ ﺟﺐ ﮐﮧ 13 ﺍﻣﯿﺪﻭﺍﺭﻭﮞ ﮐﻮ ﻏﯿﺮ ﻣﻮﺯﻭﮞ ﻗﺮﺍﺭ ﺩے دیا ﮔﯿﺎ ﺗﮭﺎ
انٹرویو کے لیے بلائے گئے ﺍﻣﯿﺪﻭﺍﺭﻭﮞ ﻣﯿﮟ ﻭﺍﺋﺲ ﭼﺎﻧﺴﻠﺮ ﮈﺍﮐﭩﺮ ﻓﺘﺢ ﻣﺤﻤﺪ ﺑﺮﻓﺖ، ﮨﺎﺋﺮ ﺍﯾﺠﻮﮐﯿﺸﻦ ﮐﻤﯿﺸﻦ ﮐﮯ ﺳﺎﺑﻖ ﺍﯾﮕﺰﯾﮑﭩﻮ ﮈﺍﺋﺮﯾﮑﭩﺮ ﮈﺍﮐﭩﺮ ﻓﺘﺢ ﻣﺤﻤﺪ ﻣﺮﯼ، ﮈﺍﮐﭩﺮ ﻣﺤﻤﺪ ﻋﻠﯽ ﺷﯿﺦ، ﮈﺍﮐﭩﺮ ﻏﻼﻡ ﺳﺮﻭﺭ ﻣﺮﮐﮭﻨﮉ، ﮈﺍﮐﭩﺮ ﺣﺴﯿﻦ ﺑﺨﺶ ﻣﺮﯼ ﮈﺍﮐﭩﺮ ﺍﺳﺪ ﷲ ﺷﺎﮦ، ﮈﺍﮐﭩﺮ ﻋﺒﺪﷲ ﮈﺍﺋﯿﻮ، ﮈﺍﮐﭩﺮ ﻋﻨﺎﯾﺖ ﷲ ﺷﺎﮦ، ﮈﺍﮐﭩﺮ ﺭﺯﺍﻕ ﻣﮩﺮ، ﮈﺍﮐﭩﺮ ﻧﺒﯽ ﺑﺨﺶ ﺟﻤﺎﻧﯽ، ﮈﺍﮐﭩﺮ ﺧﺎﻥ ﻣﺤﻤﺪ ﺑﺮﻭﮨﯽ، ﮈﺍﮐﭩﺮ ﭘﺮﻭﯾﻦ ﻣﻨﺸﯽ، ﮈﺍﮐﭩﺮ ﻧﺬﯾﺮ ﺣﺴﯿﻦ ﺳﺎﻧﮕﯽ، ﮈﺍﮐﭩﺮ ﻣﺪﺩ ﻋﻠﯽ ﺷﺎﮦ، ﮈﺍﮐﭩﺮ ﺻﺪﯾﻖ ﻣﺤﻤﺪ ﮐﻠﮩﻮﮌﻭ، ﺍﻭﺭ ﮈﺍﮐﭩﺮ ﺳﺮﻓﺮﺍﺯ ﺳﻮﻟﻨﮕﯽ ﺷﺎﻣﻞ ﺗﮭﮯ
ﻣﻮﺟﻮﺩﮦ ﻭﺍﺋﺲ ﭼﺎﻧﺴﻠﺮ ﮈﺍﮐﭩﺮ ﮈﺍﮐﭩﺮ ﻓﺘﺢ ﺑﺮﻓﺖ ﮐﯽ ﭼﺎﺭ ﺳﺎﻝ ﻣﺪﺕ ﺍٓﺋﻨﺪﮦ ﻣﺎﮦ 17 ﺟﻨﻮﺭﯼ ﮐﻮ ﻣﮑﻤﻞ ﮨﻮ رہی ہے.
