ﺍﺑﮭﯽ ﮐﭽﮫ ﺭﻭﺯ ﮨﻮﺋﮯ، ﺳﻨﺪﮪ ﮐﮯ ﺷﮩﺮ ﺧﯿﺮﭘﻮﺭ ﮐﮯ ﻗﺮﯾﺐ ﺍﯾﮏ ﺗﯿﺰ ﺭﻓﺘﺎﺭ ﻭﯾﻦ ﻧﮯ ﻗﺎﺑﻮ ﺳﮯ ﺑﺎﮨﺮ ﮨﻮﮐﺮ ﺍﺳﮑﻮﻝ ﮐﻮ ﺟﺎﺗﮯ ﮨﻮﺋﮯ ﮐﻤﺴﻦ ﺑﭽﻮﮞ ﮐﻮ ﺭﻭﻧﺪ ﮈﺍﻻ۔ﺗﯿﺎﺭ ﮨﻮﮐﺮ ،ﯾﻮﻧﯽ ﻓﺎﺭﻡ ﭘﮩﻦ ﮐﺮ ﺟﻮ ﺑﭽّﮯ ﮔﮭﺮ ﺳﮯ ﻧﮑﻠﮯ ﺗﮭﮯ، ﺗﮭﻮﮌﯼ ﮨﯽ ﺩﯾﺮ ﺑﻌﺪ ﺧﻮﻥ ﻣﯿﮟ ﻧﮩﺎﺋﮯ ﮨﻮﺋﮯ ﮔﮭﺮ ﻭﺍﭘﺲ ﺍٓﮔﺌﮯ،ﭘﮭﺮ ﮐﺒﮭﯽ ﺍﺳﮑﻮﻝ ﻧﮧ ﺟﺎﻧﮯ ﮐﮯ ﻟﺌﮯ۔ ﺑﭽﮯ ﺍﭘﻨﯽ ﺟﺎﻥ ﺳﮯ ﮔﺌﮯ ﻗﺼﮧ ﺧﺘﻢ ﮨﻮﺍ ، ﺩﻧﯿﺎ ﺍﭘﻨﮯ ﮐﺎﻣﻮﮞ ﻣﯿﮟ ﻣﺼﺮﻭﻑ ﺭﮨﯽ۔ ﮐﺴﯽ ﮐﻮ ﺧﺒﺮ ﺑﮭﯽ ﻧﮩﯿﮟ ﮐﮧ ﺍﻥ ﺩﯾﮩﺎﺗﯽ ﮔﮭﺮﺍﻧﻮﮞ ﻣﯿﮟ ﮐﯿﺴﯽ ﻗﯿﺎﻣﺖ ﮔﺰﺭ ﮔﺌﯽ۔
ﻣﯿﮟ ﺍﻧﮕﻠﺴﺘﺎﻥ ﻣﯿﮟ ﺍٓﺑﺎﺩ ﮨﻮﮞ ۔ ﯾﮩﺎﮞ ﺍﯾﺴﺎ ﮐﻮﺋﯽ ﻭﺍﻗﻌﮧ ﮨﻮﺗﺎ ﺗﻮ ﺍﺧﺒﺎﺭﻭﮞ ﻣﯿﮟ ﭼﯿﺨﺘﯽ ﭼﻨﮕﮭﺎﮌﺗﯽ ﺳﺮﺧﯿﺎﮞ ﻟﮕﺘﯿﮟ، ﺭﯾﮉﯾﻮ ﺍﻭﺭ ﺧﺎﺹ ﻃﻮﺭ ﭘﺮ ﭨﯿﻠﯽ ﻭﯾﮋﻥ ﭘﺮ ﻣﺒﺎﺣﺜﮯ ﺷﺮﻭﻉ ﮨﻮﺟﺎﺗﮯ ﺍﻭﺭ ﺳﺮﮐﺎﺭﯼ ﻭﺯﯾﺮ ﺑﻈﺎﮨﺮ ﺍٓﻧﺴﻮ ﺑﮩﺎﺗﮯ ﮨﻮﺋﮯ ﺍﭘﻨﯽ ﺻﻔﺎﺋﯿﺎﮞ ﭘﯿﺶ ﮐﺮ ﺭﮨﮯ ﮨﻮﺗﮯ، ﺍﺩﺍﺭﯾﮯ ﻟﮑﮭﮯ ﺟﺎﺗﮯ ﺍﻭﺭ ﭼﮭﺎﻥ ﺑﯿﻦ ﮐﺮ ﮐﮯ ﺍﺻﻞ ﺣﻘﯿﻘﺖ ﺟﺎﻧﻨﮯ ﮐﮯ ﻟﺌﮯ ﮐﻤﯿﭩﯿﺎﮞ ﻗﺎﺋﻢ ﮐﯽ ﺟﺎﺗﯿﮟ۔
ﻭﮨﺎﮞ ﺗﻮ ﮐﺴﯽ ﮐﮯ ﮐﺎﻥ ﭘﺮ ﮐﭽﮫ ﺑﮭﯽ ﻧﮩﯿﮟ ﺭﯾﻨﮕﺎ ، ﺍﯾﮏ ﺧﺒﺮ ﻧﺎﻣﮯ ﻣﯿﮟ ﯾﮧ ﺟﺎﻥ ﻟﯿﻮﺍ ﺧﺒﺮ ﺍﯾﮏ ﺟﻤﻠﮯ ﻣﯿﮟ ﻧﻤﭩﺎﺩﯼ ﮔﺌﯽ ﺍﻭﺭ ﻭﮦ ﺟﻤﻠﮧ ﺑﮭﯽ ﺍﺗﻨﯽ ﺗﯿﺰﯼ ﺳﮯ ﭘﮍﮬﺎ ﮔﯿﺎ ﮐﮧ ﺑﭽﻮﮞ ﮐﻮ ﺭﻭﻧﺪﻧﮯ ﻭﺍﻟﯽ ﻭﯾﻦ ﺑﮭﯽ ﺍﺗﻨﯽ ﺗﯿﺰ ﺭﻓﺘﺎﺭ ﻧﮧ ﮨﻮ ﮔﯽ۔
ﺟﺲ ﻃﺮﺡ ﻣﺼﻮﺭ ﮐﮯ ﺷﺎﮨﮑﺎﺭ ﮐﻮ ﺫﺭﺍ ﭘﯿﭽﮭﮯ ﮨﭧ ﮐﺮ ﺩﯾﮑﮭﺎ ﺟﺎﺗﺎ ﮨﮯ، ﺍﺳﯽ ﻃﺮﺡ ﺍﺱ ﻭﺍﻗﻌﮯ ﮐﻮ ﺩﯾﮑﮭﺎ ﺟﺎﺋﮯ ﺗﻮ ﺳﭽﯽ ﺑﺎﺕ ﯾﮧ ﮨﮯ ﮐﮧ ﺍﺱ ﻣﯿﮟ ﻧﺌﯽ ﺑﺎﺕ ﮐﻮﻥ ﺳﯽ ﺗﮭﯽ؟ ﯾﮧ ﺗﻮ ﺭﻭﺯ ﮐﺎ ﻗﺼﮧ ﮨﮯ۔ ﺻﺒﺢ ﮨﻮﺗﮯ ﮨﯽ ﭨﺮﯾﻔﮏ ﮐﮯ ﺣﺎﺩﺛﮯ ﺷﺮﻭﻉ ﮨﻮﺟﺎﺗﮯ ﮨﯿﮟ ﺍﻭﺭ ﺟﺐ ﺗﮏ ﺯﻧﺪﮔﯽ ﮐﺎ ﮐﺎﺭﻭ ﺑﺎﺭ ﭼﻠﺘﺎ ﮨﮯ، ﮨﻼﮐﺘﻮﮞ ﮐﺎ ﺑﺎﺯﺍﺭ ﺑﮭﯽ ﮐﮭﻼ ﺭﮨﺘﺎ ﮨﮯ۔ﮨﻢ ﻧﮯ ﺟﺐ ﺳﮯ ﺻﺤﺎﻓﺖ ﻣﯿﮟ ﻗﺪﻡ ﺭﮐﮭﺎ ،ﺧﺒﺮ ﮐﯽ ﻧﺖ ﻧﺌﯽ ﺗﻌﺮﯾﻔﯿﮟ ﺳﻨﺘﮯ ﺍٓﺭﮨﮯ ﮨﯿﮟ۔
ﻧﯿﻮﺯ ﮐﮯ ﺑﺎﺭﮮ ﻣﯿﮟ ﮐﮩﺘﮯ ﮨﯿﮟ ﮐﮧ ﻧﺎﺭﺗﮫ، ﺍﯾﺴﭧ، ﻭﯾﺴﭧ ﺍﻭﺭ ﺳﺎﻭٔﺗﮫ ﮐﻮ ﻣﻼﺋﯿﮟ ﺗﻮ ﻟﻔﻆ ﻧﯿﻮﺯ ﺑﻨﺘﺎ ﮨﮯ۔ ﺍٓﺝ ﮨﻢ ﺩﯾﮑﮫ ﺭﮨﮯ ﮨﯿﮟ ﮐﮧ ﻟﻔﻆ ’ ﻧﯿﻮﺯ ‘ ﺍﺭﺩﻭ ﻣﯿﮟ ﻧﺌﮯ ﮐﯽ ﺟﻤﻊ ﮨﮯ۔ ﯾﻌﻨﯽ ﻭﺍﻗﻌﮯ ﻣﯿﮟ ﻧﺌﯽ ﺑﺎﺕ ﮨﻮ ﺗﻮ ﺧﺒﺮ ﺑﻨﺘﯽ ﮨﮯ۔ﺭﻭﺯ ﺭﻭﺯ ﮐﮯ ﻭﺍﻗﻌﺎﺕ ﺧﺒﺮ ﻧﮩﯿﮟ ﺑﻨﺎﺗﮯ۔ ﺍٓﺋﮯ ﺩﻥ ﺳﮍﮐﻮﮞ ﭘﺮ ﻟﻮﮔﻮﮞ ﮐﮯ ﺟﺎﻥ ﺳﮯ ﺟﺎﻧﮯ ﻣﯿﮟ ﺍﺏ ﮐﻮﺋﯽ ﻧﺌﯽ ﺑﺎﺕ ﻧﮩﯿﮟ ﺭﮨﯽ ﺍﺱ ﻟﺌﮯ ﻟﻮﮒ ﺍﺱ ﻃﺮﻑ ﺩﮬﯿﺎﻥ ﺑﮭﯽ ﻧﮩﯿﮟ ﺩﯾﺘﮯ۔ﻧﮧ ﺍﺣﺘﺠﺎﺝ ﮨﻮﺗﺎ ﮨﮯ، ﻧﮧ ﺗﻔﺘﯿﺶ ﮨﻮﺗﯽ ﮨﮯ، ﻧﮧ ﮐﻤﯿﭩﯿﺎﮞ ﺑﯿﭩﮭﺘﯽ ﮨﯿﮟ ﺍﻭﺭ ﻧﮧ ﺭﭘﻮﺭﭨﯿﮟ ﻟﮑﮭﯽ ﺟﺎﺗﯽ ﮨﯿﮟ۔
ﺍﯾﮏ ﺯﻣﺎﻧﮧ ﺗﮭﺎ ﺟﺐ ﻟﻮﮒ ﮨﻮﺍﺋﯽ ﺟﮩﺎﺯ ﻣﯿﮟ ﺑﯿﭩﮭﺘﮯ ﮨﻮﺋﮯ ﮈﺭﺗﮯ ﺗﮭﮯ ﮐﮧ ﯾﮧ ﺍﮌﺗﮯ ﺍﮌﺗﮯ ﺍﮔﺮ ﻧﯿﭽﮯ ﺍٓﺭﮨﺎ ﺗﻮ ﮐﯿﺎ ﮨﻮﮔﺎ۔ ﺍﺱ ﻭﻗﺖ ﻟﻮﮔﻮﮞ ﮐﻮ ﺳﻤﺠﮭﺎﯾﺎ ﺟﺎﺗﺎ ﺗﮭﺎ ﮐﮧ ﮨﻮﺍﺋﯽ ﺣﺎﺩﺛﻮﮞ ﻣﯿﮟ ﺍﺗﻨﮯ ﻟﻮﮒ ﻧﮩﯿﮟ ﻣﺮﺗﮯ ﺟﺘﻨﮯ ﭨﺮﯾﻔﮏ ﮐﮯ ﺣﺎﺩﺛﻮﮞ ﻣﯿﮟ ﮨﻼ ﮎ ﮨﻮﺗﮯ ﮨﯿﮟ۔ﺳﮍﮎ ﭘﺮ ﺗﻮ ﺍﮐّﺎ ﺩﮐّﺎ ﮨﯽ ﺟﺎﻥ ﺳﮯ ﺟﺎﺗﮯ ﮨﯿﮟ۔ ﮐﯿﺎ ﺧﻮﺏ ﮐﮧ ﺩﻭ ﭼﺎﺭ ﻣﺮ ﺟﺎﺋﯿﮟ ﺗﻮ ﮐﻮﺋﯽ ﺑﮍﯼ ﺑﺎﺕ ﻧﮩﯿﮟ۔
ﺍﻧﺴﺎﻧﯽ ﺟﺎﻧﻮﮞ ﮐﯽ ﺍﺱ ﺍﺭﺯﺍﻧﯽ ﻣﯿﮟ ﮨﻤﺎﺭﯼ ﮐﮭﺎﻟﯿﮟ ﻣﻮﭨﯽ ﮨﻮﺗﯽ ﺟﺎﺭﮨﯽ ﮨﯿﮟ ﮐﮧ ﻧﻨﮭﮯ ﺑﭽﻮﮞ ﮐﮯ ﯾﻮﮞ ﭘﻠﮏ ﺟﮭﭙﮑﺘﮯ ﺭﻭﻧﺪﮮ ﺟﺎﻧﮯ ﮐﯽ ﺧﺒﺮ ﮐﺎ ﮨﻢ ﭘﺮ ﺍﺛﺮ ﺑﻨﺪ ﮨﻮﮔﯿﺎ؟ ﺯﻧﺪﮔﯽ ﮐﯽ ﺑﮯ ﻗﺪﺭﯼ ﺳﯽ ﺑﮯ ﻗﺪﺭﯼ ﮨﮯ۔ ﻣﻮﺕ ﺍٓﺯﺍﺩﺍﻧﮧ ﻣﺤﻮ ﺭﻗﺺ ﮨﮯ ﺍﻭﺭ ﺳﻨﻨﮯ ﻣﯿﮟ ﯾﮧ ﺍٓﺭﮨﺎ ﮨﮯ ﮐﮧ ﯾﮧ ﺗﻮ ﺭﻭﺯ ﮐﺎ ﻗﺼﮧ ﮨﮯ۔ﺳﭻ ﺗﻮ ﯾﮧ ﮨﮯ ﮐﮧ ﺳﮍﮎ ﮐﺎ ﺣﺎﺩﺛﮧ ﮨﯽ ﻧﮩﯿﮟ، ﮨﺰﺍﺭ ﻃﺮﺡ ﮐﮯ ﺟﺮﺍﺋﻢ ﺍﻭﺭ ﻭﺍﻗﻌﺎﺕ ﻣﯿﮟ ﻟﻮﮒ ﻣﮑﮭﯽ ﻣﭽﮭﺮ ﮐﯽ ﻃﺮﺡ ﻣﻮﺕ ﮐﮯ ﮔﮭﺎﭦ ﺍﺗﺮ ﺭﮨﮯ ﮨﯿﮟ ﺍﻭﺭ ﺧﺒﺮ ﻧﺎﻣﮧ ﺍﻥ ﮐﮯ ﺣﻖ ﻣﯿﮟ ﺍﯾﮏ ﺗﯿﺰﯼ ﺳﮯ ﭘﮍﮬﮯ ﺟﺎﻧﮯ ﻭﺍﻟﮯ ﺟﻤﻠﮯ ﺳﮯ ﺯﯾﺎﺩﮦ ﮐﺎ ﻣﺘﺤﻤﻞ ﻧﮩﯿﮟ ﮨﻮ ﺳﮑﺘﺎ۔ﺣﺴّﺎﺱ ﺍٓﻧﮑﮭﯿﮟ ﻣﯿﭻ ﻟﯿﮟ، ﮐﺎﻧﻮﮞ ﻣﯿﮟ ﺭﻭﺋﯽ ﭨﮭﻮﻧﺲ ﻟﯿﮟ، ﮐﮩﯿﮟ ﻣﻨﮧ ﻧﯿﻮﮌﮬﺎ ﮐﺮ ﭘﮍ ﺭﮨﯿﮟ، ﮐﯿﺎ ﮐﺮﯾﮟ؟ ﺍﺱ ﮐﺎ ﺟﻮﺍﺏ ﮐﺴﯽ ﮐﮯ ﭘﺎﺱ ﻧﮩﯿﮟ۔
ﮨﻤﺎﺭﮮ ﺍﯾﮏ ﺩﻭﺳﺖ ﺗﮭﮯ ، ﺍﻧﮩﯿﮟ ﺩﻝ ﮐﺎ ﻋﺎﺭﺿﮧ ﺗﮭﺎ۔ ﮈﺍﮐﭩﺮﻭﮞ ﻧﮯ ﺍﻧﮩﯿﮟ ﺣﮑﻢ ﺩﯾﺎ ﮐﮧ ﺍﺧﺒﺎﺭ ﭘﮍﮬﻨﺎ ﭼﮭﻮﮌ ﺩﯾﮟ۔ﻣﮕﺮ ﺍﺧﺒﺎﺭ ﺗﻨﮩﺎ ﻗﺼﻮﺭ ﻭﺍﺭ ﻧﮩﯿﮟ، ﺍﺏ ﺗﻮ ﺍٓﭖ ﭼﺎﮨﯿﮟ ﮐﮧ ﮔﮭﺮ ﻣﯿﮟ ﮐﻮﺋﯽ ﺍﯾﺴﺎ ﮔﻮﺷﮧ ﻣﻞ ﺟﺎﺋﮯ ﺟﮩﺎﮞ ﺧﺒﺮﯾﮟ ﻧﮧ ﭘﮩﻨﭽﺘﯽ ﮨﻮﮞ ﺗﻮ ﻧﺎﻣﻤﮑﻦ ﮨﮯ ۔ ﺍﮔﺮ ﯾﮧ ﺧﺒﺮﮨﯽ ﺩﻝ ﮐﻮ ﺩﮐﮫ ﺩﯾﺘﯽ ﮨﮯ ﺗﻮ ﺑﻘﻮﻝ ﺷﺎﻋﺮ ’ ﮐﺮ ﺩﺋﯿﮯ ﺍﺱ ﻧﮯ ﮔﮭﺮ ﮐﮯ ﮔﮭﺮ ﺧﺎﻟﯽ ‘ ۔
ﺍﻣﺮﯾﮑﮧ ﻣﯿﮟ ﺍﯾﮏ ﻧﮩﺘّﮯ ﺳﯿﺎﮦ ﻓﺎﻡ ﮐﻮﮔﻮﺭﮮ ﭘﻮﻟﯿﺲ ﻭﺍﻟﮯ ﻧﮯ ﮨﺘﮭﮑﮍﯼ ﭘﮩﻨﺎﻧﮯ ﮐﮯ ﻟﺌﮯ ﮔﮭﭩﻨﮯ ﮐﮯ ﻧﯿﭽﮯ ﺍﺗﻨﺎ ﺩﺑﺎﯾﺎ ﮐﮧ ﻭﮦ ﺩﮐﮭﯿﺎ ﯾﮧ ﮐﮩﺘﮯ ﮐﮩﺘﮯ ﻣﺮﮔﯿﺎ ﮐﮧ ﻣﯿﺮﺍ ﺩﻡ ﮔﮭُﭧ ﺭﮨﺎ ﮨﮯ۔ﺍﻭﺭ ﺍﺱ ﺟﺎﮞ ﮐﻨﯽ ﮐﮯ ﻋﺎﻟﻢ ﻣﯿﮟ ﺍﺱ ﻧﮯ ﻣﺎﮞ ﮐﻮﭘﮑﺎﺭﺍ۔ﺍﺏ ﺣﺎﻝ ﯾﮧ ﮨﮯ ﮐﮧ ﺍﻣﺮﯾﮑﯽ ﻧﻈﺎﻡِ ﺍﻧﺼﺎﻑ ﮐﺎ ﺗﺎﺭﯾﺨﯽ ﻣﻘﺪﻣﮧ ﭼﻞ ﺭﮨﺎ ﮨﮯ ﺍﻭﺭ ﺳﺎﺭﯼ ﺩﻧﯿﺎ ﺍﺱ ﻇﻠﻢ ﮐﮯ ﺧﻼﻑ ﺍٓﻭﺍﺯ ﺍﭨﮭﺎ ﺭﮨﯽ ﮨﮯ۔
ﻟﻨﺪﻥ ﻣﯿﮟ ﺍﯾﮏ ﻋﻮﺭﺕ ﺷﮩﺮ ﮐﮯﺍﯾﮏ ﭘﺎﺭﮎ ﺳﮯ ﭘﯿﺪﻝ ﮔﺰﺭ ﺭﮨﯽ ﺗﮭﯽ۔ ﺍﯾﮏ ﺷﺨﺺ ﻧﮯ ﺍﺳﮯ ﺍﻏﻮﺍ ﮐﺮﮐﮯ ﺍﻭﺭ ﮐﮩﯿﮟ ﺩﻭﺭ ﻟﮯ ﺟﺎﮐﺮ ﻗﺘﻞ ﮐﺮﺩﯾﺎ۔ ﭘﻮﻟﯿﺲ ﻧﮯ ﺳﺎﺭﺍ ﻋﻼﻗﮧ ﭼﮭﺎﻥ ﻣﺎﺭﺍ ،ﺟﻨﮕﻠﻮﮞ، ﺩﺭﺧﺘﻮﮞ ﺍﻭﺭ ﺟﮭﺎﮌﯾﻮﮞ ﻣﯿﮟ ﮈﮬﻮﻧﮉﺍ ﺍﻭﺭ ﺟﺐ ﺗﮏ ﺧﺎﺗﻮﻥ ﮐﯽ ﻻﺵ ﻧﮩﯿﮟ ﻣﻠﯽ ﺍﻭ ﺭﻣﺠﺮ ﻡ ﭘﮑﮍﺍ ﻧﮩﯿﮟ ﮔﯿﺎ، ﮐﻮﺋﯽ ﭼﯿﻦ ﺳﮯ ﻧﮧ ﺑﯿﭩﮭﺎ۔ﯾﮧ ﺗﻮ ﮨﻮﺋﯽ ﺍﯾﮏ ﺟﺮﻡ ﮐﯽ ﺑﺎﺕ ۔ﺍﺱ ﮐﮯ ﺑﻌﺪ ﭘﻮﺭﮮ ﻣﻠﮏ ﻣﯿﮟ ﯾﮧ ﺍٓﻭﺍﺯ ﺍﭨﮭﯽ ﮐﮧ ﻋﻮﺭﺕ ﻣﺤﻔﻮﻅ ﮐﯿﻮﮞ ﻧﮩﯿﮟ ﮨﮯ۔ ﺍﺣﺘﺠﺎﺝ ﮐﯽ ﺍٓﻭﺍﺯ ﺑﻠﻨﺪ ﮐﺮﻧﮯ ﮐﮯ ﻟﺌﮯ ﺧﻮﺍﺗﯿﻦ ﺑﺎﮨﺮ ﻧﮑﻞ ﺍٓﺋﯿﮟ۔
ﺣﮑﻮﻣﺖ ﺍﻥ ﺳﮯ ﮐﮩﺘﯽ ﺭﮨﯽ ﮐﮧ ﺯﯾﺎﺩﮦ ﻣﺠﻤﻊ ﻟﮕﺎﻧﮯ ﺳﮯ ﮐﻮﺭﻭﻧﺎ ﭘﮭﯿﻠﮯ ﮔﺎ۔ ﺧﻮﺍﺗﯿﻦ ﻧﮯ ﺳﻨﯽ ﺍﻥ ﺳﻨﯽ ﮐﺮﺩﯼ۔ ﺍﺱ ﭘﺮ ﭘﻮﻟﯿﺲ ﻧﮯ ﻣﻘﺘﻮﻟﮧ ﮐﺎ ﺳﻮﮒ ﻣﻨﺎﻧﮯ ﻭﺍﻟﯽ ﻋﻮﺭﺗﻮﮞ ﮐﻮ ﮔﺮﻓﺘﺎﺭ ﮐﺮﻧﮯ ﮐﮯ ﻟﺌﮯ ﺍﻥ ﮐﮯ ﺳﺎﺗﮫ ﮨﺎﺗﮭﺎ ﭘﺎﺋﯽ ﮐﯽ۔ ﻭﮦ ﺳﺎﺭﺍ ﻣﻨﻈﺮ ﭨﯿﻠﯽ ﻭﯾﮋﻥ ﭘﺮ ﺩﯾﮑﮭﺎ ﮔﯿﺎ۔ ﺍﺏ ﭘﻮﻟﯿﺲ ﻭﺍﻟﻮﮞ ﮐﯽ ﺧﯿﺮ ﻧﮩﯿﮟ۔
ﮨﻢ ﺟﻮ ﯾﮧ ﻧﻌﺮﮦ ﻟﮕﺎ ﮐﺮ ﺍﭨﮭﮯ ﮨﯿﮟ ﮐﮧ ﺍﯾﮏ ﻓﺮﺩ ﮐﯽ ﮨﻼﮐﺖ ،ﺍﯾﮏ ﻣﻌﺎﺷﺮﮮ ﮐﯽ ﮨﻼﮐﺖ ﮨﮯ ، ﮨﻤﺎﺭﺍ ﯾﮧ ﭘﯿﻤﺎﻧﮧ ﻓﻀﺎﻭٔﮞ ﻣﯿﮟ ﮐﮩﯿﮟ ﺗﺤﻠﯿﻞ ﮨﻮ ﭼﻼ ﮨﮯ۔ ﺍﯾﮏ ﭨﺮﯾﻔﮏ ﮨﯽ ﻣﯿﮟ ﻧﮩﯿﮟ، ﻣﻠﮏ ﮐﮯ ﮨﺮ ﮐﻮﻧﮯ ﮐﮭﺪﺭﮮ ﻣﯿﮟ ﻟﻮﮒ ﯾﻮﮞ ﮨﻼﮎ ﮨﻮ ﺭﮨﮯ ﮨﯿﮟ ﮐﮧ ﮨﻢ ﻧﮯ ﺷﻤﺎﺭ ﮐﺮﻧﺎ ﮨﯽ ﭼﮭﻮﮌ ﺩﯾﺎ ﮨﮯ۔
ﺍﻧﺴﺎﻧﯽ ﺟﺎﻥ ﮐﺘﻨﯽ ﮔﺮﺍﮞ ﮨﻮﺗﯽ ﮨﮯ، ﺟﺐ ﺗﮏ ﺧﻮﺩ ﮨﻤﺎﺭﯼ ﺟﺎﻥ ﭘﺮ ﻧﮧ ﺑﻨﮯ، ﮨﻢ ﭘﺮ ﺍﻥ ﻭﺍﻗﻌﺎﺕ ﮐﺎ ﺍﺛﺮ ﻧﮩﯿﮟ ﮨﻮﺗﺎ۔ ﺑﺮﻃﺎﻧﯿﮧ ﻣﯿﮟ ﮐﻮﺭﻭﻧﺎ ﺳﮯ ﺗﮍﭖ ﺗﮍﭖ ﮐﺮ ﺟﺎﻥ ﺩﯾﻨﮯ ﻭﺍﻟﮯ ﺍﯾﮏ ﺷﺨﺺ ﻧﮯ ﻭﺻﯿﺖ ﮐﯽ ﮐﮧ ﺍﺱ ﮐﮯ ﻣﺮﻧﮯ ﮐﺎ ﻣﻨﻈﺮ ﭨﯽ ﻭﯼ ﭘﺮ ﺩﮐﮭﺎﯾﺎ ﺟﺎﺋﮯ ﺗﺎﮐﮧ ﻟﻮﮔﻮﮞ ﮐﻮ ﻋﺒﺮﺕ ﮨﻮ۔ﻣﻄﻠﺐ ﯾﮧ ﮐﮧ ﯾﮧ ﺑﺎﺕ ﭘﯿﺎﺭ ﻣﺤﺒﺖ ﺳﮯ ﺍﻭﺭ ﺍٓﮨﺴﺘﮕﯽ ﺳﮯ ﻧﮩﯿﮟ ﺳﻤﺠﮭﺎﺋﯽ ﺟﺎ ﺳﮑﺘﯽ۔ﺗﻮ ﭘﮭﺮ ﮐﯿﺎ ﮐﺮﯾﮟ۔ﭼﭗ ﮨﻮ ﺭﮨﯿﮟ؟ ﯾﺎ ﮐﭽﮫ ﮐﺮﯾﮟ؟۔
ﺑﮩﺘﺮ ﯾﮩﯽ ﮨﮯ ﮐﮧ ﮐﭽﮫ ﮐﺮﯾﮟ۔
بشکریہ جیو نیوز
