پاکستان کی پہلی  مقامی تیار کردہ الیکٹرک موٹرسائیکل

اس الیکٹرک بائیک کو جولٹا الیکٹرک نامی کمپنی نے تیار کیا ہے جس کی جانب سے متعدد ماحول دوست بائیکس کو بتدریج متعارف کرائے جانے کا منصوبہ ہے. جس کے بعد صارفین کو بائیکس کے مختلف ماڈلز جے ای 70، جے ای 70 ایل، جے ای 70 ڈی، جے ای 100 ایل، جے ای 125 ایل، جے ای اسکوٹی اور جے ای اسپورٹس بائیک دستیاب ہوں گے

ان سارے ماڈلز کی رفتار بھی مختلف ہوگی، جو دس سے ساٹھ کلومیٹر فی گھنٹہ ہوگی اور فل چارج بیٹری پر ساٹھ سے ایک سو کلومیٹر کا فاصلہ طے کرسکیں گے

فی الحال کمپنی کی طرف سے ایک ای بائیک جے ای 70 کو متعارف کرایا گیا ہے، جس کے بارے میں کمپنی کا کہنا ہے کہ یہ ماحول دوست، ایندھن فری، اسموک فری، بے آواز اور آلودگی نہیں پھیلائے گی

یعنی یہ موٹرسائیکل ایندھن بچانے کے لیے بہترین ہے اور اسے خاص طور پر پاکستانی صارفین کے لیے تیار کیا گیا ہے

کمپنی کی ویب سائٹ کے مطابق جے ای 70 ایک مکمل چارج بیٹری پر ٹوٹل 80 کلومیٹر کا فاصلہ طے کرسکے گی

جبکہ ہموار سڑک پر اس کی زیادہ سے زیادہ رفتار 60 کلومیٹر فی گھنٹہ ہوگی جبکہ غیرہموار روڈ پر  فی گھنٹہ رفتار کم ہوگی

اس میں 20 اے ایچ کی پاور بیٹری ہوگی، جبکہ موٹر پاور ایک ہزار واٹ ہے

موٹرسائیکل کی بیٹری رات بھر میں چارج ہوسکے گی اور اس دوران بجلی کا ڈیڑھ یونٹ خرچ ہوگا

کمپنی کا کہنا ہے کہ بائیک میں کلچ اور گیئرز نہیں جبکہ زیادہ مینٹینیس کی بھی ضرورت نہیں

پاکستان میں اس ای بائیک کو پاکستان الیکٹروک وہیکل پالیسی 2020۔2025 کے تحت متعارف کرایا گیا ہے

فی الحال اس موٹرسائیکل کی قیمت کا کوئی باضابطہ اعلان تو نہیں کیا گیا مگر امکان ہے کہ  قیمت 80 سے 90 ہزار روپے کے درمیان ہوگی.