سان فرانسسكو – انسٹاگرام اسٹوریز میں اب تک پندرہ سیکنڈ تک کی وڈیوز ہی دیکھی جا سکتی تھیں، لیکن ایک ماہ پہلے اعلان کے بعد اب انسٹاگرام پر ایک منٹ کی وڈیو پوسٹ کی جاسکتی ہے، جب کہ اسے لائیو بھی دکھایا جا سکتا ہے
انسٹاگرام کے اس اقدام کے بعد اب طویل وڈیو کو پندرہ سیکنڈ کے ٹکڑوں میں تقسیم کرنے کی ضرورت نہیں رہے گی اور انہیں اسٹوریز کے بہت سے فریم میں بھی چلایا جاسکے گا
واضح رہے کہ بعض صارفین نے گزشتہ ماہ خبر دی تھی کہ کچھ اکاؤنٹ پر ٹیسٹ کے لیے یہ آپشن کھولا گیا تھا، لیکن اب دو دن قبل باضابطہ طور پر اس کا اعلان کر دیا گیا ہے
انسٹاگرام نے کہا ہے کہ اس وقت بھی بعض افراد اسے ٹیسٹ کر رہے ہیں، جس کا مقصد یہ ہے کہ کسی تعطل کے بغیر لوگ وڈیو دیکھ سکیں اور مختلف سہولیات کے ساتھ انہیں پوسٹ کرسکیں
انسٹاگرام کے مطابق اس طرح لوگوں باسہولت انداز میں اپنا تخلیقی کام پیش کر سکیں گے
یاد رہے کہ گزشتہ سال بھی انسٹاگرام نے بہت سے آپشن پیش کئے تھے اور اب اس بار مزید سہولیات پیش کی گئی ہیں۔ اس کے باوجود انسٹاگرام کی مختلف سہولیات بہت بکھری ہوئی ہیں۔ ریلز الگ فیڈ میں آتی ہیں اور اسٹوری کا علیحدہ سیکشن ہوتا ہے۔ اب کمپنی ان تمام آپشن کو ایک ہی جگہ لانا چاہتی ہے
اگر دیکھا جائے تو یوٹیوب ہو یا انسٹاگرام، دونوں ہی کو ٹِک ٹاک نے تبدیلیوں پر مجبور کر دیا ہے۔ ٹک ٹاک نوجوانوں میں بہت مقبول ہے اور سے مقبولیت کےنئے ریکارڈ قائم کررہی ہے۔ تجزیہ کاروں کے مطابق انسٹاگرام بہت جلد اپنی مزید سہولیات کو بہتر اور سادہ بنانے کا ارادہ رکھتا ہے.
