کراچی – وزیراعظم عمران خان کے اپنے ٹوئٹر ہینڈل پر گلگت بلتستان کے علاقے خپلو میں موجود برفانی ”چیتے“ کی وڈیو شیئر کرنے کی دیر تھی، تاک میں بیٹھے سوشل میڈیا صارفین دلچسپ تبصرے کرنے پہنچ گئے
گزشتہ روز وزیر اعظم عمران خان نے وڈیو شیئر کرتے ہوئے لکھا کہ ”گلگت بلتستان میں خپلو کے مقام پر موجود برفانی چیتے کی ایک نایاب فوٹیج۔“
اس پر صارفین کو جملے کسنے کا سنہری موقع ہاتھ لگا مہنگائی سے تنگ صارفین نے اس کو بھی حکومت پر تنقید کا اچھا موقع جانتے ہوئے دل کی بھڑاس نکالنی شروع کردی
برکت خٹک نے طنز کرتے ہوئے لکھا ”اسی کے پیچھے تو تیس، چالیس ارب ڈالرز کی سیاحت نے آنا تھا، آپ نے مفت میں دکھا دیا۔“
محمد فاروق نے تبصرہ کرتے ہوئے لکھا ”وزیراعظم، کاش کسی روز آپ ملکی معیشت بہتر کرنے اور غربت کم کرنے کی نایاب وڈیو بھی شئیر کرسکیں!!!“
ایک اور صارف احمد مغل نے یوں تبصرہ کیا ”جناب خپلو سے نظر ہٹے تو ڈالر کا ریٹ بھی دیکھ لیجیے۔“
طارق نے وزیراعظم کی اس پوسٹ طنزیہ انداز میں انہی کا جملہ دہرا دیا ”یہ بھی چِلّا رہا ہے، اپ نے گھبرانا نہیں ہے!‘
صارف نوید اقبال نے شکوہ کرتے ہوئے مشورے بھی دے ڈالے ”بس آپ فوٹو گرافی کریں بے شک غریب مہنگائی سے مر جائے۔ خدا کے لیے اپنی نالاٸق ٹیم سے جان چھڑائیں اور کام کرنے والے آدمی ساتھ رکھیں، ابھی بھی وقت ہے مہنگائی کنٹرول کرنے پر توجہ دیں، باقی سب کچھ چھوڑ دیں۔“
ایک اور صارف اریشا نے لکھا ”چیتا خوراک کی تلاش میں ہے اتنی شدید برف باری میں جنگلی حیات کی خوراک کا انتظام کیسے ہوتا ہے؟“
جبکہ وقاص احمد نامی صارف نے وزیراعظم کی تصیح کرتے ہوئے لکھا ”یہ چیتا، نہیں تیندوا ہے۔“
