ارجنٹینا کے اسٹار فٹبالر لیونل میسی فیفا ورلڈ کپ جیتنے اور فیفا پلیئر آف دی ایئر 2022 کا ایوارڈ جیتنے کی خوشی میں فیفا ورلڈ کپ کی پوری ٹیم اور اسٹاف ممبران کو بیش قیمت تحائف دیے ہیں
برطانوی اخبار دی سن کی سیک رپورٹ میں بتایا گیا ہے کہ ارجنٹینی اسٹار لیونل میسی نے ساتھی کھلاڑیوں اور اسٹاف عملے کے ہر رکن کو چوبیس کیرٹ سونے کے بنے آئی فون تحفے میں دیے ہیں، جن کی تعداد پینتیس ہے
ان تمام آئی فونز کی قیمت جان کر آپ یقیناً حیران ہوئے بغیر نہیں رہ سکیں گے
دی سن کے مطابق ”میسی نے پینتیس سونے کے آئی فونز پر ایک لاکھ پچھتر ہزار پاؤنڈ خرچ کیے جو لگ بھگ پونے چھ کروڑ پاکستانی روپے بنتے ہیں“
خاص بات یہ ہے کہ ہر فون پر کھلاڑی کا نام، شرٹ نمبر اور ارجنٹائن کا لوگو کندہ ہے
دی سن کی رپورٹ کے مطابق لیونل میسی نے اپنی کامیابی کا جشن منانے کے لیے کچھ منفرد اور خاص کرنا چاہتے تھے
وہ کاروباری شخص بین لیونس کے ساتھ رابطے میں تھے اور میسی نے ان سے ملاقات کی اور دونوں نے مشاورت کے بعد خاص طور پر آئی فون ڈیزائن کیا
سونے کے آئی فون ڈیزائن کرنے والے کاروباری شخص اور آڈیزائن گولڈ کے سی ای او بین لیونس کا کہنا ہے کہ فیفا ورلڈکپ فائنل کے چند ماہ بعد میسی نے ان سے رابطہ کیا تھا
بین کا کہنا تھا ”میسی نے مجھ سے کہا کہ وہ ورلڈکپ کا جشن منانے کے لیے تمام کھلاڑیوں اور عملے کے لیے گھڑی جیسا معمولی تحفہ دینے کے بجائے خاص تحفہ دینا چاہتے ہیں، تو میں نے آئی فون پر تمام کھلاڑیوں کے نام اور ٹی شرٹ نمبر لکھنے/کندہ کرنے کی تجویز دی اور میسی کو میرا مشورہ بہت پسند آیا“
یاد رہے کہ دسمبر 2022ع میں قطر میں ہونے والے فٹبال ورلڈکپ کے فائنل میں ارجنٹینا نے فرانس کو سنسنی خیز مقابلے کے بعد پنالٹی شوٹ پر شکست دے کر تیسری بار عالمی چیمپئن بننے کا اعزاز حاصل کیا تھا
فٹبال کے عظیم ترین کھلاڑیوں میں سے ایک لیونل میسی ارجنٹائن کے لیے عالمی کپ اٹھانے کے اپنے دیرینہ خواب کو پورا کرنے کی سر توڑ کوششیں کی تھیں
دوسری جانب 28 فروری کو فرانس کے دارالحکومت پیرس میں فیفا ایوارڈ کی تقریب منعقد ہوئی، جس میں سال 2022ع کے بہترین کھلاڑیوں کو ایوارڈز دیے گئے
ارجنٹینا کے اسٹار فٹبالر لیونل میسی نے فرانسیسی فٹبالرز کریم بینزیما اور امباپے کو پیچھے چھوڑتے ہوئے ایک مرتبہ پھر فیفا پلیئر آف دی ایئر 2022ع کا ایوارڈ اپنے نام کیا تھا۔
