کسی خاص مضمون میں طلباء یا امیدواروں کے علم یا قابلیت کا تجزیہ کرنے اور قابلیت حاصل کرنے کے لیے ایک امتحان لیا جاتا ہے
امتحان دراصل کسی موضوع کا مشاہدہ، جائزہ لینے اور معائنہ کرنے یا اس کا مطالعہ کرنے کا ایک ذریعہ ہے اور اسے کسی خاص مضمون کے اسکالرز، ماہرین یا محققین کے ذریعے کرایا جاتا ہے۔ تاہم، آج کی دنیا میں، امتحانات کو طلبہ کی سمجھ بوجھ کا اندازہ لگانے کے لیے ایک آزمائش کے طور پر بیان کیا جاتا ہے
تاہم، امتحانات بہت سے لوگوں کے لیے خوفناک، پریشان کن اور دباؤ کا باعث ہیں۔ طلباء میں امتحانات کا خوف حقیقی ہے۔ طلباء، جنہیں کچھ مضامین پڑھنے اور سمجھنے میں دشواری ہوتی ہے، اور اعتماد کی کمی ہوتی ہے، وہ سب سے زیادہ ڈرتے ہیں۔ مزید یہ کہ والدین اور اساتذہ کی توقعات بھی دباؤ پیدا کرتی ہیں
یقیناً یہ امتحانات دیتے ہوئے آپ نے بھی اس شخص کو ضرور کوسا ہوگا، جس نے امتحانات کا یہ تصور متعارف کرایا۔۔ تو، کیا آپ جانتے ہیں کہ امتحانات کا تصور کس نے متعارف کرایا؟
اس شخص کا نامِ نامی ہے ہنری فشل۔۔ ایک امریکی تاجر، اور مخیر شخص، جس نے 19ویں صدی کے آخر میں امتحان کا تصور متعارف کرایا۔ امتحانات کے لیے مطالعہ کرنے کا تصور ایجاد کرنے کا سہرا بھی ہنری فشل کے پاس ہے
تاریخی ریکارڈ کے مطابق ہینری فشل کو ہی امتحانات کے تصور کا موجد خیال کیا جاتا ہے۔ ماہرین بھی ہنری فشل کو کریڈٹ دیتے ہیں، جو 1900 کی دہائی کے اوائل میں انڈیانا یونیورسٹی میں مذہبی علوم کے پروفیسر اور معیاری تشخیصات تیار کرنے کے ماہر تھے
اگر آپ کو اس شخص کے بارے میں کوئی شکایت ہے، جس نے زندگی کے کسی بھی موڑ پر امتحانات ایجاد کیے ہیں، اور آپ اس پر اپنا غصہ نکالنا چاہتے ہیں، تو یہ وہ شخص ہے، جس پر آپ الزام لگا سکتے ہیں!!
تاہم کچھ حلقے اس دعوے پر شک کا اظہار بھی کرتے ہیں کہ ہنری اے فشل ہی وہ شخص ہے، جس نے امتحانات ایجاد کیے تھے، چونکہ اس کے بارے میں معلومات کو واضح کرنے کی ضرورت ہے، اس لیے احتیاط کے ساتھ اس دعوے سے رجوع کرنے کا مشورہ بھی دیا جاتا ہے
مجموعی طور پر، یہ بات قابل ذکر ہے کہ امتحانات کی ایک طویل تاریخ ہے، جسے قدیم چین میں استعمال کیا گیا اور بعد میں مغربی دنیا میں متعارف کرایا گیا
پہلا امتحان چین میں منعقد ہوا اور اس طرح چین اس تصور کو اپنانے والا پہلا ملک بنا۔ چین میں منعقد ہونے والا پہلا امتحان امپیریل امتحان کے نام سے جانا جاتا تھا۔ حکومت میں کام کرنے کے لیے ہونہار طلبہ کا انتخاب کرنے کی غرض سے امپیریل امتحان لیا گیا
یہ نظام سوئی کے شہنشاہ یانگ کے دور میں چل رہا تھا۔ امتحان کا مقصد کسی موضوع کے بارے میں امیدوار کے علم کی جانچ کرنا تھا، جیسا کہ آج ہے
پوری تاریخ میں، مختلف قسم کے ٹیسٹ اور ٹیسٹنگ سسٹم موجود تھے جو غیر رسمی، غیر سرکاری اور غیر معیاری تھے۔ زبانی امتحانات بھی قدیم چین سمیت دنیا کے مختلف حصوں میں منعقد کیے جاتے تھے
قدیم چین میں شاہی امتحانی نظام: معیاری تحریری امتحانات کے نفاذ کا پتہ چین سے لگایا جا سکتا ہے، جہاں انہیں امپیریل امتحانات یا کیجو کہا جاتا تھا ۔ بیوروکریٹک امپیریل امتحانات کا تصور سوئی خاندان کے مختصر دور میں سال 605 کا ہے۔ ان سامراجی امتحانات نے اسکالر عہدیداروں کے انتخاب میں اہم کردار ادا کیا، جنہوں نے معاشرے کی ادبی اشرافیہ کی تشکیل کی۔
سول سروس کے امتحانات کا عروج: سرکاری ملازمین کے انتخاب کا جدید امتحانی نظام شاہی امتحانی نظام سے تیار ہوا۔ چین میرٹ کا نظام نافذ کرنے والا پہلا ملک تھا۔ 165 قبل مسیح میں چین نے ایک مسابقتی حکومتی امتحانی نظام قائم کیا، جو وسیع ہو گیا۔
اس وقت سے لے کر 1905 تک، جب سلطنت کا خاتمہ ہوا، عوامی عہدے کے لیے چینی درخواست دہندگان کی اکثریت کو اپنی صلاحیتوں کا مظاہرہ کرنے کے لیے ان میں سے ایک امتحان پاس کرنا ضروری تھا
بہرحال اس موضوع پر بات کرتے ہوئے کہ امتحان کس نے ایجاد کیا، تمام امتحانات کی تاریخ کو تلاش کرنا بھی ضروری ہے۔ امپیریل امتحان کے علاوہ، کچھ اور امتحانات بھی ہیں، جو دریافت کرنے کے قابل ہیں
سول سروسز کا امتحان: سنہ 1806 میں انگلستان کے اپنے امتحانات شروع کرنے کے فوراً بعد، سول سروسز کا امتحان ہندوستان میں اب بھی جاری ہوا، جس کا آغاز امیدواروں کو سول سروسز یا انتظامی عہدوں پر کام کرنے کے لیے ٹیسٹ کرنے کے لیے ہوا
کیمبرج اسسمینٹ: 19ویں صدی کے آخر میں ایک اور امتحان کا تعارف دیکھا گیا، جب انگلینڈ نے ملک میں ٹیسٹنگ کے عمل کو معیاری بنانے کے لیے آکسفورڈ اور کیمبرج جیسی یونیورسٹیوں سے رابطہ کیا۔ کیمبرج اسسمنٹ اصل میں اسکولوں میں داخلے کے لیے مرد طلبہ کے لیے تھی۔ 14 دسمبر، 1958 کو، اسکولوں اور گرجا گھروں میں طلباء کو کیمبرج کی پہلی تشخیص کا انتظام کیا گیا۔ ٹیسٹ کے مضامین میں انگریزی، ریاضی، تاریخ، لاطینی، جرمن، فرانسیسی، لاطینی، اور جغرافیہ شامل تھے
متحدہ ہندوستان، جو تقسیم کے بعد اب انڈیا اور پاکستان کہلاتا ہے، میں امتحانات کی ابتدا انگریزوں کے قبضے کے بعد ہوئی
انگریزوں کے ہندوستان پر قبضہ کرنے کے بعد، ایسٹ انڈیا کمپنی کے اہلکاروں نے سول سروس کے عہدوں پر بھرتی کرنے کے لیے نامزدگی حاصل کی۔ اسی دوران، لندن میں سول سروسز کا امتحان 1806 میں شروع ہوا۔ جیسے ہی ایسٹ انڈیا کمپنی نے تاج برطانیہ کو اقتدار سونپا، اسی طرح ہندوستان میں بھی امتحان کا اجراء ہوا۔ ہندوستانی ورژن، خاص طور پر، ہندوستانی سول سروسز امتحانات کے نام سے جانا جاتا تھا
ہندوستان میں ایسٹ انڈیا کمپنی اور بعد میں برطانوی سلطنت نے سول سروسز کا امتحان متعارف کرایا۔ امتحان نے کھلی ملازمت کے عہدوں کے لیے امیدواروں کو نامزد کرنے کے پہلے کے نظام کی جگہ لے لی۔ یہ امتحان، جیسا کہ آج بھی ہوتا ہے، سرکاری محکموں میں انتظامی عہدوں کے لیے امیدواروں کی خدمات حاصل کرنے کے لیے ہے۔
1853 میں، ہندوستان میں ایک اہم تبدیلی لائی گئی، جب امتحانات کو سرکاری ملازمین کے انتخاب کے نئے طریقہ کے طور پر متعارف کرایا گیا ۔ اس سے پہلے ایسٹ انڈیا کمپنی کے ڈائریکٹر نامزدگیوں کی بنیاد پر سرکاری ملازمین کا تقرر کرتے تھے۔ تاہم، انگلینڈ کی پارلیمنٹ کی طرف سے نامزدگی کے نظام کے خاتمے کے بعد، امتحانات انتخاب کے لیے نیا معمول بن گئے۔
یہ امتحانات لندن میں ہر سال منعقد کیے جاتے تھے، اور اس میں کامیابی حاصل کرنے کے لیے امیدواروں کو گھڑ سواری کا امتحان بھی پاس کرنا پڑتا تھا جو کہ امتحان کا لازمی حصہ ہے۔ ایسٹ انڈیا کمپنی کے زوال کے ساتھ ہی برٹش سول سروس وجود میں آئی اور اس نے ذمہ داریاں سنبھال لیں۔
اس عمل کو مزید موثر بنانے کے لیے سماجی اصلاحات متعارف کروائی گئیں جن میں پبلک سروس کمیشن اور ہاؤس آف کمیشن کی قرارداد کا نفاذ شامل ہے۔ اس سے ہندوستانی سول سروس کے امتحانات کا عروج ممکن ہوا۔
ترجمہ و ترتیب: امر گل
ماخذ: مختلف ویب سائٹس
