خلا میں تحقیق کے بعد پاکستانی ہربل بیجوں کی زمین پر واپسی۔۔ بیج خلائی سفر پر کیوں بھیجے جاتے ہیں؟

پاکستان میں مختلف اجناس کے ہائبرڈ بیجوں کو خلا میں بھیجا گیا تھا، جنہیں خلا میں مختلف تجربات سے گزارنے کے بعد دوبارہ زمین پر لایا گیا ہے۔ یقیناً یہ ایک تاریخی موقع ہے کہ جب خلا کی کم وزنی میں ان بیجوں پر مختلف تجربات انجام دیئے گئے ہیں

’چین پاکستان خلائی سائنس اور ٹیکنالوجی تعاون‘ کے عنوان سے منعقدہ ایک تقریب کے دوران چینی سفارت خانے کے سائنس کمشنر کاو چاو ہوا نے یہ بیج اور سرٹیفیکیشن ڈائریکٹر انٹرنیشنل سینٹر فار کیمیکل اینڈ بائیولوجیکل سائنسز آئی سی سی بی ایس پروفیسر اقبال چوہدری، پروفیسر لیو ژنمن ڈاکٹر یو اور پروفیسر ڈاکٹر عطیہ الوہاب کے حوالے کیے

پروفیسر ڈاکٹر لیو زن من اور ڈائریکٹر پروفیسر اقبال چوہدری نے پاکستانی بیجوں کو چینی فضائی حدود میں بھیجنے کا خیال پیش کیا اور جیسا کہ یہ خیال چینی سفارتخانے کے ساتھ شیئر کیا گیا، اس نے اسے عملی جامہ پہنانے کے لیے فوری عمل درآمد کیا۔ 5 جون کو، جڑی بوٹیوں کے بیجوں کو شینزو-14 انسان بردار خلائی جہاز کے ذریعے بیرونی خلا میں بھیجا گیا تھا، اور 04 دسمبر 2022 کو شینزو-14 خلاباز کے عملے کے ساتھ زمین پر واپس لایا گیا تھا

عالمی ادارہ برائے صحت کے چیف سائنٹسٹ اور روایتی ادویات پر ایڈوائزری پینل کے رکن پروفیسر ڈاکٹر لیو زنمن نے ادویاتی پودوں پر پاکستان اور چین کے باہمی تعاون کی اہمیت پر زور دیتے ہوئے کہا کہ بین الاقوامی مرکز برائے کیمیائی و حیاتیاتی علوم (آئی سی سی بی ایس) کراچی یونیورسٹی میں تیار شدہ پاکستانی ہربل بیجوں کا 22 جون کو خلا میں بھیجا جانا ایک تاریخی واقعہ ہے۔ خلا کے مختصر دوروں کے لیے ہائبرڈ بیج سائنسدانوں کو نئی اقسام تیار کرنے میں مدد فراہم کریں گے

بین الاقوامی مرکز برائے کیمیائی و حیاتیاتی علوم، کراچی یونیورسٹی میں سائنسدانوں سے گفتگو کرتے ہوئے چین کے معروف سائنسدان پروفیسر لیو زنمن نے چین روانگی سے قبل کہا کہ ہائبرڈ بیج نہ صرف نئی اقسام تیار کرنے میں سائنسدانوں کی مدد کرے گا بلکہ دنیا کی بڑھتی ہوئی آبادی کو غذا کی فراہمی، آب و ہوا میں تبدیلی اور لاعلاج امراض کے علاج کی دریافت میں بھی معاون و مددگار ثابت ہوگا

واضح رہے کہ چائنا مینڈ اسپیس ایجنسی (CMSA) نے گزشتہ سال جون میں پاکستانی ہربل بیج خلا میں بھیجے تھے اور چھ ماہ کی خلائی پرواز کے بعد دسمبر میں بحفاظت زمین پر واپس بھیج دیا تھا

پروفیسر لیو زنمن نے ”طبی پودوں پر چین پاکستان تعاون” کے بارے میں اپنی بصیرت کا اشتراک کرتے ہوئے کہا کہ چین اور پاکستان کے درمیان روایتی ادویات کی ایک طویل تاریخ ہے، چین میں روایتی چینی ادویات (TMC) اور پاکستان میں روایتی یونانی میڈیسن (TUM) ہے۔ لیو نے کہا کہ بڑی تعداد میں موثر ہربل ادویات نے دونوں ممالک کے لوگوں کی صحت کو برقرار رکھنے میں اہم کردار ادا کیا ہے

پروفیسر اقبال چوہدری نے کہا آج چین کی مدد سے پاکستان میں فلکیاتی سائنس کا آغاز ہو رہا ہے۔ ہم ان بیجوں پر بہت منظم تحقیق کریں گے اور مستقبل میں بھی اس خاص شعبے میں کام کریں گے، ہم نے روایتی چینی ادویات میں تعاون کیا ہے۔ مغربی چینی ادویات اسلامی ادویات عرف مشرقی ادویات یا یونانی ادویات کے بہت قریب ہیں

پاکستان میں چینی سفارت خانے کی چارج ڈی افیئرز پینگ چنکسو نے کہا کہ یہ پہلا پاکستانی بیج ہے، جسے خلا میں بھیجا گیا ہے۔ اس تجربے کو چین پاکستان کے باہمی تعاون اور دوستی کی تاریخ میں شمار کیا جائے گا۔ یہ ہمارے سائنس اور ٹیکنالوجی کے تعاون کا سنگ میل ہے، جو ہمارے دو طرفہ تعاون اور تعلقات کا ایک اہم حصہ ہے

بیج خلائی سفر پر کیوں بھیجے جاتے ہیں؟ میں کیا فرق ہے؟

ڈاکٹر عطیہ کا کہنا تھا کہ زمین پر ہم زمین کے مقناطیسی میدان اور گھنے ماحول کی وجہ سے زیادہ توانائی کی شعاعوں سے محفوظ رہتے ہیں لیکن مدار میں خلائی جہاز اور سیٹلائٹ مسلسل اس تابکاری کی زد میں رہتے ہیں۔ خلائی تابکاری اور مائیکرو گریوٹی اور بے وزن ہونے کی حالت نے بیجوں میں جینیاتی تغیرات کو جنم دیا، جو بے ترتیب لیکن ممکنہ طور پر مفید خصلتیں پیدا کر سکتے ہیں

سات بیج جن میں میتھی، حنا سیڈ، لینڈ کیلٹرپس (پنچر بیل)، ڈرم اسٹک ٹری، سرمائی چیری، نکیر بین اور لیونٹ کاٹن شامل ہیں۔ بیجوں کو منفرد حالات کا سامنا کرنا پڑا جو زمین پر لیبارٹری میں دوبارہ پیدا نہیں کیا جا سکتا.

انہوں نے کہا کہ ہم ان بیجوں کو اگائیں گے اور فائیٹو کیمیکل اسٹڈیز کا تجزیہ کریں گے اور پھر یہاں موجود بیجوں کا موازنہ کریں گے – آدھے بیج خلا میں بھیجے گئے تھے اور آدھے اسی بیج کو لیبارٹری میں رکھا گیا تھا۔ مزید یہ کہ پودوں کو تقابلی مقاصد کے لیے ایک ساتھ اگایا جائے گا اور ان کا تجزیہ بھی کیا جائے گا۔