نیوزی لینڈ : دنیا کی شفاف ترین جھیل نیوزی لینڈ کے ایک قومی پارک میں واقع ہے جو بلکل شیشے کی طرح ہے. اس جھیل کا پورا نام ’روٹومیری وینوا‘ ہے لیکن اسے ’نیلی جھیل‘ یا بلیو لیک بھی کہا جاتا ہے
میٹھے پانی والی یہ جھیل نیلسن لیکس نیشنل پارک میں موجود ہے جو گلیشیئر کی لینڈ سلائیڈ کی وجہ سے وجود میں آئی ۔ اس جھیل قریب ہی موجود جھیل کا پانی آتا رہتا ہے اور وہ جھیل بھی برفانی تودا گھلنے سے بنی ہے۔ دلچسپ بات یہ ہے کہ اس میں قدرتی طور پر فلٹر کا ایک نظام موجود ہے جو تمام ذرات کو روک لیتا ہے اور جھیل کا پانی شیشے کی طرح شفاف رہتا ہے
نیوزی لینڈ کے نیشنل انسٹی ٹیوٹ آف واٹر اینڈ ایٹماسفیئرک ریسرچ (این آئی ڈبلیو اے) کے سائنسدانوں نے اس جھیل کا تفصیلی مطالعہ کیا ہے۔ اس کے بعد پانی کو کسی کشید کردہ یا ڈسٹلڈ پانی کی طرح قرار دیا ہے جو بہت صاف دکھائی دیتا ہے۔ اس طرح یہ کرہِ ارض پرپانی کی سب سے شفاف جھیل بھی ہے
این آئی ڈبلیو اے کے ماہرِ آب روب میریلس نے سب سے پہلے اس جھیل پر تحقیقی کام کیا ہے۔ انہوں نے اسے دنیا کی سب سے شفاف جھیل کہا ہے اور اس پر کئی تجربات کئے ہیں اور دنیا کی کئی شفاف جھیلوں سے اس کا موازنہ بھی کیا ہے۔ اس کے لئے انہوں ںے ایک تجربہ بھی کیا ہے جس میں سیاہ رنگ کی ایک میٹر قطر کی طشتری کو ایک تیرتے ہوئے پیپے سے باندھ کر اسے پانی میں ڈبویا اور اسے جھیل میں دور تک لے جایا گیا۔ جس دوری پر یہ نظروں سے اوجھل ہوگئی اسے ہی شفافیت کا پیمانہ بنایا گیا تھا
تجربات سے معلوم ہوا کہ جھیل کے اندر کسی شے کو دور تک دیکھنے کی شرح 70 سے 80 میٹر ہے اور اسی بنا پر اسے سب سے صاف شفاف جھیل کہا گیا ہے
دوسری جانب اس میں پانی کا معیار بھی بہت عمدہ ہے۔ اس جھیل کے کنارے قدیم آبادی کا ایک قبیلہ رہتا ہے جسے ‘ماوری’ کہا جاتا ہے، جو جھیل میں کسی کو بھی قدم رکھنے کی اجازت نہیں دیتا، تاہم ایک واقعہ میں اس کی اجازت دی گئی تھی
2013ع میں ڈنمارک کے فوٹوگرافر اور ماہرِ ماحولیات کلاؤس تھائمان کو جھیل کی تصویریں لینے کے لیے اس قبیلے نے جھیل تک جانے کی خصوصی اجازت دے دی تھی اور اسی کے بعد جھیل کی خوبصورت تصاویر دنیا بھر میں پھیلی تھیں.
