آسٹریلوی ٹی ٹوئنٹی لیگ بگ بیش کے ایک میچ میں 139 رنز کے تعاقب میں سڈنی تھنڈر کا کوئی بلے باز ڈبل فگر میں نہ پہنچ سکا اور پوری ٹیم محض پندرہ رنز کے کم ترین مجموعی اسکور پر آؤٹ ہو گئی
ایڈیلیڈ اسٹرائیکرز نے جمعے کو پہلے بلے بازی کرتے ہوئے مقررہ بیس اوورز میں نو کھلاڑیوں کے نقصان پر 139 رنز بنائے
جواب میں سڈنی تھنڈر پاور پلے کے دوران ہی تمام وکٹیں کھو بیٹھی اور صرف پینتیس منٹوں میں اس کی اننگز کا خاتمہ ہو گیا
تھنڈر کے پانچ کھلاڑی صفر پر آؤٹ ہوئے، جبکہ سب سے بڑا اسکور برینڈن ڈوگیٹ نے دو گیندوں پر چار رنز کیا۔ رائلی روسو نے تین رنز بنائے
ایڈیلیڈ اسٹرائیکرز کے ہینری تھورٹون نے پانچ اور ویس اگر نے چار کھلاڑیوں کو آؤٹ کیا
ای ایس پی این کِر-انفو کے مطابق یہ ٹی ٹوئنٹی کرکٹ کی تاریخ کا سب سے کم اسکور ہے
اس سے قبل 2015ع میں میلبرن رینیگیڈز کی ٹیم 57 رنز پر آل آؤٹ ہوئی تھی
پوری ٹیم کے 35 گیندوں پر آؤٹ ہونے پر سوشل میڈیا پر دلچسپ تبصرے ہو رہے ہیں
جیمز نامی صارف نے طنز کرتے ہوئے ٹوئٹر پر لکھا کہ گھر پہنچنے پر 31 منٹس لگے اور اس دوران میچ ختم ہو گیا
ایک اور ٹوئٹر صارف نے لائن میں لگے لوگوں کی تصویر شیئر کر کے اسے سڈنی ٹھنڈر کے بلے بازوں سے تشبیہ دی
انڈین پریمئر لیگ میں سب سے کم رنز رائل چیلنجرز بنگلور نے بنائے تھے، جو دسویں اوور میں 49 رنز بنا کر آؤٹ ہو گئی تھی
سوشل میڈیا پر اس پرفارمنس کو اس سے جوڑ کر میمز بنائی جا رہی ہیں
ایک ٹوئٹر صارف نے آر سی بی کی تصویر شئیر کی اور لکھا کہ سڈنی ٹھنڈر نے آج رائل چیلنجرز بنگلور کے کم سکور کا ریکارڈ توڑ دیا۔
