ایپل آئی او ایس 15 میں نیا فوکس موڈ ترتیب دینے کا طریقہ

سلیکان ویلی : ایپل نے حال ہی میں اپنے آپرٹینگ سسٹم کے لیے جاری ہونے والی اپ ڈیٹ iOS 15 میں فوکس موڈ کے نام سے ایک نیا فیچر متعارف کروایا ہے

اس فیچر میں ‘ڈو ناٹ ڈسٹرب’ موڈ کو زیادہ فعال اور بہتر بنایا گیا ہے۔ دراصل ایپل نے پرانے DND موڈ کو مزید بہتر بناتے ہوئے کچھ نئے فیچر شامل کیے ہیں جس میں کالز اور میسیجز کے لیے فلٹر کی تخلیق اور آپ کی عدم دستیابی کی صورت میں خود کار اور متعدد کسٹومائزیشن کے ساتھ آٹو ریپلائی کا فیچر بھی شامل ہے

فوکس موڈ میں استمال کنندگان کو زیادہ سہولیات دی گئی ہیں، تاکہ وہ زیادہ آسانی اور سہولت سے اپنے’ڈو ناٹ ڈسٹرب‘ موڈ کو ترتیب دے سکیں

یہ فوکس موڈ ایپل میک، ایپل گھڑی اور آئی پیڈ پر بھی یکساں کام کرے گا، یہاں ہم سنگت میگ کے قارئین کے لیے فوکس موڈ کے کام کرنے اور اسے ترتیب دینے کے طریقے کے حوالے سے اہم معلومات پیش کر رہے ہیں

▪️فوکس موڈ کو iOS 15 میں کیسے ترتیب دیا جائے؟

سب سے پہلے اپنے آئی فون یا آئی پیڈ میں iOS 15 اپ ڈیٹ کو یقینی بنائیں، پھر ’سیٹنگز ایپ‘ میں جا کر ’ Focus‘ آپشن منتخب کریں۔ یہاں آپ کو پہلے سے موجود کچھ آپشن دکھائی دیں گے۔ جن میں ڈو ناٹ ڈسٹرب، ڈرائیونگ، سلیپ اور ورک شامل ہیں۔ ان آپشنز کے ساتھ ہی سیدھی طرف ’+‘ بٹن دکھائی دے گا۔ ’+‘ بٹن پر ٹچ کرکے آپ کسٹم (اپنی مرضی کے مطابق) فوکس موڈ تخلیق کر سکتے ہیں

اس کے بعد Share Across Devices کے آپشن پر جائیں ، جو اس کے نیچے ہی موجود ہے۔ جس میں آپ کو Focus Status اور Phone Calls کے مزید آپشن دکھائی دیں گے، جن کے ذریعے آپ اس بات کا تعین کرسکتے ہیں کہ کس ایپلیکیشن کو فوکس موڈ تک رسائی دینی چاہیئے اور فوکس موڈ فعال ہوتے ہوئے کالز کو کس طرح مینیج کرنا ہے

’+‘ بٹن پر ٹیپ کر کے آپ فٹنیس، گیمنگ، مائند فُلنیس اور ریڈنگ کے آپشن دیکھ سکتے ہیں۔ یہاں سے آپ انہیں فوکس موڈ فہرست میں شامل کرکے کسٹومائز کر سکتے ہیں

▪️کسٹم فوکس موڈ تخلیق کرنا

کسٹم فوکس موڈ تخلیق کرنے کے لیے ’+‘ بٹن ٹیپ کر کے Custom کو منتخب کریں۔ اس کے بعد اسے کوئی نام دے کر رنگ اور آئیکون منتخب کریں۔ اس کے بعد آپ کو اپنی فون بک میں موجود ان افراد کو منتخب کرنا ہے، جنہیں آپ چاہتے ہوں کہ وہ فوکس موڈ آن ہوتے ہوئے بھی آپ کے نوٹیفیکیشن موصول کر سکیں

آپ Calls From کا آپشن منتخب کریں اور دیے گئے آپشنز ایوری ون، نو ون، فیوریٹس اور آ ل کانٹیکس میں سے کسی ایک کو منتخب کریں۔ اور پھر Allow بٹن پر ٹیپ کردیں۔ اور اگر آپ کسی کو Allow نہیں کرنا چاہتے تو پھر Allow None بٹن پر ٹیپ کر دیں

اگلے مرحلے میں آپ کو اس ایپ کو منتخب کرنے کی ضرورت ہے، جسے آپ نوٹیفیکیشن ظاہر کرنے کی اجازت دینا چاہتے ہیں۔ دی گئی فہرست سے ایپس کو ایڈ کرنے کے لیے ’+‘ بٹن پر ٹیپ کریں، آپ Time Sensitive آپشن کو فعال کرکے Allow بٹن پر ٹیپ کر سکتے ہیں۔ کانٹیکٹ نوٹیفیکیشن کی طرح یہاں بھی آپ کسی بھی ایپ کو نوٹیفکیشن Allow نہ کرنے کا آپشن منتخب کر سکتے ہیں

اس طرح یہ سیٹنگز مکمل کرنے کے بعد آپ کا فوکس موڈ تیار ہوجائے گا.

سائنس و ٹیکنالوجی کی خبریں: