بلوم فیلڈ، آسٹریلیا : آسٹریلیا کے کچھ انتہائی خوبصورت قدرتی مقامات کو قدیم قبائل کی ملکیت میں واپس کر دیا گیا ہے، جن میں کوئنزلینڈ اور ڈینٹری رین فاریسٹ شامل ہیں.
160،000 ہیکٹر سے زائد رقبے کا انتظام اب کوئنزلینڈ حکومت اور مشرقی کوکو یلانجی کے قدیمی قبیلے سے تعلق رکھنے والے لوگوں کے تعاون سے چلایا جائے گا، جو یہاں کے قدیم مقامی مالکان تھے.
اس سلسلے میں بلوم فیلڈ قصبے میں گذشتہ ہفتے ایک سرکاری تقریب منعقد ہوئی.
وزیر برائے ماحولیات اور گریٹ بیریئر ریف میگھن سکینلون نے ٹویٹر پر لکھا ہے کہ
"ان کی ثقافت قدیم زندہ ثقافتوں میں سے ایک ہے اور ہم اس علاقے پر ان کا حق تسلیم کرتے ہیں اور انہیں دوبارہ اس کا مالک بنا رہے ہیں”
کریسی گرانٹ، جو گزشتہ چار سالوں سے کوکو یالانجی مذاکراتی کمیٹی کی رکن ہیں، کا کہنا ہے کہ ہمارا مقصد اپنے مشرقی کوکو یالانجی باما (لوگوں) کے لیے قابل اعتماد اور قابل لوگوں کو راستے اور مواقع فراہم کرنے کے لیے ایک بنیاد قائم کرنا ہے، تاکہ ہم وسیع پیمانے پر ہنر مند تجارتوں ، زمینوں، سمندری انتظام ، مہمان نوازی ، سیاحت اور تحقیق کے میدان میں مشرقی کوکو یالانجی باما (لوگوں) کو شامل کر سکیں، جو یہاں کے قدیمی اور حقیقی مالکان ہیں.
واضح رہے کہ ڈینٹری ، ایک نشیبی بارانی جنگل ہے، جو دنیا کے قدیم ترین جنگلات میں سے ایک سمجھا جاتا ہے ، یہ کیرنز کے سیاحتی مرکز سے تقریبا 125 کلومیٹر (78 میل) شمال میں واقع ہے جو گریٹ بیریئر ریف کی سرحد ہے۔ یہ کوئنز لینڈ یونیسکو عالمی ثقافتی ورثہ کی سائٹ ٹراپیکل ویٹ کا حصہ ہے.
1988 میں جب اسے اس اعزاز سے نوازا گیا ، یونیسکو نے لکھا تھا کہ "یہ حیرت انگیز طور پر خوبصورت علاقہ اپنی بھرپور اور منفرد جنگلی حیات اور ہمہ اقسام درختوں اور پودوں کی وجہ سے انتہائی اہمیت کا حامل ہے۔”
ڈینٹری کا یہ علاقہ نایاب پودوں اور جانوروں کی ایک بڑی تعداد کا گھر ہے ، بشمول بینیٹ کے درخت کینگرو ، جنوبی کیسووری ، آبشار کا مینڈک اور ٹیوب ناک والے کیڑے مار بیٹ۔ ان درختوں اور جنگلی حیات کی بہت سی اقسام دنیا میں اور کہیں بھی نہیں پائی جاتیں.
آسٹریلوی رضاکار تنظیم رین فاریسٹ ریسکیو کے مطابق ، ہماری توجہ ماحولیاتی تحفظ پر مرکوز ہے ، ڈینٹری آسٹریلیا کی تیس فیصد تھیلی دار اور بیس فیصد رینگنے والی جنگلی حیات کا گھر ہے.
طویل عرصے کے بعد یہ دوسرا موقع ہے کہ کوئینز لینڈ کی ریاستی حکومت نے قدیمی مقامی قبائل کو دوبارہ اس علاقے کا مالک بناتے ہوئے یہاں کا نگراں تسلیم کیا ہے.
پچھلے ہفتے ، اس جگہ کو جو پہلے فریزر آئی لینڈ کے نام سے جانی جاتی تھی ، باضابطہ طور پر اس کے روایتی نام K’Gari پر بحال کیا گیا ہے ، جس کا مطلب مقامی بٹچولہ زبان میں "جنت” ہے۔ یہ تقریب روایتی بٹچولہ تمباکو نوشی کی رسم کے ساتھ منعقد کی گئی.
