کراچی : ترجمان دفتر صوبائی الیکشن کمشنر سندھ کی جانب سے جاری کردہ اعلامیے میں کہا گیا ہے کہ الیکشن کمیشن آف پاکستان نے انتخابات 2023ع کے لئے انتخابی فہرستوں کو اپ ڈیٹ کرنے کے لئے 7 نومبر 2021ع سے 6 دسمبر 2021ع تک گھر گھر جاکر ووٹرز کی تصدیق کاعمل شروع کر دیا گیا ہے
اعلامیے کے مطابق 7 دسمبر 2021ع سے 5 جنوری 2022ع تک ڈیٹا انٹری کا عمل مکمل کیا جائے گا اور 6 جنوری 2022ع سے 25 جنوری 2022ع تک غیر حتمی انتخابی فہرستوں کی چھپائی مکمل کی جائے گی
جس کے بعد الیکشن ایکٹ 2017ع کے سیکشن 28 کے تحت ابتدائی فہرستوں پر اعتراضات، درستگی ضلعی سطح پر اشاعت کی جائے گی
انتخابی فہرستوں کی نظرثانی کے عمل کے لئے صوبے بھر میں ابتدائی طور پر 15 ہزار 326 تصدیق کنندگان 3 ہزار 891 سپروائز اور 414 اسسٹنٹ رجسٹریشن افسران اور 125 نظرثانی افسران کو مقرر کیا گیا ہے
جبکہ اعتراضات، درستگی اور اندراج کے لئے صوبے بھر 3 ہزار 609 ڈسپلے سینٹرز قائم کئے گئے ہیں اور تحصیل سطح پر صوبے بھر میں نظرثانی اتھارٹیز افسران کو تعینات کیا گیا ہے
نظرثانی کا عمل مکمل ہونے کے بعد حتمی انتخابی فہرستوں کی اشاعت کا عمل 24 مارچ 2022ع سے 12 اپریل 2022ع تک مکمل کیا جائے گا اور حتمی انتخابی فہرست 13 اپریل 2022ع کو شائع کی جائے گی.
