سماترا – آپ کو یقیناً یاد ہوگا کہ چند برس پہلے ایک بہت صحت مند دوسالہ بچے کی وڈیو اور تصاویر دنیا بھر کے سوشل میڈیا پر وائرل ہوتی رہیں، جن میں وہ نہایت ماہرانہ انداز میں سگریٹ پیتا نظر آرہا تھا، اب سات برس کی عمر میں سگریٹ کے اس موالی بچے نے اپنی اس بری عادت سے جان چھڑالی ہے
انڈونیشیا کے علاقے سماٹرا میں پیدا ہونے والا آردی رضال جب محض دو برس کا تھا، تو اسے سگریٹ کی لت لگ گئی تھی۔ یہاں تک کہ وہ لوگوں سے سگریٹ مانگ کر پیتے رہا اور اس کے والدین بھی اس سے پریشان تھے
اب، 2017 میں شروع ہونے والی اس تباہ کن عادت سے وہ منہ موڑ چکا ہے اور اس نے نہ صرف وزن کم کر لیا ہے، بلکہ بہت تندرست بھی دکھائی دیتا ہے
واضح رہے کہ آردی رضال دو سے تین سال کی عمر میں تمباکونوشی کے ساتھ ساتھ روزانہ کئی لیٹر چکنائی بھرا دودھ پینے کی عادت کا بھی شکار ہو گیا تھا، جس سے اس کا وزن کافی بڑھ گیا تھا
آردی نے بتایا کہ سگریٹ کی شدید طلب میں نشہ پورا نہ ہونے پر اس کا منہ کڑوا ہوجاتا تھا اور سر چکرانے لگتا تھا
وہ کہتا ہے”اب میں خوش ہوں اور مجھے تازگی کا احساس ہوتا ہے“
اس کی والدہ بتاتی ہیں کہ اٹھارہ ماہ کی عمر میں اس کے والد نے پہلا سگریٹ اسے دیا، لیکن اس کی طلب بڑھتی گئی۔ یہاں تک کہ تمباکونوشی نہ کرنے کی وجہ سے وہ دیواروں پر سر ٹکرانے لگتا اور اس نے خود کو نقصان پہنچانا شروع کردیا اور دن میں چالیس سگریٹ تک پھونک دیتا، ساتھ ہی وہ غیرصحت بخش غذائیں بھی کھانے لگا تھا
اس کی وڈیو وائرل ہونے کے بعد حکومتی اداروں اور بحالی کے اسپتالوں نے بچے کے والدین سے رابطہ کیا اور اس کی مدد کی
طویل علاج کے بعد اس نے نہ صرف سگریٹ پینے کی عادت ترک کردی ہے،، بلکہ اب وہ کافی بہتر اور تندرست بھی نظر آتا ہے.
