نیب نے سابق وزیر اعظم نواز شریف کا شناختی کارڈ اور پاسپورٹ منسوخ کرنے کی سفارش کی ہے
تفصیلات کے مطابق قومی احتساب بیورو (نیب) کا سابق وزیر اعظم نواز شریف کے خلاف ایک اور بڑا اقدام سامنے آیا ہے، نیب راولپنڈی نے وزارت داخلہ سے نواز شریف کا پاسپورٹ اور شناختی کارڈ، منسوخی کی سفارش کردی ہے۔
اس ضمن میں نیب نے وزارت داخلہ کو خط بھی لکھا ہے، اور وزارت داخلہ نے نیب راولپنڈی کی جانب سے لکھا گیا خط موصول ہونے کی تصدیق کردی۔
ذرائع کے مطابق نیب کے خط میں مؤقف پیش کیا گیا ہے کہ عدالت سے نواز شریف کے وارنٹ گرفتاری جاری ہو چکے ہیں، اور ان کے اشتہاری قرار دینے کا عمل بھی شروع کردیا گیا ہے، لہٰذا نواز شریف کی سفری دستاویزات کو منسوخ کیا جائے اور ان کا پاسپورٹ اور شناختی کارڈ بلیک لسٹ میں شامل کیا جائے.
نیب نے وزارت داخلہ سے نواز شریف کو وطن واپس لانے کے لئے انٹرپول سے رابطہ کرنے کی بھی سفارش کی ہے
