سندھ مدرسہ بورڈ نے مستحق لیکن ہونہار طلباء کے لیے پانچ سالہ اسکالرشپ کا اعلان کیا ہے۔ اسکالرشپ میں ایس ایم بی قائداعظم پبلک اسکول، کراچی میں آٹھویں سے بارہویں جماعت تک کے پانچ سالہ اسٹڈی پروگرام کے لیے ٹیوشن فیس، کتابیں، ہاسٹل چارجز اور میس چارجز شامل ہیں
حکومت سندھ کے تعاون سے قائم ہونے والے سندھ مدرسہ بورڈ ایجوکیشنل انڈومنٹ فنڈ کے تحت دی جانے والی یہ پانچ سالہ اسکالرشپ ہر سال ساٹھ ایسے طلباء کو دی جائے گی، جو معیاری تعلیم کے خواہشمند ہیں اور جو اپنی اہلیت کے باوجود بہترین تعلیم کے متحمل نہیں ہو سکتے
اس پروگرام کے تحت ایس ایم بی کے قائد اعظم پبلک اسکول درسانو چھنو، ملیر میں ساٹھ طلباء و طالبات کو آٹھویں جماعت سے بارہویں جماعت (انٹرمیڈیٹ) تک تعلیم حاصل کرنے کا موقع فراہم کیا جائے گا۔ ان طلباء کے تمام تعلیمی اخراجات سندھ مدرسہ بورڈ ایجوکیشن انڈومنٹ فنڈ سے ادا کیے جائیں گے
ایس ایم بی اسکالرشپ پروگرام کی اہلیت کا معیار:
ایس ایم بی اسکالرشپ ان اہل طلباء کو دی جائے گی جنہوں نے اس وقت سندھ کے کسی بھی اسکول سے ساتویں جماعت پاس کی ہو۔اسکالرشپ آٹھویں سے بارہویں جماعت (انٹرمیڈیٹ) تک پڑھنے کے لیے دی جائے گی۔ درخواست دہندہ کا سندھ کا ڈومیسائل ہونا ضروری ہے اور 10 جولائی کو اس کی عمر 14 سال سے زیادہ نہ ہو۔
اسکالرشپ کے زمرے:
اسکول کی فیس اور تمام اخراجات بشمول کورس کی کتابوں کی فراہمی اور ہوسٹل کی رہائش بشمول کھانا (20 طلباء کے لیے)۔اسکول کی فیس، یونیفارم، کورس کی کتابیں اور ہوسٹل کی رہائش کی نصف لاگت (باقی نصف طلباء کو ادا کرنا ہوگا) (20 طلباء کے لیے) اسکول ٹیوشن فیس کورس کی کتابیں، یونیفارم کے اخراجات اور مفت ٹرانسپورٹ (یہ 20 نشستیں صرف طالبات کے لیے مخصوص ہیں)۔ اسکالرشپ کا 10% کھیلوں اور دیگر غیر نصابی سرگرمیوں میں ہونہار طلباء کے لیے مختص کیا گیا ہے
درخواست فارم ایوانِ تجارت، سندھ مدرسہ بلڈنگ کراچی یا ای میل: smb.khai.pk@gmail.com سے حاصل کیا جا سکتا ہے۔ اسی ایڈریس پر آن لائن درخواست بھی جمع کرائی جا سکتی ہے۔ درخواست جمع کرانے کی آخری تاریخ 10 جولائی 2023 ہے۔
