الیکشن کمیشن نے ضمنی انتخابات کے لیے 8 حلقوں کی ووٹرز لسٹوں کو اپ ڈیٹ کر دیا ہے
الیکشن کمیشن کے ایک اعلامیے کے مطابق ضمنی انتخابات کے لیےجن 8 حلقوں کی ووٹر لسٹوں کو اپ ڈیٹ کیا گیا ہے، ان حلقوں میں 16 لاکھ 27 ہزار ووٹر اپنا حق رائے دہی استعمال کریں گے
الیکشن کمیشن کی جانب سے فراہم کیے گئے اعداد و شمار کے مطابق ان میں 9 لاکھ 4 ہزار 885 مرد، جب کے 7 لاکھ 22 ہزار 542 خواتین ووٹرز ہیں
الیکشن کمیشن کی جاری کردہ لسٹوں کے مطابق تمام حلقوں کے ووٹرز 8300 پر ایس ایم ایس کر کے اپنے ووٹ کے اندارج اور اس کی تفصیلات کے بارے میں تصدیق کر سکتے ہیں
واضح رہے کہ پی ایس 52 عمر کوٹ میں پولنگ 18 جنوری کو ہوگی، پی ایس 43 سانگھڑ، پی ایس 88 ملیر اور پی بی 20 پشین میں پولنگ 16 فروری کو شیڈول ہے
الیکشن کمیشن کے مطابق این اے 45 کرم، این اے 75 سیالکوٹ ، پی پی 51 گوجرانوالہ، پی کے 63 نوشہرہ میں پولنگ 19 فروری کو ہوگی.
