ﮐﺮﺍﭼﯽ ﭨﺎﺭﮔﭧ ﮐﻠﻨﮓ، ایم کیو ایم ﻟﻨﺪﻥ ﮐﯽ ﺧﺎﺗﻮﻥ ﻟﯿﮉ ﮐﺮﺗﯽ ﮨﯿﮟ، ﺭﯾﻨﺠﺮﺯ

ﻣﺤﮑﻤﮧٔ ﺍﻧﺴﺪﺍﺩ ﺩﮨﺸﺖ ﮔﺮﺩﯼ ﺍﻭﺭ ﺳﻨﺪﮪ ﺭﯾﻨﺠﺮﺯ ﻧﮯ ﺍﯾﻢ ﮐﯿﻮ ﺍﯾﻢ ﻟﻨﺪﻥ ﮐﯽ ﺭﺍﺑﻄﮧ ﮐﻤﯿﭩﯽ ﮐﯽ ﺭﮐﻦ ﮐﮩﮑﺸﺎﮞ ﺣﯿﺪﺭ ﮐﯽ ﻣﺒﯿﻨﮧ ﭨﺎﺭﮔﭧ ﮐﻠﺮ ﺳﮯ ﮔﻔﺘﮕﻮ ﻣﯿﮉﯾﺎ ﮐﮯ ﺳﺎﻣﻨﮯ ﭘﯿﺶ کی ہے، جس میں ﺍﻣﺮﯾﮑﺎ ﻣﯿﮟ ﻣﻘﯿﻢ ﮐﮩﮑﺸﺎﮞ ﺣﯿﺪﺭ کو ﭨﺎﺭﮔﭧ ﮐﻠﻨﮓ ﮐﯽ ﻭﺍﺿﺢ ﮨﺪﺍﯾﺎﺕ ﺩیتے ہوئے سنا جا سکتا ہے

تفصیلات کے مطابق ﮈﯼ ﺍٓﺋﯽ ﺟﯽ ﺳﯽ ﭨﯽ ﮈﯼ ﻋﻤﺮ ﺷﺎﮨﺪ، ﺍﯾﺲ ﺍﯾﺲ ﭘﯽ ﻋﺎﺭﻑ ﻋﺰﯾﺰ ﺍﻭﺭ ﺳﻨﺪﮪ ﺭﯾﻨﺠﺮﺯ ﮐﮯ ﮐﺮﻧﻞ ﺷﺒﯿﺮ ﻧﮯ ﮐﺮﺍﭼﯽ ﻣﯿﮟ ﻣﺸﺘﺮﮐﮧ ﭘﺮﯾﺲ ﮐﺎﻧﻔﺮﻧﺲ ﻣﯿﮟ ﺑﺘﺎﯾﺎ ﮐﮧ ﺍﻣﺮﯾﮑﺎ ﻣﯿﮟ ﻣﻘﯿﻢ ﺍﯾﻢ ﮐﯿﻮ ﺍﯾﻢ ﻟﻨﺪﻥ ﮐﯽ ﮐﮩﮑﺸﺎﮞ ﺣﯿﺪﺭ ﮐﺮﺍﭼﯽ ﻣﯿﮟ ﭨﺎﺭﮔﭧ ﮐﻠﻨﮓ ﭨﯿﻢ ﮐﻮ ﺍﻥ ﮈﺍﺋﺮﯾﮑﭧ ﮨﯿﮉ ﮐﺮ ﺭﮨﯽ ﮨﯿﮟ

ﺳﻨﺪﮪ ﺭﯾﻨﺠﺮﺯ ﮐﮯ ﮐﺮﻧﻞ ﺷﺒﯿﺮ ﻧﮯ ﺑﺘﺎﯾﺎ ﮐﮧ ﮐﺮﺍﭼﯽ ﻣﯿﮟ ﭨﺎﺭﮔﭧ ﮐﻠﺮﺯ ﮐﺎﻡ ﮐﺮ ﺭﮨﮯ ﮨﯿﮟ، جن ﮐﻮ ﯾﮧ ﺧﺎﺗﻮﻥ ﻟﯿﮉ ﮐﺮ ﺭﮨﯽ ﮨﯿﮟ، ان کے مطابق ﮐﮩﮑﺸﺎﮞ ﺣﯿﺪﺭ ﭘﺮ ﭘﮩﻠﮯ ﮨﯽ ﺍﯾﮏ ﻣﻘﺪﻣﮧ ﺩﺭﺝ ﮨﮯ

ﮐﺮﻧﻞ ﺷﺒﯿﺮ ﻧﮯ ﺑﺘﺎﯾﺎ ﮐﮧ ﮐﮩﮑﺸﺎﮞ ﺣﯿﺪﺭ ﺑﯿﺮﻭﻥ ﻣﻠﮏ ﺑﯿﭩﮫ ﮐﺮ ﻣﻠﮏ ﻣﯿﮟ ﺍﻓﺮﺍﺗﻔﺮﯼ ﭘﮭﯿﻼﻧﮯ ﮐﯽ ﮐﻮﺷﺶ ﮐﺮ ﺭﮨﯽ ﮨﯿﮟ، ﮨﻤﯿﮟ ﺍٓﭘﺮﯾﺸﻦ ﻣﯿﮟ ﯾﮧ ﻣﻌﻠﻮﻡ ﮨﻮﺍ ﮐﮧ ﻭﺍﺭﺩﺍﺕ ﮨﻮﺗﯽ ﮨﮯ ﺍﻭﺭ ﺑﯿﻨﮏ ﻣﯿﮟ ﺭﻗﻢ ﻣﻨﺘﻘﻞ ﮨﻮﺗﯽ ﮨﮯ

ﺍﻧﮩﻮﮞ ﻧﮯ ﺑﺘﺎﯾﺎ ﮐﮧ ﺭﯾﻨﺠﺮﺯ ﻧﮯ ﺟﻦ ﮐﻮ ﮔﺮﻓﺘﺎﺭ ﮐﯿﺎ ﺗﮭﺎ ﺍﻥ ﮐﻮ ﻋﻤﺮ ﻗﯿﺪ ﮐﯽ ﺳﺰﺍ ﻣﻞ ﭼﮑﯽ ﮨﮯ، ﻭﮦ ﻟﻮﮒ ﺑﮭﯽ ﮐﮩﮑﺸﺎﮞ ﻧﺎﻣﯽ ﺧﺎﺗﻮﻥ ﮐﺎ ﻧﺎﻡ ﻟﮯ ﭼﮑﮯ ﺗﮭﮯ

ﻣﯿﮉﯾﺎ ﺑﺮﯾﻔﻨﮓ ﻣﯿﮟ ﮈﯼ ﺍٓﺋﯽ ﺟﯽ ﺳﯽ ﭨﯽ ﮈﯼ ﻋﻤﺮ ﺷﺎﮨﺪ ﻧﮯ ﺑﺘﺎﯾﺎ ﮐﮧ ﮐﺮﺍﭼﯽ ﮐﯽ ﭨﺎﺭﮔﭧ ﮐﻠﻨﮓ ﻣﯿﮟ ﺍﻣﺮﯾﮑﺎ ﻣﯿﮟ ﻣﻘﯿﻢ ﺍﯾﻢ ﮐﯿﻮ ﺍﯾﻢ ﻟﻨﺪﻥ ﮐﯽ ﮐﮩﮑﺸﺎﮞ ﺣﯿﺪﺭ ﻣﺮﮐﺰﯼ ﮐﺮﺩﺍﺭ ﻧﮑﻠﯽ ﮨﯿﮟ

ﻋﻤﺮ ﺷﺎﮨﺪ ﮐﺎ ﮐﮩﻨﺎ ﺗﮭﺎ ﮐﮧ ﺭﯾﻨﺠﺮﺯ ﺍﻭﺭ ﺳﯽ ﭨﯽ ﮈﯼ ﻧﮯ ﺍﯾﮏ ﻣﺸﺘﺮﮐﮧ ﺍٓﭘﺮﯾﺸﻦ ﮐﯿﺎ ﮨﮯ، 2017ع ﻣﯿﮟ ﺭﯾﻨﺠﺮﺯ ﻧﮯ ﺍﯾﻢ ﮐﯿﻮ ﺍﯾﻢ ﻟﻨﺪﻥ ﮐﯽ ﭨﺎﺭﮔﭧ ﮐﻠﺮﺯ ﮐﯽ ﭨﯿﻢ ﭘﮑﮍﯼ ﺗﮭﯽ، ﺍﯾﻢ ﮐﯿﻮ ﺍﯾﻢ ﻟﻨﺪﻥ ﮐﺎ ﮨﻤﯿﺸﮧ ﺳﮯ ﮐﺮﺍﭼﯽ ﻣﯿﮟ ﺩﮨﺸﺖ ﮔﺮﺩﯼ ﭘﮭﯿﻼﻧﮯ ﮐﺎ ﻣﻘﺼﺪ ﺭﮨﺎ ﮨﮯ

ﮈﯼ ﺍٓﺋﯽ ﺟﯽ ﺳﯽ ﭨﯽ ﮈﯼ ﻧﮯ ﺑﺘﺎﯾﺎ ﮐﮧ ﺍﯾﻢ ﮐﯿﻮ ﺍﯾﻢ ﻟﻨﺪﻥ ﮐﯽ ﮐﻮﺷﺶ ﺭﮨﺘﯽ ﮨﮯ ﮐﮧ ﮐﺮﺍﭼﯽ ﻣﯿﮟ ﺍﯾﮏ ﺑﺎﺭ ﭘﮭﺮ ﻗﺪﻡ ﺟﻤﺎﺋﮯ، ﭨﯿﻢ ﺟﺐ ﺟﯿﻞ ﮔﺌﯽ ﺗﻮ ﺍﻥ ﮐﯽ ﻣﻌﻠﻮﻣﺎﺕ ﭘﺮ ﺍﻧﭩﯿﻠﯽ ﺟﻨﺲ ﺍٓﭘﺮﯾﺸﻦ ﮐﯿﺎ ﺟﺎﺗﺎ ﺭﮨﺎ ﺍﻭﺭ ﯾﮧ ﺑﺎﺕ ﺳﺎﻣﻨﮯ ﺍٓﺋﯽ ﮐﮧ ﺍﻣﺮﯾﮑﺎ ﺳﮯ ﮐﮩﮑﺸﺎﮞ ﻧﺎﻣﯽ ﺧﺎﺗﻮﻥ ﺍﯾﮏ ﭨﯿﻢ ﮐﺮﺍﭼﯽ ﻣﯿﮟ ﭼﻼ ﺭﮨﯽ ﺗﮭﯽ

اس موقع پر ﻋﻤﺮ ﺷﺎﮨﺪ ﻧﮯ ﮐﮩﮑﺸﺎﮞ ﻧﺎﻣﯽ ﺧﺎﺗﻮﻥ ﮐﯽ ﮐﺎﻝ ﺭﯾﮑﺎﺭﮈﻧﮓ ﺑﮭﯽ ﻣﯿﮉﯾﺎ ﮐﮯ ﺳﺎﻣﻨﮯ ﭘﯿﺶ ﮐﯽ، ﺟﺲ ﻣﯿﮟ ﺧﺎﺗﻮﻥ ﭨﺎﺭﮔﭧ ﮐﻠﺮ ﺳﮯ ﮐﺎﻡ ﮐﮯ ﺑﺪﻟﮯ ﭘﯿﺴﻮﮞ ﮐﯽ ﺑﺎﺕ ﮐﺮ ﺭﮨﯽ ہے، ﮐﺎﻝ ﺭﯾﮑﺎﺭﮈﻧﮓ ﻣﯿﮟ ﺧﺎﺗﻮﻥ ﭨﺎﺭﮔﭧ ﮐﻠﺮ ﺳﮯ ﭨﺎﺭﮔﭧ ﮐﮯ ﺣﻮﺍﻟﮯ ﺳﮯ ﮔﻔﺘﮕﻮ ﮐﺮ ﺭﮨﯽ ہے

ﮐﺎﻝ ﺭﯾﮑﺎﺭﮈﻧﮓ ﻣﯿﮟ ﮐﮩﮑﺸﺎﮞ ﮐﯽ ﺟﺎﻧﺐ ﺳﮯ ﭨﺎﺭﮔﭧ ﮐﻮ ﺳﺮ ﭘﺮ ﮔﻮﻟﯽ ﻣﺎﺭﻧﮯ ﮐﯽ ﮨﺪﺍﯾﺖ ﺩﯼ ﮔﺌﯽ، ﭨﺎﺭﮔﭧ ﮐﻠﺮ ﮐﻮ ﻣﻮﭨﺮ ﺳﺎﺋﯿﮑﻞ ﮐﯽ ﻧﻤﺒﺮ ﭘﻠﯿﭧ ﺗﺒﺪﯾﻞ ﮐﺮﻧﮯ کا کہا گیا اور  ﻣﻨﮧ ﺍﻭﺭ ﮔﺮﺩﻥ ﭘﺮ ﭨﺎﺭﮔﭧ ﮐﺮﻧﮯ ﮐﯽ ﮨﺪﺍﯾﺖ ﮐﯽ ﮔﺌﯽ

ﻋﻤﺮ ﺷﺎﮨﺪ ﻧﮯ ﮐﮩﺎ ﮐﮧ ﭨﯿﺮﺭ ﻓﻨﺎﺳﻨﮓ ﮐﮯ ﺣﻮﺍﻟﮯ ﺳﮯ ﺍﺏ ﻣﻀﺒﻮﻁ ﺷﻮﺍﮨﺪ ﻣﻠﮯ ﮨﯿﮟ، ﺍﺏ ﺍﻥ ﮐﮯ ﺧﻼﻑ ﻗﺎﻧﻮﻧﯽ ﮐﺎﺭﺭﻭﺍﺋﯽ ﻧﺘﯿﺠﮧ ﺧﯿﺰ ﺛﺎﺑﺖ ﮨﻮ ﺳﮑﺘﯽ ﮨﮯ. ﮨﻤﯿﮟ ﺍﺱ ﺑﺎﺭ ﺑﯿﻨﮑﻨﮓ ﭨﺮﺍﻧﺴﯿﮑﺸﻦ ﮐﮯ ﺣﻮﺍﻟﮯ ﺳﮯ ﺑﮭﯽ ﺷﻮﺍﮨﺪ ﻣﻠﮯ ﮨﯿﮟ.