ﻣﻌﻤﻮﻝ ﺳﮯ ﺯﯾﺎﺩﮦ ﺑﺎﺭﺷﻮﮞ اور حب ندی میں مسلسل طغیانی کے باعث ﺣﺐ ﮈﯾﻢ کو نقصان پہنچنے کا ﺧﻄﺮﮦ ﺳﺮ ﺍﭨﮭﺎﻧﮯ ﻟﮕﺎ ہے
ﺗﻔﺼﯿﻼﺕ ﮐﮯ ﻣﻄﺎﺑﻖ اس سال ﻣﻮﻥ ﺳﻮﻥ ﺳﯿﺰﻥ ﻣﯿﮟ معمول ﺳﮯ ﺯﯾﺎﺩﮦ ﺑﺎﺭﺷﯿﮟ ہوئی ہیں اور مزید بارشوں کا امکان اب بھی موجود ہے، جس کی وجہ سے ﻭﺍﭘﮉﺍ ﺣﮑﺎﻡ ﻧﮯ ﺧﺒﺮﺩﺍﺭ ﮐﯿﺎ ﮨﮯ ﮐﮧ ﺣﺐ ﮈﯾﻢ ﺍﭘﻨﯽ ﮔﻨﺠﺎﺋﺶ ﺗﮏ ﺑﮭﺮ ﭼﮑﺎ ﮨﮯ ﺟﺲ ﮐﯽ ﻭﺟﮧ ﺳﮯ ﮈﯾﻢ ﮐﺴﯽ ﺑﮭﯽ ﻭﻗﺖ ﭨﻮﭦ ﺳﮑﺘﺎ ہے
حکام کے مطابق ﺍﯾﮏ ﻃﻮﯾﻞ ﻋﺮﺻﮧ ﮔﺰﺭﻧﮯ ﮐﮯ ﺑﺎﻭﺟﻮﺩ ڈیم کی ﻣﺮﻣﺖ ﻧﮩﯿﮟ ﮐﯽ ﮔﺌﯽ، جس کے باعث ڈیم ﮐﯽ ﺩﯾﻮﺍﺭﯾﮟ ﮐﻤﺰﻭﺭ ﮨﻮﭼﮑﯽ ﮨﯿﮟ.
واضح رہے ﻭﺳﯿﻊ ﺭﻗﺒﮯ ﭘﺮ ﭘﮭﯿﻼ ﮨﻮﺍ حب ﮈﯾﻢ ﺣﺐ ﮐﮯ ﻋﻼﻗﮯ ﮐﯽ ﭘﺎﻧﯽ ﮐﯽ ﺿﺮﻭﺭﺕ ﮐﻮ ﭘﻮﺭﺍ ﮐﺮﺗﺎ ﮨﮯ جب کہ ﮐﺮﺍﭼﯽ ﮐﯽ بیس ﻓﯿﺼﺪ ﭘﺎﻧﯽ ﮐﯽ ﺿﺮﻭﺭﺕ ﺑﮭﯽ ﺍﺳﯽ ﮈﯾﻢ ﺳﮯ ﭘﻮﺭﯼ ہوتی ﮨﮯ
ﭼﯿﻒ ﺍﻧﺠﯿﻨﺌﺮ ﻭﺍﭘﮉﺍ ﻣﺤﻤﺪ ﺍﺣﺘﺸﺎﻡ ﺍﻟﺤﻖ ﻧﮯ ﺍﺱ ﺣﻮﺍﻟﮯ ﺳﮯ ﺑﺘﺎﯾﺎ ﮨﮯ ﮐﮧ ﮈﯾﻢ ﺍﺱ ﻭﻗﺖ ﺍﭘﻨﯽ ﮔﻨﺠﺎﺋﺲ ﮐﮯ ﻣﻄﺎﺑﻖ ﭘﻮﺭﯼ ﻃﺮﺡ ﺑﮭﺮ ﭼﮑﺎ ﮨﮯ. ﺍﺱ ﭘﺎﻧﯽ ﺳﮯ ﮐﺮﺍﭼﯽ ﺍﻭﺭ ﺣﺐ ﮐﮯ ﻋﻼﻗﮯ ﮐﯽ 3 ﺳﺎﻝ ﺗﮏ ﭘﺎﻧﯽ ﮐﯽ ﺿﺮﻭﺭﯾﺎﺕ ﮐﻮ ﭘﻮﺭﺍ ﮐﯿﺎ ﺟﺎ ﺳﮑﺘﺎ ﮨﮯ ﻟﯿﮑﻦ ﭼﻮﻧﮑﮧ ﮐﺌﯽ ﺑﺮﺱ ﮔﺰﺭ ﭼﮑﮯ ﮨﯿﮟ ﮐﮧ ﮈﯾﻢ ﮐﯽ ﻣﺮﻣﺖ ﮐﺎ ﮐﺎﻡ ﻧﮩﯿﮟ ﮐﯿﺎ ﮔﯿﺎ ﺍﺱ ﮐﯽ ﻭﺟﮧ ﺳﮯ ﺧﺪﺷﮧ ﯾﮧ ﺑﮭﯽ ﮨﮯ ﮐﮧ ﮐﮩﯿﮟ ﯾﮧ ﮈﯾﻢ ٹوﭦ ﻧﮧ ﺟﺎﺋﮯ ﮐﯿﻮﻧﮑﮧ ﺍﺱ ﻣﯿﮟ ﻣﺰﯾﺪ ﭘﺎﻧﯽ ﮐﯽ ﮔﻨﺠﺎﺋﺶ ﮨﯽ ﻣﻮﺟﻮﺩ ﻧﮩﯿﮟ ﮨﮯ ﯾﮧ ﭘﻮﺭﯼ ﻃﺮﺡ ﺳﮯ ﺑﮭﺮﺍ ﮨﻮﺍ ﮨﮯ ﺟﻮ ﮐﺌﯽ ﺳﺎﻟﻮﮞ ﺑﻌﺪ ﮨﻮﺍ ﮨﮯ
ﺍﻧﮩﻮﮞ ﻧﮯ ﺑﺘﺎﯾﺎ ﮐﮧ ﺣﺐ ﮈﯾﻢ ﭘﺮ 1.4 ﻣﯿﮕﺎﻭﺍﭦ ﺑﺠﻠﯽ ﺑﻨﺎﻧﮯ ﮐﺎ ﻣﻨﺼﻮﺑﮧ ﮨﮯ ﻟﯿﮑﻦ ﺍﭨﮭﺎﺭﮨﻮﯾﮟ ﺗﺮﻣﯿﻢ ﮐﮯ ﺑﻌﺪ ﺳﮯ ﺍﺱ ﻣﻨﺼﻮﺑﮯ ﮐﻮ ﭘﺎﯾﮧ ﺗﮑﻤﯿﻞ ﺗﮏ ﭘﮩﻨﭽﺎﻧﮯ ﻣﯿﮟ ﮐﺌﯽ ﻗﺴﻢ ﮐﯽ ﺭﮐﺎﻭﭨﯿﮟ ﺳﺎﻣﻨﮯ ﺁ ﺭﮨﯽ ﮨﯿﮟ ،ﺟﺒﮑﮧ ﺻﺮﻑ 40 ﮐﺮﻭﮌ ﺭﻭﭘﮯ ﮐﺎ ﯾﮧ ﻣﻨﺼﻮﺑﮧ ﺣﮑﻮﻣﺘﻮﮞ ﮐﯽ ﺗﺮﺟﯿﺤﺎﺕ ﻣﯿﮟ ﺷﺎﻣﻞ ﻧﻈﺮ ﻧﮩﯿﮟ ﺁﺗﺎ.
