اسلام آباد: ٹک ٹاک کو بلاک اور ان بلاک کرنے کی آنکھ مچولی ہنوز جاری ہے. پاکستان ٹیلی کمیونی کیشن اتھارٹی نے سوشل میڈیا ایپ ٹک ٹاک کو ایک مرتبہ پھر بلاک کردیا ہے
پی ٹی اے نے ٹک ٹاک کو بلاک کرنے کے حوالے سے باضابطہ طور پر نوٹیفکیشن جاری کردیا ہے، جس میں کہا گیا ہے کہ پریوینشن آف الیکٹرانک کرائمز ایکٹ 2016ع کی متعلقہ دفعات کی روشنی میں پی ٹی اے نے ملک بھر میں ٹِک ٹاک ایپ اور ویب سائٹ تک رسائی کو بلاک کردیا ہے
نوٹیفکیشن میں مزید کہا گیا ہے کہ ٹک ٹاک کو بلاک کرنے کی کارروائی اس پلیٹ فارم پر نامناسب مواد کی مستقل موجودگی اور پلیٹ فارم انتظامیہ کی جانب سے ایسے مواد کو روکنے میں ناکامی کی وجہ سے کی گئی ہے
واضح رہے کہ اس سے قبل عدالتوں کی جانب سے بھی ٹک ٹاک پر پابندی عائد کرنے اور پابندی اٹھانے کے احکامات آتے رہے ہیں۔
