طالبان نے حامد کرزئی ایئرپورٹ کا نام تبدیل کر دیا

کابل : طالبان نے افغانستان کے دارالحکومت کابل میں واقع حامد کرزئی ایئرپورٹ کا نام تبدیل کرکے کابل انٹرنیشنل ایئرپورٹ رکھ دیا

طالبان حکام نے افغانستان کے دارالحکومت کابل میں واقع حامد کرزئی ایئرپورٹ کے باہر لگے بورڈز کو ہٹا کر وہاں کابل انٹرنیشنل ایئرپورٹ کا بورڈ لگا دیا ہے

جب کہ ٹرمینل پر طالبان کے متعدد جھنڈے لگائے گئے ہیں، جن پر ”امارت اسلامی دنیا بھر سے پرامن اور اچھے تعلقات کی خواہاں ہے۔“ کی عبارت درج ہے

افغانستان کی قومی ایئرلائن کے صدر قاری رحمت اللّٰہ نے کہا ہے کہ اگلے ہفتے سے بین الاقوامی پروازوں کی بحالی کی تیاری کر رہے ہیں

افغانستان کی آریانا قومی ایئرلائن کے صدر نے ترک میڈیا سے گفتگو کرتے ہوئے کہا کہ کابل اور نئی دلی کے درمیان پروازوں کی بحالی پر ابھی بات چیت جاری ہے

انہوں نے مزید کہا کہ کابل اور نئی دلی کے درمیان پروازیں دو تین دن میں شروع ہونے کاامکان ہے

قاری رحمت اللّٰہ نے مزید بتایا کہ بھارت کے بعد ترکی، سعودی عرب اور متحدہ عرب امارات کے لیے پروازیں شروع کرنے کا ارادہ ہے

انہوں نے کہا کہ قطر اور ترکی کی ٹیموں نے فلائٹ آپریشن دوبارہ شروع کرنے کے قابل بنایا.

یہ بھی پڑھئیے:

• طالبان کے مجھے حراست میں لینے کی بھارتی خبر جھوٹی ہے: عبداللّٰہ عبداللّٰہ

• جوبائیڈن اور چینی صدر کےدرمیان ٹیلی فونک رابطہ

• چین کی طالبان حکومت کو 3 کروڑ 10 لاکھ ڈالر امداد کی پیشکش

• وعدے پورے کریں تو طالبان حکومت کے ساتھ کام کرنے کو تیار ہے، امریکا

• اب چین کے ساتھ مل کر افغانستان کی معاشی خوشحالی کی جنگ لڑیں گے، طالبان

• چین اور ایران کا افغانستان میں مل کر کام کرنے پر اتفاق

• پاکستان، ایران، چین، روس طالبان سے معاہدے پر کام کر رہے ہیں : امریکی صدر